Pulau

營業中

休息中

巴東牛肉班蘭椰漿飯配一碗蘇東魚丸雞湯之前經過見到有人食呢個綠色既飯就好好奇然後自己都決定要去試一試先飯有淡淡既班蘭香味巴東牛肉既味道好香濃豐富又辣辣地好惹味🤤牛肉既肉質煮到唔會柴都算幾腍👍🏻仲有半隻半熟蛋添🤤呢間係中環街市黎講都算係較經濟既選擇👍🏻

中環街市呢期咁 hit, 梗係要去行下睇下打下咭咁喇!🤗 玩完睇完當然食個飯丫!成個中環街市都好多野食, 因為時間尚早, 就揀左六點前都有下午茶既 pulau 蒲羅🥰 🍜新加波大蝦喇沙摻摻🍜-- 份量好多, 好足料, 大蝦, 魚蛋, 糖心蛋.. .. 椰香味濃, 辣度適中! 好惹味!😋🍚巴東牛肉班蘭椰漿飯配蘇東魚蛋雞湯🍚-- 份量都係好多, 有差唔多 10舊牛肉, 啖啖肉! 班蘭椰漿飯好香, 好特別!-- 魚蛋雞湯非常清甜, 仲有唔少章魚粒, 口感極豐富!🍗新加波咸蛋黃單骨雞翼🍗-- 咸香味重, 炸到脆卜卜, 但無熱氣感! 正!🥩參峇醬燒豬頸肉🥩-- 必食!! 份量非常大, 厚切勁有口感! 非常燒烤味, 好好好惹味!

今日返工冇帶飯 ，就四出搵食。 今日嚟到新開無耐嘅中環街市， 翻新過後感覺良好，設計新穎舒適 。 地下food court有好多新餐廳可以一試 。今日就去咗食 食新加坡菜嘅“蒲羅 Pulau“食海南雞飯$68 。雞肉肥美白滑 ，油香十足 。雞湯亦都好足料，有魚蛋同埋八爪魚粒， 並唔係水一般無味無道嘅湯。 個醬汁亦做得不錯 ，尤其是個辣醬，唔會太辣啱曬我呢種唔太食得辣嘅人。 中環嚟講68蚊都叫做合理有餘。 另外仲嗌咗一份茶餐有“咖央多士加兩隻半熟蛋“$36。 多士作為甜品就最啱， 半溶嘅牛油浸曬落麵包到 ，麵包係用麥包，感覺健康一啲。 個半熟蛋都做得幾好 ，橙黃色嘅蛋黃應該都係靚雞蛋。 中環街市有充足嘅位置比人坐，亦都有水站同洗手站 ，設施齊備。

中環街市開咗一段時間，都係第一次去搵好嘢食，原來地下有一到類似food court，有幾間餐廳然後有個common嘅dining area， 轉角見到有間耀目嘅星馬餐廳由於進餐嘅地方係common嘅，所以食物都係主要用即棄碗碟盛載 ，餐廳本身沒有提供飲品，但係就有水可以self service ，點咗個新加坡白胡椒肉骨茶配雞油香飯及油條($82)， 肉骨茶分量都幾多，好香胡椒味，不過味道亦較為濃烈， 豬骨有成三四件，分量都唔少 油飯幾好， 油條ok 仲點咗個咖吔多士($36)甜甜地作甜品， 麥包烘底， 中間搽了咖吔和放了牛油，還配有兩隻半熟溫泉蛋，大蛋黃，呢個係一個充滿能量嘅甜品

中環街市翻新之後第一次嚟打卡，感覺同南豐紗廠頗為相似，都係以文青手作主打，同時都好多唔同食物選擇，我地就揀左呢間新加坡餐廳，係food court食個下午茶。新加坡大蝦喇沙米線$68蝦肉唔算多，但主角係喇沙湯，湯底重椰奶小小辣，好味😋巴東牛肉斑蘭椰漿飯配魚蛋湯$68牛肉燘得夠淋，如果可以熱啲就好，醬汁比得好多，重口味之選。參峇醬燒豬頸肉$82參峇醬好惹味！豬頸肉燒得幾好，仲有小小汁，又唔係太肥，價錢小貴不過有好多塊。以food court嚟講質素其實唔錯，如果有埋飲品就好喇。

第一次去中環街市，想食個簡單下午茶，但唔想食茶記，見到有星加坡嘢食，突然好想食海南雞 。下午茶價錢$68,個份量係午餐份量，雞嘅份量都算多，而且有一肉丸碗湯，驚喜嘅係飲到底見到有魷魚 。但係呢個餐裏邊係唔包嘢飲，喺隔離可以拎水，擺設都算整齊，旁邊亦有洗手機。Ps(咁啱場內有promotion，可以去指定餐廳拎嘢飲，所以已經有嘢飲😆）-但係唔清楚做到幾時😋味道我覺得係不錯～但係碗湯就覺得唔係好夠味~總括嚟講，依個價錢同份量算係比其他餐廳性價比高。

中環街市翻新後開咗個有格調嘅food market，經過一於就黎試吓略隱蔽嘅新加坡菜 🇸🇬 選擇頗多主菜同小食都係經典菜式點左兩個開始食同一個小食。娘惹茶燻鴨 配雞油香飯及蘇東魚丸雞湯（$82）姐姐一拎個托盤出嚟已經聞到好香嘅煙熏味😛😋係唔係茶燻我就真係食唔出🧐但係都唔似普通嘅煙燻鴨胸嘅 鴨肉肉質嫩滑 而且份量好足 「點解食極都仲有」😅😂雞油香飯真係好香雞油味！粒粒分明又唔太膩🍚唔使點佢嗰隻特製醬油都可以成碗拍晒🤤🤤至於佢個湯就出事啦 本身個煙燻鴨肉已經夠晒味 但呢個湯好似落咗十斤鹽咁 一飲落去淨係飲到味精🥵🥵 魚丸好似滾咗一萬年咁淡而無味🙎🏻‍♀️🙎🏻‍♀️返屋企口渴咗全晚🙅🏻‍🙄🙄巴東牛肉斑蘭椰醬飯 配及蘇東魚丸雞湯 （$78）朋友叫嘅巴東牛肉香料味突出 食落微辣 牛肉份量都幾多 鬆化唔韌🤗班蘭飯比雞油飯黏少少 微甜就剛好中和返巴東醬嘅辣🌶唯一唔好嘅係個餐唔夠熱 第一啖食都只係微暖出咗嚟10分鐘已經凍哂 ☹️☹️辣野凍咗邊好食㗎半熟蛋配咖吔多士 （$36）份量只有普通嘉頓麥包三文治嘅大小 勝在佢烘得外熱辣辣，夾着半溶嘅牛油 guilty pleasure 🤤🤤咖吔味道幾正宗 唔算太甜🤓 隻

重新開張的活化古蹟中環街市，雖然我已經是第二次來，但在這裡吃東西，這次還是第一次。這天來到中環街市，還未到晚上六時，街市內部分食肆仍有下午茶吃，便在這裡吃了一個早來的晚飯，以下午茶代替。兩夫妻吃的都是比喇沙、肉骨茶和巴東牛肉來得較為少見和特別的「娘惹茶燻鴨配雞油香飯及蘇東魚丸雞湯」（$72），另外還叫了一份「牛油果核桃青蘋果沙律」（$68），兩夫妻分甘同味。「娘惹茶燻鴨配雞油香飯及蘇東魚丸雞湯」的茶燻鴨全是鴨胸，分量甚多，而且有濃郁的茶燻味，味道雖稍鹹，還算可以，而且雞飯也算及格，配料中的半隻半流心雞蛋、小魚乾、炸花生和青瓜片等，也豐富了這飯的內容，不過那魚丸雞湯，湯裡明顯下了「師傅」，魚丸也甚普通，就只是聊勝於無而已。「牛油果核桃青蘋果沙律」倒好，切成幼條的青蘋果絲、切成小塊的牛油果和細碎的核桃以外，這沙律還下了少許的提子乾，整個完全沒有下沙律醬的沙律倒算得上是清新健康。因為街市內有水機和水杯斟水飲，所以沒喝飲品，這一餐就以白開水佐餐。新開張不久的中環街市內還有多間食肆，下次到來，要試試其他呢！

中環街市開佐一段時間，雖然係附近返工，不過一直未好好黎行下，禮拜六晏晝同屋企人黎到，本來霖住應該都唔少人點知又ok，所以可以輕鬆咁行下睇下food court有咩食。試咗呢間下午茶時段嘅新加坡喇沙同蝦麵，分別係68蚊，無餐飲跟，味道都算ok，不過喇沙裡面嘅米粉會夾雜一啲麵，蝦麵裡面又夾一啲粉，雖然唔係咩大問題，而且係food court食嘢都唔會期望出品好有驚喜，總體而言不過不失。我反而係比較欣賞food court裡面嘅設施，餐盤收集處附近設置咗洗手機。

店舖在活化後嘅中環街市的food court。海南雞飯的order很快，唔使一分鐘。收銀員有耐性，態度好。油飯係凍嘅，滑雞，雞皮多，肉小。內丸湯有兩粒內丸，驚喜係有幾片八爪魚🐙中環堂食嚟講，性價比一般。外賣唔使係呢度買。

去到中環街市參觀唔止可以周圍打卡仲開左好多間唔同既餐廳今次試左蒲羅既大蝦喇沙摻摻 ($78)蝦就真係唔大隻不過喇沙惹味仲有好香椰香摻摻係油麵加米粉索哂d汁味道唔錯

同朋友去中環街市潮聖前當然要醫好個肚先，喺地下餐廳層睇完一圈決定試下呢間新加坡菜。因為要自己搵位嘅關係，我地坐低咗就直接用貼喺枱面上嘅qr code落單，兩碗麵要等廿分鐘左右。我哋點左大蝦喇沙摻摻同大蝦串燒咖哩麵，前者有多啲配料，味道亦香濃惹味啲。我哋中間有去樓上買嘢飲，但兩碗麵放耐左都仲係好好食。以後會再去試吓佢嘅其他食品😋

開幕🥳咁耐都未好好行證，今次終於抽到時間去地下Food Court 行番個圈，好在熱潮過左，中午12點半都唔算好多人，勉強仲比我搵到位😳有別於佢傳統懷舊風情，裝修係現代化既環境。今次簡左一落樓梯附近既Pulau 蒲羅🇸🇬，原本係曬同一間到嗌野食，但最近分拆左海南雞去另一間到賣，可能係太好賣？🧐既然係咁當然要試試個海南雞飯🐣$68 配埋蘇東魚丸🥘雞湯，呢個價錢係中環，超抵添啦，海南雞雞皮滑溜，又唔算肥膩，女士都可以食幾塊試試佢爽口既味道👍肉質未至於好嫩口，比較著重係厚實既質感，可以配埋經典三種醬，甜酸辣，任君選擇😌🐥🐥雞油飯略厭唔夠香口，如果油香味更重會再加分，不過不失😳雞湯都有粒魚丸送番，肉質幾彈牙爽口，表皮有少許炸過，但湯底略厭鹹左啲，有啲似味精湯🤯食海南雞都有些少油膩，另外加杯果言既巨峰提子梳打🍇味道清新又唔會過甜，梳打既氣泡岩曬可以清新口腔👍最緊要係杯好靚😂簡潔利落，滿足到視覺既享受👀始終Food Court 就無服務分，要自己擔位嗌野拎野食，但就係個另類既風味😆

中環街市重開無耐，已經吸引唔少人嚟潮聖打卡，但原來入面仲有好多隱世美食！呢間人氣星加坡餐廳Pulau由樂富開到嚟中環，主打喇沙、蝦麵、海南雞飯等正宗地道星坡菜，由員工到舖面都充滿亞熱帶風情，今次小弟仲專登嗌完嘢食拎去中環街市露天中庭，加埋「椰林樹影」咁嘅deco，嘆住冷氣涼風慢慢食，又可以打卡又可以chill番晚！先嚟個「新加坡海南雞飯配蘇東魚丸雞湯」，海南雞全部去骨，食落口感嫩滑，點埋黑豉油同油飯一齊食，非常match！「新加坡大蝦喇沙」用上摻摻(油麵加米粉)一齊溝住食，口感特別，飲埋超級濃味嘅喇沙湯頭，微微辣辣食唔停口，同埋值得一提係呢碗喇沙非常足料，鮮蝦大隻有咬口，海鮮迷必點！而小食方面嗌咗「半熟蛋配咖吔多士」，香濃嘅咖吔多士配上兩隻半生熟嘅溫泉蛋一齊食，感覺幾又新奇喎！Pulau價錢大眾化又好味，呢間肯定係中環街市經濟之選呀！Pulau — a hidden gem I found inside the revitalised Central Market! This lovely restaurant specialises in a range of traditional

近來最多人講最hit 嘅就係朝拜活化嘅中環街市，除咗有啲特色舖頭之外，最多就係小食店同餐廳。地下G/F 最開陽嗰層全部都係食店，類似一個food court，有室內同埋室外揀，如果天氣好嘅時候坐喺戶外望住個開陽嘅內園景都幾舒服嘅。參觀完之後就梗係搵嘢食啦，當中最多人捧場嘅就係呢間新加坡餐廳，海南雞飯同埋喇沙似乎係最受歡迎，最後我哋就揀咗個傳統新加坡喇沙試一試。傳統新加坡喇沙有魚蛋、魚片條、豆卜、虾、同埋半隻糖心雞蛋，湯底濃郁夠椰香味，唔係好辣，個面底可以揀油麵米粉或者兩溝都得，喇沙當然係揀「摻摻」！湯底好味再配上油麵+米粉，正宗喇沙係咁煮，吃起嚟會較有層次口感除咗喺舖頭排隊之外，其實仲可以係網上order，下次有時間過嚟試埋個海南雞先