Pizza King (芙蓉街)

想叫個外賣，本身好鍾意食pizza嘅人，見到呢一間嘢，買一送一，又見到有兩種我覺得平時食開都幾好食嘅pizza，其實講真已經唔係難整，點解可以整到咁樣樣嘅味，唔好用料真係慳到咁樣，衰過去包舖買包差唔多$200食埋啲咁嘅垃圾又淡，又怪，又厚，真係難食啊大佬一個Apps一定要我寫夠200個字先至可以有嗰個表情俾人哋睇到我真係想全世界嘅人好容易睇到呢個評論等佢哋唔好中伏直升機到一個點以下都係一啲廢話但係最真摯嘅一句，真係好難食…查看更多

呢間嘢由佢一開我就幫襯，食物質素每況愈下，呢個係水牛城雞翼，我都唔知係我唔識嘢定點？水牛城雞翼係咪咁嘅樣嘅呢？我以為我嗌錯定佢整錯，一堆腍晒嘅雞皮及一堆醬汁，呢個似係意粉醬汁多過係水牛城雞翼嗰啲汁，另外西西里辣汁肉丸意粉，成個汁都係Tabasco嚟整，Pizza個皮越嚟越厚，本身好鍾意支持小店嘅我，試問如果一間小店開咗分店又維持唔到食物質素，喺依家今時今日嘅環境點樣競爭落去，以後都唔會幫襯。#中伏 …查看更多

今日突然間想食pizza, 就揀咗Pizza King, 我地叫咗個四人餐, 再加一個一人lunch set, 足夠5個人食, 好飽手拉pizza, 我最愛, 睇住個師傳整芝士五重奏係我地最喜歡既一款, 大家都爭住食, 不過要趁熱食, 食唔晒用氣炸鍋再加熱番, 一樣咁正, 味道啱啱好, 又唔會覺得太漏, 意粉我地揀咗蒜香雞肉意粉黑松露意粉必叫, 西西里肉丸意粉三個意粉都好好味, 我個人比較喜歡黑松露, 意粉軟硬適中, 又唔會太咸, 小食我地揀咗咸蛋黃雞翼, 同埋避風塘雞翼, 我嫌避風塘唔夠辣, 總括來說, 很滿意, 下次會再試其他食物先得, 現在香港小店越來越少, 一定要支持一下…查看更多

原來上次食評已經2022年，果時新開張，大大話話都幫襯咗2年，睇返我上一個食評，當時真係覺得好食，出品有用心…..近排食咗兩次，質素真心退步咗，pizza同意粉都淡咗好多其實今年每次行過見到都冇咩生意，心諗市道真係差咗，廚房入面應該係老闆？啲面口差到…都明嘅，加上後面街開咗間D字頭嘅pizza,日日排哂隊，我希望老闆可以提升返食物質素好似啱啱開張嗰陣時咁，啲意粉可以多啲汁，個黑松露pizza俾我前年食味道明顯減淡咗40%，希望食得返開張時嘅味道加油…查看更多

第一次幫襯Pizza King （外賣店）我叫咗個二人餐（外賣自取）Combo for 2$268- 3. 辣肉腸薄餅 x 1- 5. 拿破崙芝士海鮮意大利粉 x 1- 2. 鹹蛋黃醬雞翼（4隻） x 1- 1. 可口可樂 （330ml 罐裝） x 2辣肉腸薄餅🍕正常發揮（你可以話一般，但係辣肉腸薄餅就係咁囉）最驚喜反而係，拿破崙芝士海鮮意大利粉，同埋鹹蛋黃醬雞翼喎！最愛竟然係個意粉！好味👍🏻（味道，材料都滿足）雞翼亦都係想像中嘅味道！👍🏻（好香好嫩）外賣店嚟講，算唔錯啦！時間唔洗等太耐！環境夠乾淨！我會再幫襯，再試吓其他款式嘅…查看更多