Pici

營業中

休息中

吞拿魚醬小牛肉：吞拿魚醬蓋過小牛肉味道，但配麵包又恰到好處，味道啱啱好。慢煮牛面頰寬帶麵：雖然外賣盒內焗到有倒汗水咁，但麵條食落仍有Al Dente，值得一讚，同時配上夠哂淋嘅慢煮牛肉頰，好味😋經典千層麵：可否放耐咗先食，面層芝士有啲硬，味道尚可。見到menu仲好多都好吸引，估計堂食會更加好食，下次會再試！

成日聽人講Pici 手工意粉好好食，今次一於同朋友食lunch 慶祝生日。餐廳無得book 位所以只能walk in，lunch 時間都多人但經理見人多都會幫你登記，等有位時可以聯絡你 不過需要人齊入坐! 我地算好彩，等左十分鐘左右就有位。Set lunch $158 有前菜，Pasta 同甜品⚫️先來一袋餐包～比較硬喔⚫️House Wine +$40⚫️Italian Passion + $30 ⚫️布袋芝士 + HKD25超鐘意布袋芝士，唔好睇佢好似細細舊呀 ... 其實真係好多!!  一個人一定食唔曬. happy share 剛好⚫️吞拿魚牛油果他他好好食，酸酸地可以解左牛油果既膩，好夾⚫️Tagliolini Truffle + $28松露醬配上意大利細扁麵,，仲有大方鋪滿松露片，一上抬已經好好好香喇。細麵充滿蛋香但偏軟身！⚫️Pappardelle Pork Ragu味道淡d，比較喜歡松露⚫️Tiramisu 入餐廳時已經見好多人都係叫Tiramisu所以我地都無懸念叫呢個。本身唔係甜品控 ................. 但係!!!!!!!! 一入口就令我覺得驚艷! 好鐘意呀! 比起

Weekend lunch set / Dinner都要200幾蚊個人，而平日lunch只需要$158就已經有前菜、主菜同甜品，真係平好多。所以拎左假黎食~11:30AM就開門，我同男友11:30AM就黎左食個BRUNCH~侍應有識講同吾識講中文GE 首先嚟一袋有5塊GE麵包，好硬，有橄欖油與醋點黎食。前菜要左Andrea's Cold Cut & Tuna Tartare。Cold Cut好多片，有DD咸。 Tuna Tartare好好食🤩主菜要左2個都係要加錢的，Tagliolini Truffle同埋Lasagna  Classica。鮮刨松露就甘食其實冇咩味，但撈埋一齊食就重d松露味啦，千層面都ok，個面好脆，芝士同肉碎都多。甜品緊係要試Tiramisu ，大大杯，軟滑CREAM + 蛋糕,不過偏甜

其實我幾驚食pici😂因為次次食set都飽到嘔，食到有陰影🤣🤣🤣本身以為今次食lunch set 應該冇事，點知同夜晚tasting menu一樣都係咁飽🤧~~~🌟Lunch Set($158)🥗前菜1⃣️Burrata (+25)🪄7/10芝士就點都好味㗎啦🧀沙律菜係火箭菜同車厘茄，但畀得唔夠多，後尾齋食芝士好滯🥴2⃣️ Romaine Salad 🪄7.5/10味道唔錯，屋企人平時唔食沙律都話ok，啲脆麵包粒好食🤗同埋好大份，似平時單點嘅份量😮3⃣️Vitello Tonnato 🪄6.6/10一上檯我load左幾秒呢pat紅色嘢係咩黎😂原來係牛肉片上面鋪滿吞拿魚醬😐但係我覺得佢醬太多，完全蓋過牛肉味，而且食到好滯…🍞除左上面嘅自選菜式，佢仲包左餐前包但點左油醋都係好硬🤧🤧.🍝意粉1⃣️Tagliolini Truffle (+28) 🪄7.9/10黎pici點可以唔叫松露意粉🥰上面一片片松露，畀得完全唔手軟!因為係手工意粉，所以食得出比出面食嘅更彈牙( ´▽｀)2⃣️Tagliatella Smoked Salmon 🪄6.7/10對比松露呢個有啲失色😕煙三文魚畀得唔多所以食落有啲普通3⃣️Lasagn

由意籍大廚 Andrea 🇮🇹主理，強調「Everything is from Italy」，意粉日日新鮮製作，確保香氣不會因存放太久而流失餐包用料講究，用意大利00麵粉，成本比日本蛋還要貴，加上採用蛋香最濃的意大利雞蛋，如幼麵 Tagliolini⭕️Tagliolini 黑松露意粉🍽上上之選🤩意粉煙韌且🐣蛋味較濃郁，配上乾葱牛油汁，再加入鮮刨黑松露片，香氣四溢，茹素人士都可以食😋⭕️Pappardelle慢煮牛面頰肉醬意大利寬麵🐮🍝🧀慢煮8小時的牛面頰肉超級軟嫩，帶有濃烈的牛味，醬汁略微有d鹹；麵底的麥香味較重，帶點嚼勁，配埋蘿蔔及西芹等，整體不俗⭕️Ravioli 意大利雲吞🥟配以意蜆，金槍魚子，手工的意大利🇮🇹雲呑果然與別不同，蜆肉鮮甜，同醬汁配合得天衣無縫⭕️Tiramisu🍮食落每啖Cream好幼滑，蛋糕帶有香醇的酒味，兩者平衡得宜，加上可可粉，簡直好味到可以日日食🌟不設訂位，不設加一

今日友朋自遠方來約我出嚟食lunch, 係公司附近就選擇咗呢間意大利餐廳，之前都已經好想試吓，今次就walk in碰碰運氣，好彩剛剛有張兩人枱俾我地，入到去見到bar枱內已經有員工即時製作意粉，即是真係人手製作喎！限時75分鐘完餐，坐定定好快點咗2 set lunch，價錢嚟講算合理嘅因為已經包咗3 courses, 基本上食物都豐富，又附上用紙袋包好嘅切片餐包，如果有埋餐湯咁整個套餐就更完美喇

一直以黎 PICI既手工意粉都好出名 今次終於食到🤤Lunch set包含左2個starter 3個pasta 2個dessert🥰💰Weekend lunch menu $248 per person🍴鮮刨黑松露細扁麵 (素) (+$25)手工意粉同平時出面既意粉真係有分別 佢地既細扁麵好彈牙 軟硬適中 al dente~🤤意粉面上有巴馬臣芝士調味 芝士味好香而且黑松露口感好有趣 似好薄既脆片不過呢個黑松露冇乜味 有少少失望☹️☹️賣相: 4/5味道: 2.8/5🍴經典牛肉千層麵 (+$10)爆多牛肉😍茄味唔太濃之餘 都唔會好滯最好一啖麵 一啖肉醬🤤🤤可能呢個麵冇入過焗爐 所以感覺唔會熱氣麵方面呢 由於系手工關係 麵條會比較闊 口感十足👍🏻賣相: 3.5/5味道: 4/5🍴墨魚大蝦結他麵依款意粉係偏圓同幼身既 食落口感煙韌彈牙😚既唔會好似墨汁咁食到成個嘴污糟 而又有墨魚汁既鮮味👍🏻配合埋茄汁有開胃既作用 唔會覺得膩🥰而廚師亦好細心咁將大蝦去殼 只系補留蝦頭同蝦尾所以食既時候唔止方便 而醬汁會滲入大蝦 令大蝦更入味🤤賣相: 3.5/5味道: 4/5🍴吞拿魚醬小牛肉一開始見到個賣相有少少卻步

約1:45pm 入座，午餐已過，已開始少人.點餐後，上食物超慢，共點了兩個starters 及三個意粉(squid chiattara, carbonara, truffle spaghetti ) 點餐時已經事先講明，squid chiattara 係打包拎走，點知等咗大半個鐘，第一碟俾你嘅，就係冇打包嘅chiattara . 😞😒🤮。算，食咗佢吧！然後，知道廚房已經好耐都冇出嘢食，waitress 仲問我carbonara 同truffle spaghetti ，係咪要打包拎走！🤨🤷‍♀️足足用了1hour 45 分鐘係度等。無下次

Went there for lunch, the second starter took 45 mins to deliver. The three pastas are not fully delivered after 1hr 30mins. Table next to us, however, got their food earlier than us even though we are seated 30mins first. Poor management and customer service...... recommend other branches instead.

同好朋友FAREWELL，為咗方便朋友，我地揀咗一間位於荔枝角既意大利餐廳，餐廳唔接受訂位，只有WALK IN，晚上7:00比較人多，餐廳一定要等齊人才可以入座，就算4位有3位到咗都唔接受。等了大慨10-15分鐘才安排入座，限時90分鐘要交枱，餐廳安排我地坐卡位，坐位寬闊。由於限時，我地不敢怠慢，即刻落ORDER，叫了4人套餐，套餐包括麵包，前菜3個，主菜 3個，飲品4杯，我地叫咗 吞拿魚牛油果他他，海鮮辣蕃茄燴湯，香脆炸魷魚，主菜揀咗意式辣肉貓耳朵麵，忌廉龍蝦闊條麵，松露細扁麵。 先講麵包，有一袋紙袋裝住既麵包，可以醮欖欖油同醋，但麵包邊硬，感覺唔新鮮。至於前菜，全部都係細細碟，海鮮燴湯有4隻手指尾咁大既青口，湯比較濃，似醬汁。吞拿魚牛油果他他一般，炸魷魚炸皮厚，魷魚細，仲衰過食大排檔。  主菜有手掌咁大既龍蝦，闊條麵可以一讚（但唔記得影相😝），松露細扁麵既松露係一片片放係上面，冇黑松露既煤氣味（恕我唔識食）細扁麵亦都冇乜黑松露味， 辣肉丸貓耳朵麵煙煙un un, 味道唔辣，咬落似食魷魚。另外甜品Tiramisu,普普通通，每樣主菜及甜品都要額外加錢的，埋單$ 1064，整體餐廳環境

FRESH MADE PASTA!!!!😍😍😍😍意粉向來都高質 佢嘅 Tasting Menu ($290 per person) 更加可以試到多款前菜同 pasta兩個人食嘅話 總共可以叫2款前菜、3款pasta 同埋 2樣甜品 超值之選!👍🏻前菜我地叫咗 Tuna Tartare 有牛油果再加上洋蔥同自家製醬汁 好新鮮開胃另外食咗 Calamari Fritti sd Baby Squid炸到金黃色好脆🦑Tagliolini Truffle 我地係差唔多每次都叫 新鮮刨出黎嘅黑松露 再配上白松露醬汁 好 creamy我地仲叫咗 Chitarra King Prawns 同 Ravioli Octopus! 大蝦煎得好香好彈牙 其實全部Pasta都食得出口感彈牙爽口 亦都好掛汁🍝仲有佢個 Tiramisu 係必叫一 係數一數二食過最好食嘅tiramisu🎂

朋友推介呢間，話佢啲意大利粉好食。咁岩今日來D2行街。坐喺餐廳都感覺好似去咗外國咁😂個服務員介紹我哋點set, 但我哋4個女仔又驚食唔曬，所以散叫。同埋個服務員好好呀，我哋無叫set都送餐包畀我哋。我哋叫左4個意粉加一個沙律同2客甜品個貓耳朵都好正，我中意佢有少少辣，而且韌度岩岩好。食完呢個鐘意左食貓耳朵。呢個松露意大利粉係咁款之中我最鍾意嘅，好好味。我覺得今次叫的4款意大利粉都好味，原來來意大利係可以咁好食，早知叫set啦，因為仲會送多個意粉，佢啲意大利粉夠烟韌。佢啲甜品都好味。

附近做野的日子,一定會到pici食個lunch.套餐, 有前菜+main+甜品. $158 免加一, 絕對是相宜!!每次pici都會遞上 凍冰冰 用紙袋裝住的切片法包 配橄欖油&黑醋是我最喜歡的配答~cold cuts, 原本以為是蜜瓜,不過來到是芝士.份量相當大份,吃不完,要拿走.千層麵上面層芝士非常大方, 不過我個不好芝士,覺得咸了點每次最期待的TIRAMISU忌廉很滑~有蛋香. 不太甜. 好好好吃

之前bookmark咗🤫想試好耐㗎喇終於就到時間約埋朋友一齊去試下餐廳都算闊落，坐得幾舒服。環境昏暗感覺都幾有情調。店員亦都好有禮貌同埋會好熱情介紹菜式。坐底無耐就送咗熱辣辣嘅麵包上枱🤩🌟Italian Passion熱情果檸檬梳打，酸酸甜甜，清新開胃🌟Bellini適合女士們😌濃濃嘅蜜桃味，偏甜🌟Homemade Meatball肉丸大大粒，咬落軟熟Juicy，醬汁微酸冇辣，點麵包食勁夾。🌟Pappardelle Beef Cheek牛面頰係慢煮，保持到肉汁，食落係淋身唔駛點嚼而且牛味勁濃。寛帶麵勁彈牙有嚼勁，每條都掛到汁😚超好食🌟Ravioli Octopus 意式雲吞大大粒，漲卜卜，入邊係滿滿嘅芝士。八爪魚少少煙韌，蕃茄醬汁微酸得嚟唔太辣，都係惹味開胃🌟Tiramisu超creamy，口感幼滑，咖啡味好香同唔會太甜🌟Panna Cotta上層鋪滿係厚厚嘅紅莓醬，微酸感覺清新。奶凍奶味濃，入口口感幼滑😋食完一啲都唔覺得膩

𝕃𝕒𝕚 ℂ𝕙𝕚 𝕂𝕠𝕜 • ℙ𝕚𝕔𝕚 🍝📍𝕊𝕙𝕠𝕡 𝔾𝟘𝟛, 𝔾/𝔽, 𝔻𝟚 ℙ𝕝𝕒𝕔𝕖 𝕋𝕎𝕆, 𝟙𝟝 ℂ𝕙𝕖𝕦𝕟𝕘 𝕊𝕙𝕦𝕟 𝕊𝕥𝕣𝕖𝕖𝕥, 𝕃𝕒𝕚 ℂ𝕙𝕚 𝕂𝕠𝕜🔍𝕋𝕤𝕚𝕞 𝕊𝕙𝕒 𝕋𝕤𝕦𝕚, 𝕎𝕒𝕟 ℂ𝕙𝕒𝕚, ℂ𝕖𝕟𝕥𝕣𝕒𝕝, 𝕂𝕖𝕟𝕟𝕖𝕕𝕪 𝕋𝕠𝕨𝕟, 𝕊𝕙𝕒 𝕋𝕚𝕟::::::::::::::::::::::::::::::𝚂𝚎𝚊𝚏𝚘𝚘𝚍 𝙵𝚎𝚊𝚜𝚝-𝚒𝚟𝚊𝚕 𝚂𝚎𝚝 𝙵𝚘𝚛 𝟷 $𝟸𝟹𝟾🔸𝚉𝚞𝚙𝚙𝚊 𝚍𝚒 𝙼𝚊𝚛𝚎 +$𝟺𝟻 🫕 / 𝙱𝚞𝚛𝚛𝚊𝚝𝚊 𝙲𝚑𝚎𝚎𝚜𝚎 +$𝟸𝟻 🧀 / 𝚃𝚞𝚗𝚊 𝚃𝚊𝚛𝚝𝚊𝚛𝚎 +$𝟷𝟻 🐟🔹𝚃𝚊𝚐𝚕𝚒𝚘𝚕𝚒𝚗𝚒 𝚃𝚛𝚞𝚏𝚏𝚕𝚎 +$𝟸𝟾 🖤/ 𝙵𝚎𝚝𝚝𝚞𝚌𝚌𝚒𝚗𝚎 𝙲𝚛𝚎𝚊𝚖𝚢 𝙻𝚘𝚋𝚜𝚝𝚎𝚛 +$𝟾𝟾 🦞▫️𝚃𝚒𝚛𝚊𝚖𝚒𝚜𝚞 +$𝟹𝟶 ☕️/ 𝙿𝚊𝚗𝚗𝚊 𝙲𝚘𝚝𝚝𝚊 +$𝟹𝟶 🍮➰𝘉𝘢𝘤𝘬 𝘪𝘯 𝘵𝘩𝘦 𝘥𝘢𝘺𝘴 𝘸𝘢𝘴 𝘢𝘭𝘳𝘦𝘢𝘥𝘺 𝘪𝘮𝘱𝘳𝘦𝘴𝘴𝘦𝘥 𝘣𝘺 𝘗𝘪𝘤𝘪 ’𝘴 𝘭𝘢𝘴𝘢𝘨𝘯𝘢 𝘢𝘯𝘥 𝘵𝘪𝘳𝘢𝘮𝘪𝘴𝘶 (𝘵𝘩𝘦𝘯 𝘣𝘦𝘤𝘰𝘮𝘦 𝘢 𝘧𝘢𝘯 𝘰𝘧 𝘗𝘪𝘤𝘪 ), 𝘢𝘯𝘥 𝘩𝘦𝘳𝘦 𝘪𝘴 𝘱𝘶𝘳𝘦𝘭𝘺 𝘢 𝘱𝘢𝘴𝘵𝘢 𝘩𝘦𝘢𝘷𝘦