PLAYT 咖啡廳

星期六去咗銅鑼灣行街,想搵地方食Tea, 有朋友提議去食Tea buffet, 諗起Parklane間 PlayT有tea buffet,打去問左有位就行過去.去到坐低咗,就開始攞嘢食啦. 今次黎到又幾多嘢食喎,款式同之前既都有唔同. 海鮮方面都有青口,蟹同翡翠螺, 算係唔錯. 刺身都好新鮮, 有三文魚吞拿魚八爪魚. 另外好surprise既係有軟殼蟹, 其他既多春魚同點心之類. 當然唔小得既係甜品.咁就食嘆咗個happy既下午…查看更多

今日約咗成班朋友一齊嚟到銅鑼灣呢一間playt到食lunch buffet, 其實都唔需要點講，你可以睇下我啲相，入面啲嘢真係超多嘢食如有西式呀日式，串燒同埋有啲越式河粉。 反而日式都有好多嘢食例如生呀壽司應有盡有同埋亦都有我最愛嘅龍蝦仔， 價錢就普通啦又唔算太貴。 可以約多啲朋友一齊嚟 試下，因為真係啲嘢食好新鮮。 價錢適中!…查看更多

因為屋企人話想食buffet，咁啱呢間buffet係我公司附近,我可以收工直接過嚟就book咗呢間，由6:30食到9:30。佢地啲生蠔係即開嘅，都幾鮮甜嘅，同好有海水味，不過都唔係好多人排隊基本上得七八個人左右。佢好似係一個鐘左右出一次燉湯，都好好飲。不過我真係好鍾意食鵝肝佢啲鵝肝好好食，睇相就知啦同埋嗰度又有啲蟹腳同龍蝦每人仲包一杯飲品，我叫咗熱檸蜜仲會另上蜜糖同埋甘啱我去嗰日竟然有榴槤雪糕我最愛啊！因為好似唔係日日有，同埋應該係佢哋自己用雪糕機整，勁香榴槤味真係由頭食到落尾…查看更多

難得放假～媽咪又得閒～所以決定同媽咪黎食左lunch buffet lu去到個陣早左少少～仲未開始食～所以去視察左陣環境先～哇！入面有勁多款嘢食～唔同國家既食物都有～個陣睇到都流晒口水～仲要見到有榴連雪糕！！！！個個staff仲同我地講叫我地留到最後先食～因為味道真係濃郁！個日食左好多食物～d staff都好好～見我地食完卜就即刻收好d碟～又幫自動幫我地添水～…查看更多

喺香港搵整得好味的自助餐 真的有難度因為我哋已經食慣刺身同海鮮我哋已經經常食三文魚刺身 希靈魚刺身。🥳Fresh oystersFrom France and the US。🥳鵝肝 勁肥厚濃郁。呢度嘅雪糕好有特色Surprisingly, paisley favour which doesn’t taste as good as I have imegined。近排好流行有榴槤甜品這裏有一種榴槤布甸底部竟然有一小塊新鮮的榴槤帶給我和朋友很大的驚喜😉…查看更多

質素幾好既lunch buffet選擇多，幾好味，服務員會不停收起用完膳既碟，令人可以走幾轉拎野食中式西式日式每樣都有d可能撞正榴槤季節，有榴槤葡橽同雪糕意想不到的好味，就連我唔中意榴槤都覺得好味就認真唔錯仲有茅台雪糕，個酒味濃郁。。哈哈。。會醉嗎？可惜甜品區偏少選擇，可能榴槤既魔力被掩蓋…查看更多

星期六去咗銅鑼灣行街,想搵地方食Tea, 有朋友提議去食Tea buffet, 諗起Parklane間 PlayT有tea buffet,打去問左有位就行過去.去到坐低咗,就開始攞嘢食啦. 今次黎到又幾多嘢食喎,款式同之前既都有唔同. 海鮮方面都有青口,蟹同翡翠螺, 算係唔錯. 刺身都好新鮮, 有三文魚吞拿魚八爪魚. 另外好surprise既係有軟殼蟹, 其他既多春魚同點心之類. 當然唔小得既係甜品.咁就食嘆咗個happy既下午…查看更多

早2個月，有幾餐飯局話要食自助餐，我睇左幾個youtubers 講酒店自助餐，食完都係一般……6月有次朋友搞嘅生日飯係呢間playT, 我覺得堅吾錯，所以7月有飯局，我就提議呢度生蠔 即開 每人每次限取2隻，美國同法國，2隻都吾錯，海水味勁重，有人會覺得太鹹。海鮮區 小龍蝦，青口，蝦，長腳蟹，龍蝦鉗係最好味鵝肝多士 每人每次2件一向怕膻味嘅，但熱辣辣加個汁夾多士食，又好似好味吾覺佢膻，不過佢地抽風幾差，好大油煙係煎緊嘅時候巴拿馬火腿蜜瓜 沙律菜選擇都算多2次去食都覺得好正嘅蟹蓋西班牙海鮮炒飯 就好似淡味左，上次6月食時好味d串燒 壽司剌身 一般 但都好新鮮其實最精彩係甜品，有益力多味軟雪糕，有個話梅汁浸波蘿中式熱炒，燒味，點心，pizza 我都無食，因為太飽啦！ 但我知道蝦餃係好正，上次朋友有食到。仲有個中式燉湯，好鮮甜，應該次次吾同料。…查看更多

作為香港首屈一指嘅酒店自助餐呢一間絕對係冇得輸價錢方面雖然唔會平但係絕對會令你覺得物超所值尤其是當你見到無限嘅生蠔供應而且係來自唔同地方有法國有英國嘅紅可以飲你是直情係覺得回本仲要每一隻好都係新鮮即切即食只會感受到淡淡的鮮，完全冇腥味配合埋自己鍾意嘅醬汁簡直係一流第二個最多人鍾意嘅一定會係鵝肝多士每隻哥哥都係一定新鮮即煮完全唔需要落油都已經離遠都可以聞到好香好香嘅味道多事方面都係趣卜卜溝埋一齊完全係有趣柔軟又多汁又香優先簡直係人間天堂至於甜品方面雪糕係完全唔會估到用邊一隻牌子因為全部都係自家製造好味程度同Häagen-Dazs同movenpick都拍得住, 有時仲會遇到好多唔同嘅驚喜尤其是當就嚟食完嘅時候甜品方面有時都會有唔同嘅花款係突發咁樣派發所以真係食得又驚又喜又開心又難忘…查看更多

呢排好癲好忙好想發洩，心理唔多平衡，唔知原因或者成因，好想好好地食一餐，我字典入面唔開心需要暴食，暴食完就會開心，開心先至有幹勁去做嘢，喺銅鑼灣區食buffet五星酒店級數，Park Lane入面既Play T之前都有食過Dinner，可以encore再嚟，今日叫埋啲同事一齊食，坐低去睇睇沙律選擇好多，海鮮類有海蝦青口翡翠螺，呢3樣真係食唔停，刺身有三文魚吞拿魚八爪魚，之後係熟食區居然有驚喜發現，見到我最愛嘅軟殼蟹，多春魚，蝦餃燒賣，今日總算發洩得夠。…查看更多

食自助餐我通常都會揀有生蠔食既。雖然我知道自助餐既生蠔大小同生蠔都唔好同出面散叫相比，但既然係任食，緊係揀d有自己鍾意食既野啦😋等左甘耐，終於黎到今晚黎Playt食buffet！一入餐廳，首先會經過食物區，之後先到座位。 食物方面選擇都幾豐富，海鮮就有我岩岩講既生蠔啦，仲有龍蝦、長腳蟹、青口同泰式生蝦。生蠔係即開既，每次每人只可以拎兩隻，今日既生蠔黎自美國同法國。法國生蠔比較薄身，但都好新鮮。佢呢到既ribs質素令我幾驚喜，肉質幾嫩又juicy，而我.....係食左三塊既仲有鵝肝同燉湯都好好味，燉湯就每次一出就會好快比人拎哂嫁喇，之後又要等下一輪。熟食仲有點心，粉，小菜等等，但我就無食到。甜品質素都幾好，opera蛋糕同日式鬆餅好味呀，食左兩件！雪糕係Playt自製，茅台味幾特別，有d似h牌既rum雪糕。今晚用匯豐信用卡仲有折，總括黎講性貨比都幾高。…查看更多

公司大地震，舊同事全部都唔做，我就今日farewell佢地兼慶祝一位同事生日，過去每一次都係老闆請食飯先來，今次冇老闆出現，我哋心情自然輕鬆愉快，食嘢都食多幾件，準時3:15入場，第一時間去攞沙律，因為好多種類又新鮮，食咗唔少種類，之後諗住睇吓有冇湯之類嘅嘢飲，點知見到有好耐冇食過嘅碗仔翅，一定要幫襯啦，冇生粉水質感實在，暖完胃，食刺身三文魚新鮮肥美，八爪魚唔硬繃繃好正，手握壽司需要再encore，熟食類別：多春魚，泥鯭，豬手，燒賣……全部都係我至愛，食多碗菜作結，已經飽到郁唔到。…查看更多

一年一度MOTHER'S DAY，細佬話食間好少少嘅BUFFET，佢建議去PARKLANE，我已經好耐冇食LU，佢以前叫CAFE ONE，而家改了叫PLAYT未食過，我弟婦讚不絕口.....改左PLAYT後第1次嚟，D燈光有某些位置比以前昏暗，但地方乾淨，我地坐嘅位置在中間，不算暗，BUFFET開始，出去行一個圈，覺得係新派BUFFET格局，分左幾區，我首先食左轉龍蝦凍蟹腳凍蝦，飲個湯，一些熱葷先....之後再食魚生、粉麵、甜品，之後食益力多味思樂冰，都幾好味，呢度有香檳、西柚汁及橙汁任飲......其實呢度D嘢食都吾錯，只係我今日冇乜點食得好多款嘢....食得好少嘢...因為母親節關係，所以今日LUNCH BUFFET都要$518加一，比平時貴了....…查看更多

Was amazed by the high quality and wide variety of food here! You can find most types of cuisines here, including Western, Chinese, Japanese, Southeast Asian, etc.I personally think that the Western food here was the best because there’re unlimited refills of foie gras, fresh oysters and lobsters. The foie gras was so buttery and oysters and lobsters were big and fresh. Some other dishes also caught my attention, like stuffed crab, deep-fried milk (a Chinese dish), steamed fish, hamachi and scallop sashimi, etc. Most dishes were of very high quality and the supply was UNLIMITED!I was in a love-hate relationship with the dessert bar because every dessert was so tempting but I was too full to try all. Among those I’ve tried, I would recommend opera cake, cheese cake (with mixed fruits on top), green tea mousse and black sugar earl grey mousse. The tea flavour was really strong and the mousse was not too sweet. 👍🏻 I wish I had the chance to try more flavours of ice-cream... The waiters and waitresses were very friendly and helpful as well, so I think the high price point could be justified.…查看更多

同同事約好出左double pay 要食番餐勁的，大家不約而同的說去食buffet, 一早就訂定位放工即時離開公司，6點半前就到了餐廳，今次好好彩比窗邊位我們座。先去巡視一番食物。一開始就先去攞生蠔，今晚有法國同美國蠔，兩款我比較喜歡法國蠔，充滿海水味同蠔味濃郁另外冷盤海鮮有龍蝦，長腳蟹，翡翠螺，青口，凍蝦龍蝦肉鮮甜同彈牙加上有滿滿的蟹膏，好食到不得了前後食左3大隻慢煮安格斯牛肉，燒烤後仍然鮮嫩多肉汁恰到好處5成熟燉湯係這裡其中一樣出名菜，今晚係螺頭舞茸燉雞，味道清甜，湯夠清晰香香的螺味還沒有味精的刺身我選了兩款自己最愛，油甘魚，帶子。油甘夠肥美，帶子大大隻又鮮甜到熱葷類啦焗蟹蓋，料足蟹肉多做得唔肥膩從遠處飄來陣陣鵝肝香味，立即動身去攞番件，鵝 肝煎得外脆內軟放在香脆多士上，增加不少口感還有串燒，點心，印度烤雞, 魚和咖喱角都不過不失其實還有很多東西未食，但實在太飽，要留番啲空位食甜品在多款甜品中，我比較喜歡香茅雪糕，一來在坊間我冇見過，二來雖然有酒香但又唔會醉，唔飲得酒的人都可以試試。實在還有太多美食未品嚐，真是要再約多次去大折多餐…查看更多