Popinjays

營業中

休息中

-𝐏𝐨𝐩𝐢𝐧𝐣𝐚𝐲𝐬 at The Murray 🦪位於中環美利酒店既意大利餐廳最近會係每月最後一個星期五推出全新限定 - Night Brunch 夜間早午餐菜單 可以無限量任食優質精緻意大利菜餚 - 包括海鮮拼盤、牛扒等等🍽️並附帶兩小時免費無限暢飲 Ruinart 香檳、烈酒等🥂🥳除此之外一邊欣賞中環夜景 一邊享受現場DJ表演 🌃 想講當晚既女小提琴手 好堅 全晚都唔洗睇譜 一邊拉琴 一邊有同食客互動 氣氛勁好 重點係 呢個套餐仲會包埋迎賓豪華魚子醬黎提升整個用餐體驗 性價比都好高✨ 價格方面其實係因應Night Brunch 所配搭既各項暢飲套餐而唔同:+ “Sobered Up” 無限量軟性飲料($888 /pp)+無限量 Ruinart 'R de Ruinart' 香檳及自釀烈酒 🌟包括迎賓魚子醬體驗($1288/pp)🌟+ “Take Me Higher” 無限量 Ruinart Blanc de Blancs 香檳及自釀烈酒🌟包括迎賓魚子醬體驗 ($2888/pp)🌟🦪海鮮拼盤呢個係最為吸引 想食到回本就靠呢度🌊 所有海鮮都好新鮮 而且賣相相當吸睛 包括超高質肥美爽口既

尋日去完婚禮,等緊老公做兄弟影外景嘅時候,自己一個偷走咗去 Murray Hotel 嘅 rooftop bar — Popinjays! 嘆返杯嘢飲真係人生一大樂事!🤩 佢哋個 520 平方米嘅環迴露台真係不得了,可以飽覽成個中環嘅靚景,仲要嗰日有海霧奇景添,真係好 dreamy! 🌫️最正係 Happy Hour 時段 (每日 3-6pm),wine🍷､beer🍺､classic cocktails 同 spritz🍹 全部都係 $78/glass,仲會送三款精緻小食!CP 值超高!抵到爛!🤩 我叫咗杯 Lillet Spritz (Lilet, Sparkling wine, Tonic, Cucumber & Mint) 🌿,清新又好飲!望住個太陽慢慢落山🌅,加埋淡淡嘅海霧,真係好 chill 好寫意 😌 Perfect me time! ✨ 享受片刻寧靜真係好重要!🥰📍Popinjays @ The Murray, Hong Kong

食物出品一流，所有意大利粉的醬汁做得精細，能突顯當中食材的配搭、主菜的牛肉及魚的選材十分出色，牛肉十分嫩、魚肉軟滑，咖啡gelato 好香，Tiramisu略顯失色。大部分的服務員體貼不過度。

每年聖誕都會搵tea buffet食，今年上The Murray官網見到Popinjays有Festive afternoon tea buffet，就book嚟試吓。話明”festive”，官網上面嘅圖同埋confirm booking個email張圖係擺滿聖誕裝飾，甜品亦係聖誕造型(冇圖因為openrice唔俾post screenshot)。相信因為聖誕緣故，我係需要預先俾晒full price以成功預約。點知去到見唔到任何聖誕setting嘅食物，問侍應就話weekend唔係做buffet。之後我再問佢咁d甜品係唔係聖誕版本？同埋show咗官網/email幅相俾佢睇。侍應確認係，只係不是buffet形式。點知嚟到嘅甜品係咁樣樣，仲衰過東海堂質素每位要$588+10% service charge。貨不對辦，呃咗我。服務仲要好差，代客泊車唔記得俾泊車車飛，餐廳侍應問完嘢多次不主動回應。Popinjays一定係我食過最差最差，性價比最低嘅一餐afternoon tea。千祈唔好嚟中伏。

10月初同朋友用優惠價錢每人$ 709食左一個好滿足嘅早午餐餐廳內部裝修簡潔明亮，加上360度港島美景真係冇得彈。打頭陣嘅香草麵包雖然好好味。但為咗留肚我哋都唔敢添食海鮮拼盤先聲奪人，有生蠔、煙三文魚、帶子、韃靼三文魚、韃靼鱸魚同魚子醬，全部都好新鮮。雖然食完有啲意猶未盡，但隨之而來嘅三「小」碟已經分散左我哋嘅注意力，有水牛城馬蘇里拉芝士配番茄、慢煮小牛腰肉配三文魚及酸豆醬同埋雞肝醬，水馬城芝士完全冇令人失望，平時唔食鵝肝嘅我居然覺得個雞肝醬配脆片好香口，同小牛肉薄片平分春色。跟住落嚟有龍蝦燉肉意大利粉同番茄煙肉意大利麵，呢兩道意粉濃厚嘅醬汁各有特色，我哋原本已經開始有啲飽但係都忍唔住連汁都食晒，未到主菜已經八成飽但面對三道主菜包括煎鱸魚、烤春雞同意式切片牛排都唔想錯過，點知最後仲有一個賣相勁吸引嘅生果加甜品盤，加埋soft drink 無限添飲，食完呢餐真係飽到一個點因為食物嘅份量唔細，我哋食到後來嘅意粉先確認原來所有食物都可以無限添食。最後我哋只係encore 左生蠔2次，其他食物雖然好好食但都只能食一次當日係星期日，但餐廳只係若三成滿，若果係以前應該🈵⋯⋯希望多啲香港人留港消費啦

一黎到安排座位，叫完餐送餐包，個包包好軟熟，唔錯。之後又送個湯，份量小但好味，味道特別唔錯。飲完都要等一下先再出下一道菜，就係我最想食既生蠔魚子…海鮮拼盤，價錢貴左啲咁囉…食完就等到雲吞來喇。🤭食緊時候，感覺自己係安評判咁，啲汁好味好creamy, 喜歡！之後等埋牛扒都要有啲耐性（其實係耐左小小），不過到我一切開塊牛，真心靚，好有肉味，唔點汁都夠原汁原味，好味。 薯條就不過不失，每條都有掛到黑松露醬，味道夠唔洗太多。最後碟芝士菠菜，但略嫌不夠乾身，有點水（稀）。還有一點，食到尾聲有啲趕收碟（收碟既係香港人），仲未食完已經自動收走隻碟，呢度要改一下，最好先問客人是否想留或可收走。大致上都滿意開心的，其中有位大粒外籍人士經過見到甜品主動過來say左happy birthday🎂

『中伏』本來很開心的來到美利飯店的Popinjays和朋友興祝生日。怎麼知道……強差人意這裡除了環境好之外就想不到有什麼好食物soso，服務就真的……讓人很失望這麼大地方，很難找人招呼你 好不容易容易找到人但又會失蹤跟個女侍應反我白眼個afternoon tea是任喝的，但比完第一杯我地後，找人幫你喝醉是一個難度沒人會自動幫你加喝，好不容易才找到個人找到個講國語的侍應麻煩他酗酒，說等一下但永不回頭！最後我哋喝到兩杯haha

之前join 班女生去食尼間，係其中一個女仔介紹既，第一次去，位於美利酒店入面，上到去覺得環境裝修比到一種寬敞既感覺，加上一d花既裝飾點綴，陽光照射顯得入面光線特別明亮，另有個室外地方俾人拎下酒杯chill下，而食物方面，外形有特色，味道都好食唔錯，值得讚既係主要係甜點，服務不過不失，係一個值得去嘆既地方。

今年的生日就留在香港Staycation 慶祝一下。今次我們選擇了位於中環的五星級酒店香港美利酒店The Murray Hong Kong晚餐我們一早在網站預約了頂層餐廳Popinjay 享用晚餐。我們點選了生蠔🦪，龍蝦🦞及燒大蝦🍤。酒店提供了麵包及前菜西瓜配芝士。海鮮都很新鮮，我們特別喜歡燒大蝦🍤啖啖肉🥰最後酒店因為遲了上菜不好意思送了一支香檳🍾️給我們享用。整體環境食物都不錯。最後我們還出了天台露天位置享受一下中環半山夜景。用餐過後當然要到酒店的打卡熱點打卡吧。

本身諗住Happy Friday放工就舒舒服服開支酒傾計食飯, 打電話訂位時被告知當晚有event ，最遲9:30要交枱，ok無問題。點知坐落準備叫野食時，話要8點交枱。大佬，叫得嚟等到啲餸送到嚟，得1個多鐘頭點食得切呀酒都breathe 唔到啦！服務員就sorry sorry 咁，我哋知道都唔關個waitress 事，唉，天氣熱仲邊鬼好氣再揗嚟揗去估唔到5-star hotel restaurant 會擺得咁低級嘅烏龍。Anyway，最後決定食個seafood platter 當starter，之後再轉塲食正餐。成份platter 中規中矩，oysters 無記錯的話就係coffin bay, 唯一好啲嘅就係caviar ，我就配少少用嚟增加返澳洲生蠔天生缺陷嘅層次感。 食完，走人。

見 popinjays 出左新menu就試試☺️ Gran Crudo海鮮拼盤夠晒豪華，有齊生蠔、紅蝦，海螯蝦、醃製帶子、吞拿魚、魚子醬等，海螯蝦好鮮甜，其他醃製嘅刺身都好出色，配酒一流。Insalata Di Polpo 燒八爪魚同煙燻薯仔，八爪魚勁淋身同富有燒烤香味。兩款手工意大利麵都必點☺️ 自家制三文魚意大利雲吞配檸檬牛油汁，滿滿嘅三文魚同蟹肉，鮮味十足，再配埋檸檬牛油汁都幾夾。紅酒燉牛肉手工意粉，慢煮牛肋肉加埋巴馬臣芝士醬汁一齊煮，個汁勁rich，同埋用左闊條麵真係好掛汁好正。主菜嘅特色南意大利醬汁燒海鱸魚真係大推，用左迷迭香、鼠尾草同檸檬一齊焗，魚皮焗到好脆但魚肉岩岩好，唔乾，連我呢個一般食差熟魚嘅人都覺得幾驚喜。

ℂ𝕖𝕟𝕥𝕣𝕒𝕝 • ℙ𝕠𝕡𝕚𝕟𝕛𝕒𝕪𝕤 ✨📍𝟚𝟞/𝔽, 𝕋𝕙𝕖 𝕄𝕦𝕣𝕣𝕒𝕪, ℍ𝕠𝕟𝕘 𝕂𝕠𝕟𝕘, 𝕒 ℕ𝕚𝕔𝕔𝕠𝕝𝕠 ℍ𝕠𝕥𝕖𝕝, 𝟚𝟚 ℂ𝕠𝕥𝕥𝕠𝕟 𝕋𝕣𝕖𝕖 𝔻𝕣𝕚𝕧𝕖, ℂ𝕖𝕟𝕥𝕣𝕒𝕝📌 #penguin_central :::::::::::::::::::::::::::::ne of my fave rooftop bars with an alfresco terrace for after-work tipple! @popinjayshk @themurrayhk The restaurant serves European gastronomy amid a contemporary interior. Overall, good vibe, great food and service, can’t wait to return!🌊Gran Crudo 海鮮拼盤 $1080🥩Vitello Tonnato 慢煮小牛肉配吞拿魚醬 $290🐙Insalata di Polpo 意式烤章魚 $320🥟Raviolo al Salmone 自家製三文魚意大利雲吞 $3

近來發現位於Murray的Popinjays推出了全新的意大利菜單 由主廚Paolo Tolleretti主理 以現代風格重新演譯傳統地道意大利風味 並使用新鮮簡單的食材入饌 酒店裝潢設計時尚有格調 並富現代感 擁有無敵鬧市景觀的環迴露台 是與家人朋友共享聚會聊天的好去處.【Starters】▪️Grand crudo (seafood platter) | $1080頭盤是Gran Crudo 海鮮刺身拼盤 擺盤華麗精緻 海鮮包括地中海紅蝦 挪威龍蝦 新鮮開蠔 穆雷魚子醬等 簡單調味醃製已突出其天然的鮮甜.▪️Insalata Di Polpo (octopus salad) | $320前菜中頗喜愛這道烤八爪魚沙律 烤過後的肉質依舊軟腍 並富有彈牙口感 煙燻薯仔恰到好處 配上意大利甜椒色香味俱全.▪️Vietllo Tonnato (Slow cook Veal) | $290Vitello Tonnato 小牛背腰肉是一道經典的Piedmont名物 細切後的慢煮小牛肉口感嫩滑 配上忌廉奶油質地的吞拿魚醬 並綴以開胃的酸豆 作為前菜最適合不過.【Primi】▪️Pappardelle Al

Popinjays 位於中環美利酒店26樓，除了可以飽覽夜中環的景色，富有時尚感的裝潢都好適合慶祝紀念日、生日去。食物方面以傳統意大利菜為主，配上新鮮的食材，質素、環境、服務都令人眼前一亮。意大香風乾蕃茄麵包，上枱時還是熱烘烘的。先來海鮮拼盤。材料好豐富，如有生蠔、西西利紅蝦、醃製帶子、呑拿魚他他等，佐以俄羅斯魚子醬，好咸香，非常有風味！西西利紅蝦勁鮮勁甜！另外兩款前菜，有意大利烤章魚配煙燻馬鈴薯 ($320)和慢煮小牛肉配吞拿魚醬($290) 八爪魚經過特別烹調方法之後，出乎意料地入口淋身唔難咬，亦好入味。慢煮小牛肉亦好出色！面頭的呑拿魚醬沒有違和感。主菜方面，自家制三文魚意大利雲吞配檸檬牛油汁 ($320)最深得我心！自家製餡料有勁足料的三文魚，每粒意大利雲呑都飽滿飽滿的，鮮味非常，配以忌廉汁，加上蟹籽點綴質感好rich!另外，慢煮牛肋肉雞蛋手工寬帶麵 ($320) 也不會令人失望。手工寬蛋麵蛋香味夠，比起一般的乾意粉更有過人之處。完全吃到手工帶來的細緻味道。牛肋肉經過慢煮之後入口即溶，亦都好入味！今晚的最愛莫過於這款南意大利醬汁燒原條海鱸魚 ( $880) 上枱已經芬香撲鼻，伴上

愈來愈喜歡中環紅棉道的美利酒店，喜歡這酒店的位置遠離喧鬧，環境寧靜私隱度亦高。裡頭的駐酒店餐廳也是頂級有水準的，今年也先後光顧過這裡兩間的西餐廳，吃過他們的早午和晚間的自助餐，令與我一起吃的友人也讚不絕口。這酒店二十六樓的天台餐廳及酒吧 - Popinjays 又如何呢，適逢他們最近推出全新的菜單，以現代風格全新演繹主廚家鄉地道意大利菜的風味，其菜式更適合一班人一齊分享，今天晚上我和家人就來試試。先說餐廳的環境，是一間酒吧餐廳的格局，在酒店的頂層，分室內與戶外。戶外是三佰六十度的露台，能俯瞰整個中環和半山豪宅的美景，尤其是在傍晚，一杯在手，晚霞在前，一天工作的辛勞此刻盡消。新菜單以新鮮簡單的食材入饌，我們先點了海鮮拼盤 Gran Crudo 作頭盤，新鮮的海螯蝦、生蠔、挪威龍蝦、西西利紅蝦、醃製帶子、吞拿魚他他等以簡單調味醃製，以保持各海鮮的鮮甜，俄羅斯魚子醬咸香的味道，放在新鮮生蠔面上來吃，與檸檬汁爭到一日的長短。意大利烤章魚 Insalata Di Polpo 配煙燻馬鈴薯，八爪魚經輕烤過之後，仍保持嫩滑彈牙，煙燻了的馬鈴薯和意大利甜椒皆香口，這配搭成了一道意大利美味。慢煮小牛肉配