影片
電話號碼
22866618
開飯介紹
Regala環境舒適優雅，提供雞尾酒、小食、三文治、特色甜品和蛋糕、自助午餐、以及假日下午茶自助餐，讓您與三五知己歡度悠閒時刻。
繼續閱讀
附加資料
無肉餐單詳情: 每天供應少量素食菜式
營業時間
今日營業
10:00 - 20:00
星期一至日
10:00 - 20:00
以上資料只供參考, 請與餐廳確認詳情
招牌菜
相關文章
Nice authentic Indian cuisine perfect for a Friday lunch. Lot of different salad options and 2-3 authentic curries which are on rotation . Highly recommend the chicken tikka which is very good option for those who can not handle too much spiceThe environment is very spacious and not noisy which means perfect for catch up or business lunches Also to top off the lunch there is self serve movenpik ice cream and tea coffee
繼續閱讀
去機場酒店食tea，純粹因為有贈券。以為送得俾你食梗係唔慌多嘢食，點知咁筍係成個English Tea Set，上枱嗰下真係嘩咗出嚟!仲要唔係淨係小食同甜品，仲有飽肚嘅鬆餅同三文治，四點幾食到頂住，早知遲一個鐘去食當晚餐啦… 大件夾抵食，唔代表好食。鬆餅水準一般，牛油味唔重，勝在牛油果占糖漿樣樣有，仲要有兩件，點搽都得，可惜唔係暖嘅。其他食物同樣味道普通，應熱嘅攤涼咗應凍嘅又攤暖咗。甜品合格但屬一般貨色，份量相比三文治同鬆餅係偏少，食tea多啲甜品同小食開心啲嘛!雪糕其實好好味，草莓味濃，酸甜適中，可惜上枱時已經溶咗一半。 去開機場，想hea吓食tea又食得飽，呢度都可以諗吓。不過質素就唔好有太高期望，只係一般餐廳貨色，唔似其他高級酒店出品咁精緻囉。
繼續閱讀
今日同朋友黎食tea 因為有得平 可以$138兩個人 原價要$338咖啡先到 望住個機場景真係一流其實杯咖啡同平時飲果d無咩分別tea set 一到就最上層係燉egg 蕃茄包 同三文魚青瓜卷三文魚果個好好食 d青瓜好新鮮同爽口 而且中間配一塊煙三文魚實在係味道好夾中問係芒果cake 芝士cake 同三文治個芝士cake外型令 而且夠濃 好味最底果層係鬆餅同jam 每人四個好食鬆軟 不過一人食兩個真係會好飽雪糕終於出場 好明顯係士多啤利味 不過溶得好快下次有機會一定要再食 實在是太好味！
繼續閱讀
初初一聽到機場酒店餐廳，感覺太遠不太想去。言而，只要你是坐地下鐵到東涌之後轉巴士S1。都不是太遠的，感覺可以接受。而且酒店好近機場，上機或落機去食buffet都感覺方便。富豪機場酒店的Regala Cafe & Dessert Bar 以白色為主，裝修簡樸，牆上用了一些彩色的裝飾品，令餐廳多了一點新氣。餐廳是以自助式服務，食物選擇都算多，款式有中、西、日、意、泰、印為主，例如中式蒸魚、紅豆沙、乾炒牛河，西式羊扒、牛扒、焗薯及迷你鵝肝包，日式壽司、刺身及冷麵，意式乳豬、PIZZA，泰式串燒、燒蝦、凍蝦和咖哩，印式咖哩及薄餐，還有一些沙律菜、冷盤(小龍蝦、螺、青口)、甜品(雪糕、PANCAKE)、麵包等等。前菜方面，我比較喜愛什菌蘑菇，可能是因為自己在家中不懂得烹調。它的什菌蘑菇都有用沙律油但味道不算油而且滑而爽口。熱食的菜不多，所以我都選擇吃了不少沙律。壽司、冷盤海鮮、刺身及冷麵方面，味道和質量一般，不要期望太多。主菜方面，肉食為主，我印象中比較特別的食品是迷你鵝肝包和意式乳豬，因為不是很多地方有得食。迷你鵝肝包的賣相都好可愛，而且包軟硬及溫度剛剛好，份量可以做少一點，鵝肝多、味道也不濃。意式乳豬方面，我就唔太懂得欣賞，因為它中間的肉餅太油膩，而且味道中式法有點失望。我個人比較愛吃它的羊扒，生熟度比較熟，但剛剛離骨，口感有點乾但可以接受。甜品方面，我喜愛它的自助PANCAKE，簡單易明，而且軟厚適中，份量又不太大，與雪糕一起進食，感覺剛剛好。雪糕方面有好多種味道，愛甜品的朋友大家可以試多一點，而我個人比較愛吃咖啡雪糕，而朋友就較愛吃朱古力。朋友都有提及過CHESSE CAKE好食，但各人有各人口味。飲品方面，有咖啡(Latte, Espresso, etc.)、檸檬茶、水、果汁等等。生果就有菠蘿、西瓜、密瓜等等。我在餐廳當晚雖不是滿坐，但都有7成人。整體感覺不錯，環境不錯可以是一個聊天的好地方，食物方面不能有高要求，因為它們有很多進步空間。而服務生方面，他們都主動為你服務，但有點人手不足。但由於dinner buffet是由18:00開始至22:00，沒有分其他時段，因此早入去會比較好。
繼續閱讀
同機場富豪酒店真係有啲緣份，早前嚟過佢嘅藝廊咖啡室食自助晚餐，嗰餐食咗唔少嘢，感覺幾暢懷；估唔到咁快又再入嚟食多餐，不過就唔係藝廊啦，而係晌2/F嘅Regala Café，嘆下午茶啫。咁遠入到嚟，只為食個下午茶？唔係無聊，只因無料，因為喜獲4張下午茶自助餐券，就拉埋表哥表嫂，仲有表姪女一齊入去食。一行四人，先約晌東涌東薈城等，再搭酒店免費穿梭巴士入去。表哥表嫂仲話難得入嚟東涌，專燈早啲可以行吓東薈城，而且，見Regala Café旁邊有個通道口，原來係條冷氣天橋直駁去機場一號客運大樓嘅到埗大堂，步行都係5min-10min，所以食完之後，揀搭遲一兩個班次嘅穿梭巴士出返東涌，帶個細路參觀吓機場。因為表姪女都未搭過飛機，從來都未嚟過機場，無法啦，佢咁唔聽話，讀書又心散，去遠啲嘅旅行，表嫂話等佢乖啲，考得好啲先再講喎。下午茶自助餐由3:00pm開始，去到5:30pm，成人$118，小童$98，收加一，比起市區啲下午茶自助餐，大概平二到四乘，仲要有信用卡折扣優惠，經常都見富豪系嘅酒店推出唔少信用卡折扣，長期都有。不過咁，雖然平，但食物嘅選擇同質素，跟個價錢又成正比，晌依度確係好少嘢揀，絕對可以試勻晒所有嘢，而質素亦平平無奇，無甚驚喜。第一轉開開胃先，所以，理所當然就係沙律打頭陣。沙律吧選擇少，得幾款，先嚟一碟紅生菜、九芽菜、粟米粒、車厘茄，加啲油醋汁，伴一件細細件嘅火腿生菜芝士法包三文治。沙律菜幾清爽，咬落索索聲，油醋汁酸酸咪，叫醒吓個胃，而個法包唔差，外皮鬆脆，包人軟熟。第二轉都係再想食多少少沙律，只揀九芽菜搭紫椰菜，淋上法汁，再加埋哈蜜瓜，菠蘿，提子，啲生果料係晌朱古力噴泉嗰邊拎。食咗兩份沙律，真係夠晒「開胃」喇！第三轉盡試所有熱盤食物，包括小籠包、迷你薄餅、什錦炒烏冬、煙肉腸仔卷、寶雲酥焗青口、炸雞寶、羊肉車厘茄串。中式點心仲有燒賣，不過見賣相麻麻，所以無試。咁多樣嘢，稍為個羊肉車厘茄串同個寶雲酥焗青口見得吓人，其他都係好普通嘢。咁個羊肉串又真係幾好食，肉味濃少少羶，肉質柔嫩，車厘茄嘅清爽又平衡番羊肉嘅濃香。而個焗青口以大量麵包糠同焗，加添香脆口感。第四轉除咗件法包三文治，再試埋啲手指三文治，一共有兩款：芝士火腿同吞拿魚，吞拿魚調校得比較乾身。反而烘焗嘅豬肉卷同咖喱菜批唔錯喎，兩者嘅酥皮都做得香脆，咖喱香得嚟帶少少辣，細細件咁，輕易一件接一件呀！第五轉去到依刻，都係甜點時間，餐廳正中間嘅圓枱就擺放咗近10款甜品，先試其中7款，包括：杯裝麵包布甸、香蕉蛋糕、果撻、鮮果忌廉蛋糕、香梨慕絲餅、特濃朱古力蛋糕、咖啡蛋糕。睇名你都知有啲都係大路貨式，不過，其中嘅麵包布甸、香蕉蛋糕、香梨慕絲餅、特濃朱古力蛋糕做得頗出色，尤其後兩者，香梨慕絲餅很濃梨味，而且頗為清甜；特濃朱古力蛋糕就軟滑味濃，質感幼軟。第六轉除麵包布甸，以小杯形式嘅仲有士多啤梨布甸同雲呢拿奶凍，士多啤梨布甸味道比較甜，反而奶凍好食啲，口感好柔滑，上面仲加多一小件馬卡龍，令人更討好。第七轉甜品時間仲未完，梗係要嘆番件即做班戟啦，班戟皮做得既薄又柔軟，可惜係生果配料選擇少，只得水蜜桃同芒果，乾配料亦都只係得粟米片同朱古力脆米。不過件班戟都好好食，除因為係新鮮製作之外，加多一球朱古力低脂意大利雪糕，淋埋朱古力醬汁，一凍一熱，冰火嘅口感，大呼過癮啦。最後一轉食咗幾轉甜品都係仲未止咳，硬係想試埋佢另一款低脂雪糕先想收手，咁好事成雙，就朱古力、士多啤梨各一球，再淋啲士多啤梨糖漿，又加啲粟米脆片。雖然雪糕無標明咩品牌，只知係低脂意大利雪糕，但確實口感幾軟滑。食物方面稍為遜色，但係就好欣賞嘅係佢個場，一上到2/F，感覺豁然開朗，地方夠大，樓底又幾十呎高，環境好開揚。由於餐廳係Café形式，全場都係矮矮嘅梳化凳，配大大張長形茶几，梳化凳好坐又好挨，又唔似Pacific Coffee嗰啲咁大張，令人坐得幾舒服，只係食嘢有啲唔方便。雖然環境正，但係可能酒店人流少，餐廳客又少，所以好唔夠冷氣，奇景就係晌一啲角落位擺放咗好幾部吹風機，等啲空氣更流通，令人覺得無咁翳焗。除咗環境係賣點，服務都唔錯，可能源於客少，加上又係酒店，所以，服務都比較妥貼，斟茶遞水都係快手快腳，態度有禮。
繼續閱讀
您可能會有興趣的...