影片
營業時間
今日營業
11:00 - 19:00
星期一至日
11:00 - 19:00
以上資料只供參考, 請與餐廳確認詳情
相關文章
一直都有留意這家高級法國甜品店，法國原材料，製造及進口。輕輕鬆鬆安坐家中，也可品嚐到正宗高貴的法式甜品。今年看到他們中秋節禮盒，真係愛不釋手。係兩隻立體兔仔拎住燈籠去賞月呀！真係又驚喜又可愛。送禮夠face, 絕對可以驚訝到朋友親戚。自用睇到都開心。中秋禮盒推出四個口味的牛油磅蛋糕分別係脆脆幼滑榛子醬，玫瑰紅莓醬，熱情果菠蘿蓉，開心果烤果仁配士多啤梨醬蛋糕外層被朱古力完全包圍，令蛋糕體保持濕潤。 底下有熱情果菠蘿果醬 及 糖漬菠蘿粒，中間為香濃牛油磅蛋糕。整體蛋糕不會過甜， 配合唔同嘅生果醬，酸甜平衡得好， 口感清甜有層次，係嗰種可以食唔停口的甜品。中秋節係時候要同家人開心share!
繼續閱讀
相信有食開甜品嘅人，都會認識當代甜點之王 Pierre Hermé Paris 🇫🇷呢個品牌，佢哋每年都會出唔同味月餅，而且唔係傳統嘅做法，係法式嘅做法，佢地嘅做法係朱古力外層包住經典既Pound cake 而pound cake 裡面係有唔同味道同果肉。打開個盒已經好驚喜，係一個紙工藝既半圓月亮🌕🌙，好代表到以前懷舊燈籠紙工藝既效果🏮。而裡面包括左四個口味 ：今年有新口味同埋經典口味，而我覺得最驚豔既係菠蘿熱情果味。Infinment Parline Noisette 朱古力榛子Crunchy, Smooth Hazelnut Parline with Pound Cake榛子好香濃同埋好香脆，最重要係Pound Cake 好鬆化、唔會有實定定既口感。酥脆榛子與香醇朱古力的完美融合。Ispahan 🌹玫瑰荔枝紅莓Rose & Raspberry Paste with Pound CakePierre Hermé 經典代表作口味，裡面有玫瑰的甜美、荔枝的芬芳、覆盆子的濃郁果香。女士們既至愛呀。Mogador 🍍🌟🌟🌟🌟🌟❗️菠蘿熱情果Passion Fruit & Pineapple Granule with Pound Cake今次我覺得最驚豔既口味就係佢，因為裡面個餡料有意想不到既果肉，如果你覺得月餅係好膩既一種食品、我覺得試左呢個口味會改變你對月餅既睇法，係會愛上或者想呢個口味每年都可以長有或者可以用喺Macaroon到。Montebello😗開心果士多啤梨Chopped Pistachio, Roasted Almond & Strawberry Paste with Pound Cake 開心果味見到個顏色已經好歡喜，完美配合濃厚既開心果味，仲要最近開心果味都係香港人特別愛好既味道，如果你係開心果迷一定要一試。整體黎講，如果收到呢個打破傳統月餅口味既人，一定要覺得好驚喜同好獨特，至少收到呢盒月餅既時候，裡面既色彩已經好吸睛，心情都已經好愉快。
繼續閱讀
暫時覺得是全香港最好食的馬卡龍😋，有不同顏色很漂亮、很可愛，每一個都很飽滿，十分吸睛，很想逐個逐個咬下去🌈每種味道都很突出，閉上眼都可以吃得出是什麼口味，不會過甜，不會膩，不黏口。建議每次吃完一個口味的馬卡龍，都喝一口水或茶，才吃另一款口味的，這是最佳享受😎
繼續閱讀
超開心男朋友送左盒巴黎嘅甜品老牌馬卡龍比我🥳真係好靚勁colourful 送比女仔實鍾意❤️外殼薄脆咬落酥脆 入口即溶又帶少少煙韌感 內餡好飽滿 外脆內軟 甜度適中唔會好甜膩🥰.1️⃣巴西黑朱古力第一粒食呢個好驚喜 個朱古力真係好濃苦 連個外殼都好香可可味 驚甜嘅推介呢款🍫2️⃣脆榛子果仁好重榛子味 食落好似金莎 都偏甜🌰3️⃣玫瑰荔枝紅莓呢款女仔一定鍾意 無論係賣相定味道💓好香玫瑰味 帶淡淡嘅荔枝甜 中間仲有啲紅莓醬 酸酸甜甜好開胃🤤4️⃣雲呢拿焦糖搵唔到呢粒係咩味 切開有兩粒榛子 仲以為係脆榛子果仁嗰款 不過食落榛子味唔算好濃郁 中間啲餡都甜 似焦糖味多啲🤔5️⃣芒果呢粒甜度高 又帶點微酸 中間有啲芒果蓉 個芒果味唔係新鮮芒果嘅果香甜味 似芒果乾嘅味🥭6️⃣牛油焦糖個醬焦糖味都濃 出奇地仲有啲果仁香 仲有淡淡牛油味 呢款都係偏甜🧈7️⃣香蕉乳酪呢個配搭都幾特別 先係香蕉嘅甜味 再係中間嘅乳酪餡 越嚟越酸 超開胃🍌8️⃣熱情果黑朱古力熱情果酸酸甜甜 再加埋朱古力嘅苦澀 驚甜可以揀🤎9️⃣椰子青檸一咬好香椰子味 再加埋青檸好清新 唔知點解仲有啲香茅味 有啲泰式嘅感覺🥥1️⃣0️⃣玫瑰榅桲個玫瑰花味冇上一款咁香 有啲榅桲粒粒 味道酸酸地 幾有咬口🌹1️⃣1️⃣開心果果仁嗱 睇樣就應該係開心果味 但食落係冇嘅 淨係甜甜地再加啲香草嘅味🌿1️⃣2️⃣蜜糖佛手柑 呢款個味都係好特別✨先係有少少花香味 然後又有少少蜜糖味🍯.另外佢仲有黑茶紫羅蘭鳶尾藏紅花, 熱情果, 青檸黑朱古力同馬達加斯加雲呢拿味 不過呢盒就冇😆
繼續閱讀
📍香港📍中環📍Pierre Herme Paris📍中環港景街1號國際金融中心2樓2029號舖📍星期一至日 11:00~19:00🌸 自選口味八粒裝馬卡龍 $270🌸 如果香港有好食過呢間嘅馬卡龍，記住推介俾我🤣🤣食馬卡龍最怕甜得滯！但Pierre Herme嘅甜度整體控制得好好 牛油焦糖嗰啲當然偏甜 揀番啲酸味嘅水果或者乳酪配搭💯 蛋白餅非常酥脆但唔會一咬碎到周圍都係👍🏻 雖然價錢貴但都幾大粒🍩 去親中環一定會買❤️#foodieschu中環
繼續閱讀