RBTea (已搬遷) 新店位置

（更正post）前幾天同朋友走咗去銅鑼灣sogo對面金百利行街街，行到攰的時候係三樓看見一間好有特色的餐廳而且裝修也很特別，我們就入到去嘆我們的下午茶，餐廳員工很有禮貌地安排我們坐了一個千秋座位，我們叫了芝士薄脆、煙三文魚意粉、蜆意粉、香蕉抹茶班cake、水果梳打.黑糖奶茶！意粉好香同入味😋我飲品叫一杯第二杯半價優惠好便宜，芝士薄脆好香口和鬆脆👍🏽而我最like就係香蕉抹茶班cake因為兩隻超級的好新鮮的配搭而不會覺得好漏！這間餐廳食物各有特式好味👍🏽

今天又來銅鑼灣，行了好耐無行的金百利，原來和我以前成日行的金百利已好不同，行行下發現有間幾靚的餐廳，而且不係好多人，於是我地入去。初時職員安排我們到鞦千位，真好特別，而且覺得都幾浪漫，不過我怕暈，所以都係選擇普通梳化位。見到個menu,真好心動，樣樣都好靚，樣樣都想試。咁我地選了啲廚師推介的，應該比較穩陣。首先，兩杯飲品：～水果梳打～ $54好靚呀，好多色彩，紅燈黃綠藍，見到已經笑逐顏開。梳打上滿佈生果，有蘋果、橙、香蕉，好新鮮，好好食，仲好健康，推介！～黑糖仙草奶茶～個樣都好得😊 黑糖連奶茶，加埋仙草，好甜好香好滑。主菜，我們叫了三個：～香草忌廉三文魚意粉~ $80賣相都幾好。鮮三文魚，配住好creamy意粉，意粉上仲加上好多黑椒，白滑奶味加上些辣，味道好豐富。西蘭花和香草伴住，令到多點清新。～厚切吉列豬扒鬆餅三文治伴薯角～ $78呢啲食物，尢其窩夫，見到真係都幾好開心。我未食已笑住😛 好特別，用窩夫夾住吉列豬扒，連住番茄和生菜，真係一件窩夫三文治。好脆呀，窩夫脆，豬扒脆，連薯角都好脆。好好食，推介！～海鮮芝士薄脆～ $89又係好靚，充滿色彩！底真係好薄好脆，咬落卡卡

舅父提早收工所以我同嫲嫲陪佢。三文魚凱撒沙律三文魚是採用挪威北歐煙肉三文魚。這種三文成本非常高, 主要是因為肉質非常鮮美。跟平嘅三文魚無得比。配上他們獨有的凱撒沙律及忌廉salsa, 顯得分外滋味。香濃忌廉蜆肉意粉。舅父很喜歡食蜆肉。所以叫了這個蜆肉意粉。配上他們獨有的香濃忌廉汁 加上芝士,舅父吃得喜出望外。嫲嫲話下次要再去。配上他們獨有的水果茶,可以將肥油唔覺去除。總的來說全家人喜歡。這是一個愉快的supper, i like the waffle so much😘

朋友帶我來這間西餐廳，裝飾別緻，花香處處。最特色是餐廳最外邊的兩個位置，有兩張四人搖搖椅卡座，加上田園風設計，很有置身於小花園賞花嘆茶的感覺。食物和飲品選擇多樣化，以西式簡餐為主。小食、沙律、意粉、walfer, pancake等等一應俱全。推介食品： 炸魚枊他他汁鬆餅三文治伴薯角，賣相一百分，光看賣相已經口水直流，烘鬆餅外脆內軟、配以炸魚柳蕃茄生菜，多重口感。推介飲品： Tiramisu 茶奶茶、岩鹽Oreo 朱古力奶茶。兩款熱飲均既特別又好喝。 價格相宜，銅鑼灣又多一個選擇。👏🏻

遲來的生日 🎂 飯，遲咗一個月先同iki 食生日飯。喺銅鑼灣金百利搵到呢間靚靚餐廳。餐廳佈置左好多花，仲有搖搖千秋，自拍一流，啱晒幾個女仔一齊去。餐牌睇啲相覺得好吸引，我哋三個人叫咗好多嘢食, 個人推介黑糖珍珠鮮奶，甜度剛剛好，黑糖同鮮奶味恰到好處，我覺得好好飲！👍🏻另外香草腸沙律、忌廉蜆意粉 🍝 都好好食。蜆肉意粉有滿滿的蛽而且醬汁香濃。女仔梗係要order 甜品呀，香蕉雪糕鬆餅，非常大份，我哋三個人都食唔晒呀，鬆餅外脆內軟 加埋雪糕 🍦 一齊食，prefect!

是日補祝我的生日，想搵一個可以傾吓計嘅地方食嘢，今日揀咗位於銅鑼灣金百利商場嘅餐廳，不嬲都知依個商場上邊好多嘢食，這個餐廳是開放式設計，門口有啲可以搖下搖下既椅，好特別食物方面水準亦都唔錯咸食，甜食，嘢飲，水準都好平均

喜歡意粉的貌相，令繁忙的生活添一點美麗的色彩檸檬綠茶，喝一口令人回味無窮，不知添了甚麼材料。唯一不完美的是：意粉多加了一些黑椒，忌廉味被蓋過了一點點。輕鬆的吃了一頓滿的晚餐🌹環境舒服💟

下午近六時到，打算食個early dinner。叫 了二人餐，餐內食物一吸引一般，需要加錢叫其他。忌廉肝菌湯，一般，只有兩啖份量。前菜+$18芝士蝦薄脆，味道正常，新鮮的主菜+$18 煙三文魚意粉👎🏻：意大利粉未能煮熟，中間有點硬，但勉強可吃，味道.... 就是煙三文魚牛油意粉，食物只是暖主菜+$10 日式咖哩吉烈豬扒飯，沒特別😐，豬扒很鞋....甜品+$10 oreo 雪糕waffles👎🏻👎🏻👎🏻👎🏻，waffles很硬很實，不像剛出爐，還是材料制作不好呢？沒有打蛋嗎？太失望飲品：+$18黑糖珍珠奶茶👎🏻👎🏻👎🏻👎🏻👎🏻，珍珠都沒有煮熟，中心有核的，可吃嗎？？這可是店的熱賣！！+$10 蘋果甘菊茶👎🏻👎🏻👎🏻👎🏻總之.... 不好飲，好奇怪...身為一間台店，基本的悠閒食品飲品都做不好，不知好評是從何來。Sofa位太低，5呎3的女子，坐著低了，坐著cushion才可，6呎壯男坐較合適。無下次。

我見銅鑼灣就嚟咗呢一間餐廳先啦你都去門口有啲遷秋幾得意 好深刻嘅事去到嘅時候背門嘅服務員態度非常之好叫咗個小食拼盤有髯鬚雞有台灣腸亦都有少少卡片同埋薯角。驗收雞份量啱啱好都夠脆，啊份量其實如果係傾計你講啱啱好，薯角甜甜地 台灣腸大條都juicy 最近都好流行飲黑糖嘅台式奶茶我哋叫咗兩杯一杯黑糖珍珠一位黑糖仙草，我自己個人認為，咩都頭佢都夠晒甜但我鍾意先儲多少少可能因為珍珠比較濟食完晒其實本身都夠飽,但係我真係好鍾意食甜品所以都叫左pancake 但係試吓估唔到都幾好食，佢都有少少似蛋糕比較厚身同埋鬆軟再叫咗個Pizza三文魚好薄夠晒隨意㗎喇你都真係幾好食講真如果喺銅鑼灣食飯女仔或者俾個女仔我推介呢一度為環境幾靚又唔會逼！

啱啱去完台灣返黎，勁掛住台灣的鹽酥雞同珍珠奶茶！呢間台式cafe就滿足到我。佢快到新出的呢款鹽酥雞拼盤有齊台灣最地道的小吃，有鹽酥雞、地瓜、台灣腸仔和蝦片。當中鹽酥雞最出色，最有台灣風味，餐廳能夠炸出夜市金黃酥脆的外皮，油餿味適中，肉質口感肥嫩，唯一不好的是份量太少，兩人根本不夠食。另外，要讚它的地瓜條，切得不會太厚，令到地瓜不熟。飲品方面，我們選擇了新推出的黑糖勢力，分別是黑糖布甸牛奶和黑糖珍珠鮮牛奶。雖然香港而家都有好多黑糖飲品的選擇，但系未見過一款有加布甸，飲落5會5夾，反而好有新鮮感。

今日同朋友係銅鑼灣行街，中午想搵野食，佢介紹我E間餐廳，佢話環境舒服，食物都唔錯，所以聽佢講尼食我地叫左厚切吉列豬扒鬆餅三文治配薯角食物等得有點耐，薯條尼到係已經唔熱同有少少淋，唔脆 至於窩夫好香 咬落去表皮係脆既 入面軟綿綿好軟熟 口感有d似海綿  至於整個鬆餅好大件 因為個豬扒比較厚 要爭大個口食 入面配係有蕃茄，唔會太酸，反而提升左味道，唔會咁單調仲有焗忌廉野菌螺絲粉，入面有少少煙肉。煙肉份量比較少，野菌就有好多。雖然係忌廉，但都有少少芝士香味，芝士同忌廉味唔係好濃，食完唔會好膩。螺絲粉軟硬適，又未去到一夾就爛

同朋友行完街去食野，見e間環境唔錯就入左去我地叫左set B鬆餅三文治配薯角 個餡係厚切吉列豬扒 加$9有奶蓋奶茶飲 或者補差價叫其他飲品有小小失望 等左有點耐耐 薯條尼到有點凍同埋有d淋 本身好期待個窩夫三文治雖然好似有d怪又咸又甜咁但係黎到個窩夫好香 咬落去出面仲係脆既 入面有d似軟綿綿既毛巾 好軟熟 ladies們要小心d食 因為個豬扒真係有小小厚 要好大啖咁食 同埋入面係有蕃茄架唔食既親記得落單提佢走蕃茄啦 最後個奶茶好好飲 係細杯左小小仲有焗忌廉野菌螺絲粉，忌廉同芝士味唔太重，不過就好香焗的味道而且有好多野菌

呢排咁興啲黑糖嘅飲品，終於比我搵到個地方，又唔使排勁耐隊。而且仲有冷氣，有位坐，可以坐住嘆既啦。呢間Cafe位於銅鑼灣，一去到已經見到個裝修好靚，環境好relax。咁就一於同朋友一人叫一杯黑糖嘅飲品啦，見到佢有個set係兩杯黑糖飲品再加個小食拼盤，好似好抵喎，咁就一於叫呢個試吓先。我呢杯係黑糖布甸鮮奶，飲落個味好特別啊，又唔會太甜，而且飲落啲布甸好滑，同啲奶茶好夾。我朋友呢杯就係最近好興嘅黑糖珍珠鮮奶，試咗一啖之後覺得都好好味，仲好味過出面排好耐隊果d呀。呢個小食拼盤都都好正呀，全部都係新鮮炸起嘅。我最鍾意就係啲炸雞，因為個調味啱啱好，而且外脆內嫩。呢款腸都好好味，而薯條就係番薯條，甜甜地好開胃。呢間Cafe環境又好，而且嘢食又好味，搵日都要上嚟試吓晚餐先。

鹽酥雞拼盤 HKD66。點止鹽酥雞呀 仲有其他經典台灣夜市小食都喺度😝。連我最鍾意嘅蒜味腸仔都竟然有兩條😍 畀我娘親話我食垃圾食物。反而娘親就會比較鍾意地瓜條 我係咪應該要話返佢鍾意食古草味食物？。 鹽酥雞外皮脆卜卜 不愧係蝦片嘅好朋友。 飲緊兩杯黑糖系列嘅飲品 再食帶有鹹味嘅小食個感覺好舒服黑糖布甸鮮牛奶 HKD38黑糖珍珠鮮牛奶 HKD38。兩杯飲品 我會比較推薦黑糖布甸牛奶。第一 通街手搖鋪都有黑糖珍珠鮮奶嘅時候 我已經飲厭咗黑糖珍珠。第二 布甸遇上黑糖嘅時候味道係唔錯嘅 就好似我哋平時食焦糖布甸 品嚐焦糖味雞蛋味互相配合 只不過而家換咗黑糖。第三 黑糖珍珠個杯上面嘅雪糕認真有啲難bug😂😂。第四 黑糖味道係唔錯嘅 不過我會略嫌珍珠比較硬 但係反而我娘親就鍾意呢種質感 佢話有嚼勁😂😂😂。 總結 我鍾意左手邊 我娘親鍾意右手邊

一次過滿足曬2個願望，從來都5係咁易既事。😂 話說我呢個朋友愛裝b愛打卡愛玩IG，所以餐廳都話要靚要有style，而我又好中意飲珍珠奶茶，但出名既珍奶都係take away，而另一朋友介紹呢間RBTea，兔仔🐰logo，文青裝潢，仲有鞦韆櫈好chillOrder左個鹽酥雞拼盤set連黑糖珍珠鮮牛奶+黑糖布甸鮮牛奶 味道好好又足料，珍珠同布甸既份量直情係黃金比例好滿足，下次再黎👍🏻👍🏻👍🏻