Pulau

營業中

休息中

餐廳：Pulau地點：中環街市菜式：新加坡菜餐牌：兩點有茶餐。茶餐有9款飯粉麵作為主食，另外仲有多款輕食。價錢基本上係$80樓下。可以加錢要通菜或者汽水。去收銀落完單自己搵位坐。新加坡白胡椒肉骨茶配雞油香飯及油條 $72新加坡白胡椒肉骨茶好大碗，入面有排骨3件，豬肚4片，同原隻蒜。排骨都有唔少肉食，算淋。豬肚好爽口。蒜好淋。個湯白胡椒味非常重，少少辣喉嚨。另配豉油，辣椒，蒜蓉比你自己調味。雞油香飯大大碗，味道口感都唔錯。油條另上，少少脆。豬頸肉喇沙摻摻 $68 摻摻係黃色粗麵加幼身粉絲，粗麵有咬口而粉絲幼滑吸汁，呢個配搭加埋爽口芽菜超正！個喇沙湯香滑，辣度剛好，梛汁又夠，好惹味。配料有5片豬頸肉，好脆口有肉味又唔肥。其他配料有吸汁豆卜4件，半隻糖心蛋，豆角同脆脆。材料好豐富，水準真係好好。呢個價錢超抵。海南雞喇沙摻摻 $62六件海南雞超嫩滑，雞有雞味，好味又健康。馬拉盞通菜 加$32加配馬拉盞通菜用紙兜上，份量都唔少。有莖有葉，葉嫩莖脆，馬拉盞份量剛好，好夠味。總括而言，主食超抵食，我自己特別鍾意喇沙摻摻。

中環街市呢間主打南洋風味的小店，招牌娘惹茶薰鴨（$68）絕對係驚喜之選！鴨肉用茶葉煙燻過，上桌時打開木盒瞬間飄出陣陣燻香，儀式感十足。鴨皮帶微微焦香，肉質軟嫩唔柴，配上獨特娘惹醬汁——甜中帶辣，仲有淡淡香茅同檸檬葉香氣，風味層次豐富，好有東南亞特色！ 份量都算足，足夠兩個人share試味，以中環地段來講性價比超高。配菜仲有清爽青瓜同酸甜蘿蔔，解膩又開胃。唯一小缺點係飯要另外加，但整體絕對值得一試，尤其鍾意南洋風味嘅朋友！ **推介指數：★★★★☆** **必試：** 茶薰鴨（記得趁熱食！） **貼士：** 午市套餐更抵，可以搭埋喇沙或椰香飯～

今晚在中環和朋友聚會，我們選擇了Pulau餐廳，以下是我對幾道菜的詳細食評。牛油果核桃青蘋果沙律沙律的口感非常清新，牛油果的滑嫩與脆脆的青蘋果形成了完美的對比。核桃的香脆增加了層次感，整體的味道清爽可口，特別適合夏天享用。沙律醬的酸度剛好，不會壓過食材的自然風味。斑蘭咖吔多士斑蘭的香氣濃郁，搭配上焦香的吐司，多士外脆內軟，口感非常好，甜度適中。街頭雞肉串燒雞肉串燒的調味恰到好處，肉質鮮嫩多汁，外層有輕微的焦香，增添了煙燻味。搭配的醬汁也相當美味，增添了風味的層次感。新加坡大蝦喇沙摻摻湯底濃郁，香辣適中，蝦子新鮮且彈牙，令整道菜品更加豐富。加入的米粉吸收了湯汁的精華，口感滑順。

喺中環街市嘅food court入面，又搵到另一間主打新加坡同馬來西亞菜!新加坡大蝦喇沙摻摻（$78 + $10雪碧）。呢碗喇沙湯底濃郁，有層次。大蝦有2隻，分開咗兩半，彈牙。麵條係粗黃麵同米粉嘅mix，吸晒湯汁，食落好滿足。仲有魚蛋，魚片，點綴得啱，增加口感。成碗整體偏大碗。配埋杯冰凍雪碧，飲完好爽！豬頸肉喇沙摻慘（$78 + $10雪碧）。同大蝦喇沙比，湯底中一樣，但豬頸肉真是一個驚喜！肉片切得薄，入口嫩滑又唔會太肥，吸收咗湯底嘅精華，食落好juicy。麵條同配料同大蝦款差唔多，質素穩定。小食方面，叫咗斑蘭咖吔多士（$28）。呢個多士烤到好脆，塗咗厚厚一層咖吔同斑蘭醬，甜度適中，椰香同斑蘭嘅清香好夾。份量ok，兩個人share啱啱好，當甜品或者小食都得。最後試咗新加坡鹹蛋黄魚皮（$56）。魚皮炸得超脆，鹹蛋黃醬汁鹹香濃郁，食到停唔落口！不過份量都算幾多。總括嚟講，呢間唔錯，下次可以再食過！

### 食評：海南雞喇沙油麵今次我嚟到一間新開的餐廳，試咗佢哋嘅招牌——海南雞喇沙油麵。當我第一眼見到呢碗麵，感覺就已經好吸引，喇沙湯底恰到好處，令我忍不住想即刻品嚐。#### 味道喇沙味道濃郁，而且唔會太辣，適合大部分人嘅口味。海南雞肉煮得相當入味，肉質嫩滑，配上喇沙醬汁，真係好好味！另外，碗入面仲有一隻完美的溏心蛋，蛋黃流心，味道更加提升。配菜方面，青豆同埋香茅增添咗清新感，平衡咗整碗麵嘅味道。#### 份量份量方面，對我嚟講算係相當足夠，吃完之後都有飽足感，價錢 $76 偏貴#### 環境自助food court餐廳形式### 總結總括來講，呢碗海南雞喇沙油麵值得一試，但人多嘅時候可能要等一陣！

蒲羅 PULAU中環皇后大道中93號中環街市地下G19經開中環，老友想食新加坡菜，帶咗我去蒲羅，坐底 Chill 吓先。😽馬來燒雞配雞油香飯及蟲草花雞湯燒雞外層香脆，烹調得恰到好處，雞肉新鮮，肉汁豐富，配料有青瓜、車厘茄、雞蛋、銀魚和花生，雞湯油飯鹹度適中，好味道！😋新加坡白胡椒肉骨茶配雞油香飯香濃的白胡椒湯底，辣度適中，肉骨口感煙韌，肉汁豐富，豬肚爽口彈牙，蒜頭肉口感鬆軟，油飯煙韌入味，推薦！😍馬拉盞通菜通菜炒得夠勻循，少辣剛剛好，吸收了醬汁的精華，爽口惹味！😸燒魷魚鬚魷魚鬚口感煙韌，爽口彈牙，鹹度適中，加秘製辣醬，好惹味！😋蒲羅 環境舒適，食材新鮮，肉骨油飯魷魚正，店員服務態度好，回頭率高。😎🤘🏻

中環返工的，大概都知道Palau。food court 人氣挺旺的一間新加坡菜！ 唔好以為人龍長，就代表出菜慢，我大概等左5-6分鐘就拎到，非常快手！佢地仲會定期出一些新菜式/ 改餐牌的～ 好耐冇食過正宗嘅喇沙～例牌點招牌新加坡大蝦喇沙摻摻，再加一碟馬拉盞通菜、及小食手打櫻花蝦餅～• 招牌新加坡大蝦喇沙摻摻喇沙湯頭超濃郁，味道香氣撲鼻，先飲一啖湯，椰香同辣度都好均勻，摻摻係油麵加米粉咁解，各有唔同口感，但係每一啖麵或米粉都好掛湯。蝦肉爽口扎實，配料仲有超入味豆腐卜、魚蛋、魚片條、芽菜同半隻雞蛋！份量好足，辣辣地好開胃！馬拉盞通菜惹味，份量都多，夠2人分享蝦餅中規中矩，口痕可以一試😁

好友約我去位於中環皇后大道中93號中環街市地下G19號舖的<蒲羅>食下午茶餐，food court 型式經營，先購票後取餐，自己找空位坐。我哋點咗：🥢巴東牛肉班蘭椰漿飯配蟲草雞湯 $68 + 馬拉盞通菜 $32牛肉炆得軟腍入味，牛味香濃，送飯一流，拌點有花生、魚 乾及半隻溏心蛋，蟲草雞湯好味又好飲。🥢檳城蝦麵 $68+馬拉盞通菜 $32蝦麵賣相繽紛，配料豐富又好味，有豆卜、開邊蝦肉、溏心蛋、芽菜...等。馬拉盞通菜青青綠綠，好味又好食。🥢手打櫻花蝦餅 $48：蝦餅煎得香脆可口，食到蝦肉粒添，好味。

中環收工食晚飯，來中環街市可以選擇多多，氣氛氛圍也十分好。今次試下新加坡🇸🇬餐廳——蒲羅Pulau 快餐形式為主，霸定位，再點左兩個餐：娘惹茶燻鴨配雞油香飯及蟲草花雞湯 $92新加坡🇸🇬白胡椒肉骨茶配雞油香飯 $92兩個餐都跟汽水，賣相好好，蒲羅應該有專門店，所以菜式味道有標準有水準，味道絕對有保證。燻鴨大大塊，味道超香，白胡椒肉骨茶的🧄更是健康令人有驚喜，成個食曬🤭斑斕咖央多士$28 最後必食多士，當埋甜品，最鍾意中間牛油，肥都照食，好好味😋

中環街市活化後多左好多野行，又可以打下卡，呢晚就同老公嚟中環city walk下，之後行到攰，就去中環街市攞野食。 自己搵位坐地面一行入去就見到呢間Pulau，食星馬菜嘅，有9款主食，主打掺掺麵。嗌左兩set《新加坡大蝦喇沙掺掺 $78》有豆腐卜、開邊蝦、豬腩肉片同埋半隻蛋～香味濃郁，微微嘅辣，最特色係摻摻有油麵同米粉，雙重口感又掛湯。 《新加坡白胡椒肉骨茶（豬排骨，豬肚）配 雞油香飯及油條 $82》湯好重胡椒味，又唔會辣喉，油條可以浸湯又或者蘸黑醬油都好味；油飯有淡淡油香，唔會好乾，撈啲蝦醬油都好食。《串燒拼盤（雞肉.大蝦.魷魚鬚） $78》有沙嗲醬好惹味，魷魚鬚有啲韌，蝦同雞肉都入味。

放工同女同事去食少少嘢先返屋企，去咗中環街市個food court。嗌咗一碗麵、一個小食同一個沙律share食。呢度冇特定嘅座位，只要喺範圍內都可以坐低。呢排天氣涼涼哋坐出邊應該幾舒服。每個主食可以加$32通菜及加$10罐汽水。呢晚海南雞掺掺同通菜都賣晒，所以改咗食蝦麵同沙律。《 檳城蝦麵 $78 》呢個麵係湯底味道濃郁，蝦味及椰香味濃，加埋有啲炸蒜片更提香；呢個麵係「掺掺」，所以有米粉溝油麵；米粉會比較多 更吸收湯底精華。 《 手打樱花蝦餅 $48 》有4塊，幾有蝦甜，蘸埋甜酸醬更加惹味～ 《 牛油果核桃青蘋果沙律 $68 》呢個有驚喜。青蘋果絲好爽甜，仲有牛油果同核桃，配上芒果汁好香甜開胃！+$10/罐雪碧（第二罐 正價$12）

今日返工有啲野要跟，落咗中環做野順便食埋Lunch先返去，揀左呢間試吓。地理上一入正門第一間食店就係佢，方便易搵，返工快食Lunch都算好方便。Menu都唔少選擇，Lunch set飯類除左跟雞油飯/椰漿飯，仲跟埋個蟲草花雞湯，中上環嘅價錢嚟講呢個set都算合理👍🏻今日揀左最平嘅馬來燒雞配油飯嘅Set ($75)，老實講肉量就一定無Menu張圖咁多件，不過又未去到照騙嘅程度🤣同埋質素嚟講呢個價錢都真係算唔錯，雞皮好食，肉算厚身同埋唔鞋口，咬落去熱得嚟都Juicy~總括嚟講，如果喺呢頭返工，放Lunch得閒都會食下，都算推薦👍🏻

巴東牛肉配班蘭椰漿飯牛肉軟爛，香料入味十足。配的小菜清爽解膩。巴東牛肉飯來說，量也算是很足。班蘭椰漿飯顏色鮮艷，綠綠的，令食慾大增。另+$32 就有一份馬拉盞炒通菜正常的炒通菜，香口惹味～娘惹茶燻鴨配雞油香飯及蟲草花雞湯之前都沒留意到有娘惹茶燻鴨這美食真的要多出去 了解不同地方的當地美食 難得有新的 怎麼不一試！！喜歡燻鴨好香 油脂和煙靭鴨肉配合真的好贊 就算不是喜吃肉的人 也會喜歡蟲草花雞湯足料 有埋雞肉吃就更好🤣這家店就是正常的味道，在中環街市正門一入的第一間就是。勝在便捷，是和朋友或一人食好去處。

第二次到訪中環街市食新加坡嘢經開中環，同朋友想食新加坡野食去左蒲羅 Pulau，同上次一樣咁好食😋可以同朋友一餐快靚正嘅dinner😍✨海南雞喇沙$76海南雞好滑，湯底好香濃，有豆卜同半隻糖心蛋😍✨參峇醬燒豬頸肉 $82豬頸肉好juicy，唔會過乾，同埋真係醃得好入味🤤✨鹹蛋黃魚皮魚皮十分之香脆～加埋鹹蛋黃好香，一口接一口，食唔停✨班蘭咖吔多士 $28麵包好香班蘭味，加埋牛油，真係好邪惡，不過好好食😚

星期六晚途經中環街市，見個場無咩食客，大把吉枱，所以幫襯。手機落單，使用送餐服務，第一張單無問題。進食中途想加單，所以繼續手機落單，希望享用送餐服務，誰不知職員在處理第二張單時唔願做，唔肯送餐，我自己去柜枱取餐，職員仲要老土，態度惡劣，豪無服務可言。今時今日，怪不得星期六晚個場都靜到死。再去中環街市都唔會幫襯依間。