Pho Home

餐廳：Pho Home (旺角)地址：旺角砵蘭街185號地舖旺角砵蘭街嘅餐廳，相信喺朗豪坊以外比較平價嘅選擇，今次去咗呢間開咗兩個月嘅Pho Home，喺我8月去完越南胡志明市之後再次食越南菜🇻🇳，雖然喺越南當地食嘢真喺平好多，但原來喺呢度食都真心唔貴😍Pho Home每日下晝2:30pm到6pm都有下午茶優惠，仲要全日免加一，一碗Pho最平40幾蚊就食到，仲要餐廳由廚師到樓面都喺越南人，做到真正越南原味道，佢哋有啲仲要識講廣東話，加上老闆娘超級Nice又熱情，當呢度喺飯堂都真喺幾唔錯😌✝️海防地道蕃茄蟹膏札肉湯檬粉 $68餐廳有唔少原材料例如香料同扎肉都喺嚟自越南，呢碗檬粉相當足料，有蝦🦐、軟殼蟹🦀、帶軟骨嘅札肉、肉碎、蕃茄等，加上秘製嘅蕃茄蟹膏濃湯，鮮而不膩，酸甜開胃🤤，嚟度真心要試試呢碗海防嘅地道檬粉✝️招牌手切牛柳河粉 $88手切牛柳半生熟，份量一啲都唔少，慢慢被熱湯煮熟後放入口食啱啱好，鮮嫩得嚟有咬口，配埋爽彈夠肉香嘅牛丸喺牛魔王嘅雙殺👍，河粉唔會好削，另外仲有一碟油炸鬼比你浸落湯到食過吓口癮🤪✝️西貢法包拼盤 $65呢個法包大推🥖！即叫即烘嘅法包，夾住滿滿嘅扎肉、香茅烤豬肉、肉鬆同生菜🥬，當中用咗肝醬同蛋黃醬增添咗層次感同鮮味，超鬆脆嘅法包加上惹味嘅豬肉令人食唔停口，最重要喺法包勁大個，如果一個人自己食嘅話都應該幾飽肚最後加$10飲埋呢杯清甜有唔少熱情果粒嘅梳打🍹，冰涼解渴，呢餐好滿足🥰…查看更多

同Lisboy要學游水當然要搵好嘢食😍呢一間新開嘅越南餐廳試過好正，啲裝修已經好吸引，夠晒越南特色🌟🍽️ 重量級越南火車頭魔王當然想食牛，所以叫咗呢個二人份量嘅重量級越南火車頭，乜都有得食真係好正😋而且個湯頭夠晒滋味，清清甜甜再配埋好多材料包括牛肉、牛丸、牛腱同牛腩等等滋味菜式😍真係夠晒豐富！🍽️ 越式炸軟殼蟹撈檬粉軟殼蟹外脆內軟Yummy Yummy，而Lisba好愛撈檬，撈檬酸酸甜甜，夠晒開胃又易入口，炸軟殼蟹夠晒滋味爽脆，真係必食嘅佳品🦀🥭 鮮芒椰汁西米露 + 龍眼冰野飲即叫鮮芒果西米露🍹俾Lisboy，舔舔脷真係好開心😍我哋就叫咗杯龍眼冰清清涼涼好爽甜😋圓滿咗成個午餐！…查看更多

今日約咗去旺角食碗越南河粉望完menu 決定揀2 ppl set $208 抵食包括2碗湯粉1）生牛肉湯河粉2）雞絲湯河粉湯底好飲，濃味，份量都算多配上一碟生菜湯正常小食1款我哋揀咗香茅雞翼有4隻，size ok 大， 味道夠，有醃過，好味套餐另一款安南鮮蝦紙米卷自選仲有以下河粉/撈檬選擇生牛肉湯粉/牛丸湯粉/雞絲湯粉/扎肉湯粉/香茅豬扒撈檬/香茅雞翼撈檬/雞絲撈檬/扎肉撈檬/豬肉卷撈檬套餐最後包2杯飲品 全店免加1 …查看更多

今天食咗依間越南小店，整體感覺唔錯。不過服務就比較簡單，全部都係自己用QR code落單，請水同埋執餐具都要自己搞，算係自助型態。雖然冇咩特別嘅服務，但至少唔會等太耐，算係輕鬆方便。 重點係冇叫加一。 牛油雞翼炸得鬆脆，蒜香味夠突出，食落去唔覺油膩，幾有驚喜。越式法包外脆內軟，口感層次好明顯，配埋佢哋嘅醬料，味道啱啱好，唔會太鹹或者太膩。牛腩片湯河湯頭清爽帶甘味，飲完唔會覺得口渴，但牛腩塊有啲柴，可能炆耐咗少少會較理想。河粉軟硬適中，配埋湯底比較順口。 最後食咗馬拉盞炒通菜，大大碟，味道略帶少少辣，但唔鹹，青菜保持爽脆，整體幾惹味又開胃。呢餐總共係$272兔加一，以份量同味道嚟講都算合理，適合想食啲快靚正又唔想花好多錢嘅時候。環境乾淨簡單，冇咩花巧，適合輕鬆食飯嘅感覺。 …查看更多

最近砵蘭街新開左間越南餐廳，一入到去發現店員真係越南人，裝修仲充滿越式氛圍，食物種類多選擇之餘，性價比都好高👍🏻越南地道蕃茄蟹肉汁札肉河粉賣相勁吸引，湯底係鮮甜蕃茄湯加上好出嘅蟹味🍅🦀，最驚喜係佢配料好豐富、除咗札肉仲有軟殼蟹同大蝦蝦🙌🏻餐廳仲有好多小食可以加配，炸蝦餅外皮炸到酥脆，入面蝦餅夠鮮嫩，一定要試!! 最surprise係食食下lunch餐廳竟然送左每人一碗糖水，夠哂sweet🥰-𝘼 𝙇𝙖 𝘾𝙖𝙧𝙩𝙚 𝙈𝙚𝙣𝙪▫️ 海防地道蕃茄蟹膏札肉湯河粉 $𝟳𝟴 ⭑⭑⭑⭑⭑▫️ 越式生牛肉湯河 $𝟲𝟮 ⭑⭑⭑⭑⭑▫️ 越式手打炸蝦餅（加配） ⭑⭑⭑⭑⭑▫️ 軟殼蟹（加配）⭑⭑⭑⭑⭒▫️椰汁咖啡（加配） ⭑⭑⭑⭑⭒▫️椰汁三色冰（加配） ⭑⭑⭑⭑⭒…查看更多