Pepper Lunch (馬鞍山廣場)

營業中

休息中

又嚟食Pepper Lunch啦，次次一諗到食咩就食Pepper Lunch，大家都知道馬鞍山係美食沙漠嚟㗎啦Pepper Lunch通常都要等位嘅，真係幾受馬鞍山一眾街坊歡迎。今次食黑椒牛肉飯加芝士，唔知經常食Pepper Lunch嘅朋友有冇同我一樣覺得馬鞍山呢間分店特別多油嘅呢，次次都好似油浸飯咁樣喺度炸緊啲飯咁

今日晚上諗住試下未食過既一間入到去係一間日式餐廳 都估到香港無日本咁既招呼，始終係香港都明解，但員工氣氛真係無咩氣氛去收銀等左段時間先就叫到個牛肉飯 ，檯面d調味料🧂不完全唔想掂，好污糟😖…真係食個飯 未試過慢到咁，黎到個餐真係好似垃圾咁擺落去 ，手腳真係好慢，下次等咁耐早d 講聲😓Bad day

估唔到食Pepper Lunch都可以比漏嘢今日去食晚餐，食食吓發現好似俾漏咗少少嘢喎個餐，比漏咗個薯蓉喎，空咗一忽咁樣上都得嘅？好彩過去同佢講佢都即刻俾返不過唔知點解今日個薯蓉好難食

Lunch set蔬菜 黑椒牛肉飯，唔使等，好快有得食，滋滋喳喳的鐵板聲，熱騰騰的上檯，見到牛肉，粟米粒，西蘭花，黑椒碎，即刻拌好白飯，清曬，食飽飽...午餐會員可減$6,嗌咗杯七喜，涼浸浸！

平常去pepper lunch, 都是食黑椒牛肉飯，今次就試試日式咖哩漢堡扒飯吧，晚上7點，很多人排隊，等候時間較長，等了半小時，終於有位了，店內環境舒適，日式咖哩漢堡扒飯隔15分鐘送到，咖哩味偏淡，少少辣，漢堡扒味道可以，不過不失，可以試試，不過menu 上的圖明明有芝士，但餐到了並沒有！

早前疫情期間，試過Pepper Lunch外賣，雖然食品係一樣，但係堂食仲有鐵板可以Keep住熱辣辣，風味絕對唔同，始終都係堂食好。美國薄切牛扒 幾片牛扒跟薯蓉、菜，仲有大大碗白飯。牛扒都真係相當薄，煎得稍為過左火，所以韌韌地。珍寶黑椒牛肉飯平常最愛都係呢個珍寶飯，今次仲加埋芝士。呢個牛肉太薄啲，再另外加上蒜蓉汁撈飯更加好味，感覺上仲好食過薄牛扒。當然要加錢跟套餐，有汽水同Haagen Dazs雪糕，雖然得兩款口味，但已非常豐富。原來Pepper Lunch都出左兒童餐。揀左煎蛋牛肉飯，一隻靚蒜蛋，一大堆粟米，幾片牛肉，白飯同成人版白飯都無乜分別，一樣咁大碗。兒童餐跟埋飲品可以揀利賓納，仲送小廚神貼紙。小朋友相當開心。最鍾意呢度，有齊BB High Chair，仲有兒童餐。不過小朋友真係要小心鐵板，我地就另外用碗仔裝起俾小朋友，安全好多啦。

馬鞍山，貴為一個比較年輕的新市鎮，出現的食肆，雖是連鎖店居多，但大多都是適合一家大細去飲飲食食的。前排，因為 "Impossible meat" 的期間限定「IMPOSSIBLE™ TEPPAN」 promotion 而令太太看中了《Pepper Lunch》，於是，有一段時期，這兒就成為了我們一家大細常來的餐廳之一。(一直至那「IMPOSSIBLE™ TEPPAN」的期間限定完結為止。)其實，《Pepper Lunch》向來都有素食餐，只不過，他們的素食只是純蔬菜加芝士而已。配合這一個 promotion，出現了一個 Impossible Meat 套餐，令茹素的太太感到萬分的新意。鐵板植物漢堡扒配香濃芝士汁套餐，看起來，的確半點也不像素食。 Impossible 的漢堡扒，香味同樣子都同一般的牛肉漢堡扒一樣。植物肉的油脂亦很充足。吃入口，味道差不多，口感雖有分別，但對一些想滿足一下慾望而又不能吃葷的朋友，很是好。黑椒牛肉飯，說是一個日式的鐵板餐。生牛肉就這樣在鐵板上勞熟。很香口，牛肉味也濃，肉汁也夠豐富。但整體上看起來，牛肉似乎唔係太夠。美國肉眼牛扒，也是給一片生的牛肉，在鐵板上煎

唔難食 亦唔係特別好食 不過不失價錢同食物質素OK啦佢又唔使加 10% service charge高級快餐店 food court 質素Around $100 埋單走人我係會再試下佢哋其他嘢嘅裝修有啲舊, 不過都係乾淨嘅. 我望入去過後面廚房都係算乾淨嘅. 地下冇發霉同食水

我午餐唔想食牛，咁就選擇叫左佢哋嘅珍寶雞扒套餐配黑椒汁有一個白飯。我另外加錢，叫埋麵豉湯同汽水，麵豉湯係濃味嗰隻，唔係淡茂茂，所以我飲晒成碗，佢嘅雞扒好嫩呀！又多西蘭花🥦粟米🌽，除咗雞皮，全部食晒，我下次會再黎食😋

撳咗攞飛，無人理過，想行入去就叫我停我，叫我等。到有第二個人撳完攞飛，又無人理，佢直接入，有個員工安排座位俾佢。咩嘢事呀，遲來先上岸，有無理過人哋撳咗飛㗎？！叫我等等嗰個有無咁善忘有個人俾你叫咗等，但完全忘記咗，就咁俾遲過我嚟嘅人入？！餐牌油膩，摸到好嘔心。食物品質有啲退步，變得更普通。一口牛太靭。張椅太殘舊，外觀令人唔想掂落去，同埋好似有啲唔知沙粒定塵粒嘅嘢咁。如果人手唔夠就請人啦！咁早因先後入而導致嘈交。

想係mos區食pepper lunch，就要去到馬鞍山廣場了。鋪頭位置較偏僻，店內位置充足，但係繁忙時間需等位入座同落單。黑椒牛肉飯，午餐只係59蚊，包埋飲品，牛肉偏肥（睇彩數），白飯同粟米就足夠😊

之前堂食去到六點後暫定，都好少機會堂食到，因為放工返到嚟都只得外賣可以叫，外賣就未試過，不過本身係鐵板上既食物，變咗唔係鐵板上，應該無咁滋味。🤔今日難得放假中午時間去到，坐低無耐發現成間鋪煙霧彌漫，同埋地下有啲油淋淋，衛生情況有代改變 🤣 出去落單時發現精選午餐都有我呢個餐，精選午餐就配埋飲品，不過就要比多四蚊，不過都抵既，此終啲食物係濃味同熱辣辣既野，一定要飲凍飲先夠爽。😝日式燒烤汁牛肉拼漢堡扒 ($69) : 鐵板烽煙四起夠哂熱，食鐵板就係要呢啲 👍🏻 自己鐘意配搭黑椒同枱上供應既醬汁食，食落味道濃郁，簡直難以抗拒 😣 而且自己亦幾鐘意食呢類型既餐，因為咩餸都有啲。😋

有一段時間無食Pepper lunch啦！鐵板餐我都食唔少😛有食過Red Rice嗰間嘅鐵板飯，味道都幾近似Pepper Lunch！食鐵板餐最緊要係唔怕污糟，油煙撲面+張枱油淋淋都係好正常嘅事，食完仲會成身一陣味😂 我都好少食Pepper lunch，對上一次食應該係一年前嘅事🤭 今日見朋友話好想食就入咗嚟！以前試過佢哋幾款飯，但始終覺得經典嘅黑椒牛肉飯最啱我口味😏❤️ 黑椒牛肉飯 $55食過其他Pepper lunch分店一上枱個鐵板只係微暖，無辦法整到啲肉完全熟哂🤷🏻‍♀️ 呢間分店就唔同喇，鐵板好夠熱，一唔留神啲肉已經煎到燶咗😂 我最鐘意就係趁牛肉未完全熟哂嘅時候落醬汁，咁啲肉先會入味💁🏻‍♀️ 我今次無叫珍寶，所以牛肉分量都唔算多，飯多過牛肉，食量大嘅人可能會唔夠食！🤔 食到底嘅時候發覺都幾油膩同鹹！好食度：⭐️⭐️✨ (2.5/5)餐廳推薦度：⭐️⭐️⭐️ (3/5)相信好多人都食過Pepper lunch，未食過嘅都可以試下！身邊有唔少朋友間唔中都會幫襯，貪佢夠平同可以過下鐵板癮！

12：30午餐時段， 只有5枱客， 人不多， 一入尸門口已被收銀女店員問有冇位？？？ 我們剛入來， 位都未找何來有位， 問佢講什麼， 跟住又不理不睬， 由另一男店員指入面有位， 自己坐。午餐點了個珍寶牛肉飯， 相是滿盤牛肉， 可以圍一圈， 來到的時候只有1／3 份量， 何來珍寶？ 飯又不是特色多。 好彩加條鯖魚，否則男士如何夠飽。 （實物相）相與實物真的不付， 完全搵笨（店之圖片相）pepper lunch 以前好大碟， 餸唔會像現在疫情咁少份量。 既沒有服務， 員工對客人又冇態度， 食物又不見抵食。

我媽媽一直都好鍾意食「Pepper Lunch」今年因為疫情少帶咗佢哋出街今日就特登過去食返餐我都好耐冇食過嘅（佢既最愛）蒜香黑椒牛肉飯😂😂我同佢都揀咗最普通個餐 因為黑椒牛肉飯係Pepper Lunch最好味 我媽落多咗好多蒜蓉汁同黑椒汁 個飯味道好香濃🤤同埋飯量比我印象中多左（？）🤭牛肉都係咁啦 普普通通 本身攞上碟係生既 自己記得整熟啲先好食⭕️埋單$120內 其實都只係「大家樂」之流既價錢 媽媽喜歡就最好啦👌🏻