Pepper Lunch (1亞太中心)

營業中

休息中

記得第一次食Pepper Lunch 是在 Food Court, 次次都好多人,等到天然呆,APM 個 Pepper Lunch 無左,原來o係隔離商場開左實體店!實體店同 Food Court 的自然不一樣!食物選擇多了,有意粉也有打邊爐,又有舒服梳化坐!自助買票後,店員送上食物!!不用等到呆......今次試試 極量8oz純黑安格斯西冷牛扒($128)復活節特別限定,免費加蛋喔!套餐另包白飯及麵豉湯...上台時,見到 8oz厚身的嚴選美國安格斯西冷牛扒,雪花分佈平均,好吸引喔!上面的秘製的黃油 (牛油), 侍應說塗勻後就要反轉了~去Pepper Lunch 最開心就是可以落手落腳整,就算只是"翻肉"都是很高興!!!鐵板燒得火熱,不消一會,就可以品嚐了..... 落手落腳試過,秘訣就是要快,弄至 5成熟就是最適合了!!黑安格斯西冷牛扒,牛味比一般的牛肉香濃,厚身令肉質更加有咬口,下層仲有少少焦香,豐富肉汁都鎖住在裡面!仲可以加我最愛的三大 Signature 醬汁,三個都喜歡,一次混合也不錯~

Pepper Lunch這個源自日本的快餐式西餐廳，來港好幾年了，店舖多位於商業區內的商廈或大型商場內，對上班族來說，可以較便宜地吃到鐵板扒餐，也不失為快靚之選。今天首次來到位於觀塘亞太中心的分店，環境頗為整潔。今天來這裡是吃該店全新推出「純黑安格斯西冷牛扒」。平時這店的套餐賣大約六、七十元，但這新品卻賣$128，究竟貴在哪裡呢？據講，食材是用美國純黑安格斯牛扒，特點是油花分佈均勻，所以相對肉汁豐富。而牛扒份量為8安士，套餐還附送白飯、栗米粒和豆。再加上一項，送雞蛋一隻（限時至2015年4月9日），我相信就是定這價錢的原因卦?套餐附送汽水或果汁。建議在落單時講明要五成熟，在Counter落單後，幾分鐘內，牛扒餐便送到座位上，熱辣辣得來有吱吱聲，吃鐵板的趣味就在此。牛扒送來時是剛好半熟的，來個溫馨提示，切勿花太多時間拍照，應立即把上面的牛油均勻地塗在牛扒上，然後將之返轉，便立即起動，吃! 至於半熟蛋，可用來沾牛肉，或作撈飯。亦可隨個人喜好淋上蒜蓉豉油。牛扒確很Juicy，黑椒的份量也充足，令人吃得很滿足，如果多一些野菜更多，亦會較為健康。$128一個牛扒餐，比起大餐廳，仍然是較為便宜的，

下午來到觀塘Pepper Lunch Resturant店舖果然跟在foodcourt的Pepper Lunch Express有所不同點餐都要自己排隊去購票 之後有專人送餐而且餐廳地方清潔 梳化亦坐得舒服每張枱面都有醬汁和黑椒大家喜歡食Pepper Lunch喜歡鐵板外最主要原因是可以自由加入喜愛的醬汁Aminn最愛蒜蓉汁+蜜糖汁+黑椒 再把所有配料撈勻平常Aminn最喜歡點黑椒牛肉飯+芝士+蛋今次試試8oz純黑安格斯西冷牛扒套餐有飯也有麵豉湯侍應把熱辣辣的鐵板拿來幾乎有半塊鐵板的安格斯西冷牛扒面頭放了黃油(牛油) 侍應提點要即時塗滿牛扒再翻轉一邊翻轉 一邊相機先食有一點過熟了(幾乎9成) 中間還見到一點粉紅食落也不硬 是好有咬口的肉感牛扒旁邊的朋友卻控制得好好都是一樣的步驟 牛扒煎到5成熟就可以吃的時候就剛好!!

第一次見唔係自助既！只要落完單就有侍應幫手搵位，仲送埋野食埋位添！.食左個期間限定既珍寶餐，最鍾意就係成塊牛扒自己煎，仲有薯蓉！將塊牛扒煎到五成熟左右，好味！係要靚牛扒先可以食咁生架，PEPPER LUNCH D牛扒質素都唔錯，肉香又夠！不過$120都冇野飲就爭啲，同埋試唔到佢個新地呀！

以前在APM美食廣場食過這家店,記憶中當時都排晒隊而家搬左去隔離棟大廈自立門戶，可能算是無咁方便，就人少了一點。晚飯時間都唔駛排隊餐牌上好像都多了一點不同類型的食物，但個人就還是較喜歡點這個牛扒。而牛扒也就是這家食店的首本名曲。坐低大概5分鐘，牛扒就到了。有點連鎖快餐店的感覺。而食落，果然如此。就跟連鎖快餐店大ＸＸ之類的牛扒一樣。未至於唔好食，但就稱不上選料上乘。慶幸佢哋敢整得比較生。大概是５成以下，所以牛扒還是有嫰滑的口感。醬汁就無甚特別，都是快餐店級。較有驚喜是那杯餐前沙津，蔬菜整杯都很新鮮很可口。而由於我叫的牛扒是極量(240G)。所以整體份量還不錯。唔駛食跟餐既白飯都會夠飽。整體而言，味道不過不失唔夠專職扒房好食。似係喺間靚少少既快餐店。但價錢($120)就唔算太便宜。性價比唔ok，喜歡食牛扒既這個價錢應該有更好選擇。

晚餐試試pepper lunch等咗半小時終於有得食好香口，牛肉好淋，個汁好惹味不過小心食，個板好熱架吾怪得之咁多朋友話好味經常排隊買今日第一次食，相信好快第二次

今日首次去一間有侍應的PEPPER LUNCH ，初時入去見到地方寬敞，環境不錯，點知，入左去之後係一個惡夢我和老公，一行四人，女兒係六歲及四歲小妹妹，由侍應安排入座，去到一個位置坐下，自然就去買野食，買左兩個餐，兩個收銀阿姐已經急不及待擰轉面倒汽水。最後我買左一個黑椒牛肉飯，一個咖喱牛肉飯，仲有一個俾女兒食的蒜香牛肉意大利粉。問題在碟意粉有啲黑椒，因為餐牌上未有提及此意粉有黑椒，所以我們要求公司職員提供熱水俾我地洗走辣汁，不過未獲配合。佢地稱只得常溫水，然後我又咪問左一個帶眼鏡的姐姐，問點解碟意粉會有黑椒(餐牌上面寫明冇)，佢話個餐如果有寫有黑椒先有，無寫就冇。可惜最後並不是她所講的。在進食的過程中，餐廳內的侍應同廚房同事成日都眼望望我地，令我和老公感到很不安，因為佢地冇幫我地之餘，仲背後細聲講，大聲笑。女兒到最後只係食左兩杯雪糕走，到我地走的時侯，發現個收銀阿姐，會主動問叫餐的那些人使唔使走黑椒，我同我老公當時已經好嬲，點知講講下，有一個管理層同事話佢間SHOP叫PEPPER LUNCH，所以所有食物都有黑椒，並指出我們應在叫餐時通知職員走黑椒，又稱不了解我們的女兒不食辣。事情是否

這間pepper lunch比food court的更多選擇，價錢則同food court一樣，有選擇困難症的人真係要慢慢揀。店內雖然人人都係鐵板吱吱聲，但又唔算好大陣油益味，最怕食完成身味。上次食完覺得份量不太夠飽，今次就叫夠三份大家share食先。咖哩黑椒芝士雞肉飯黑椒加埋咖哩粉好香，少少辣刺激一下味蕾，滆掉嘅芝士好正，但雞肉欠缺油脂有點乾身，整體都ok嘅。黑椒牛肉飯抵食之選，牛肉甘香，加埋甜粟米撈飯一流。壽喜燒牛肉鍋牛肉加烏冬好夾，燒香左嘅蔬菜加上甜甜咸咸嘅醬汁好好味。凍檸檬茶同七喜檸茶一般，茶味不夠。香濃黑芝麻雪糕同宇治綠茶雪糕芝麻味好香，綠茶少少苦澀，兩杯都好好味。

話說自從有了 One Pacific 後，總算在觀塘附近要食 lunch 都多左唔少選擇。Pepper Lunch 成日都聽，但因為硬係覺得唔食牛的人如我，其實係冇野好食。後來知道其實還有不少選擇，又呢間係第一間實體店而唔係o係 food court 內，今天興起就跟同事一起去當試下新野啦。店舖面積也頗大，座位也不少；因為公司係十二點 lunch 的，一般食肆呢個鐘數都仲係冇咩人啦，所以也不用等位。採取自行排隊點餐的原理，但特別的是你要跟返張收據上面的號碼去搵返你o既檯囉；然後店員會幫你將餐飲奉上。點了一個 "石鍋三文魚飯"；上菜時都聞到好香呢，而且賣相也不錯。把半生熟的三文魚 / 粟米 / 灑上 black pepper 的飯攪拌，在石鍋的熱力下三文魚好快熟哂了。味道很不錯，畸嫌唔夠 black pepper 的可以再自行加入 ( 我加左好多 hahahahhaa~~) 同事都點了咖哩系列的雞肉飯，賣相也很不錯，他們也說味道幾好。離開時被點餐的人龍嚇到了，但明明店內吉位仲有好多... 原來點餐還是只有一位女生而己。是要故意營造出人氣很旺的意思嗎？p.s. 呢張儲分卡都幾多限制，唔好講

好好味，呢間係唯一一間正式店舖，吾係再係美食廣場先有，餐比美食廣場多。如常食鐵板黑椒牛肉飯配湯，超好味，牛肉正，成個飯加埋d栗米粒，好濃味。會幫你搵埋位先叫餐。環境氣氛當然比美食廣場好，熱呼呼送到檯前，希望會開多d分店。

還記得第一次喺香港食pepper lunch既時候真係有「WOW」一聲既感覺。只可惜，自此之後質素每況愈下，而價錢卻越黎越貴！Anyway，呢間新開既Pepper Lunch同坊間其他food court形式既分店有D唔同，雖然採用餐廳既格局，但係非常奇怪，一個party黎到都唔可以一部份人入去先，一定要成班人喺門口order完再由侍應俾個number你去指定既座位，從來都未聽過咁樣既安排，簡直費時又失事，無聊到極！亞姐大約十分鐘到就送個course黎。好失望，雖然container既size無變，但飯少左，牛肉少咗，肉質亦都差左好多，重衰過吉野家D牛肉！Even最基本既飯都用左D相對質素較差既材料！另外要提一提既係D staff既態度認真麻麻。見到有D客問多少少野佢地都唔多高興，口黑面黑，好似唔多想理佢地咁，絕對要改善一下！

最早認識Pepper Lunch是在年多前，在澳門銀河的food court。當時覺得好新鮮，把生牛肉放在熱的鐵板上撈幾下，同個飯撈埋一齊，同時利用鐵板的熱力把牛肉整熟，而且香噴噴，好好味。之前也光顧過又一城、希慎food court 內的Pepper Lunch幾次，一直印象良好。得知Pepper Lunch 在觀塘的新商業大廈One Pacific Centre 開分店, 這天lunch 便來試試。這分店是獨立店鋪，不是在food court裡面。店內的裝修有點似吉野家，地方算幾大。這天也點了鐵板牛肉飯，和food court 不同，今次店員會送食物到枱上，不是自助形式攞食物。但今次的經驗的確比以前差了，牛肉份量少了，每塊牛肉都比之前細，個飯好濕，唔咗以前個種味道。最差的是店內不停播放一些好嘈的音樂，店員的服務態度也有待改善。

一次食$46及$98兩個款式,$98不錯,但$46水準以下!第二次再翻試,兩個款式都十分失望!(1) $46 比起以前(FOOD COURT),D肉既份量多了少許,但肉質差了很多,用平價肥牛,又un又冇味,吉x家D牛肉既水準仲高一皮!價錢方面,以前(FOOD COURT)平幾元,仲有汽水送,而家就要另買!(2) $98肉眼牛扒,但今次食,肉質極度下降,又多根又un,結果要用刀切細,但仍然咬不下!(3) $12 汽水+湯,大路貨,冇乜問題味精極重,吃後要飲多兩支水!人手方面,請了幾位阿嬸阿伯,仲以為自己去了大x樂!總體來說,坐位比前舒適,但價格高了,食物質素下降!