RUD燒肉 (長發廣場)

RUD 燒肉為日本一人燒肉體驗，主打日式一人無煙燒肉。食物款式繁多：有鹿兒島A4黑毛和牛、美國安格斯肉眼扒、牛胸腹、牛小排、牛舌、豚腩肉及雞髀肉等，食材優質，份量十足。另備有多款秘製醬汁，自行配搭選擇，令燒肉的口感更香嫩惹味！🧋飲品方面：多款特式梳打及冷泡茶，如玫瑰荔枝冷泡茶、白桃烏龍冷泡茶及青蘋果檸檬梳打等，為香口美味的燒肉帶來解膩的清新口感。餐廳有不同套餐，不同時段價格不一，午市優惠更抵，但整體都抵食，性價比高…查看更多

在RUD燒肉享用了兩個下午茶餐，價錢實惠。首先是香蔥極品玉子飯（＄38+＄10），肉醬佈滿飯面，生蛋新鮮橙黃，拌飯一流。而雞腿肉（＄36+＄10）定食則肉質鮮嫩。兩款定食都配有湯、沙津和冷泡茶，整體搭配非常貼心。冷泡茶我選擇了白桃烏龍和玫瑰荔枝，茶香怡人，清爽解膩。此外，加10蚊即可多享100g 牛胸腹，非常划算。醬汁方面，有柚子蒜蓉汁、辛辣檸檬薑汁和燒肉汁，每款醬汁都別具特色，為食物增添了不同層次的風味。柚子蒜蓉汁清新爽口，辛辣檸檬薑汁帶有辛辣刺激，燒肉汁則醇厚濃郁。…查看更多

天氣陰陰寒咁，去開個爐食燒肉暖暖先。RUD燒肉環境開揚，枱與枱之間有足夠空間。下午茶時間豚、牛、雞樣樣有，每份餐包括日式海苔味噌湯、珍珠飯、椰菜絲、飲品。另加$10可以加追100g肉、不論豚、雞、牛均可。一人一爐又得，二人一爐又得。叫咗豚腩肉定食配日本玄米冷泡茶，$10加追100g牛胸腹，每份各有6片，肉質尚可，有口感，醮上柚子汁大大提升味道。有時想食吓燒肉，過口癮，這裡真係抵食之選，仲要唔使加一呀！…查看更多

這是一間性價比高的燒肉店。可充值$500開會員卡，內付五張$100現金券，還可以送飲品。 考慮到我們一餐也吃200多元，而且預付卡可以抵銷使費，還有很多迎新禮物。最後我們也開了一張。自助落單，機械人送餐，職員也會幫忙從機械人身上把餐拿到食客枱面，基本上也不用自己動手。星期一至星期五都有優惠套餐，星期三的套餐我們點了頗高質的燒肉，配以三款醬汁調味，都可滿足飽腹之欲。…查看更多

叫咗兩個燒肉定食，另外加配一款嘢食。・200g 牛小排 + 牛胸腹（$126）・200g 美國黑安格斯牛頸脊 + 牛胸腹（$118）・100g 厚切牛舌心（$58）定食有沙律、麵豉湯、白飯。牛小排：最有肉味，唔多肥膏，可以一試。美國黑安格斯牛頸脊：有肉味，有啲肥膏，可以一試。牛胸腹：普通，幾多肥膏，可以不試。厚切牛舌心：厚切，但唔大片，爽口彈牙唔韌，值得再吃。桌上提供三款醬汁（柚子蒜蓉汁、辛辣檸檬薑汁、燒肉汁），海鹽，黑胡椒，適量點可提升味道。PS：自己 scan QR code 落單。送餐係用自動車。但食物都係有人送上枱。沒有加一服務費。…查看更多

上次黎開青衣見到有間燒肉就入去試吓都算幾多選擇 我哋揀左燒肉拼盤盛合同牛之盛合一個餐包左肉，飯，湯，沙律，而肉都有兩個份量可以選擇，因為我哋帶埋小朋友去，就叫左大份 都好夠食不過啲豬肉就有啲肥，所以建議食牛+雞就可以啦，仲有3款唔同醬汁，都幾好食，呢個價錢黎講都算唔錯！…查看更多

星期六唔知食乜好，就同屋企人嚟到呢一間位於青衣嘅長發廣場，一齊食燒肉。佢最平嗰個餐係$48嘅腩肉套餐， 100 gram肉都夠我食。😀 進加叫多幾份100gsm牛肉都已經食到好飽 。個場好大，基本唔需要等位，就可以即刻入去。餐桌上還有三款不同的調味料，有蒜蓉汁，檸檬薑汁，和燒肉汁。而且還有海鹽和黑胡椒可作調味。 前菜分別有麵豉湯，沙律菜。飯類可以選擇白飯（有少少芝麻係面頭，紫菜飯，或者紫菜飯加蛋。 加加埋埋人均都差不多百零蚊，非常之抵食！ 。…查看更多

今天我和家人一起到RUD燒肉吃燒肉。他有少少油膩，有陣時會好大火，容易變窿。但是他們的牛舌，很好吃最好的東西是，有sald和湯還有你可以選的紫菜飯或生蛋紫菜飯，不妨大家來試試。…查看更多

女子組好耐無人齊外出午飯，今日難得人齊，但男子組卻少了一人，唔緊要無阻大家想食燒肉的興致。掃描QR code落單，版面好似唔同咗，原來出咗新款式，如🐤雞松板、厚切牛舌芯。大家想知雞松板是什麼部位🤔於是乎直接問服務員，迷底解開，原來是🐤頸肉。正呀，之前係牛角食過，好爽脆既肉。唔知呢問味道如何🤔一於落單。好快機器人送餐來，服務員幫忙上菜，有湯、飯、沙律另加澳洲直送果汁+$18，同事加冷泡茶$12加配豬腩肉及新出既厚切牛舌芯😎借同事個火爐拍照砌靚靚影張合照，上面四粒牛舌芯要耐心燒，唔熟會好韌；右邊是雞松板，夠爽脆；左邊是同事給我試既豬梅肉，夠冧…查看更多

前排見到長發廣場開咗一間新的燒肉店，發現它都有很多分店，咁啱經過就諗住去試吓；他們這樣的價錢也不會對他們有太大期望，不過可能係因為冇期待就冇失望，所以食完整體感覺都唔錯可以選擇的款式也不少，有牛、豬、雞 ，適合不同人士而且還有低卡選擇，適合健身人士而調味料也有很多選擇，不過個人覺得就咁食已經好夠味，不用再額外調味200g 牛胸腹Karubi牛肉片 $98 推薦指數🗯️：🌟🌟🌟其實200g肉是有兩碟的（有一碟我放在旁邊忘記一起拍照）份量都幾多，而且融雪做得不錯，不會仲好冰的時候就給你，牛胸腹食落油脂都不錯，燒完出來會有一層油係表面，而且肉味濃；牛肉片就比較難燒，容易黐住網，而且食落普通360g 燒肉拼盤 $116（白飯升級野菜絲+$10）推薦指數🗯️：🌟🌟🌟因為個人食燒肉就不太想食飯，所以就加錢轉左野菜絲，份量超級多（最終我是食不完野菜絲🫣）個人覺得三款肉之中，豚肉食落最普通，食落會有少少雪藏味，而且也比較老牛肉同樣是牛胸腹，食落同樣油脂分布平均，有油香之外，仲食到肉味，正雞肉方面，他們用的是雞腿肉，食落很嫩滑彈牙，而且去皮之後的卡路里其實和雞胸差不多，非常適合減脂人士追加牛油本菇 $12 推薦指數🗯️：🌟🌟🌟因為覺得欠些蔬菜的關係，所以額外加了一份本菇，分量都很多，不過燒到差唔多嘅時候記得要撈勻，不然最表面的菇吸收不了牛油，那就不好吃（後）白桃烏龍冷泡茶 $12 推薦指數🗯️：🌟🌟🌟味道偏淡，不過白桃味比烏龍味重，而且要等一段時間茶包先會出味（前）Noah's Apple Banana (蘋果，香蕉，荔枝，芒果）$18 推薦指數🗯️：🌟🌟🌟飲落味道偏甜，芒果味最突出，整體飲落都不錯，不過份量就有啲少以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。…查看更多

[青衣- 平價套餐燒肉] 新開又見唔多人就入去試下~🔹牛胸腹牛舌定食200g🔹 好豐富，牛其實有兩層~有湯又有沙律~牛胸睇落有少少肥，但燒完就算油膩~牛脷好大塊同薄切，咁嘅價錢都算係ok~下次叫100g都夠食~🔹紫菜玉子飯🔹加左$10 upgrade~但有啲失望，無X角飯，同月見飯咁好飯…啲醬汁唔夠冶味…🔹洛神花白桃乳酸梳打🔹加左$22打卡~酸酸甜甜，都幾好飲~🔹醬汁🔹味道都幾新穎，但最新穎係枝黑椒/鹽㩒㩒筆~…查看更多

見長發新開咁耐，父親節今日走去試一試。今晚最大感受既係門口個阿姐，我以為返咗大陸，啲廣東話我一句都聽唔明，工作態度又hea又慢淨係嗌人入去，入座後好在入面啲侍應哥仔都正常啲。食物沒有什麼驚喜，幾廿蚊有碟肉有個飯有個味噌湯，不過不失！夜晚個場又熱又煙，真係搞唔掂重點夜晚未食個爐已經覺得污糟，快子匙羹油淋淋到呢...唔怪得枱櫃通擺咁多乾濕紙巾啦！成間鋪得個兩個男人係講純正廣東話，要追單問野一定要搵兩個男既侍應，其他個啲完全幫唔到忙。最後門口個阿姐未夠鐘就係咁催人交枱，呢間燒肉食個快飯可以既，想坐耐啲就唔好諗啦…查看更多

有3款醬汁、鹽及胡椒，燒肉汁微甜最夾燒肉，蒜蓉汁咸咸地帶蒜香，好惹味。檸檬薑汁麻麻地，配雞肉會夾d牛胸腹300g $98份量好夠，食到好滿足。牛肉唔太薄，肉味重，燒完油光閃閃又香，必轉紫菜飯，配燒肉一流，味噌湯味道偏淡，不過沙律幾清新開胃。牛之盛合 300g $158有牛小排、牛胸腹、牛肉片。牛小排最靚最貴，雪花紋靚，入口牛脂牛。牛肉片最肥最有咬口，但太油膩，食牛胸腹更好。青蘋果檸檬梳打，清香爽甜，青蘋果味香，食完燒肉解膩又冰涼。熱情果菠蘿梳打，酸甜消膩，果味好香，夠凍夠爽口。…查看更多