QUE (形點 I)

元朗QUE午市套餐試咗一款火炙壽司盛，包七款唔同火炙壽司加兩件卷，仲有碗野菜湯烏冬。整體賣相幾靚，壽司份量都夠。帆立貝同三文魚炙得啱啱好，表面微焦，油香夠但唔會太過；赤蝦鮮甜，左口魚裙邊油脂多，入口幾順滑，係幾款入面最突出。穴子汁下得幾重味，甜鹹OK；紋甲魷魚彈牙，火力控制唔錯。太卷就中規中矩，蟹籽牛油果幾夾。最意想不到係嗰碗野菜湯烏冬，湯底清鮮又有菜味，烏冬彈口，飲落暖胃，冬天食好舒服。呢個套餐食完飽足感夠又好食，下次會再試其他set。…查看更多

元朗QUE呢間cafe，地方簡簡單單，木枱光線自然，坐低就覺得舒服。今日試咗限定menu兩款菜，幾好食。先試左間八薄切佐京都水菜配土佐啫喱。間八切得薄，入口鮮甜，軟滑唔韌。京都水菜脆卜卜，帶清香，解油膩。土佐啫喱酸甜帶柑橘味，一淋落去即刻提鮮，仲有兩小堆黑魚子，咬落爆汁，口感有趣。整體清新又夠精緻。再試埋燒春雞伴南瓜配羊肚菌汁。春雞燒得皮香肉嫩，唔柴，咬落有汁。南瓜烤到軟糯，天然甜味出晒嚟。羊肚菌汁濃郁，菇香突出，淋落雞肉同南瓜，味道連繫起來，暖笠笠好食。迷迭香一插，香氣更明顯。兩款菜風格唔同，一清一濃，互相平衡。間店服務親切，環境寧靜，啱嗮慢慢食。整體感覺舒服，下次好想試埋甜品！…查看更多

行過見到QUE嘅二人餐幾吸引，二人餐有前菜，主食，甜品同飲品所以入去試吓。叫咗炸薯條配黑松露蛋黃醬，薯條好似炸乾咗少少。燒千葉縣烏賊海苔意大利飯，意大利飯好好食，意大利飯比日本飯硬少少但好有口感。黑松露野菌豬耳朵粉就正常發揮，味道正常 🤣甜品係抹茶提拉米蘇盒子配糖漬紅豆及朱古力甜筒，我覺得兩個甜品個樣好ok但 味道都麻麻地。…查看更多

今晚約了朋友在元朗一聚，不知吃甚麼，可能因為星期五，家家店都在排隊等位，於是貪排隊人少就找了這家，中伏了！好不容易八時許終於入座了，因為太肚餓、又因為有重要事情聊，草草點了個“二人套餐”；點餐時伙計已象是愛理不理的，揚手好幾次才有人來下單，心想：$498的套餐也不是一般消費吧！直到上菜才留意到：伙計好象跟你有仇似的，不單木口木面，還黑口黑面，更奇怪的是幾乎每個伙計都系咁，只有一個年輕人好點，無語了吧！到九時許，主食還未上就來問last order仲有無嘢叫，給我感覺就象催促埋單；埋單時突感驚訝，怎會加了一百多？“二人套餐”由$498變成近$700，再看餐牌，原來數項食物要加錢，但加的價格幾乎要用放大鏡才能看到；論出品，不算太差，但論服務就真係強差人意，唉，怪不得港人都北上消費了，性價比就根本沒法比，招呼更望塵莫及；其中一張收據有個二維碼，原來是服務問卷調查，嘩嘩嘩，要求真詳細，包括：名字、醫貓、手機號、入坐時間、賬單號碼……不如你再詳盡啲問埋家居地址、公司名+電話號碼、職位、收入、學歷、年齡好嗎？這是問卷調查嗎？寫得不好要報復嗎？寫左俾你會虛心接受、改良嗎？我覺得不會囉，所以我選擇在open rice申訴一家品牌店又多家分店尚且如此，唉，香港飲食業憂矣………查看更多

尋晚去咗QUE食飯 嗌咗個二人套餐甜品有兩款餐嘅時候都講明係要綠茶雪糕，再加另一款Tiramisu 到最後食到一半嘅時候就嗌佢哋上甜品，然後等咗差唔多15分鐘就上咗一款綠茶雪糕 跟住食完嘅時候都未上另一款，Tiramisu然後就追佢差一款甜品味上咁佢哋睇完張單呢到最後等多15分鐘就上咗一款拿破崙嘅甜品 咁我哋同佢講我哋唔係要呢款我哋想退咗佢，然後嗰個侍應呢就直接話哦咁你唔要啊咁就走開咗 咁隔咗一陣就冇人理我哋，咁我哋再追問佢先 佢哋先搵咗個經理同我哋講咁我哋就從頭講過成件事俾佢聽咁最後佢決定退返$12嘅價錢俾我，因為我哋叫嗰款Tiramisu係要加$12嘅 咁但係我哋根本就唔係要呢款蛋糕我哋係想要我哋想食嘅蛋糕咁最後佢淨係退咗$12然後打包咗個拿破崙蛋糕俾我哋拎走 其實最開始係因為經過個餐廳門口，佢個甜品好吸引，所以先想入去食飯，然後最後係冇食到成件事真係好失望，估唔到咁大間公司都會有咁嘅錯漏 同埋一開始落單嘅時候都聽得好清楚個侍應有同我哋重複我哋落嘅係啱嘅 但之後佢哋對返張單嘅時候話我哋落嘅甜品並唔係Terris咁成件事就好奇怪又話退返$12然後我哋由頭到尾都冇睇過張單又話我哋落錯成件事嘅處理方法都好啱，唔係一間連鎖公司應該有嘅處理方式張單係最後買單嘅時候先見到而咁樣嘅服務態度，我唔認為係值$600嘅一餐我係唔會再理呢間餐廳食飯！！！！！！！！！！！！！！！！…查看更多