RUD燒肉 (蘇豪東B期)

營業中

休息中

這家連鎖烤肉店在SOHO區開了不久，剛好經過試一試。看來價錢都是比較大眾化，既然他們標榜和牛所以就試了他們最高級的北海道十勝和牛，午市收$248。這裏環境不錯，雖然坐得有點逼夾，但還算可以，地方並不油煙。這個和牛吃下去已經是頗為油膩了，份量不多。所以下次去光顧我會選擇兩種不同牛肉，相信價錢也差不多吧，也應該會比較飽一點，同埋沒有那麼油膩。和牛味道是可以的，牛味十足，紫菜湯也不錯。和牛加上黑椒提高鮮味，醬汁我覺得傳統的燒烤醬會比較好，蒜蓉醬也可以。服務就是一般了，只是入來帶你位置和自己出去埋單，沒有什麼服務可言。以這個價錢我覺得可以一吃。

首次光顧，下午茶時間，$50唔洗一個餐，包沙律🥗，麵豉湯，一份肉，一大碗飯🍚，飲品仲可以叫支裝可樂，真心覺得算係咁啦，食到飽飽！叫咗兩個餐，分別係一碟「牛胸腹」，同埋一碟「雞腿肉」。咁嘅價錢都唔會話要求好高質嘅肉，但都真係覺得OK。牛唔係薄薄一片，薄到好似透明嗰啲咁，都有啲厚度，有5塊，食落去都有牛肉味。至於雞都ok，都有成五六件。地方都算整齊，乾淨，張枱唔會話油淋淋，至於服務方面係OK嘅，有招呼。

第一次發現呢間店係喺九龍灣淘大，係放午飯既時間，想搵平民啲既餐廳經過見到。有時會想一個人安靜食午飯，比個腦休息下。其中被吸引既原因，係餐廳既setting，有一人座位，裝飾又比較有色彩輕鬆啲。食物方面，我喜歡可以揀自己燒肉或者揀熟食。燒肉既話，我會先揀每日做咩優惠/推介，相比起，分量多少少，價錢平少少。不過，還是覺得揀白飯時唔好慳錢，要加配紫菜，配起燒肉入口會好食好多。另外，留意座位上有三種醬汁揀，睇下配邊種好食啲。

都明白餐廳高峰時黎人多等位正常，咁啱黎到好彩只有3人喺入口等緊枱，諗住攞完飛喺旁邊等等，但門口實在太細，遇到分別有人出入同埋單，理應轉身避開讓人，而門外寒風太大，諗住唔洗出去吹咪行入只係兩步，點知企門口職員大聲喝住我同屋企人，叫我地撳飛，我地要解釋成個過程先繼續做野，一句sorry都無講聲，態度好差，一間偽日式餐廳扮返少少禮貌都唔識。之後等到有位，職員再問我地，需唔需要一人一爐（一字排開坐）定等等執埋有4人枱，我即刻喺佢講完一字排開枱時回應「唔需要」，然後佢就帶我地去前者嘅一人一爐枱，真係唔明白有幾難明，真心無下次。

跟朋友來到西灣河，未夠7點店內還有少量空位，於是試一試呢間日式一人燒肉。肉類以呢個價錢來講係非常唔錯，唔會好似一D燒肉放題俾埋D未解凍的肉(一燒會出晒血水好恐怖)。有沙律前菜, 紫菜飯, 仲有湯。一個人食呢個set係夠晒飽，過足燒肉癮。另外要講既係店員服務好親切，好有熱誠去介紹食物，我地食完又會來寒暄幾句，依家香港好少有呢D服務同埋親切感。如果我係住附近，一定會成日來。

平日返工下午茶一個人去餐廳去食，冇乜人，需要自己落order，也可以叫職員幫你落的。環境方面，都係一人一爐的格局，而且有夾等有齊燒烤用的器具，爐的火力可以自己調較控制，自己一邊食飯、一邊燒烤。上菜速度都好快，$48一個下午茶連一份牛肉燒烤，質素不錯，燒烤好的牛肉最好配一口白飯，吸收牛肉煮油香，整個下午茶有沙律，飯，一枝自家製茶和麵鼓湯，沙律都夠新鮮的，是椰菜沙律。總之唔駛花一日蚊就可以滿足食燒肉的小小願望。

cp 值挺高的燒肉店，lunch set星期1到5由78到98蚊不等，有湯有飯有沙律仲有兩碟肉，作為男人都很夠食。肉質不算差但絕對對得起個價錢。lunch人比較多但服務員也很有禮貌也細心幫你開火。晚市雖然只有單點但其實整體也不算很貴，而且做左會員卡500蚊張但也會給你5張$100 coupon外仲有3杯飲品送，仲有1張85折卷拿來晚市用就最好不過了。餐廳位置方面門口都有錶位泊車。而且比起同一條街既餐廳來說算是極之不錯。最好食係星期5 lunch set西班牙豬，其次係星期2果個5花牛，最後就是星期一3盤肉78蚊最抵食，另外還有一點就是沒有加一服務費這一點我很欣賞。

一進入店內就見到店員親切的笑容，十分熱情。點了一個日式鰻魚飯套餐，食物也很精緻，味道不錯。因為我是一個人用餐，枱上有隔板，令我有私人空間。可能因為分店近海關系，環境舒適，會再幫襯。

幫襯過兩次呢間店舖，食物質素好，而且套餐份量ok，最鍾意佢個燒魷魚同燒大蝦，價錢實惠，C P值高！店員服務態度好，尤其有個姓黃嘅部長好細心同有禮貌，下次會再去👍👍

行經鯉景灣，見到一間新開日式燒肉，便一試。服務員態度麻麻，食品一般，冇特色，種類也不算多。還要(晚市)限時60分鐘。午市限時60分都算正常，我諗香港冇一間晚市得60分鐘食晚飯。呢間係唯一表表者

同一家人諗住去食飯，入到去同個男職員講4位，佢話：「四位要等一等」。咁我哋就聽佢指示喺度等。但係之後發現比我們更遲來到的人已被安排入座。所以就向另外一個女職員（店長）問吓仲需要等幾耐。但佢竟然話我們冇攞飛，不能安排入座。我即刻話係嗰位男職員叫我哋等，冇叫我們要取票，我們只按他指示等。但她堅持有票才能入座。之後同個男職員對質，佢竟然話：「喺啊，係要有飛先至可以入座」。我反問他點解當時佢唔叫我攞飛，而是叫我等？他一副不屑的態度回答我：「我點知你有冇票啫！」。然而，當時身為店長的那位職員亦冷處理問題，冇嘗試去了解和處理事件，只是一再強調「有票才入得」，當我話要投訴嗰個男職員時，店長更表示唔知道有咩投訴渠道。我都知有時候溝通上面難免出現一些誤會。但當天最嬲嘅係佢哋嘅態度，職員喺接待顧客時，沒有清楚指示顧客要如何入座，甚至給予錯誤指示。之後竟然怪責顧客自己沒有取票！客人到店時，如果還未滿座，就直接帶領入座；如果滿座就請客人取一張票，這樣的程序有這麼難嗎？既然客人都在你面前詢問，而入座的規則是要先取票的話，又為何不先確認客人有沒有已經取票？而兩位職員沒有積極去了解和處理，由頭到尾的態度像是「這是你

Pro: 價錢vs.肉嘅quality，都可以話抵食牛豬雞combo都算抵食呢個區嘅晚餐，都算係平價加錢要紫菜，份量都唔係算少海旁之前仲有間燒肉，但係都好似執咗Con: 限時1小時嘅晚餐, 食得超級趕真係要不停咁燒不停咁食先至係限時內食得晒 omg淨係識講普通話嘅服務員 講嘢超級大聲，同埋會assume你一定識講普通話有面對面嘅枱都唔俾你，兩個人一定要坐面壁嘅位置只可以話喺呢區裏面想食燒肉，快手食個飯都可以考慮。

店家装修奇趣，负评不少，激发好奇，挑个下午茶时间，地广人稀，黑毛和牛烧油脂丰富，觉得肉质一般价格公道的食客应该去试试北海道黑毛和牛，明火烧鲍鱼，小甜薯质素都很不错

對於RUD 燒肉效率及服務極之失望午市時間 12點下單了一個親子丼 20分鐘 三吹四請仲未上到問職員話整緊整緊 整到聽到廚房話：「而加開始煮」下單20分鐘先開始煮 請問咩效率 ？！？！會唔會離曬譜 ？？？？人地午飯時間有限 仲要等你咁耐？就算唔係午市 落單咁耐先煮 間餐廳十分有問題？再有問題係 職員侍應唔識講廣東話 但係日本餐廳？！ 你做客人呢 竟然要就返個侍應講返佢聽得明既語言啊 唔講以為我去緊高級酒店食lunch 要用英文落單～一間日式餐廳 你話淨識日文就話姐 日文又唔識 又唔識英文 又唔識廣東話 但服務對象是香港人 又不是景點地區

首先佢真係好平，但我唔會用抵食去形容佢繁忙時間60分鐘要食哂，如果兩個人並用一爐燒雞應該就會超時間餐廳係全自助式服務，點餐，水同餐具都係自己拎，店員會用普通話大聲溝通，係我不曾喺燒肉店感受過嘅氣氛。我叫咗牛小排，牛腹胸（200g)同豚雞盛合（280g) set，佢全部都包飯、湯同沙律。個沙律就係好乾嘅椰菜絲加少量嘅芝麻醬，點撈都係會乾。個湯就係嗰種好普通嘅味。牛嘅肥瘦都好分明，肥嘅比例偏多，油花分佈好差，講真賣相就好一般，食落⋯都好一般，亦無咩牛味。反而啲雞好滑值得一讚，啲豬偏肥但可接受。佢午/晚市幾乎同價，午市around 100蚊一個人我會寧願加多啲錢食牛角，晚市就叫做可以勉強一食。