Route 83 (Silicon Lane)

Route 83門面用咗歐陸風嘅藍色為主調，店外都有幾個座位，可以坐低嘆杯咖啡，令人非常放鬆。附近有好多泊車位，假期揸車過嚟食個靚早餐都冇問題。早餐嘅選擇唔算好多，但係價錢好親民，性價比好高。🍽️ All Day Breakfast 早餐拼盤非常豐富，有炒蛋、煙肉、番茄、薯餅、pancake同田園沙律，炒蛋奶油味好香，口感超級滑，煙肉香脆，鬆餅外脆內軟，薯餅即叫即炸，外層炸到脆卜卜，但入邊嘅薯仔好實心，唔會一咬就散，口感豐富，幾有驚喜！Add on 加咗個蕃茄湯長通粉，加隻煎蛋係面非常居家早餐feel，長通粉彈牙爽口，加埋酸酸甜甜嘅蕃茄湯，好入味。☕️Ice Coffee咖啡味道醇厚，奶味香濃，冰涼口感簡直係炎熱早上嘅醒神恩物。☕️Ice Caramel Chocolate 甜度啱啱好，上面仲有厚厚嘅奶油，好creamy!值得一讚嘅餐廳員工非常友善，而且係kids friendly嘅餐廳，令用餐體驗變得更愉快。Route 83 📍大埔白石角優景里63號Silicon Lane地下1-2號舖…ดูเพิ่มเติม

今日星期六搵個地方chill下，🍃🍁🍂之前聽朋友講白石好多餐廳好chill,又有位泊車，🚙weekend 黎真係一流，今日好幸福天氣好，☀️黎影相打卡好正，揀左route83因為門面又大又靚，睇左餐牌價錢又ok，大推，👍🏻洋蔥蜆肉墨汁意大利飯，味道同口感一流，蜆肉原隻連殼滿滿蒜蓉香，意大利飯軟硬適中保留嚼勁，食到一滴不剩 荔枝雪糕梳打，雲呢拿雪糕，勁大球下午茶墨西哥雞肉卷餅，勁抵食，幾十蚊，🙀仲要好好食，餅皮酥脆，仲包飲品，抵到爛，必定要再回訪…ดูเพิ่มเติม

放假唔知食咩？我哋發現咗呢間超值又高質嘅西餐廳！💙係咪覺得白石角得個靚景無乜嘢食？NONONO～🤭推介必試既有以下🤍🍔 手打安格斯芝士漢堡：肉汁滿滿，配埋粗身薯條，幸福感滿分！ 🍕 自家製薄餅：超香脆薄批，今日款式係辣肉腸＋菠蘿，日日有驚喜！ 🧀 芝士焗大菇：芝士控必點，香濃拉絲誘人！ 💰 人均唔使$150，環境仲好Chill，有室內戶外座位，閨蜜約會、情侶打卡必到Check Point📸抵食又滿足！…ดูเพิ่มเติม

University Hill個頭都開發左一兩年但就未去過, 今日特登走入去睇下有咩玩, 原來環境好舒服仲有cafe等, 唔多人坐得好舒服👍🏾我地就黎左呢間Route 83, 見佢地下午茶餐好抵食就吸引左入去喇😻1/ 德國鹹豬手配薯蓉🐖 $108呢個價錢食到咁大件既豬手已經夠驚喜! 食落啖啖肉😋配埋薯蓉黎食兩重口感好正!2/ 牛油果醬碎蛋牛角包🥐 $44焗好既牛角包已經好香, 果醬仲要咁重料, 呢個茶餐係必叫架！3/ 豬扒意大利雜菜湯意粉🍝 $49用羅宋湯黎做湯底, 豬扒超級入味吸哂羅未湯汁, 肉質夠嫩滑, 唔錯👍🏾4/ 士多啤梨乳酪沙冰🍹 +$29(跟餐)沙冰乳酪味都幾重, 咁熱黎飲就岩哂, 出邊就咁叫杯沙冰都$4x蚊, 呢到抵飲啦！5/ 巨峰雪糕特飲🍹 +$35(跟餐)大大杯特飲, 飲落就好似黑牛咁, 好爽!! 巨峰唔會好甜但飲落就超fresh!!…ดูเพิ่มเติม

咁啱去開白石角，就試吓呢間餐廳，試咗佢哋嘅晚餐，晚餐配迷你沙律或是日餐湯及飲品，幾抵食！首先是日餐湯係什菜湯，酸酸地好開胃～～我選咗手打安格斯漢堡$95，漢堡用嘅安格斯牛肉新鮮多汁，肉質厚實，我自選咗菠蘿加咗一層甜甜嘅果香。我+$10轉配黑松露薯條，薯條外脆內軟，黑松露嘅香氣濃郁！另外，叫咗俄國牛柳絲意粉$89，牛柳絲煮得剛好，意粉醬汁濃郁，味道十足。+$28加雞翼，雞翼香脆。最後，餐飲揀了檸茶。…ดูเพิ่มเติม