RED HOUSE

營業中

休息中

一般港式茶餐廳， 餐牌食物種類選擇少，套餐為主，份量一般，出菜夠快，食物夠熱，算新鮮，但 整體食物都偏鹹。 餐廳環境算清潔，但非常熱，服務員話部分位置冷氣壞，食到汗流浹背， 可能想客人多叫幾杯凍飲。 門口女收銀黑口黑面， 對行入餐廳的客人完全不理睬，收錢多謝都沒有說一聲，一點基本的禮貌都沒有。值得一提是個冬陰功鮮蝦金邊粉，冬陰功湯都算正宗，不過食到一半已經一身汗。 跟所有茶餐廳一樣，一放下餐具服務員就來收碗。 整體用餐體驗有點受罪，但這個價錢，這種食物質素，還可以。見議天氣30度以下才考慮光顧 。

出咗大圍火車站是但入咗一間茶餐廳食下午茶，估唔到有驚喜，就係下午茶竟然有健康嘅選擇，超正。講緊嘅就係呢一個慢煮雞胸和風沙律，佢個沙律汁係柚子醋同埋芝麻醬兩款一齊落曬，個慢煮雞胸又真係幾滑幾嫩，啲沙律菜雖然硬身啲，不過都新鮮嘅。另一個下午茶就叫咗台式芋泥肉鬆手抓餅，手抓餅咁樣捲起印象中都好似係第一次食，芋泥嘅味道又唔係好出，捲實咗之後肉鬆又唔係好鬆，不過味道都ok嘅，係唔似食緊手抓餅囉。杯咖啡味道都ok。

本身諗住食王牌叉燒嗰間，見依間反而唔洗排隊，lunch又有豬肋骨食最後，叫咗豬頸肉炒河，成$80因為怕佢啲豬肋骨唔夠厚肉，怕蝕底😅雖然可以加餐飲，但水畀得半杯仲聽到D伙記爭執；話客人大細超落單唔夠效率，剩係一人叫一個午餐+凍0T都要覆單n次對住熟客就超級殷勤，對生面口就求其是但，冇嘜禮貌係咁問隔離位女士要唔要坐個「靚位」，問到人哋都覺得煩派飲品又唔知自己要送去邊枱，係咁問餐點已到齊嘅：杯野飲邊個架？食物唔錯，但服務質素待改善

每逢Weekend 我都會同朋友或者家人去red house 食早餐.員工服務態度一般般，不過不失.但不得不講下位收銀位呀姐，見親佢都係呼喝式講野，仲always 黑面，好似爭佢錢咁.今日同朋友去食早餐，需要人齊先入得，朋友未到就只好係門口等等.等朋友到果陣咁岩有個人入，收銀呀姐叫人帶左人地入去先，話我未人齊. 同時我就話齊左人，佢語氣唔係咁好+眼啤啤咁對我講 ‘ 咁你坐羅’ 其實做街方生意，又冇人刁難你.咩事要受你氣，希望可以改善下.

炒飯份量非常大碟，相信大胃人士也能吃得飽。飯炒得十分乾身但未算有鑊氣，香料味適中，未會過濃太搶味。海鮮方面有魷魚、帶子和蝦，份量不算多但每樣都大大粒，質素算茶記正常發揮。其他配料有椰菜、肉鬆和腰果，為整碟飯帶來更多口感。炒河表現反而較好。份量方面同樣大大碟，河粉質感實淨有彈性，而且每條都大大塊，不會碎濕濕，炒得乾身有鑊氣，同時不會過油。豬頸肉雖然切得較薄但仍算爽口，而且份量頗多，芥蘭亦夠新鮮爽脆，整體配合得很好。

呢間裝修比較好少少嘅茶記，菜式類型和相片都算幾吸引，所以冇睇食評就決定一試， 點知就中伏了🥲🚫香煎美國牛小排牛小排有三件，叫咗七成熟，但係嚟到差唔多全熟。我都知呢間係茶記，唔可以要求太高，但係塊扒沒有牛味，亦沒有牛油香，質地還有點柴，我喺HKTVmall買嚟自己煎都好食過佢。伴碟嘅炸薯仔粒外皮淋晒，菇亦淡而無味。唯一可取之處，就是份量與價錢成正比。🚫美國封門柳封門柳叫咗五成熟，呢塊火候控制得唔錯，真係做到五成熟。封門柳的肉味比牛小排突出，但仍未能談得上好味。配菜方面有薯蓉、炒菇、大蕃茄。如果可以讓顧客彈性選擇配菜，如意粉或薯菜，會更好。👌🏻脆薯條伴黑松露醬成餐最好味嘅就係薯條！個名改得冇錯，真係脆口，又熱辣辣。Around $50有呢個份量，十分公道。黑松露醬應該都係來貨嘢，好好味。兩個人食咗四百幾蚊，認真唔抵。下次會去返十步之隔既「紅茶」，性價比高幾班😟

10月1日假期來到，中午要排隊等位。價格偏貴，一個set lunch 要 7x-8x食物多選擇，有港式茶餐，西式扒同泰色雞飯等。目測有很多職員，職員加客人，店內人潮水泄不通。食物質素方面$62茶餐牛角包加端士汁雞翼撈麵牛角包太過軟身，撈麵不太夠味，一般海南雞飯$70海南雞無骨，啖啖肉好正，飯量足夠多，2個人share 食都無問題，性價比高泰式炒飯最遲來，追了一次單才到，有肉鬆腰果蝦等，很足料，不太辣，有薑黃粉味，不錯性價比3.5/5食物質素4/5服務3.5/5

一間裝修風格好有特色嘅茶餐廳～一卡卡座位坐到盡單點同叫咗一個下午茶～冬陰公海蝦球湯粉～冬陰公湯睇落好多湯～一夾起D金邊粉～得返1/3湯～仲要冇咩味～有：3隻大蝦、半粒車厘茄、菇粒、芫荽粒、葱粒～唔知點解有咁大嚿蘿蔔～依碗粉真係好揾笨温泉蛋卡邦尼意粉份量好少～面有芝士粉～多忌廉汁幾嘢味～不過温泉蛋太生～一堆透明物體冇晒胃口～有洋葱絲～幾片磨菇片～成份嘢超細幾啖食完奶茶正常味冇特咁嘅價錢～份量少到咁冇下次

正！好味！好飽！一入去 服務員好好笑容，好有禮貌好精神咁帶位👍🏼我就好想食肉，叫咗個肉眼扒 3成！加25蚊 包埋牛角包、湯同野飲（凍飲都唔洗另外加錢）仲有小龍蝦海膽汁意粉 都有加25蚊凍飲叫咗朱古力，睇得出係㩒機嘅，普通朋友嗰杯凍啡，都係普通之後牛角包落枱，微暖，唔脆，普通野啦再上湯，係薯仔忌廉湯，偏鹹主菜1：小龍蝦海膽汁意粉🍝正！未食已經聞得出有落酒，個汁味濃👍🏼意粉軟硬度適中👍🏼 係啲小龍蝦唔多掂，無小龍蝦味，不過急凍野，明白嘅主菜2：三成 肉眼扒🍴好正！薯蓉好味！肉眼扒又淋，食得好開心！總結：正！會再食！

有日同老公經過大圍，見到大圍港鐵站對面呢間餐廳Red House，第一眼以為係另一間好出名嘅連鎖「紅X冰室」，望真啲原來呢間叫「紅屋」Red House！😆 睇餐廳裝潢以為都係港式冰室，原來menu係主打泰式同西式！我哋見咁特別就入去試吓啦。.我哋今次想食泰國菜，就叫了泰式滷水豬手飯、香葉肉碎煎蛋飯及炸蝦餅。.泰式滷水豬手飯。好大碟，有好多件豬手，好入味，仲要肥瘦好平均，就算瘦嘅部份都係煮到好嫩滑，完全唔會好鞋好韌；伴碟有半隻滷水蛋及超多酸菜！豬手配埋泰式酸辣汁一齊食，又酸又辣非常開胃！😋.香葉肉碎煎蛋飯。我哋叫了少辣，有少少辣非常惹味！我最鍾意有超多香葉肉碎，送飯一流！隻蛋亦煎得好靚😍.炸蝦餅。共有2大塊，各切開一半，有4件。雖然得4件，但每件都好厚！外表炸到好鬆脆，每啖都食到好多蝦肉好滋味呀！😋.呢間餐廳真係外表平凡，但內裡食物質素超高！真係懷疑負責煮泰國菜嘅廚師係咪泰國人嚟？😆下次要再嚟試埋其他泰國菜同西餐先！

今日同屋企人八點幾想搵嘢食就揀咗依家好似新開嘅茶餐廳，都明明明寫住係自動，但係係半開住嘅好似係壞咗雖然樓底低啲，但係位置好寬敞同埋有好多卡位，店員都冇話規定一定要坐出邊安排咗入面嘅位置俾我哋。菜式以西式及泰式為主晚餐有兩個餐牌，但係就不設晚市套餐，嘢飲亦是另外加錢收費。其實仲叫咗個豬手飯，但係食完先記得影。個豬手都幾腍，味道啱啱好，如果一個女仔去份量應該啱啱好。我哋仲叫咗個泰式豬頸肉炒河，賣相幾好，唔知係唔係就閂門，師傅整呢個河粉整到好鹹，有幾塊大嘅豬頸頸肉，如果細少少既豬頸肉，但係又多啲會滿足啲最後屋企人要嗌杯凍檸茶同埋滾水沖吓先食得晒。

Lunch time叫咗個常餐：瑞士雞翼撈麵，配炒蛋牛角包，跟熱檸水。撈麵彈牙，但味道方面只係食得出例湯味同少量、好淡嘅醬汁味。好想知係咪用例湯淥麵？瑞士雞翼無瑞士汁味，肉嘅口感正常。最好味係炒蛋，牛角包口感比較實。最後就係熱檸水好大浸水喉水味。繁忙時間想客人快啲走再入下一枱係可以理解，但食完5分鐘都冇趕咗我兩次，第二次已經拎著毛巾，俾手勢示意我走。好我走。原來職員已經叫定下一枱客人入嚟，喺轉角位等。結論係我唔會再食x100000

餐廳離火車站好近下午茶好抵食👍🏼第一次食雪糕紅豆西多士 超正🤤🤤好甜 而且超多紅豆🤤西多士+雪糕+新豆 味道超夾🫶🏻連埋野飲 先$52 好抵食最近天氣熱 日日放工都想食個tea 休息一下🤤

慎入，永無下次。進入餐廳後，我立即感受到一種不尋常的氛圍。即使門口有一位收銀員，她似乎對我視而不見，全個餐廳沒有任何招呼或引導。自己找到座位後，大部分員工的表情和態度都顯示出對客人的冷漠。有一位女員工走過來站在我身旁，卻一言不發，當我看著菜單時，她又轉身離開。男員工裝作沒看見、沒聽見客人。大部分的服務人員都是來自大陸，說話聲音洪亮，態度粗魯。在點餐時，經過幾番詢問才得知，如果要海南雞飯的雞腿部位，需要額外支付$20，也就是說一份午餐要價$90，而醬汁只有辣椒醬，沒有其他選擇。儘管我要求取消訂單，一位大陸口音的女員工卻表示已經下單，無法取消。「哎呀飯已經到！冇得取消。」隨即把飯菜放在桌邊轉身離開。海南雞飯雞肉帶骨，感覺是放涼了，完全沒有和暖溫度。雞肉大部份都是口感乾澀且淡味的。

同朋友去左大圍食晚飯，朋友話呢間係茶記扮扒房，貪佢就腳又唔貴，所以試下。我叫左個牛肉漢堡$97左右包野飲，個漢堡包好巨形、麵包好鬆軟，肉餅都應該係自家製好鬆軟多汁，薯條新鮮又長，好正好食！另外一個係明太子蟹肉闊麵，好濃好香，都好多蟹肉，唔錯，性價比好高。但闊麵要加$27先有餐，有湯有牛角包有凍飲，佢個牛角包好大個好正但無影相，整體都唔錯好高質，算係好難得。環境門面似扒房，裡面真係靚版茶餐廳，勝在唔駛加一服務費，正！