Ruby Tuesday (海之戀商場)

營業中

休息中

週末、假日沒有了Set Brunch😕！幸好有All day Breakfast 🍳 供應！也不錯，有我最愛的露比炸薯🥔粒和班尼廸克蛋😋但班尼廸克蛋，還是配牛油果🥑好吃些，所以寧可加$25，著廚房換上🥑⋯⋯煙三文魚放邊吧😆如果炸薯塊或薯粒可放入餐牌，做自選小吃就好了🤨

先講食物，牛扒超級韌同柴，三份一係筋，牛扒可免則免。比目魚係嚡熠熠，唔好食，用嘅食材同價錢不成正比。份量一般，可慎重。其次服務，收加一服務費，最基本的水，你唔開口唔會主動給你。另外，有位黑色衫，戴眼鏡，黃色頭髮既經理要求出示會員同時需要核對客人身份證來驗證是否會員身份(第一次遇見)，十分之反感。非會員6人用餐埋單3000（未加一)，然後hard sell 入會，入會打半價，注意：入會員費是$1500。為期只有兩年時效。 餐廳玩會員制度，可以明白，但員工服務態度欠佳是關鍵。 再食都唔會黎呢間分店🤫

今日約咗幾個朋友出嚟聚會，全部都一家大細帶埋小朋友出嚟，好熱鬧！喺荃灣西玩完食lunch，有9個大人3個小朋友，最煩諗邊度食飯好，又要環境夠闊落、又要有bb櫈。見到Ruby Tuesday無乜人，餐廳又夠大，又kids-friendly，就食呢間啦。.好欣賞餐廳除咗提供bb櫈、bb餐具，仲有蠟筆同好大張畫紙俾小朋友；而叫kids meal 仲可以玩扭蛋機！小朋友好開心😁.3個小朋友都食 kids meal，有番茄醬腸仔通粉、芝士雞肉意粉等等。.而我哋大人就叫了3個Big Breakfast burger set ，及燒排骨拼盤、雞翼拼盤share食。.Ruby Tuesday 食物價錢都唔平，但份量真係好大，仲比我想像中好食！.Big Breakfast burger set 有 classic prime burger、煙肉、炒蛋、番茄、蘑菇、茄汁豆、生菜及炸薯。特別要讚吓burger塊牛肉好好食，內裡好多汁！其他配料都唔錯，正正常常。但炸薯炸得比較燶，食咗一粒試吓就算。.燒排骨配 classic BBQ 汁，好大碟！醬汁幾惹味，燒排骨肉質幾嫩，味道唔錯。.雞翼拼盤可以揀一半唔辣一半

放假尼食個lunch十一點係早左小小，但場無人等左好一陣先有人出receptionLunch set 叫左個扒同意粉不過不失最慘係叫個甜品，等左45分鐘到左都無心機食下次唔會再食呢間

星期六很多食客。係openrice訂了位，都係安排得一張門口枱。我哋兩個人叫咗一個starter California club quesadilla $318 (忘記影相，這個starter幾好食)，兩個 個main course，兩杯嘢飲USDA Prime Sirloin $598。個人覺得牛肉味不夠濃Fork tender ribs full rack $478。這客ribs很嫩。幸好朋友有join member半價，如果唔係全餐要1600蚊！

今日與家人到海之戀食晚飯，家人點了美國特級西冷扒及香煎三文魚扒香煎三文魚扒：三文魚皮煎得很脆口，三文魚扒很嫩滑，配上黑松露意大利飯，味道不錯，值得一試美國特級西冷扒 ：牛扒份量十足，能鎖住肉汁，有肉味，但配菜略嫌失色，炸番薯條很燶及硬，食了兩條便不想再食餐廳環境舒服，服務員有禮貌及勤快，下次會再光顧

好健康的植物肉🌳香草芝士墨西哥烤薄饼 不说我完全吃不出来！🥩里面的植物肉口感没有大区别，虽然少了些肉香，但是超多的芝士和丰富的调味，🧀让芝士的味道越过了植物肉，更胜一筹韩国泡菜炸海鲜卡邦尼 暖乎乎的芝士和泡菜飘香的厚重汤汁包裹住了每个面条，浓郁的酸甜咸迅速攻陷味蕾，吃的又腻又爽烤薯皮 🥔让我又见识到土豆的新吃法了，厚度适中的一层土豆皮，既有焦香又有软糯，🍄搭配上芝士和口蘑，味道一般但搭配很特别🎆都挺有滋味的，聚餐的话也很欢乐

～～～～～～～～～～～～～～～～～～～～～～～～～✨蘆筍香煎刺身級帶子意大利飯 微微煙薰的蘆筍，口感清爽，仲有大大粒的香煎帶子，一分為二先可以一口吞落肚，口感柔軟嫩滑，意大利飯很creamy和粒粒分明～～～～～～～～～～～～～～～～～～～～～～～～～留意👀價錢上有會員和沒有會員差別很大的，可能貴左一倍價錢座位尚算舒服，不會太迫～～～～～～～～～～～～～～～～～～～～～～～～～

認真，第一次試Ruby Tuesday。到底露比既星期二係點既呢？一路都以為Ruby Tuesday同Out唔識串一樣咁貴，又以為同Steak唔識串一樣都係食牛扒之類…原來做人真係唔好F F咁多…入到去坐低見到個餐牌，心裏面Wa左一聲，個樣就變成咁😧皆因佢個lunch set！實！在！太！抵！食！Laaaaaaaaaa！師奶唔會錯過呢個機會，即刻🙋‍♀️叫個靚仔過黎落order。👋hi🙋‍♀️hi 🙋‍♀️🙌hello👐見唔見到我呀？呢個lunch set包括一碗湯（湯隔離有個鬆餅）、一杯飲品、一碟沙律。原本我以為沙律食唔飽，所以我加咗個芝士焗薯，原來沙律係食得飽㗎！哭😭坐又坐得舒服、食物質素又唔錯、最緊要係咩啊？喺價錢合理呀！師奶真係好易滿足唯一美中不足嘅係餐廳好大，職員唔係成日望到你，所以舉手都舉咗幾次。🙌

同事推介海之戀既Ruby Tuesday個lunch set好食又抵食，擇日不今日去吧😋😋 Go Go Go。Fish and chips同Pork chop係Special Lunch Set，所以一定要試下。我們一行六人既Order如下：1 x Fish and Chips~有兩大片魚柳，即炸個皮好脆，內裡有魚汁，濕潤，唔會炸乾晒2 x BBQ Chicken～個BBQ醬好正（用咗Classic BBQ Ribs個醬去烤雞），雞好滑，唔柴，3 x Pork Chop with spaghetti in Marinara sauce～名不虛傳，真係好大塊大家不約而同order ice lemon tea，六個大玻璃杯上枱，忘了拍照。下次要用openrice訂枱賺分

聖誕就是多聚會仲要係疫情過後第一個CHRISTMAS大家終於唔使戴口罩睇住限聚令做人啦成班同學早早約定食飯西方節日又有小朋友食西餐就最啱數啦剛好有朋友有會員卡，呢樣真係好緊要有卡無卡價錢差不多相差一倍﹗﹗七大兩小叫咗一整檯美食小朋友足足有8款兒童餐可以揀但不連飲品餐紙可以填色，亦有兒童餐具提供期間限定嘅炸紫菜雞又JUICY又脆口炸物拚物可以揀大份20件，炸芝士條不得了﹗炸魷魚唔會太多粉，醃得入味大蝦長通粉，啲蝦係要用巨型嚟形容﹗白汁巴住長通粉剛剛好叫咗兩款扒，封門柳不得了勁好食有個魚柳意大利飯，魚就有少少腥埋單2千3左右，聖誕大餐差不多啦

打邊爐真係冬天嘅必備活動嚟架，今次去咗間標榜港式風味嘅食堂，一入門口就聞到陣陣肉香，令我咩都唔想食，就想插隊搶先享受，但係禮貌令我乖乖排隊。一開始，我點了碟滋味無窮嘅醬爆豬頸肉，肉質嫩滑得嚟仲帶有啖啖肉嘅滿足感，配上啲秘製醬料，簡直係滿足到爆炸！🤤再嘗咗碟爽口嘅涼拌海蜇頭，酸酸甜甜嘅醋香，令到舌尖醒神，海蜇頭嘅微微彈牙，完美對抗咗外面嘅寒冷冷氣團。最後，忍唔住又加咗碗手打牛丸，嗌喊住「咬落去彈牙！」嘅朋友們一定唔會失望，每一粒牛丸珠圓玉潤，加上嗰湯底嘅醇厚，簡直係大滿足！最尾杯熱辣辣嘅菊花茶就係完美收場，貪嘴過後，都要照顧下肚肚。整體嚟講，呢間店絕對係我呢啲愛食之人嘅小確幸！🥢💕

唔知點解硯肉意粉都可以整得咁難食，仲要單點意粉都要二百幾接近三百，冇會員貴過有會貴一倍，最後埋單五百幾就兩個單點冇野飲嘅難食意粉。真係成世人食過最貴最難食嘅意粉，依世唔會再食，真係唔明點解有咁多分店。服務態度還好，但一開頭完全冇講清楚，淨係問你係唔係會員。冇睇清真係會以為左邊嘅價錢係單點，右邊係套餐。未見過餐廳嘅會員制度價格係差成倍，貴2-30蚊都算啦。真係人生最差最差嘅飲食經歷，好唔開心。真係又難食又貴，絕對超級唔推介大家食。

幾年前曾經入過會，因為食嘅次數少，冇再續會。今次再嚟，都係朋友想食。我哋一入去已同佢講喺Openrice訂位，侍應照樣問我哋入唔入會烤得脆脆的nachos，加埋邪惡的芝士，是非常好的餐前小食，餸啤酒一流表面燒烤汁唔夠，燒到乾爭爭！裏面啲肉雖然唔嚡，但冇肉味；配薯蓉同少少蔬菜，冇增添胃口，結果都係食唔晒。真係好普通嘅漢堡飽，話係靚啲牛肉，有少少肉味，唔嚡，煙肉唔乾，食落都係一般啫！朋友想食洋蔥圈，但冇單點，結果叫個Four-way Sampler，自選四樣：雞翼，焗薯皮，炸洋蔥圈，炸蝦。朋友好失望，洋蔥圈用厚厚的粉包住薄薄的洋蔥；反而炸蝦肉質有彈性；其他兩款都係普普通通。甜品梗係食Chocolate Talkcake啦！蛋糕size冇變，感覺冇以前咁甜，一樣咁香朱古力味。大大杯四個人食好滿足埋單時侍應遞上兩張單，一張係會員半價價錢，另一張係今次Openrice折扣優惠價錢，在單底部手寫兩張單嘅差額，等我哋再考慮吓入唔入會😂。呢間餐廳連最後一個機會都唔放過，好彩半路冇Sell我哋啫！

前排同朋友去咗海之戀呢一間餐廳食牛扒，我朋友有會員都算抵食，我哋嗌咗個我最仲意的肉眼扒跟上我最愛的Ruby薯條，叫了七成熟，啲肉鎖住個肉汁，口感很豐富，質地韌嫩，乾香味濃。我朋友嗌咗個大蝦沙律，啲蝦真係好大，而且都好有彈性好爽口，都幾好食，搭住牛扒食真係好正。我哋又嗌咗個墨西哥薄餅，裏面有豬肉芝士有少少辣，都好幾好食。呢間餐廳食物質素，環境，服務也不錯，d位坐落都好闊落，食物有返咁上下水准。不失為一個聚餐嘅好地方。