影片
港鐵兆康站 A 出口步行約10分鐘 或 輕鐵景峰站步行約2分鐘; 惠康轉角
繼續閱讀
電話號碼
29675997
開飯介紹
餐廳燈光較暗，頗有情調，適合情侶拍拖。提供多款西式美食，推介味道濃香的黑松露芝士火鍋，並有多款精釀啤酒供應。
繼續閱讀
附加資料
19:30前離座可享85折優惠
生日訂座即送甜品一件及免費畫碟服務
營業時間
今日營業
12:00 - 15:30
17:30 - 01:00
星期一至日
12:00 - 15:30
17:30 - 01:00
以上資料只供參考, 請與餐廳確認詳情
有關獎賞計劃
食家推介
相關文章
琴晚同男朋友想係屯門搵間有格調嘅西餐廳慶祝相識週年 經過紅橋見到呢間餐廳望落menu唔錯 加上都幾多人食 就諗住入去trytry!香燒法式羊架 $248肉質幾嫩口 羊味好岀 唔會完全食落唔知食緊咩肉咁 調味都相當平衡 配搭醬料一齊食好好味👍🏻薯條雖然係配菜但都好脆熱辣辣 唔會攤涷哂！！—————————————————雞泡魚干 $68送酒小食🤞🏻正常發揮 質地好好咬唔會太淋身 岀嚟嘅時候都係仲有溫度 一路飲酒一路食住傾計好享受😎——————————————————Tiramisweet $98呢間餐廳最岀色應該就係佢哋嘅signature cocktail 因為真係無諗過會咁好飲！！🥹🥹好濃郁tiramisu味之餘都會飲到酒味 上面仲加左cream 成件事口感好豐富！！中意食tiramisu嘅朋友一定要叫
繼續閱讀
今日入屯門搵朋友，試左朋友推介既呢間西餐廳，餐廳裝修時尚，頗有格調，燈光昏暗，環境清幽，營造慢活放鬆氛圍。好啱同朋友黎放鬆下，而且菜式味道都不錯。龍蝦汁虎蝦忌廉意粉 （$188）可+$48 upgrade set 配是日餐湯及蒜蓉麵包濃郁的龍蝦汁裹滿每根麵條，鮮味層次豐富，帶微微白蘭地酒香。虎蝦煎得恰到好處，肉質彈牙，蝦膏的甘甜與醬汁完美融合。餐湯正常發揮，蒜蓉包外脆內軟，蒜香濃郁但不會嗆口，沾蘑菇湯一流！ 香煎三文魚扒（$228）配薯菜及沙律外皮煎得金黃酥脆，內裡保持半熟嫩滑，魚油香氣十足。調味簡單卻突出食材原味，僅用海鹽和檸檬胡椒已足夠配菜：薯角炸得外脆內綿，撒上迷迭香加分；沙律菜新鮮。Tiramisu芝士層綿密濕潤，淡淡奶香，口感輕盈如慕斯，隱約透出酒香，餅乾層吸飽咖啡液卻不過分塌軟，濃郁咖啡香。PEACH SODA （+$12）蜜桃香氣清新自然，甜度適中且帶微碳酸刺激，非常解膩！
繼續閱讀
經過睇到menu決定一試 嗌左個羊架5成熟 覺得幾嫩同好有質感味道好食 另外嗌左肉眼5成 同避風塘魷魚鬚 仲有雞泡魚干送酒一流果然有驚喜 肉眼傾耐左計凍左都唔會唔好食 另外嗌咗兩杯Cocktail 估唔到喺隱世小店都可以飲到好味嘅Cocktail 以為要出到去出邊先飲到 呢個真係好意外😳 服務周到 侍應有幫忙斟水同埋換乾淨嘅碟 態度好Nice 當日去都比較多人，但係舖頭得兩個侍應 但係都臨場不亂 侍應透露訂座就送甜品 提前Booking嘅話可以晝碟 下次一定會再去😙
繼續閱讀
港島人山長水遠去邊度😾？\探險/今次發掘到一間適合慶祝特別日子嘅西餐廳～就係位於屯門的Pillow Talk 🤍原來屯門都有餐廳會提供畫碟服務😮✨［集郵+1]避風塘海鮮軟殼蟹意大利粉🍝$198軟殼蟹炸得好酥脆😋✨勁好食✨意粉味道方面比想像中辣🫣但係好刺激好正😋 意式辣肉腸薄餅🍕$128Pizza係薄批～好脆好香口✨即叫即整🫣熱辣辣😻另外～主食～+$48 可以升級做set✨可以選擇柚子醬沙律🥗或者～餐湯&蒜蓉包✨仲有包一杯餐茶～飲品方面✨叫左凍檸茶😹同埋+$48 叫左「怎麼可以吃桃桃？！」✨原來係～士多啤梨🍓蜜桃🍑沙冰✨粉紅色🩷&橙色🧡漸變色✨🫣味道酸酸甜甜～好開胃😻✨預訂book枱！！仲會送蛋糕&免費畫碟😻✨今次無指定公仔～本身唔知有尼個優惠>_<店員即場介紹先知道～😍😍😍✨好驚喜嘅情況下✨獲得可愛嘅熊仔🐻估唔到送既芝士蛋糕🍰都咁大件🥺✨淡淡嘅芝士味～岩哂唔鍾意太濃味嘅我🫣質感方面軟硬適中～好似食緊雪糕咁😍
繼續閱讀
當晚去到餐廳全場爆滿，氣氛不錯；裝潢帶滿滿神秘感，當晚嗌咗三個菜，全部水準非常之高，估唔到喺屯門都可以食到中環西餐廳質素☺️🥩美國安格斯肉眼配薯條 $298揀了medium粉嫩肉質多汁, 烤得非常香口又易入口！黑椒汁配上西冷簡直係牛扒店質素而薯條熱辣辣炸得金黃又香脆😍🍕菠蘿海鮮薄餅 $128薄餅料多實在，Pizza充滿千島醬，外皮烤得非常之脆更有炭香味，外脆內軟做得非常之好，上面海鮮有蜆、蝦、魷魚等等🤩🦑避風塘魷魚鬚 $88（必點）估唔到西餐廳可以食到避風塘，避風塘炒得非常之香口，魷魚酥非常新鮮食得出唔係急凍貨，炸皮好薄配上避風塘粒粒，真係食唔停口🥳🥳而且性價比非常之高，以呢個價錢嚟講都算幾大碟，而且送酒一流！🍹 Tiramisu cocktail朋友嗌咗呢杯Tiramisu Cocktail，冇諗過走都可以飲到咖啡味，而且感覺非常融合，配上手指餅點上Cocktail食，真係好似食緊Tiramisu咁！酒精濃度唔算非常之高，作為小酌嚟講非常之適合👍🏻👍🏻👍🏻🍹苿你不行呢個係靚仔Bartender親自推薦，飲落去茉莉茶嘅味非常之出，為呢杯酒帶嚟咗好清新嘅感覺，好易入口飲得出base係gin，估唔到咁夾，聽靚仔Bartender講呢杯靈感來自佢女朋友🤩so sweet~總括然而呢間餐廳非常之適合情侶拍拖或者慶祝生日，生日提早喺OpenRice訂座更加有畫碟服務，亦都係有靚仔Bartender親自畫，嗰晚見到隔籬枱嗰啲畫都幾靚，又有得指定畫嘅公仔😍😍😍，喺屯門屬於一間性價比非常之高，而又高水準嘅西餐廳👍🏻👍🏻👍🏻👍🏻環境：🌟🌟🌟🌟🌟衞生：🌟🌟🌟🌟味道：🌟🌟🌟🌟🌟服務：🌟🌟🌟🌟🌟
繼續閱讀