影片
開飯介紹
主打手工意式薄餅的專門店，由意大利入口食材，自家製發酵麵糰及香濃的番茄醬。薄餅即叫即製，非常新鮮，另外亦供應意粉及甜品等菜式。
繼續閱讀
特色
浪漫情調
慶祝紀念日
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
相關文章
本農曆年最後一個TGIF，過海去感受吓人氣最有feel西環呢間pizza店到星期五放工時間都幾旺場，仲好有外國氛圍夜晚仲有幾抵食嘅dinner set，實屬難得，一開頭已經有一大盤小食拼盤，包含五樣小食。唧吓檸檬落炸新鮮魷魚，更加吊出其鮮感自製雞肉炸丸子好大嚿，點黑松露醬食勁正，雞肉打得好好烤麵包配自製番茄莎莎醬好醒胃，番茄好新鮮。煙三文魚配酸豆、檸檬同特級橄欖油，整個配搭好地中海風情主菜揀咗白松露香油牛肝菌意大利燴飯，成碟好香松露同菇味啖啖滿有菌類嘅香氣，仲有菇肉好綿，飯粒煮得啱啱好Pizza揀咗Parma ham、哥根蘇拿芝士同洋蔥，size都有成11吋，薄批但兩個人食有突火腿鹹香貫穿成塊pizza，組合唔會太heavy啱啱好跟餐有espresso free flow㗎，不過夜晚飲espresso又未必個個得bartender都有recommend lemonade畀我地，亦好醒神又醒胃最後加個甜品，食意大利嘢當然要加tiramisu，佢地嘅tiramisu勁大份，兩個人食綽綽有餘蛋糕有層次又綿，cream香酒香俱全
繼續閱讀
放暑假小朋友話想食Pizza和意大利粉，即刻諗起西營盤高街呢間意大利餐廳！之前食過覺得幾正宗，今次一於帶小朋友嚟試吓！我哋叫咗個二人套餐$468，好抵食！先嚟個小食拼盤：炸新鮮魷魚～魷魚新鮮爽脆。雞肉炸丸子～脆卜卜唔油膩。煙三文魚多士～配酸豆超開胃。朝鮮薊橄欖多士～香得嚟帶少少酸。好有意大利風味！主菜當然要試招牌Pizza：Capricciosa～料多到瀉：火腿+香腸+流心蛋，餅底薄脆仲有炭香！磨菇香雞扁意粉～意粉控細路搶住食，奶油汁掛滿每條麵，阿仔連汁都刮清光！ 甜品：Tiramisu ～咖啡酒香濃到犯規 !跟餐仲有~無限暢飲濃縮咖啡！呢間餐廳，紅色格仔彩布，加埋牆上掛畫佈置，充滿意大利風情，打卡食飯，不錯的選擇！
繼續閱讀
Pizzeria Italia（高街）餐廳位於港島西環西營盤高街46號地下,餐廳裝修有如去左意大利小店,部分牆身,地台,餐枱鋪左意大利磚,彩色繽紛奪目,餐廳主打意大利手工薄餅,服務員招呼有禮。午市套餐頭盤餐湯係椰菜花湯,配有香脆多士,椰菜花湯有香濃椰菜花味。田園沙律配有青瓜,紅椒,紫洋蔥,雜菜和車厘茄,沙律酸酸甜甜胃口大開。主菜吞拿魚薄餅,餡料有蕃茄,吞拿魚,芝士和辣椒,餅底鬆脆,吞拿魚薄餅食落好有鮮味,飲品有凍檸檬水。安格斯西冷牛扒配有沙律菜,薯條,蕃茄酱,牛扒厚切,有格仔烤紋,牛味濃,飲品有熱咖啡。甜品甜品係Tiramisu,微甜,有少少酒味,口感幼滑。
繼續閱讀
Pizzeria Italia 喺西環屹立多年，主打傳統意大利菜，今次試吓佢哋嘅二人套餐，睇吓係咪真係咁抵食！前菜appetizers😋套餐嘅前菜拼盤有五款，份量啱啱好兩個人share。炸魷魚 Calamari Fritti:魷魚炸得香脆，唔會太油膩，點埋沙律醬更加惹味。🦑雞肉丸 Croquette di Pollo:雞肉丸外脆內軟，肉汁豐富，調味恰到好處。🐔番茄莎莎多士 Bruschetta Pomodoro:多士烘得香脆，上面嘅番茄莎莎酸酸甜甜，好開胃。🍅煙三文魚 Salmone Affumicato:煙三文魚油脂分佈平均，口感嫩滑，配埋酸豆同檸檬汁，清新開胃。🐟朝鮮薊橄欖沙律 Olive-e-Carciofi Pomodoro:朝鮮薊、橄欖同埋意大利咸魚嘅組合幾特別，味道層次豐富。🫒主菜雙響炮 – 手工Pizza & Pasta🍕🍝套餐可以揀兩個主菜，我哋揀咗一個Pizza同一個Pasta。Italia Pizza:呢個pizza用料豐富，有白菌、香腸、辣肉腸同埋青椒🫑，餅底薄脆，味道唔錯。香雞扁意粉 Linguine con Pollo & Funghi:扁意粉煮得al dente，雞肉嫩滑，蘑菇香味濃郁，醬汁 creamy，整體味道調配得好好。甜品 – 提拉米蘇 Tiramisu🍰最後嘅甜品係Tiramisu，份量都幾大，兩個人share啱啱好。Tiramisu嘅咖啡味同酒味都好香濃，口感濕潤，甜度適中，作為一餐嘅結尾真係好滿足。總結 整體嚟講，Pizzeria Italia嘅二人套餐性價比幾高，食物質素唔錯，份量都夠飽，服務態度都好好。不過，餐廳環境比較細，枱與枱之間比較逼，如果想靜靜地享受美食，可能未必係最佳選擇。但係如果想搵間抵食嘅意大利餐廳，Pizzeria Italia 絕對值得一試！
繼續閱讀
隱藏在市區嘅意式薄餅小店，主打自家手工麵糰pizza，即叫即做👍🏻今次叫咗$468 套餐，有頭盤，兩個主菜，甜品，仲有任飲Espresso🍽️ 頭盤小食拼盤- 炸新鮮魷魚：外層酥脆、魷魚唔鞋口- 自製雞肉炸丸子：好大粒，外脆內嫩- 烤麵包配自製番茄莎莎醬：酸甜開胃，番茄香氣好清新- 煙三文魚配酸豆和橄欖油：味道平衡唔鹹，好香橄欖油味🍕 Parma Gorgonzola e Cipolle 薄餅巴馬火腿帶鹹香，加左 blue cheese 增加風味，味道雖然濃郁但唔霸道，好食！🍝 Linguine with Mix Seafood in Tomato Sauce有白酒汁同茄汁，我哋揀咗茄汁，酸甜濃郁，每條意粉都掛滿醬汁，海鮮都好新鮮，有三文魚、鮮蝦、蜆同魷魚，味道不錯👍🏻🍰 Choco Fondant 朱古力味好濃郁，中間仲要係軟心，配埋雪糕，口感豐富，好好食🤤
繼續閱讀