Pizza Maru (海運大廈)

營業中

休息中

尖沙咀海港城嘅Pizza Maru, 窗邊位可以睇海景，好靚～店舖大小適中，坐得闊落～嚟到呢度當然係食pizza同炸雞，口味選擇有好多，有啲花多眼亂，薄批、厚批、杏仁邊批～揀咗半份炸雞，有6件蜂蜜蒜泥炸雞～酥脆外皮入面雞肉嫩滑，蒜味幾香，加蜜糖香香甜甜！Pizza就叫咗呢個鋪滿海鮮嘅群蟹派對，有好多蟹肉同鮮蝦，芝士拉絲好yummy~~醬汁味道好味，有蕃茄醬底加上酸忌廉醬～～叫咗個小食Maru紫蘇炸魷魚圈，呢個炸魷魚比較易咬唔會韌，另外點埋凱薩沙律醬夠味啲～配埋啤酒食炸雞、pizza就最夾最爽！食物上枱熱辣辣，食到好飽好滿足～

今日去尖沙咀食左一間好耐無食既餐廳，piazza maru 🫡🫡 少數既韓國意大利菜✅✅ 好食得來而且份量超大😝😝肉食狂熱薄餅：上面滿載著各種肉類配料。肉類配料經過烤烘後，釋放出誘人的香氣。外層的薄餅皮酥脆，內部鬆軟，配上肉類的豐潤口感，而且配上手拉既皮真係非常不錯😍😍😍蜜糖柚子八爪魚沙律：柚子汁，蜜糖調製醬汁調味，沙律散發出柚子的清新香氣和蜜糖的甜味。新鮮的八爪魚經過烹調後，肉質鮮嫩彈牙。配上生菜、青瓜等蔬菜，增添了口感的豐富度和清爽感。🤝🤝漁夫蕃茄燴海鮮：一道豐富的海鮮料理。有蝦、帶子、魚等等，再加入新鮮的蕃茄和其他蔬菜。海鮮經過燴煮後，肉質變得鮮嫩多汁，融合了蕃茄的酸甜味道。👍🏻👍🏻👍🏻韓式蟹肉塔：鮮嫩細膩的蟹肉餡料，蟹肉餡料帶有濃郁的海鮮味道和蟹肉的甜美，搭配塔皮的酥脆口感🙀🙀🙀🍺🍺🍺

好食評價：🌕🌕🌕🌗🌑CP值：🌕🌕🌕🌑🌑•蒜香甜辣秘製炸雞•$118呢個炸雞都出色！份量大約有6隻！2-3人share都ok!!!佢炸雞即炸！好香口！味道辣辣地！啲粉唔會太厚！估唔到有埋年糕伴住！年糕係外脆入面有煙煙韌韌真係食到出邊有焦糖包住啲年糕咁！好正！！！•青醬蒜蝦意粉•$93呢個青醬估佢唔到 以為應該又係酸酸地點知食落口又真係好重蒜香味煮得幾香！佢有啲洋蔥粒蘑菇粒！意粉硬度適中！P.s. 餐廳坐到海景位簡直perfect!!!! 食住炸雞！飲埋啤酒！對住個景！再吹埋水！掂！下次多人食 真係要試佢個炸雞pizza山🤣🤣

話說細佬正處於大人食咩就想食咩的階段本身只係約了母親大人食個飯天氣好好☀️ 又想帶佢一齊去見婆婆👵所以揀了海港城LCX Pizza Maru12點開門時間到達 必坐無敵海景卡位😎細佬都好合作 無坐highchair 都順利完成整餐 (當然期間都有扭計/想落地/攞枱面的東西..😅)好彩有細佬鍾意❤️的pizza and pasta 專登點了不辣的Set Lunch #蜆肉香蒜薄餅 #海螺蒜香牛油意粉 套餐包了一杯冰茶/汽水 (凍飲不用加錢🙌🏻)或者加錢轉咖啡☕️/餐湯/沙律🥗亦可加錢加Side dish #炸餃子 #炸生蠔 #炸軟殼蝦 薄餅🍕是薄身香脆類型，有滿滿加了香草的芝士，和餅底溶為一體，上面有原隻蜆和淨蜆肉，原隻的有啲太乾，整體味道偏清淡，小朋友都啱食意粉🍝熱辣辣香噴噴，軟硬適中，好香的蒜香味🧄 食到微微的辣味幾惹味，細佬吃過了水的都好滋味🤣 另外點了一份6件的 #蜜糖牛油炸雞 🍯🧈🍗食過咁多次都不會令人失望外層好脆 皮下冇乜脂肪 雞肉很嫩 完全冇血絲將雞肉撕成小塊 還可以給細佬食😋

呢間韓國過江龍pizza好出名，朋友推介一定要食，但一直都未有機會試🤨咁岩今日去左海港城買野，終於試到🤩尖沙咀分店可以望到維港海景，超靚🥰可以邊食邊欣賞夜景😚太陽蕃茄芝加哥 $217 🍕呢個批用左雙倍馬蘇里拉芝士、芝士條、巴馬臣芝士，加入多重芝士，味道超濃郁🤩仲做到勁長拉絲，芝士控必試😍薄餅仲加入辣肉腸、番茄、意大利香芹、Maru番茄醬，再灑上糖霜，賣相好吸引🤤比起出邊食到嘅pizza，呢款pizza咸道適中，就算材料唔算超豐富，但都已令人一試難忘🥰蒜香甜辣秘製炸雞 $118除左薄餅，呢到嘅炸雞都好出名。呢款炸雞蒜味突出，加上佢地秘製嘅甜辣醬，非常惹味，炸雞亦唔會鞋口，有驚喜😋Strawberry Makegeolli $58Mango Makgeolli $58韓國傳統米酒加入士多啤梨汁/芒果汁，口感輕甜，酒精濃度唔高，只有3%，不勝酒力的人都可以試下😆

第二次到訪Pizza Maru，今次約左舊同事係海港城分店食晚餐🌃🍴韓國餐廳供應pizza嘅實屬唔多見，整到好食嘅就更顯罕有👍🍕韓國烤肉pizza （regular｜ $148）📝評分：9/10本人食開pizza一般去到第二塊已覺得膩。但呢款pizza完全唔會！😋佢個亮點就係燒到焦香嘅韓式烤牛肉🔥❗️配搭蘑菇、火腿、三色椒同紫洋蔥，十分微妙咁中和左馬蘇里拉芝士嘅香濃口感同牛肉嘅油脂，帶來清新🌿pizza已經分成六等分，方便食用，拉絲個下真係垂涎欲滴🤤超邪惡der～🍗蜂蜜牛油秘製炸雞 （6pcs｜$118）📝評分：9/10呢款炸雞令人聯想到浪漫嘅「初雪」❄️炸雞外脆內淋，好juicy～充滿左蜜糖同牛油嘅香氣。芝士粉mix左粒粒白砂糖，融入鹹甜口味，好有層次！🍹Lychee Makgeolli （HH｜$58）🍹Strawberry Makgeolli（HH｜$58）📝評分：8/10呢兩款飲品屬於韓國米酒。以前蘑菇係飲過濃米酒但唔算太鍾意，但呢款特飲融合左荔枝/士多啤梨嘅芬芳，濃度恰到好處，好啱女仔飲用👭

✔️泡菜海灣芝加哥（蜜糖杏仁邊）$223相信Pizza maru嘅Chicago pizza 大家都見過 佢嘅芝士份量真係好澎湃🤩咁多款入面 講唔停最鍾意泡菜海灣呢個口味 味道感覺想有點似千島醬 整體會偏甜一點🤤配料亦都好豐富 有蘑菇，鮮蝦，蟹肉棒，菠蘿，粟米等等 pizza 皮亦都好chewy🍕 芝士控一定要食🧀✔️蜂蜜牛油秘製炸雞 $118佢嘅炸雞都好唔錯👍🏻 雖然唔算話超級juicy 但係講唔停好鍾意佢哋個調味粉 好香 甜甜地 exactly係韓國蜂蜜牛油薯片嗰隻味🍯✔️蟹肉飛魚子意粉 $185講唔停都係第一次試pizza Maru 嘅意粉😝 白汁好creamy 而且扁意粉軟硬度啱啱好 不過蟹肉份量可以再多返少少🦀✔️Maru秘製青口鍋 $178藍青口雖然唔算好大隻 但係味道都算鮮甜 而調味就以白酒蒜蓉為主🧄✔️脆炸章魚仔 $96章魚仔口感十分彈牙🐙 不過講唔停覺得炸粉偏厚咗少少🙈

今日去左尖沙咀既Pizza Maru食飯, 望住海景好chill 脆炸章魚仔章魚仔好彈牙, 面層嘅粉漿炸得幾鬆脆, 配maru 凱撒醬, 酸酸甜甜幾解膩😋群蟹派對pizza面頭嘅配料有蟹肉, 鮮蝦, 燈籠椒, 粟米, 木魚絲等, 配以mozzarella, 芝士味香濃, 仲有少少拉絲🤣玫瑰炒年糕炸雞又Q彈又酥脆, 用咗玫瑰醬炒, 食落有啲花香味, 年糕好煙韌, 加埋唔同部位既炸雞, 幾香口👍Mango Grapefruit Ade 飲落幾清甜

韓國🇰🇷高質fusion pizza 🍕 炸雞原來入駐左LCX美食配搭維港靚景 夠哂寫意😊🤫不過想坐靚位 記得要預先預約黎緊聖誕🎄三五知已 仲唔快啲行動🤩🍀蜆肉香蒜薄餅原隻蜆肉 係9‘’ pizza 上配上脆薄餅底 夠特別🍀韓式鴨胸大醬意大利飯邪惡指數爆燈大醬 意大利飯 出乎意料之外嘅夾口感十足啖啖煙燻味 同濃厚芝士忌廉好快就飽🤩🍀半半炸雞🍗每隻味都想食梗係揀半半芝士秘制炸雞 🍗 芝士控又點可以錯過 & 蒜香甜辣炸雞 🍗香脆鮮嫩多汁 沾滿甜辣醬 惹味指數🆙🍀凍咖啡🍀限定冰茶

🍽️泡菜海灣芝加哥 $223/ regular非常邪惡嘅pizza，每啖咬落去都充滿芝士🤤泡菜蛋黃醬嘅泡菜味唔濃郁，但同海鮮好夾😋pizza皮厚身軟韌，配上杏仁皮、粟米、鮮蝦，口感幾豐富👍🏻🍽️蜂蜜牛油秘製炸雞 $118/ 6件尼度嘅炸雞都非常出色，外層鬆脆，內層鮮嫩多汁，蜂蜜牛油既香又惹味，食到停唔到手🥰🍽️脆炸章魚仔 $96另一款超好食嘅炸物😋唔單止外層嘅炸衣香脆，入面嘅章魚仔都好彈牙☺️再點埋個開胃嘅maru凱撒醬，唔經唔覺就食晒成碟🤣🍽️蟹肉飛魚子意粉 $185意粉非常掛汁，份量都唔少，仲落咗好多飛魚子、蟹肉、蟹棒，一啲都唔吝嗇😌🍽️Maru秘製青口鍋 $178呢道餸用咗藍青口，啲肉都幾大粒🤩醬汁有少少辛口，食落非常惹味😋(含服務費)味道😋 8.5/10性價比💰 7/10環境🔎 7.5/10服務🫶🏻 7.5/10打卡指數📸 7.5/10٩(˃̶͈̀௰˂̶͈́)و 推薦指數🥰 8/10

相信Pizza Maru好多人都食過，佢嘅炸雞同埋Pizza真係一流😆。而今個月有限定嘅口味，咁啱12月1日去食發現咗就試下佢，點知真係好正！佢有兩款口味，我哋就叫咗芝味粟米薄脆炸雞薄餅🍕，佢另外一款就係香辣蕃茄粟米薄脆炸雞薄餅。佢嘅薄脆就係平時食嘅Nacho咁，喺薄脆上面有芝士同牛油果再加酸忌廉醬做topping，而炸雞pizza同平時一樣保持水準。呢個節日限定嘅Pizza做到1月2日，真心值得一試。值得留意嘅係每日只係限量20份。🚩Large 13” $288

好正呀！坐到海景位置，由日景食到夜景🥰期間限定✨玫瑰炒年糕炸雞$148（6件）呢款玫瑰汁有少少辣辣哋，點炸雞和年糕都好好食😋炸雞個脆漿又薄又脆，雞肉有肉汁，炸得剛好唔會乾，年糕炸過外脆內軟，好煙韌，呢兩種配搭超正👏👏泡菜海灣芝加哥（蜜糖杏仁邊）$223多重芝士🧀口感非常軟熟，個批邊係蜜糖杏仁，甜甜哋又唔會膩，平時食pizza，一食到個邊就麻麻哋，但呢款係連個邊都好有特色和好好味👍🏻👍🏻pizza表面鋪滿好多材料，勁豐富，記得要趁熱食，口感更佳，暫時食過最好味嘅pizza🤭釜山炸軟殼蟹$148軟殼蟹兩大隻切開4件，咬落有肉汁唔會炸到乾晒，個炸漿夠薄夠脆，調味唔會過濃，食到蟹的原味道，好味🤤Joker Golden Pale Ale(ABV 5.6%)$59每次食炸雞都會配啤酒🍻呢款啤酒清清地，好有花香味，好飲😄

同朋友嚟到Pizza Maru試咗佢哋嘅pizza🍕 - 肉食主義。佢個名已經話晒比你知，絕對係一個肉食愛好者嘅天堂！pizza好大份！每一塊pizza都有牛小排、香辣雞肉同火腿，份量十足，滿足到任何一個肉食愛好者嘅胃口！我地仲叫咗份蜜糖牛油炸雞🍗。雞肉炸得好香脆，裡面嘅肉汁都保持得好好👍🏻。配上蜜糖🍯同埋牛油🧈嘅調味，味道更加豐富！我地仲每人叫咗杯「Scholar Belgian」🍻。入口非常清爽，好易入口。氣泡好細緻，令啤酒更加順滑。配搭埋pizza同炸雞，真係一個絕配！💯餐廳空間好闊落，唔會有太擁擠嘅感覺，呢到令人感到放鬆同埋愉快。服務員好nice，即使係繁忙時段都能夠有效地處理客人嘅需求，唔錯！

今日下午與友人一戰聖誕限定〈芝味粟米薄脆炸雞pizza〉大推店員Sandy，態度友善，服務貼心。會介紹每個step，先係牛油果蓉，再倒熱辣辣嘅芝士，成個效果十分igable。粟米脆片好香好好味，成個pizza醬都好濃，值得推介。但兩個人真係食唔晒，唯有下次嗌多兩個朋友。

同一班朋友約咗尖沙咀食飯，大家都想食炸雞同pizza,就睇中咗呢到，睇相佢嘅pizza好正咁🥰我地叫咗一個泡菜海灣芝加歌pizza,佢嘅蜜糖杏仁邊好特別，又脆又甜，再加埋濃濃嘅芝士，超級好味，食完忍唔住再叫埋另外一個薯角炭燒芝加哥pizza，都係好好味，推介大家都叫蜜糖杏仁邊pizza，同平時食開嘅Pizza好唔同😋 我地另外都叫咗炸雞，沙律，洋蔥圈，呢幾樣就正正常常，不過不失，無乜特別。不過呢到嘅服務唔太好，叫極都冇人應，行過仲要扮聽唔到睇唔到，呢度係扣分，希望會有改善。