PHI Coffee & Pancake (西沙GO PARK)

營業中

休息中

今日去熱點西沙GO PARK行下，因為自己好鍾意食梳乎厘，這間PHI的其他店舖我都有去食過覺得水準一流，所以就想試下這間是否都一樣好味，入到去店員愛理不理，詢問時店員態度惡劣，叫了三款梳乎厘經典英式伯爵茶，開心果及秋冬濃濃栗子，食落不像梳乎厘軟綿綿像食緊硬身蛋糕，新鮮果汁沒有果汁咪飲飲一杯冰水，不會再去這間店舖，希望佢哋有所改善食物及店員態度。

應該唔會再去買嘢了Go Park近日好多人到訪，店舖未Ready是明白的，但顧客之前人多，明白店舖唔夠足夠的食物賣是理解的，但顧客詢問時，態度都幾差！但無人時，服務都好奇怪⋯⋯當今早無人去時，買外賣熱咖啡，比哂錢，攞咖啡時，見到個杯蓋用兩張透明膠紙黐住住，店員話今次呢批杯蓋其實蓋唔穩，唔可以就咁飲，一定要打開個蓋飲，其實我係揸車飲的，如果杯蓋有問題，其實可唔可以早D講呢？都比哂錢，先至講。我好少寫負評的，但今次點都要寫。

店員態度惡劣，愛理不理。點了兩杯咖啡和一個經典英式伯爵茶梳乎厘，想多拿一隻匙羹，那臭臉男店員不肯給，說他們只會提供一份餐具。我說我是堂食，他卻說他們主要做外賣。他們的提拉美蘇咖啡超級難喝。在我之前已經有店員和一個女客人吵起來。

入到去叫咗兩個疏乎厘，（抹茶疏乎厘，士多啤梨疏乎厘）兩杯美式咖啡，5分鐘唔夠就可以攞餐，所以一定唔係即刻整，疏乎厘一啲唔都鬆軟又唔熱，似蛋糕，係蛋糕唔係疏乎厘，只係上面冧咗兩個唔同顏色嘅醬汁，但綠茶醬汁係有綠茶味（綠茶上面嘅紅豆係好味嘅），士多啤梨醬汁係有士多啤梨味，總括嚟講所謂疏乎厘嘅蛋糕係唔好味嘅，係難食。賣$48一個扮疏乎厘嘅蛋糕賣相係靚嘅，可作打卡用。餐廳裝修係靚嘅打卡喺一樓嘅。美食咖啡，冇問題。一定唔會再嚟，唔會推薦朋友嚟，終於嚟咗一間係食裝修嘅餐廳。

點了一個 earl grey soufflé，但與相片不符，亦與期望的不同，扁扁實實，只是一件pancake，有點失望！ 不環保，全部是即棄餐具，賣相立即比下去。不過只是$48，算吧。

朋友介紹來呢間舖頭試下啲梳乎厘，中規中矩啦算。價錢上比其他Cafe或者甜品點係幾優惠嘅。但問題係杯Dirty... 用紙杯而唔係透明杯其實已經有啲打折扣，欣賞唔到Dirty奶啡分層呢個重點。打唔到卡都唔緊要嘅，但... Dirty加冰係...？ 比較特別...啡友可自行判斷

覺得佢成間舖頭都認為返工好辛苦，新年未放夠假唔想返工feel. 話說年初五嗰日冇嘢做，同老婆入去行吓，見到佢個疏乎厘$48 ，於是決定試吓。行去個櫃檯落order嘅時候，唔知嗰個係女經理定係店主，塊面黑到一個點。唔知以為我哋係泥問佢攞利是。買完嘢之後，問佢要等幾耐，佢用極衰嘅態度只係答我一句「好快㗎咋」。買蛋糕食啫，如果你覺得新年未放夠假，或者你未瞓醒，你唔好開工呀嘛。講返食物，叫咗個栗子疏乎厘，坦白講，唔好食，啲醬甜得滯，疏乎厘又唔夠熱，偏凍，口感一般。到我拎返個盤入去俾佢嘅時候，連另一個男士侍應，眼尾都冇望過我一下，咁就收走咗個盤。都係嗰句，唔想做唔好做呀嘛。

最近去咗啱啱位於西沙新開嘅商場Go Park，呢度真係一個令人放鬆嘅好地方，主打家庭同寵物友善，而且仲有唔少運動設施🏈 同朋友或者帶埋毛孩過嚟，可以玩足全日🐶我哋行街行到攰，就搵左間cafe坐低。餐廳位於商場地下，接近戶外兒童樂園區域。周圍環境好清新，有好多綠植同陽光瀰漫嘅露天位🌵好適合影靚相打卡📸同埋呢度係寵物友善，帶埋貓貓狗狗過嚟一齊chill住食嘢都冇問題🐾嗌咗兩款pancake同埋兩杯手沖咖啡🥞開心果味班戟呢款班戟淋滿咗濃郁嘅開心果醬，上面仲有碎開心果粒，增加咗層次感。班戟本身口感非常鬆軟，入口即化，開心果控一定唔可以錯過！🥞伯爵茶味班戟伯爵茶味道好香濃唔會太甜，啱晒鍾意淡雅風味嘅朋友。上面加咗少少脆口嘅配料，食落又香又有口感，非常滿足💆🏻‍♂️☕️啡我叫咗一杯 latte同一杯 Flat White，兩杯咖啡都有靚靚拉花，仲係可愛嘅小熊公仔🧸 真係好得意！咖啡味道順滑又唔會太苦，奶泡細膩，飲一口即刻放鬆晒💆🏻‍♂️PHI COFFEE唔單止嘢食出色，環境同服務都非常好，係一個適合同朋友聚會、帶毛孩曬太陽嘅地方。西沙Go Park本身活動設施多，又有狗公園，好新淨嘅兒童玩樂設施，大家

Go Park 隱世cafe新發現！呢間phi cafe啱啱開咋，真係一入嚟就被個環境吸引咗！🌟揀左佢地最吸引嘅梳乎厘，Oreo口味嗰個賣相勁靚，上面鋪滿杏仁粒、棉花糖同餅，啲朱古力醬淋到勁過癮！另外係開心果口味，果仁味好香，一啖咬落仲要夠晒綿密，開心果香濃得嚟又唔會太甜🍰係香港人嘅甜品標準😂Barista拉左個貓貓latte art嘅熱朱古力，好warm&sweet，真係影完都捨不得飲！咖啡豆揀得靚，香味醇厚溫潤，唔會有劣質咖啡嗰種酸苦味。兩個梳乎厘加兩杯咖啡大概$180左右，以而家市面價錢嚟講真係幾抵食！！Go Park 新開幕嚟呢間好唔錯💫

之前喺山頂已經食過幾次 幾鍾意啲嘢飲估唔到西沙GO PARK咁快就開咗🥳今日湊熱鬧去新屎坑睇吓西沙有啲咩好做原來周圍都咁多人 就喺度食下午茶入邊有得坐出邊都有得坐係狗狗Friendly嘅餐廳 所以有好多人都喺度放狗一個疏乎厘pancake $45有好多種唔同嘅味道可以試我哋叫咗伯爵茶味同埋開心果味開心果味上面有好多開心果碎 啲醬汁唔會好膩伯爵茶味都好濃厚 賣相仲好靚 我哋一人食一個啱啱好 仲可以互相share咁抵食唔怪得知咁多人排隊食Dirty嘅奶偏多如果鍾意飲奶就會好鍾意呢一間嘅Dirty仲有賣點Tiramisu coffee 濃濃嘅Tiramisu味仲有一隻手指餅 好滿足嘅下午茶食完仲可以喺附近行吓又可以繼續做運動了！

PHI coffee & Pancake (Go Park) Go Park 新開好多活動免費巴士到訪參觀下好方便新港城坐車20分鐘車程已到達沿路到改變了不少，有單車徑可到達商場有活動，好多商舖都有優惠其中PHI就有免費Pancake/coffee/ice cream抽中一款coffee，亦點了抹茶紅豆pancake 咖啡我選了Flat White☕️現金支付重送一杯士多啤梨雪糕🍧Pancake幾好味打卡亦一流🥞咖啡中規中舉啦，乳酪雪糕好味新店很多人，座位亦不少不用等太耐

星期六我親愛既🐶🐶生日，所以帶左佢去馬鞍山新開既西沙GO PARK玩下。當日超熱鬧，連停車場都無位 ，要排隊等入去。好彩等左十幾分鐘就泊到車，之後就去左食野。見唔太肚餓所以去左呢間Pancake shop食梳乎厘。由於呢個地方係dog friendly既，所以餐廳都有outdoor位置俾有狗狗既人士坐。STRAWBERRY MOUSSE SOUFFLÉ 士多啤梨梳乎厘 $45 LOTUS BISCOFF CARAMEL SOUFFLÉLotus海鹽焦糖梳乎厘 $452款梳乎厘質地都好fluffy，入口甜而不漏。咖啡就發揮正常，由於用外賣杯裝所以無拉花睇啦。Btw佢有個Daily Sandwich Set，$58有份三文治同咖啡幾抵，事關就咁單買咖啡都四十幾蚊。下次再黎試下。

鍾意食梳乎厘嘅我，最近就去咗 PHI Coffee & Pancake 西沙 GO PARK 新店，嗌咗2款梳乎厘試下──秋日濃濃栗子梳乎厘同開心果梳乎厘。秋日濃濃栗子梳乎厘 ($45) 栗子味濃，栗子蓉上有原粒栗子裝飾，食落雖偏甜，但有口感。飲品叫咗杯熱冬日栗子咖啡 ($58)，配合番栗子味梳乎厘，飲落舒服。另外，嗌咗開心果梳乎厘 ($45) 同熱伯爵茶鮮奶咖啡 ($48)，開心果梳乎厘開心果味濃郁，表面有開心果碎，個人偏好開心果梳乎厘。伯爵茶鮮奶咖啡略嫌奶比較多，茶味唔太出。整體環境十分舒適，店員友善，服務周到。#PHICoffeePancake #PHI #Coffee #Souffle #Pancake #Cafe #打卡 #Chill #coffeeshop #dessert #SandyFoodies #foodie #hkcafe #hkfoodie

西沙 go park最近有好多新搞作🥳讓這個地方變得更加熱鬧～10月 有世界運動會香港巡迴賽12月有Mochichi run而家仲有棵大大的聖誕樹🎄還有聖誕老人🤶🏻見面會和可愛的氣球🎈扭扭活動嚟到呢度仲會見到好多得意狗狗🐩🐶我甚至見到有人帶住鸚鵡🦜嚟黎呢度，想打吓Paddle順便食吓嘢～走入呢間好chill嘅PHI 食疏乎厘- 經典英式伯爵茶梳乎厘 ($45)梳乎厘口感輕盈，茶香撲鼻搭配上微甜的奶油🧁- 石板街梳乎厘 ($45)石板街外層微脆，有啲杏仁、曲奇做配襯內部鬆軟- 朱古力（熱） ($42)這杯熱朱古力超可愛，拉左個熊熊🐻花濃郁可口，特別適合寒冷的冬日，暖心又暖胃- 藍莓梳打 ($48)清新爽口，藍莓的酸甜平衡得宜

叫咗開心果梳乎厘同埋伯爵茶梳乎厘個醬太勁甜似啲罐頭濃縮漿個梳乎厘完全唔梳乎似雪芳蛋糕結論係用十倍價錢食咗個雪芳蛋糕唔會再食 都唔建議想食梳乎厘嘅人入去食想食雪芳蛋糕嘅人快入多謝！