RIVA 灣 Bar & Grill

今日約同好友去馬灣遊玩，順道去位於馬灣珀麗路8號珀麗灣沙灘廣場1樓1-3號舖的<Riva灣 Bar & Grill> 食午餐，餐廳位於沙灘旁邊，望著青馬大橋，一邊享受美食，真係非常悠閒的時光。我哋點咗一個二人套餐：📍是日餐湯：蘑菇忌廉湯的湯底濃郁，蘑菇味濃，十分好飲。📍小食拼盤：有炸雞中翼、炸魷魚圈、炸洋蔥圈和炸春卷，四樣炸物都香脆可口。📍烤雞肉凱撒沙律：份量不少，沙律菜新鮮好味，雞肉烤得皮脆肉嫩，十分好食。📍烤菠蘿肉眼扒10安士：賣相繽紛吸引，五成熟肉眼扒的牛味香濃，肉質嫩滑，菠蘿新鮮又鮮甜多汁，好滿足的菜餚。📍甜品：阿華田翠翠慕絲蛋糕，口感軟綿好味，擺設精美用心。📍凍檸檬茶：清涼好飲。…查看更多

今晚專登入到珀麗灣探朋友，朋友帶路行到沙灘旁邊，成排餐廳都係對住青馬大橋，我哋揀咗間可以望住日落餘暉同夜景嘅餐廳，叫咗個超抵食二人餐。頭盤已經有驚喜：磨菇湯香滑濃郁，飲到粒粒蘑菇碎。希臘沙律清新開胃，feta芝士同黑橄欖份量十足，用嚟平衡之後嘅炸物啱啱好！小食拼盤絕對係誠意之作：炸雞翼外脆內嫩，醃得夠入味；洋蔥圈同魷魚圈炸粉薄脆，最正係海鮮春卷，咬落去熱辣辣，蝦肉同蔬菜絲比例完美。泰式烤雞半隻雞份量十足，烤到皮脆肉嫩，塗滿香茅同檸檬葉調製嘅泰式醬料，酸酸甜甜好醒胃。一邊食一邊望住窗外青馬大橋開始著燈，個view真係無得輸！最後有甜品拼盤為呢餐畫上完美句號。…查看更多

🍤 必食指數 🍤🍤🍤🍤🍤（5🍤為最高）馬灣海邊歎美食，RIVA灣呢間西式餐廳真係令人難忘！今日同朋友嚟到馬灣海濱，搵到呢間叫做RIVA灣嘅餐廳，環境好有情調，坐低就點咗幾款招牌菜。首先係柚子蝦沙律，柚子清香加上新鮮蝦肉，口感清新開胃，好適合開飯前食。跟住試咗蒜蓉包，外脆內軟，蒜蓉香味好濃郁，一啖咬落去仲有牛油香，簡直係邪惡之選！主菜叫咗海鮮意大利飯，飯粒煙韌有咬口，海鮮新鮮又多汁，每啖都充滿海鮮鮮味，令人回味無窮。仲有新鮮青口，原來係澳洲空運嘅藍青口，肉質鮮甜彈牙，海水味好濃郁，食落仲有陣陣奶香，真係令人一試難忘！飲品方面，凍檸茶同凍奶茶都夠晒大杯，茶味香濃，甜度適中，配埋餐食一流。餐廳服務好周到，侍應好快就過嚟落單同埋加水，而且環境好舒服，可以望到海景，好適合情侶拍拖或者朋友聚會。呢度嘅食物質素高，份量都好足，絕對係馬灣必試嘅餐廳之一！仲有啊，原來北角都有分店㗎，咁就方便好多啦❗️下次一定會再嚟試其他菜式，推介畀大家嚟馬灣玩嘅時候，千祈唔好錯過呢間RIVA灣，真係值得一試再試！📍馬灣海濱 RIVA灣 Bar & Grillhkfoodie #foodie #馬灣搵食 #北角美食 #西式餐廳 #海鮮意大利飯 #蒜蓉包 #柚子蝦沙律 #澳洲藍青口 #海景餐廳 #打卡必食 #香港美食 #食咗未…查看更多

去完馬灣1868諗住搵晚餐食，嗰邊啲食肆似係輕食同埋好多人，最後返嚟沙灘呢邊食飯，揀咗呢間西餐廳，裝修係度假風幾chill~🔘Mixed Mushroom Salad好少見到沙律會加蘑菇，凍蘑菇好爽口，加埋蕃茄乾，配搭油醋醬汁，好清新嘅前菜~🔘Baby Pork Ribs用濃郁嘅燒烤醬醃製，又甜又辣夠晒入味，肉質軟嫩，輕易離骨，幾肥美多肉，配菜係偏粗身嘅薯條，仲有三款醬汁，總有一款啱口味~🔘Seafood Risotto傳統嘅意大利飯，帶有咬勁，要讚吓個醬汁，質地濃稠，仲好香蝦嘅鮮味，飯裏面加咗魷魚粒，口感豐富~🔘Pineapple Lemonade🔘Fruit Punch呢晚坐近窗位置，對住青馬大橋，望出去幾靚，唔少得要叫返杯Mocktail慢慢飲，如果天氣涼返啲，坐Outdoor枱應該仲正~ …查看更多

#馬灣美食 ♡ Riva灣 Bar & Grill♡呢間位於馬灣嘅餐廳性價比超高，份量十足，非常啱幾個朋友一齊share，咁就可以試多啲唔同嘅菜色。環境寬敞舒適，氣氛輕鬆又Relax，約朋友或者情侶嚟都好合適。服務親切，食西餐時既開心又飽肚，整體感覺非常好👍🏻𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧❥ 蘑菇忌廉湯蘑菇湯濃郁香滑，奶味十足，有蘑菇碎，好適合啱啱開始用餐時暖暖身。❥ 烤菠蘿牛板腱扒牛扒好嫩，帶有黑椒香味，與甜美嘅菠蘿一齊食，味道層次豐富。份量大，牛扒多汁且味道濃郁，令人非常滿足。❥ 鮮荔枝特飲特飲用新鮮荔枝製作，味道清甜，果香自然，飲落令人清新舒爽，喺夏天特別解渴。❥ 烤雞肉凱撒沙律雞肉份量好，嫩滑多汁，搭配爽脆生菜同凱撒醬，味道健康又開胃，平衡整餐嘅豐富口感。❥ 小食拼盤拼盤包括炸雞翼、炸春卷、炸洋蔥圈同炸魷魚圈，全部炸得金黃香脆又唔油膩。炸雞翼鮮嫩入味，炸春卷外脆內多汁，炸洋蔥圈甜甜脆脆，炸魷魚圈彈牙鮮甜，份量十足，啱哂同朋友分享作開胃小食。❥ 甜品甜品口感柔軟，甜度適中，完美為餐後帶來一絲甜蜜，令人回味無窮。𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧❥ RIVA 灣 Bar & Grill (馬灣)📍馬灣珀麗路8號珀麗灣沙灘廣場1樓1-3號舖#foodie #hkfood #hkrestaurant #hkfoodie #Riva灣美食 #西餐 #舒適氣氛 #sharefood #relax #馬灣好去處…查看更多