Return Coffee 362

營業中

休息中

未去過觀塘果間Return Coffee，成日都經過荃灣果間，於是決定入去試下，點知原來Dirty係咁好味道，香濃既啡味，奶既口感加埋暖暖地咁，真係一試難忘。收我45？真係抵到爛，可惜係有啲人不懂得欣賞。咁嘅質素，以後要日日黎！————————我是分隔線————————利申，我只係路過

試過一次觀塘嗰間Return Coffee 幾好 諗住喺荃灣再一試 飲番一杯有質素嘅Dirty 點知係一個不愉快嘅經歷近來我買咖啡嘗試多用某咖啡App比錢 比錢之前亦都有比佢睇App嘅落單情況 因為唔係好識用 喺我比完錢一刻佢先話：用App比錢係外賣杯嚟㗎喎 我話：下你依家先講 佢先話用番堂食杯比我⋯我淨係叫咗嘢飲 但枱上仍放住啲刀义 set哂枱 對於一間咖啡店嚟講 我唔係好理解期待咗好耐嘅Dirty 終於到⋯ 但一見到杯嘢呆左 咁都叫Dirty！？收我$45？？？ 咁嘅質素 咁嘅態度 冇第二次

經過此咖啡店，看到openrice完全沒劣評，該可一試吧。點了煙三文魚沙律 ($60），另加 $17-22可選不同的咖啡。點了74%marou朱古力沖製的mocha。 店員很貼心問想食物上先還是飲品上先☺沙律沒什麼特別，中規中矩，但飲品真的不錯。陣陣黑朱古力味，很合適不嚐甜的朋友；黑朱古力並沒有蓋過咖啡味，咖啡味回後出現，很特別和美味。這裡亦很合適hea 和與朋友聊天👍與地鐵站有一段距離，雖然不太方便，但都會再回頭😍😋

我經常會走到橫街小巷去為著品嚐一杯咖啡 ~今日去左荃灣雖然已下午但我仲未食早餐!走入一間裝修精緻感覺休閒舒適咖啡店享受一個下午早餐~坐下來看見店內放滿獎座和咖啡師名字證書~就知這裡的咖啡一定有水準…這裡有專業咖啡師推介適合我口味嘅精品手沖咖啡~還見著咖啡師用心沖泡咖啡☕很窩心…咖啡口感豐富香氣滿溢有回甘👍全日早餐份量十足🥗~味道唔錯~價錢合理…享受到一杯高質嘅咖啡~ 還有很多選擇就要留待下一次再嚐~😋

喺網上搜尋荃灣咖啡店得出嘅其中一個結果，早幾日黎過但已經關門，只好襯連假再次到訪，印象中平日餐牌同假日有少許分別，餐點質素可以，反而對飲料印象較模糊餐廳位於沙咀道，轉角位置頗隱蔽，門面小小，原來座位挺多。半開放廚房，木色為主 展示不少比賽獎狀、獎盃， 感覺專業。假日全日供應9款餐點：全日早餐、班尼迪、意粉、多士、牛角包、沙律等，定價$65起；飲料單點，以咖啡為主。芝士蟹肉蛋沙律帕尼尼 $75煙三文魚班尼迪蛋 $90帕尼尼配上大量沙律菜，草食動物會喜歡，哈；蟹肉量唔多，麵包表面酥脆，食落唔會好硬，不過比起班尼迪，性價比唔高。班尼迪以沙律、蘑菇伴碟，水波蛋下係一大片煙三文魚，一拮開蛋液流出，蛋味出眾；竹炭多士微溫鬆軟，不錯吃Flat White $35奶啡質地細滑，奶味唔重同時啡味唔夠濃，豆子比想像中普通一點。Iced Mocha $45摩卡用上MAROU單品黑朱古力製作，入口偏濃苦，不算容易入口，如果是小孩口味或者平時喜歡偏甜一點的mocha就未必會欣賞。

Happy friday 有半天假，來到荃灣亂逛，未食lunch 及想看最近新買的書。睇到大家對呢間咖啡店評價不錯，便跟地圖行過黎。2：15 左右先到，過左午餐時候都禁多人😳😳附近的街坊不用返工嗎？ 😂 搵到安頓自己角落。想點餐時初告知某幾個午餐冇，好彩今日想輕食，冇所謂。見隔離煙三文魚吐司不金，我都點左，不過岩岩冇唒牛油果醬 要等15分鐘。一上枱，值得等吧 😍😍一塊飽上面嘅煙三文魚份量系其他cafe 一碟意粉嘅粉量，呢度加埋至少有五大塊，好開心😊😊而牛油果醬加左少許檸檬汁，好清新，而佢牛油果醬好新鮮，同好多，可以一大啖食脆竹炭飽+清新牛油果+煙三文魚，好滿足😋再加埋伴碟沙律，用黑醋代替沙律醬，好有健康感覺。加$15 有Flat white. 自從旺角某咖啡店結業，我冇飲過flat white. 呢杯唔太甜，飲到奶滑口感同淡淡咖啡味。本身見佢mocha 寫住用78%黑朱古力製造，但見今日好似食得好健康，留返下次先飲😍慢慢食完，坐左好耐先走。店員播廣東歌為主，而歌曲包括十年前嘅流行曲，好正 😂店員唔會趕你離開，亦過黎幫我加水，呢間咖啡店唔只咖啡得，食物又得，環境舒適，店員好有耐性介紹咖啡

今日搵朋友食tea，我地就近近地去附近咖啡店飲下咖啡食啲野。呢間咖啡店既咖啡就真係一般般既，個香蕉蛋糕同都ok。反而件cake就幾好食，裡面有蘋果，甜甜地真係唔錯。我唔會大力推介呢間，不過想下午休閒都可以去坐坐既。

每次經過都會被店𥚃一股氣氛吸引，講的不是什麼華麗、別緻裝修，而是悠閑relax簡約風，客人喝著咖啡，吃著意粉、三文治、all day breakfast等，完全係忙裡偷閒mode，唔似平常lunch匆忙食相，但小店座位有限，要響午膳時間得一席位，真的要靠彩數😄香草雜菌意粉🥢🥢🥢🥢🥢賣相非常吸睛，一個大啡菇頓成主角，但其實下層雜菇都非常美味吸引，份量亦相當多，每口意粉都能夾帶菇菇，另外意粉煮得煙韌恰當，creamy 白汁亦能掛到意粉上🤤，水準相當高，鍾意食菇嘅人一定唔會失望Latte🥢🥢🥢🥢咖啡不是我杯茶，但既然坐得低，點都要嗜一小杯，latte奶香細滑，咖啡味唔算好重，但帶點苦澀味回甘味亦十足，非常適合淺嚐人仕👍🏻一人共消費：$95

精品 coffee cafe.Nice coffee bean selection, comfy and cozy.Have exquisite Panama Geisha coffee in hand drip or ice drip. Many other beans selections as well. Also offer cake and hot food, but I’m only in the mood of coffee. Tried the famous Panama Geisha, amazing coffee. Worth returning.

好快就return 食多次。今次食左pancake 同 mocha。其實呢間小店既食物唔係真係驚為天人，係食物既細微位做好，對於cafe 黎講已經好足夠。好似今次既pancake, 糖漿既比例岩岩好，暖暖地，加上配上去既士多啤梨係製過，口感好balanced。個碟又幾靚，擺碟又成個公仔樣咁，真係可以令我放鬆心情，享受下tea time 既休閒時間。對比某d cafe, 同樣食物同樣價錢可能只係是但切粒士多啤梨伴碟真係差好遠。

這間cafe 叫 return coffee隱藏在荃灣住宅和工廠大廈之間人流不多正適合喜歡休閒,看看書又放放空的我楓糖雜莓班戟 fruity pancakesPancake與糖漿水果好夾,香蕉加上焦糖,有心思極邪惡!法式西多士 Devil french toast 也很好食,特別適合嗜甜的姐姐再試自製花茶 first love choice山楂,洛神花,玫瑰,紅巧梅,千日紅本以為只是普通的酸酸花茶誰知店主加上黃冰糖竟令酸酸的花茶帶上甘甜媽媽試飲說是令人很舒服的甜,一點不酸也沒有糖渣。推薦不能飲咖啡的你也嘗嘗Cappuccino姐姐comment 甜酸苦澀度適中,但咖啡香差一點。她比較推薦caffe mocha 因為有74% single origin dark chocolate base. 朱古力味超濃厚。回味無窮。我也很喜歡這的閒逸的空間店員有禮,服務周到好店不藏私推介給喜愛泡咖啡店的各位

最近愛上了潮州仔豬什米，有次和介紹筆者到潮州仔食店的那位老友傾開，我說我中了豬什毒，久不久都要去探潮州仔，於是他笑著對我説，再介紹你一間小店，等你中埋啡毒。這店也在沙咀道，就在潮州仔對面馬路，那一刻，叮一聲記在心裡。有日去看中醫，於是順道過來午餐一下。老實說，地點有點偏角落，如果不是朋友介紹，可能會忽略此店。門口寫著: You Can sit with me 另外大大的牌寫著 Lunch Menu:當日的午餐和開放時間。11:00-15:00 & After 6:00pm即是午餐和晚餐都是這個餐牌。店內環境清優雅緻，估唔到工廠附近有如此有格調的一間小店，唔錯。牆上放著他們的咖啡獎項，看得出他們對咖啡的一份專業和熱誠。還有一些章程介紹他們⋯⋯啡啡啡，We do Coffee 看著這些細節位，知道他們在這店放了不少心機。午餐和晚餐同一餐牌。午餐由$65-$85 不等，另加優惠價錢配上咖啡，大約是正價咖啡的一半價錢，平均價為$10-$25⋯⋯除了咖啡外，還有茶類、Hand made 花茶及特飲。黑橄欖醬大蝦意粉$80~橄欖香味濃厚，吃到切碎了的黑橄欖，但又不會過分，因為有時候發覺太多橄欖醬的

間小店開左幾個月，其實每日都經過，但價錢稍貴，都冇咩動力黎。今日自己一個就黎試下。一入到店裡，左手邊一排咖啡獎項，右手邊寫住咖啡豆既產地供Hand drip 選擇。睇黎咖啡水準有一定保證。不過先唔講咖啡，因為咖啡小店既咖啡水準高係好普遍。反而食物水準先係我擔心既一環。咖啡小店一般只提供輕食，通常一個包夾住d餡就收幾十蚊。呢間都唔例外，但又有驚喜啵。我點了一客芝士炒蛋煙肉牛角包（冇影相，因為冇期望）。炒蛋又大又厚，估計有兩隻大蛋。蛋汁半流心，似流心蛋包飯既質地。蛋冇咩奶味，小弟最驚茶記茶d炒蛋勁重奶味。最加分位係個蛋熱辣辣，好耐冇食過辣親個嘴既炒蛋。加分。牛角包就一般啦，始終係來貨。咖啡點左piccolo。第一個感覺：好滑然後係balance ，nutty 味同咖啡好既酸味都出到黎（知道好多人抗拒咖啡酸味，其實係因為多數係飲左一d萃取得唔好既咖啡。好既酸味係令人著迷的）最後既係帶甜味。小弟認為好既piccolo or latte 帶甜味係重要既。整體感覺唔錯，舒服、輕鬆、唔會失望。另外店主都會係客人進入時打個招呼附上好睇既笑容，加分。加油小店

最鍾意得閒就約埋D啡友周圍試新Cafe嘅我今次就去咗新開冇幾耐嘅Return coffee 362 去到門口已經覺得環境舒服 入到去當然立刻睇睇餐單 都幾多元化 有沙律，意粉 ，多士等任君選擇 我就揀咗個名超吸引嘅超邪惡法式西多士因為我想睇下有幾邪惡 而一向十分健康的朋友就當然揀咗柚子大蝦沙律 而我就為咗呃like 當然要點cafe Latte影拉花 朋友就最like嘆啡當然就要揀hand grip Panama geisha 整體食物不錯啡就當然冇得彈 一定會再去光顧

從instagram見到荃灣呢間新駐既cafe雖然位置較偏僻但我想黎一探究竟我係早餐時段黎可能新開張於是可以包場食個早餐😬😬選擇的確吾多 早餐下午茶都係用番同一個餐牌早上當然要有炒滑蛋！惟一之選便是classic all day 即叫即煮好欣賞滑蛋預期外地好味道 不會太熟 配上半塊烘脆既竹炭多士同吃腸仔不是普通廚師腸 質感不錯 應該都好難煮得難食 煙肉正常早上有點新鮮沙律菜倍感健康建議黑醋汁另上 否則會流向其他食材影響味道早餐沒有咖啡點得要加錢先有飲品加左$15 Flat white奶打得綿密幼細咖啡香氣撲鼻 比例剛好 入口如絲綢般滑溜的口感真係飲過最好飲既flatwhite如果可以大杯啲就好 有點意猶未盡啊總括來說環境吾錯又清靜不過早餐沒有套餐食品再加錢配飲品有點稍貴 包埋飲品會較合理大部分地方早餐都有包重點係作為女生都食不飽呢份量偏少另外早餐選擇可更彈性香港女仔較注重健康或者可能on diet 中未必會想食加工醃製食品 如腸仔煙肉火腿建議推出更多早餐配搭或加添牛油果 炒雜菇 雞胸 粟米 烤蕃茄予食客更多選擇咖啡質素的確令人滿意推薦大家