Pici

營業中

休息中

由中環返工試過pici之後就念念不忘，中最近經過荔枝角又再可以食到。Pici lunch 真係好抵食前菜大大份，main 食手工意粉冇得輸，最後一定係食Tiramisu 。其實我最愛嘅係佢哋嘅提拉米蘇！今次我哋幾個人一齊去，大家都係可以share食，咁我哋遲咗就唔會樣都嗌一份啦，意粉帶幾個唔同嘅。佢哋個Menu可能有陣時會唔同，前菜個布袋芝士冇得輸，cold cut都係大大份，不過哈蜜瓜少咗啲，6塊cold cut得3粒哈密瓜。sad第一次叫佢嗰個吞拿魚牛肉，意外地都幾好食主菜就唔使講一定要食松露意粉，原片嘅松露就好似刨出黎嘅鉛筆碎🤣但係真係好好食！佢個千層意粉係好邪惡嘅！好creamy跟住個餃子意粉都係冇得彈，食到我哋個個都係咁讚，舔舔脷最後甜品嗌咗tiramisu 同奶凍，我今次第一次是奶凍，其實咁大杯真係唔會食得晒！不過幾飽都好我一定會食晒個tiramisu，因為佢真係好好好好好好食，必必必必食

一個意大利蜆肉意粉可以有幾差，如果收$168一碟的話，唔係話廚師唔識吐沙，一碟10隻蜆有5隻有沙，仲要多成咁🤬成碟意粉仲要肥騰騰！另一碟大蝦墨魚汁意粉，只有辣味，咁重手可能都係得一個原因...雪蝦！不過唔好食真係唔好食！呢個價錢，似乎唔應該係咁，想叫經理但又遠又好見唔到...算..冇下次最正常都算阿囡碟牛面肉意粉，佢冇投訴。至於餐前法包，變咗酸種麵包，又係唔係好食！仲有一個冷盤，俾咗三舊班馬神芝士，要成舊隊？差咗好多跟第一次來完全好似兩間舖頭！再見冇下次！

同朋友去荔枝角呢邊行街選擇食呢間出名嘅pici係lunch時間大家一人一個餐都幾抵食嘅我選擇咗。士多啤梨🍓特飲朋友就叫咗熱情果特飲，一坐低嘅時候職員就會比呢個佢哋特別發酵嘅麵包俾我哋而且可以點醋或者橄欖油食不過我自己覺得呢啲麵包好硬我覺得有啲食唔慣，都唔習慣點橄欖油食，叫咗兩個前菜，一個就係巴馬火腿配芝士另一個就係牛舌，我自己覺得牛舌呢個真係幾好食😋如果下次可以選擇嘅話我都會揀返呢個巴馬火腿配芝士我自己覺得巴馬火腿味道偏鹹， 另外叫咗 千層麵肉醬，我覺得都幾好食，不過唔記得咗影相，另外我比較推介嘅係黑松露切片手工意粉真係好香黑松露味道呢一間餐廳最出色我覺得就係個甜品因為佢個Tiramisu真係好好食😋，好正宗好好味😋或者叫佢另外奶凍都好正，成間餐廳所有職員都係講英文餐牌都係英文如果唔識英文嘅客人嚟到可能叫餐會有啲困難

平日晚和朋友參加了荔枝角的興趣班，便於D2 Place 附近找了間西式餐廳共進晚餐。餐廳有部分區域為開放式廚房。餐前附送香脆的法式麵包，蘸上油醋汁吃，開胃可口。📍火箭菜啤梨沙律 （素）啤梨微微清甜，可中和火箭菜的天然苦味，加上少許芝士粉和松子仁，增加了沙律的香味，份量偏少。📍Raspberry & Peach Soda $65淺粉紅色的很吸睛，喝下帶微甜，解渴。📍意式辣肉貓耳朵麵 $130貓耳朵意粉掛滿了濃濃的忌廉汁，貓耳朵彈牙煙靭，味道佳。意粉有一堆火箭菜作裝飾，可惜意粉量偏小，一般女生吃一碟可能只能剛剛夠飽。男生的話，基本上是不會飽肚的。餐廳內的開放式酒吧設計特別。餐廳較昏暗，樓底較低，所以當客人在談話，餐廳會較嘈雜，而且餐桌較細，當餐點上桌後會有點逼。食物方面，味道沒有想像中好吃，份量偏小，餐廳的服務費是自行決定給予與否，是這間餐廳唯一最大的優點。👅 味道：4/5💰CP值：3/5🕴🏻服務：4/5🔰餐廳環境：3.5/5👀回頭率：3.5/5

☆𝘗𝘪𝘤𝘪🍝超人氣手工意大利麵店🇮🇹佢哋嘅handmade pasta真的不用再多介紹了，只要睇店外嘅人龍就知道係幾咁出名，所以當日都等左一段時間，不過絕對worth it！-Weekdays 🍽 1 starter + 1 main + 1 desert ($158).Pappardelle𝘽𝙚𝙚𝙛 𝙘𝙝𝙚𝙚𝙠𝙚𝙙 𝙧𝙖𝙜𝙪 𝙨𝙡𝙤𝙬 𝙘𝙤𝙤𝙠𝙚𝙙 𝙛𝙤𝙧 8 𝙝𝙤𝙪𝙧𝙨, 𝙤𝙣𝙞𝙤𝙣𝙨, 𝙘𝙖𝙧𝙧𝙤𝙩, 𝙘𝙚𝙡𝙚𝙧𝙮第一啖就食得出係人手造嘅意粉🤩麵質煙韌，扁長嘅闊條麵有濃郁嘅蛋香，配上慢煮八個鐘嘅牛頰肉（超稔+非常入味）同大量芝士，果然有別於一般意粉🧀(˶‾᷄ ⁻̫ ‾᷅˵)推薦指數:8.5/10.Chitarra King Prawn𝘽𝙞𝙨𝙦𝙪𝙚, 𝙘𝙝𝙚𝙧𝙧𝙮 𝙩𝙤𝙢𝙖𝙩𝙤𝙚𝙨, 𝙨𝙦𝙪𝙞𝙙 𝙞𝙣𝙠, 𝙘𝙝𝙞𝙡𝙡𝙞, 𝙜𝙖𝙧𝙡𝙞𝙘一直都好鍾意食墨汁義大利麵，呢份意粉麵質彈牙，夠曬al dante🤤伴碟嘅兩隻虎蝦非常吸睛，而且啖啖肉🦐醬汁方面因為加入紅椒所以微辣，但食得出係新鮮嘅番茄汁調製成，味道唔錯，絕對推薦一試！🍅(˶‾᷄ ⁻̫ ‾᷅˵)推薦指數:8.5/10.Tiramisu*必點*嘅

【𝙃𝙖𝙣𝙙-𝙢𝙖𝙙𝙚 🍝 - *𝙋𝙄𝘾𝙄*】分店有5間，今次我哋試左荔枝角店。4個人，點左Tasting Menu (HK$290/每位 + 10%)，可享用4個前菜，6個意大利粉主菜，4份甜品。5 Branches and we tried Lai Chi Kok one. Ordered 4 Tasting Menus covering 4 Appetizers, 6 Main Courses and 4 Desserts🤪🤪🤪 (HK$290/ each + 10%)《前菜 𝗔𝗽𝗽𝗲𝘁𝗶𝘇𝗲𝗿 x 4》炸松露水牛芝士 | 火箭菜啤梨沙律吞拿魚牛油果他他 | 廚師精選冷切盤 | 𝐸𝑛𝑔𝑙𝑖𝑠ℎ, 𝑝𝑙𝑒𝑎𝑠𝑒 𝑟𝑒𝑓𝑒𝑟 𝑡𝑜 𝑡ℎ𝑒 𝑚𝑒𝑛𝑢 𝑝𝑖𝑐 🙏《主菜 𝗠𝗮𝗶𝗻 𝗖𝗼𝘂𝗿𝘀𝗲 x6 》經典牛肉千層麵🐂 | 薰三文魚意大利雲吞 | 🦞寛條麵 | 黑胡椒芝士手工圓麵 | 鮮刨黑松露細扁麵 | 意式辣肉🐈‍⬛貓耳朵意粉 | 𝐸𝑛𝑔𝑙𝑖𝑠ℎ, 𝑝𝑙𝑒𝑎𝑠𝑒 𝑟𝑒𝑓𝑒𝑟 𝑡𝑜 𝑡ℎ𝑒 𝑚𝑒𝑛𝑢 𝑝𝑖𝑐《甜品 𝗗𝗲𝘀𝘀𝗲𝗿𝘁 x 4》Panna Cotta | Tiramisu 🧁🍮

Tasting Menu ($290 per person)Starter: Tuna Tartare🐟 | Chef Selection's Cold Cut 🧀Main: Orecchiette🐱| Tagliolini🍝 | Rivioli 🥟Desserts: Tiramisu🍫 | Panna Cotta🍼-隔咗好一段時間終於再訪🥰呢度真係好適合假期前嚟聚餐 氣氛超好🥰如果唔細食嘅話 其實絕對建議叫tasting menu 因為係抵食好多好多🤭🤭包兩個前菜三個主菜同兩個甜品!所有前菜 主菜同甜品都維持同樣嘅高水準今次唯一試嘅新嘢就係orecchiette意式辣肉貓耳朵麵🐱好有嚼勁 係一粒粒厚身好有咬口嘅粉 不過略嫌個醬汁唔夠多 變咗有啲貓耳朵麵唔夠味🥲但整體菜色都係好impressive!叫埋酒飲揀直係完美又超滿足超飽嘅一餐🤰🏼

Christmas set真係超抵食每人$248就有( 2道前菜+ 3道意粉 +2道甜品) 食完真係飽到夜晚🎅🏻前菜⬗ Tuna Tartare 吞拿魚加上牛油果 食落味道鹹鹹地幾香濃表面加上酸薑幾開胃 男朋友表示很喜歡但我不喜吞拿魚刺身 淨係覺得好腥好大股魚露味🤢⬗ Melted Provolone 芝士控的你 一定必點基本上就係焗熱左的cheese係會瘋狂拉絲 超好食🥺雖有點略鹹 但唔緊要味道其實就係似mozzarella cheese 帶淡淡奶香記得趁熱食 凍左會硬左一舊⛄️Pasta ⬗ Swiss Chard Ravioli 聖誕版的意大利雲吞形狀包到似餃子 略嫌麵皮有點厚裏面是cheese和菜 味道偏清淡但芝士味還蠻濃的 而且好飽肚 不錯不錯⬗Truffle Tagliolini (+$30)上次去尖沙咀分店食過覺得偏淡這次的黑松露味道濃很多！加上表面的黑松露片更添香氣幼身意粉很彈牙 充滿蛋香唯獨今次的醬汁太鹹🥺真係鹹到懷疑廚師係咪錯手落多咗兩匙鹽🥲⬗ King Prawn Tagliolini (+$20)這款我同男友一致認為好好食！鹹度恰到好處 醬汁非常濃稠 蕃茄

我好鐘意食意粉 尤其係手工意粉所以都幫襯左pici幾次😝之前都係去開尖沙咀出到長沙灣見到有 就決定食個late lunch 星期日都有lunch set around $2xx （ 11:30am to 4 pm)不過當日set menu 頭盤唔岩我食所以都係散叫 - Tuna Tartare $120呢個係我最愛既前菜🤩 有吞拿魚牛油果 同埋生既紅洋蔥口感同味道都一流🤤Ravioli $130有蜆肉配ricotta cheese Pappardelle $140呢個肉就係慢煮牛面頰肉好香牛味重點 兩碟既麵質麵Al dente 好有嚼口 超like 呢d口感既意粉百幾蚊食到一碟呢個質素既手工意粉 真心超抵

成日見都呢間餐廳有好多好評，又有好似foodie推介，以為一定係高質，點知中曬伏😢😢貴價又難食😪😪一開始已經好差，餐包係用紙袋pack好，預先焗定所以凍冰冰又硬，不過佢啲油醋都ok👌我地揀左佢既tasting menu，可以自選兩款appetiser+ 3款pasta+2個dessertAppetiser我地揀左cold cuts同meatball, 啲salami同ham就一般般，平時一田Aeon買嗰啲會仲好食😞至於meatball, sauce 係好食既蕃茄味濃，但肉質好散，好失望😕不過我地都係好期待手工pasta環節，點知更加失望，第一款又貓耳朵，口感好煙韌，如果只講pasta既話係唔錯，但sauce好淡冇味，唔creamy👎🏼失望。第二款pasta我地揀左pasta of the day, 今日係duck pappardelle,同第一款一樣,pasta 煙韌,汁冇味👎🏼失望！最後一款係大家十分推薦既black truffle pasta ,好鹹好鹹好鹹，鹹到食唔到，食左一半都冇就以經放棄，啲truffle似係artificial, 好難食 口感差👎🏼👎🏼😿😿大家唔好中伏甜品不

今日我同媽媽黎食晚飯，冇諗到餐廳員工服務態度好好，特別係經理Jerry👍🏻佢問左知道係慶祝生日後，上甜品時唱生日歌仲幫我同媽媽影即影即有🤣🤣餐飯食得好開心🥳另外想讚甜品tiramisu 好好味！必試！

今日見唔使等位，就即刻入去食！已經係第三四次嚟呢間餐廳食，佢最好食就係嗰個牛肉千層麵同埋Tiramisu佢嗰牛肉千層麵拍得住喺英國食！唔會好水，啲麵同芝士啱啱好！中意食芝士一定要叫而佢嗰Tiramisu 係好食，但就算貴，要$60！如果$40就值了😂如果你真係好肚餓嘅話，可以食tasting menu，可以揀2個starters，3個pasta同埋2個甜品，$290/person！嗰職員會行埋黎同你介紹架！

手製意粉黎講香港比較少見，而係香港最出名食手製意粉既舖頭，相信非Pici莫屬喇！平時係店外望落環境幾靚幾Chill，原來食lunch都唔算貴，$158已經包左前菜、意粉同甜品，西餐黎講都幾經濟實惠• Bresaola 風乾牛肉配上橄欖油，超·級·鹹，鹹到冇辦法接受，只能夠夾硬擺落口生吞咗佢😫• Cold Cuts依份熟火腿相比起牛肉出色好多，油脂味好香好濃，真係估佢唔到🥰• Tagliolini Truffle 幾乎每枱必點既item，而我地亦都係為咗依個刨左滿滿黑松露既意粉而黎😎松露味係屬於香氣嗰種，同出面食開既黑松露意粉好唔同。意粉唔係走al dente路線，有口感得黎唔會太淋，蛋香味好重。不過整體唔夠咸，可能係想突出松露既清香？而且食落都幾油下😥都唔錯既，但未至於擺到上神枱，不過依個價錢黎講，仍然係非常抵食🤔• Classic Lasagna 外表雖然冇乜特別，不過食落有驚喜😋，面層Parmesan芝士焗得焦脆，醬汁既有奶香亦有濃濃既肉香。之前係出面食過千層麵，中間層麵皮又淋又爛，食多幾啖就覺得好膩滯，而依度嘅出品就冇依啲問題，麵皮仲好順口軟滑添🤩• Tiramisu未有強烈

好掛住意大利。。。想食意大利手工意粉，呢一間係值得推介。餐廳個環境好舒服。而且服務真係好好🌟我哋叫咗two lunch sets for sharing 佢哋嘅食材好新鮮。而且份量好足。Starter 嘅芝士波淡口但配合埋Parma ham 互相補給，好夾。Main course:一定要試佢個黑松露意粉。佢哋比好多黑松露再加上熱熱嘅意粉撈左黑松露之後，散發出嘅香氣簡直係絕配👍🏻同埋意粉係好彈牙al dente. Set lunch 係有甜品或餐茶。我哋兩個order了2 個tiramisu 做甜品... 甜品係好出色嘅！但係我個人覺得如果兩個人食，可能一個tiramisu再加個咖啡大家share會完美啲... 因為都幾飽肚。

最期待食Pici🥰，喺香港要食到有質素嘅意大利麵，即係唔努力啲搵錢都唔得🤣。星期六日冇套餐，因為呢日有啲飽，所以淨係叫咗兩個主菜一個甜品。呢碟手工圓麵叫Pici，睇落隔離位好似叫咗一碟海鮮烏冬😂，因為都係都係食開扁面，好少食圓面，食落個汁有啲普通，蝦係幾大隻，不過唔會好滑好新鮮，青口相對普通，唔夠食好西嘅感覺😂鍾意口感出啲嘅都係叫返闊帶麵Pappardelle，煙韌度高啲，同埋有蛋香。呢一碟係有蟹肉嘅墨魚麵，結仔面King Crab Chitarra。呢個反而有驚喜啲，唔再係以前怪怪地嘅辣味，改用左比較清新夾配料去襯托墨魚麵，幾鍾意食🥰🥰🥰甜品每三個月一定要來食一次，奶奶很滑😋Pici 荔枝角長順街15號D2 Place二期地下G03號舖