PizzaStage

今日我同朋友去咗青衣行山，睇日落，跟住我哋就落咗去搵吓有咩食啦，就發現左呢間喺青衣城既pizzastage，咁我哋就叫左一個二人晚餐。重量級薄餅首先嚟咗一個重量級薄餅，佢係薄底普通批，有很香濃的芝士味，雖然係薄批，但咬落去很有口感，十分有層次，可能係因為用左4種唔同既肉類，混合埋啲芝士真係又香又濃🤗，之後又會感覺到少少辣味。雖然用左多款肉做材料，但你食落一啲都唔會覺得濟，因為佢另外用左好多蘑菇同青椒做配料，令件事fresh左好多，成個配搭真係好夾！同個餅邊有少少脆口，真係好好食！😍經典芝士焗海鮮意粉之後呢個芝士海鮮焗意粉又有我心愛既芝士，滿滿既芝士加上蝦，蟹肉和蜆肉，令我超期待！😍呢個意粉一食落都幾彈牙爽口，啲海鮮都算幾新鮮同都幾大隻足料！！朱古力醬雪糕窩夫呢個窩夫咬落去嘅口感都幾好，外脆內軟，跟住佢呢個雪糕係Haagen-Dazs雲呢拿味雪糕，最特別係佢有popcorn同埋Oreo餅碎混埋一齊食，都幾好食。其實餐單上面都有好幾款菜式係好想試嘅，所以下次有機會都會再食多一次，特別係佢個Pizza真係好難忘。😍…查看更多

因為媽咪同事嘅推介...所以決定一家人一齊去試吓我哋揀星期日去...怕到時會太多人所以提早一日book 6點30分3位入到去第一個感覺係有啲暗,都算有啲情調同埋雖然早食飯但比想像中多人我哋3個人本身唔算大食...而侍應話當日推介係豬手所以嗌咗二人餐「啤酒狂熱美食拼盤」,另外配個重量級薄餅然後餐湯就加15蚊加個酥皮首先我哋覺得個餐湯味道唔錯...同埋真係熱到辣口個人覺得加埋酥皮會好食啲然後到個「啤酒狂熱美食拼盤」拼盤有脆皮燒豬手、香辣炸雞同薯條我同屋企人都覺得豬手唔會太咸不過嫌佢個皮有啲硬至於個香辣炸雞啲雞肉好嫩然後到重量級薄餅我本身就鍾意薄批多過厚批所以呢個薄餅幾岩我口味同埋個薄餅底好脆另外都好足料雖然呢個只係二人餐...不過我哋三個人食都岩岩好特別係食完個豬手都飽晒嚕…查看更多

已經連續兩個星期6都食Mr. Steak.. 今日想食下其他野喇😂😭入座既時候大概6點30分，人流唔算多.. 等左5分鐘就可以入座lu~😌😌呢度環境開揚 我地坐窗口位～ 有一塊大落地玻璃窗 可以睇到出面海濱 感覺都幾舒服😂😂😂我地3個人 叫左一個餐（2碗餐湯+醬燒豬仔骨+pizza+雪糕窩夫）仲有一客雞翼同埋一客芝士菠菜西蘭花佢呢度比我既感覺係佢地同pizza express好似但本人唔太鍾意pizza express..醬燒豬仔骨- 好開心佢會配燒菠蘿 我超超超愛食燒菠蘿 佢呢度既豬仔骨條條都好夠咪 但又唔會好乾淨淨 同埋好大份（一人食左4條左右😅😅）👍🏻👍🏻👍🏻👍🏻👍🏻跟餐既pizza..(唔記得叫咩名😅😅） pizza上面既配料好多 但我唔係好中意佢地味道整體黎講 不錯食👍🏻👍🏻👍🏻雞翼同芝士菠菜西蘭花 就普通雪糕窩夫係一球 大師雪糕（雲呢拿味）普普通通😣3人食左$6xx 正常價位 服務都ok 環境又ok 整體： 👍🏻👍🏻👍🏻/5👍🏻下次會選擇食佢個stage pizza 好得意❤️…查看更多

要問我最近最愛既餐廳，我會答pizzastage!位於青衣城入面，鋪位較隱蔽 但人流都唔弱 有唔少客人排隊 小編當時係7點攞飛都等左1個鐘 😂呢度小編會推薦夏威夷薄餅 每塊pizza 都做到拉絲效果 餅底薄 又唔會話似pizza box 個隻劣質梳打餅既薄 但佢就係薄到脆 有好正香草 芝士味Wa 另外煙三文魚pizza 都唔弱加 佢拉絲都係其次 三文魚做到唔腥 有濃厚煙薰味 味道一流👏🏻青口 味道一般 唔明點解配薯條 皆因個人認為白汁青口味濃配上薯條會變得格格不入 配上清新既沙律菜會更適合🤔小編好鐘意食卡邦尼意粉 睇其他食店就知逢有卡邦尼就必嗌佢❤️ 汁係有超濃郁芝士磨菇香味 d意粉索曬d汁 好好食野食除左好食 環境都一流 暗暗地 有美式餐廳擺設 幾有feel ah…查看更多

青衣城內的pizzastage係一間讓我食過之後會念念不忘的食店。今日同一班好友聚埋一齊准備補祝生日，自然就選擇佢啦知道佢哋平時都好爆，所以提前一日打去訂位，職員好有禮貌同我講個時段只能夠walkin，冇辦法，唯有早D去等位。美食係值得我用時間去等待…查看更多