Pizza Maru (荃新天地)

營業中

休息中

【荃灣區】【Pizza Maru】同美女朋友喺荃灣食飯，呢排少荃灣區嘅 post，辛苦佢特登就我入嚟。咁佢就推薦食呢間，話啲嘢唔錯，想我都食吓。但係睇餐牌見佢冇 set lunch，要逐樣叫。仲要講英文，要我出動到「This This This」大法，希望啲嘢食能夠達到相應水準，滿足吓我。先食韓式炸雞 $139 嘅六件「蜂蜜蒜泥炸雞配蝦片」，味道可以，但啲雞件口感唔算嫩滑。之後食芝加哥薄餅 $223 嘅「泡菜海灣芝加哥蜜糖杏仁邊」，泡菜味接近冇，係好事嚟，因為冇搶到雙倍馬蘇里拉芝士、芝士條同忌廉芝士慕絲嘅味，畀佢哋發揮到。個薄餅仲有炒洋蔥、蘑菇、鮮蝦、蟹肉棒、菠蘿、粟米、燈籠椒、火腿、蜜糖、杏仁片、糖霜、意大利香芹配埋牧場醬、泡菜蛋黃醬，唔錯嘅。嘢飲我哋要 Iced Tea 各 $48 嘅「Mango Passion」同「Pineapple Flora」味，正正常常。埋單 $504，略貴。。。（地址：荃灣楊屋道1號荃新天地UG樓UG28&30號舖）#1amfoodie #foodie #hkfoodie #thatfoodiething #hkfood #food #instafood

嗌咗佢哋嘅 weekday lunch set，包一杯飲品（可以揀檸檬茶或者汽水），主食就試咗以下兩款👇🏻。Bulgogi Mex Pizza - 10” 牛油果醬烤肉薄餅 $138韓式牛肉 x 牛油果醬嘅Pizza，出乎意料咁夾！啲牛肉用醬油燒過，本身已經好入味，加埋牛油果醬食落清新咗好多😋 餅底係薄身偏脆，咬落去唔會太硬，整體配搭得好好，好值得一試！。Myeongran Prawn Pasta 明太子鮮蝦海帶意粉 $138意粉好足料🍝 醬汁好Creamy，而且已經撈咗好多明太子粒粒，仲有一嚿完整明太子放面～份量都算多，食得好飽！不過因為比較重口味，食到後段會覺得有少少膩～

🍕【韓國烤肉芝加哥 Pizza｜$223】Pizza迷一定要試！🔥厚厚的芝加哥餅皮外脆內鬆，包住爆量芝士+韓式烤肉，每啖都超誇張拉絲🧀🥓 烤肉鹹香微甜，帶少少焦香味，好有層次🍅 配上酸甜番茄醬，濃而不膩💥 外皮灑上糖粉＋芝士碎，鹹甜平衡，超有驚喜！🍗 蜂蜜牛油炸雞配粟米燒 $98這絕對係炸雞愛好者的最愛！每塊炸雞外層脆到咔嚓聲，內裡保持著豐盈多汁的口感，簡直一口咬下去就欲罷不能💥。蜂蜜和牛油的融合使炸雞帶有一股甜美的香氣，同時又不會過於膩口，雞肉軟嫩彈牙，每一口都令人感到滿足。加上粟米燒，每一粒玉米都被炭燒至微微焦香，外脆內嫩，和雞肉的香味相得益彰。留意這間韓式餐廳星期五至日晚市都多人排隊，早過7點去容易點。

睇完戲，19:45左右搵野食見到呢間仲排緊隊…次次經過都超多人…今次決定等…大概都要等6張枱最後入到去都已經20:25…服務員一帶入位，卻同我地講用餐90分鐘但呢間野22:00都關門😅差唔多21:00已經last order 😵‍💫🫠都幾趕😅幸好等緊既時間，已經睇左menu先食物方面，我地叫左pizza , 薯條及炸雞真心，炸雞蒜泥牛油配蝦片（6件）都幾好味…炸雞，雞的肉質好好…用左新鮮雞炸…所以味道👅正呀，配番蒜泥汁都幾夾Pizza 就試左芝加哥餅皮厚批原故，感覺很好味…因為內含芝士但要趁熱食…有拉絲既質地過多一陣，芝士變得一團…硬硬地薯條🍟叫左蜜糖忌廉炸薯條一嚟到，即食…熱辣辣好好味佢淋左好多蜜糖🍯所以好甜好食個menu,唔太多選擇，但都還可以配搭唔多，但食物質素ok

Pizza Maru 真係好好食，佢哋啲pizza冇得輸，一上好熱，啲料又足，非常推介。此外，蜜糖薯條夠脆，小朋友至愛。另外呢個墨魚汁飯好好食，佢既飯軟硬到處理得恰到好，汁又夠濃，我覺得都係必點。

我哋兩個人叫咗一pizza ，一炸雞，係食唔晒架！🍯🍗蜂蜜蒜泥炸雞配蝦片($129 6件)勁熱辣辣！蒜泥勁香唔會太咸，唔知點解有啲此台灣鹽水雞👍🏻蒜泥勁岀色，加埋蜂蜜嘅微甜，解咗本身炸雞嘅油膩感而且佢唔係齋甜，有食倒係蜂蜜嘅香甜🐥唯一可惜係，佢6件有唔同部位，胸就真係呢個嚡，其他都又滑又Juicy，如果可以啖啖肉就好但整體已經算超好食！而且佢唔同味道炸雞有唔同配料配搭，好多都好吸引，勁想下次去試！🍕薯角炭燒雞肉芝加哥(蜜糖杏仁邊） pizza $213望落去勁多芝士勁膩嘅Pizza🧀結果出乎好了好食，同埋一啲都唔膩，佢芝士嘅濃味冇肉眼睇咁嚴重個邊甜甜地，真係好輕微好輕微嘅甜，杏仁增加口感🥔炭燒雞肉唔算好濃味，薯角其實我冇感受到佢嘅存在，但係明明望到勁多！🤣🪤重點可能係個芝士同Pizza餅底厚厚嘅邊邊勁好咬口，軟硬適中，唔會太硬太脆，又唔唔會太濕太腍，真係剛剛好最終我只係食到一半，不過拎返屋企焗嚟食都超好食，嗰邊仲脆咗，好似仲好食咗🤣🤣

Pizza 有好多款味道揀，亦可以加錢轉批邊，有 regular（10”）同 large（13”）兩款 size。炸雞選擇亦多，有6件或12件（半半option只限12件）。Regular 韓式海陸（$168）轉金芝邊（+$39）因為怕太辣，所以落單時要求走辣。大約十五分鐘上枱，金黃色賣相好靚。金芝邊係烤到脆嘅兩款咸香芝士+細滑微甜嘅蕃薯暮絲。薄餅餡料有蝦、韓式烤肉、薯角、三色椒、蘑菇、紫洋蔥、mozzarella cheese。醬底係牧場醬，表面仲有酸忌廉醬汁。整體味道咸咸甜甜，就算走辣都有好少嘅辣味，有少少似醬汁烤肉嘅味道，十分惹味。6件蜂蜜蒜泥炸雞配蝦片（$139）大約十分鐘上枱，蜂蜜蒜泥醬汁勁多（多到食到尾仲有不少係碟底）。炸雞有雞槌、雞背、雞胸、雞全翼、雞上脾不同部位。炸粉厚度剛好，而且十分脆身。醬汁夠“傑”所以好容易掛落啲炸雞度，味道甜甜，蒜味滿滿。蝦片約有十小片，味道一般。整體用餐體驗良好。食物質素好，份量合適，收費尚算合理，服務都不錯，係環境弱少少，枱同枱之間距離較少。應該會搵機會再幫襯。

今日係年初二喺荃新天地逛街，見好多舖頭都冇開門，經過PIZZA店門口就決定入去試吓。叫咗兩道菜，真係非常滿意！*巴群蟹派對番茄醬底Pizza* 🍕：呢款Pizza用番茄醬做底，配上巴群蟹肉，味道鮮美，餡料豐富，每一啖都充滿海鮮嘅香氣，真係非常唔錯。*蜂蜜蒜泥炸雞* 🍗：炸雞外皮香脆，內裡肉質嫩滑，多汁。蜂蜜同蒜泥嘅搭配真係絕配，香甜中帶有蒜香，每一啖都好好味😋整體嚟講，呢次嘅Pizza店體驗真係好滿意，環境舒適，服務態度好，食物質素高。有下次！

朋友喺荃灣搵地方聚會，幾個人都話想食Pizza，結果揀咗Pizza Maru。入到去就覺得環境幾舒服，啲燈光柔和得嚟又唔會太暗，氣氛啱晒一班人慢慢傾偈，感覺好Relax✨。我哋點咗韓國烤肉芝加哥薄餅，芝士真係好似拍廣告咁，可以拉絲拉到勁高🧀，每啖都充滿濃郁嘅芝士味，食一兩件已經覺得有啲飽。另外仲點咗蜂蜜牛水中口炸雞，炸雞有粟米燒做配襯，粟米燒同炸雞都非常出色，粟米燒啲味好似食緊粟米湯薯片咁，真係勁好食！因為傾偈傾到有啲口乾，大家仲叫咗幾杯飲品，有啤酒亦有特飲，不過熱飲嘅選擇就比較少。最滿意嘅係，上菜速度幾快，職員態度友善，仲笑容滿面，令成個晚餐氣氛非常愉快。食物同飲品質素都好高，Pizza特別值得一試，真係又食得又睇得！🍕🍹😊

每次經過都好多人排隊，難得有時間就同朋友去等位試食下 。環境氣氛幾好，不過坐位係逼少少，但無阻雅興 。🍕薯角炭燒雞肉芝加哥（蜜糖杏仁邊）見網上啲人拉絲咁過癮，我梗係又試下啦😂吖！又真係拉到絲喎😍正呀！ Pizza熱辣辣，超多芝士，又足料，調味好夾，口感豐富，值得一試😋🍗咖喱粉炸雞佢有幾隻味可以揀，朋友未試過咖喱粉味嘅炸雞，咁就try try啦。炸雞又係熱辣辣，皮脆唔多炸粉，內裡多肉汁，幾嫩滑，配埋咖喱粉又幾好味！非常香口！整體嚟講食物質素唔錯👍🏽會再嚟試其他款😆

每次經過都大排長龍，今日係平日，中午時段人不多，很快被安排入座。蜂蜜牛油炸雞配粟米燒炸雞外皮酥脆，一點也不乾，蜂蜜牛油的甜香，加上大量芝士粉，搭配粟米，非常惹味。10吋的牛油果醬烤肉薄餅薄餅的牛油果醬則帶來清新的口感，搭配柔嫩的烤肉，讓整體味道更加豐富。

泡菜海灣薄餅🍕非常多海鮮配料，配上泡菜絕配好鍾意依到 嘅Pizza餅底😍叫咗13吋pizza ，仍然覺得唔夠喉😂😂蟹肉飛魚籽意粉🦀面頭係滿滿嘅蟹肉，有兩種顏色嘅飛魚子，同埋有非常多嘅洋蔥粒，食落增加口感👍🏻👍🏻醬汁超級濃郁又唔會太鹹甜辣炸雞配蓮藕片呢個配搭極新穎，配搭蓮藕片可以解膩🩷甜辣汁做得非常之好，唔會太辣搶晒啲味，比好多韓國舖仲好食，本身炸雞火喉都控制得好好，就算雞胸部位都唔會乾😋😋😋

星期日中午的荃灣店人不多,只有一半位置滿座。蟹子卡邦尼意粉Q:有一種橙色、一種綠色的魚子,非常之creamy而且濃郁。半分甜辣炸雞：餐牌寫明連炸雞系非辛辣，所以不懂辣的人都會食到，味道偏甜，炸雞配上的蓮藕片亦都 非常香脆。泡菜海灣薄餅: 這款是一個13吋薄底的薄餅,有蟹柳、魷魚、青椒、菠蘿、芝士。味道好豐富，共有8件，四個人吃啱啱好。餐廳職員服務好好，廚房整錯咗嘢食都即時重新造過。🐝—————————我是分隔線—————————🐝總結：食物種類確係多，每次來都有不同嘅野食揀到！🫵🏻店名：Pizza Maru (荃新天地)地址：荃灣楊屋道1號荃新天地1期 UG28及30 舖#hkig #foodie#foodblogger #foodndaily #foodbloger #hongkongfood #hongkongfoodie #foodblogger #likesforlike #eatateeaten #comment #share #subscribe #荃灣 #荃灣美食 #卡邦尼意粉 #韓國炸雞

🦀群蟹派對Pizza底係薄底，四個人份量岩岩好，材料種類好多，除左蟹肉，仲有蝦、洋蔥、木魚片，味道豐富，而且個沙律醬好好食，不過如果個蟹肉多啲就好啦！🍯蜂蜜蒜泥炸雞配蝦片先唔講味道先，個炸雞係真心出色既！上枱既時候仲熱，炸粉薄做到外脆既口感 ，咬到入面啲雞肉好滑仲有啲肉汁。味道方面蜂蜜蒜味唔太出，鐘意濃味既我建議試其他口味。🦪Maru 秘制青口分量好夠，粒粒青口都有肉，而且都唔細粒。調味唔會太重，汁都唔多，食到青口既原味，首先本人好鍾意食青口，所以難以持平，不過鐘意青口既一定要試一試。🍝煙燻鴨胸泡菜卡邦尼意粉意粉都幾大份，一開始仲怕會食唔晒，但係要大讚個泡菜，叫個時其實都怕加左泡菜會好怪，但就係因為個泡菜解左卡邦尼本身既膩感，越食越開胃，真係估佢唔到咁夾呀！

行過荃灣， 想食特別嘢， 嚟到荃新天地有間食特色pizza嘅餐廳， 成日見到人排隊， 今次冇乜人， 等咗15分鐘就入到去。 呢間餐廳主打韓國特色pizza， 有好多款式， 亦都有唔同嘅韓式西餐菜， 我哋一行六個人， 可以嗌唔同嘅餸菜。 餐廳環境裝修得好新穎， 播住韓國嘅歌好有feel。 不過枱就擺得有啲逼， 唔係放到好多食物。 如果食呢間餐廳，就要多啲人食， 可以share唔同款式， 一兩個人去食就會食唔曬。 我哋叫咗個薯角炭燒雞肉芝加哥pizza同埋類似Hawaiian pizza。 Pizza好厚身，配料好足， 淡淡都充滿芝士味道， 食得好滋味。 仲叫咗個豬肋骨， 啖啖肉，好好吃。 沙律又好fresh。 總括來說， 呢間餐廳好適合三五知己嚟聚聚， 食落好有驚喜！