影片
有關獎賞計劃
影片
相片
Courtault Michelet Chablis
甜品：雪葩加Brownie
主菜：羊扒
+404
+37
食家推介
Hong Kong Restaurant Week Lunch Menu:-Fulfilling Lubuds Group standard-Cozy & spacious environment with stylish decoration-My server was very attentive & hard working, other staffs also friendly-Foods were good too(semi-buffet lunch with typical salads, appetizers, cold cuts, desserts etc., yet highlight was main courses from the kitchen😃 both pastas were yummy, al dente & the taste both great, portion also enough)*It’s a place I may come back from time to time, good for all kinds of events like causal business meeting, friends gathering or dating（鬧市中擁有型格室內及戶外天台的地方，地方大、位置便利，很好坐的地方，食物也不錯，價錢合理）
繼續閱讀
上次跟好友第一次光顧，服務十分到位，食物也有水準。所以今次跟家人一行四人再來食物仍然不錯，但服務差很遠🙈首先要求嘅窗邊四人座位沒有安排，反而被帶到周圍也是客人的近廚房位置，上次安靜享受美食的環境沒有了，換來是喧嘩跟談話聲。之後點了羊扒，看似是經理的男侍應沒有問我要幾成熟便走了，就算是紅茶茶餐廳也會問呢。然後到海鮮湯時，那個女侍應同一時間將湯倒入了我和我老公的碟上，感覺很趕。而且她為了趕快收碟，居然選擇在我和另一張枱中間狹窄的位置上行過，當然也有碰到我的椅子（沒有說一聲不好意思）。雖然這不是一間很高級的餐廳，但是以晚餐每位近$500的價錢我期待的服務應該不是如此吧。服務水準跟上次差天共地嘅原因可能就是上次的客人沒有今次這麼多吧。但多客人不是更應該維持更佳的服務嗎？多客人就犧牲服務不是食店的正確態度吧？如果有機會下次再來希望有改善，不然就不會再來了。
繼續閱讀
訂咗枱18:30嚟，我哋早到咗。當時餐廳只有一台客人。咁我哋坐低就嗌咗啲dinner sets再加其他食物。Starters都算快上左俾我哋，而個主菜就等左成個鐘都冇聲氣。咁我哋就問其中一個waiter，佢就好例牌咁話整緊。再過咗大約15分鐘，只見到其他遲嚟嘅客人嘅主菜都出埋、食埋，我哋張枱仲係乜都冇，係連隻碟都俾人收埋。我就用眼神一直追蹤嗰位話「整緊」嘅waiter，到底有冇幫我哋跟過。佢過咗一陣都同我哋講返追咗。然後我哋慢慢先聽到廚房話「開始」準備我哋嘅主菜。當時已經講緊等咗超過一個鐘。好啦，等到個主菜終於嚟到食埋。個甜品又係咁？！！唔知佢個Tiramisu係咪即叫即整咁威水，又係成半個鐘都冇聲氣，得隻吉碟喺張枱度。每樣嘢都要追一次，追兩次、三次先肯嚟。最後嬲到甜品都唔食就走咗。最終亦同經理表示不滿。之後佢一句抱歉都冇講過，只係機械式咁比個九折。要唔要嚟呢間餐廳就你哋自己諗。我就肯定唔會再嚟。
繼續閱讀
❣️位置係時代廣場食通天11樓，之前試過lunch set，semi-buffet形式，有自助salad bar，食物新鮮味道唔錯，今次weekend嚟咗試Dinner Set🍽️$498有4道菜同Drinks🍹餐廳環境舒適，夜晚7點半左右不時會有live show，邊聽歌邊enjoy dinner，服務態度亦都唔錯，上菜會介紹菜式，細心擺盤💛🌟 Appetizer 🔹經典配搭巴馬火腿伴蜜瓜🍈 |香烤意大利蝸牛伴薯蓉🐌 🌟Soup 牛肝菌蘑菇濃湯 🍄🟫 | 托斯卡納海鮮湯🦞🔹推薦海鮮湯，員工會即場將湯倒落海鮮上，有原隻燒蝦、帶子同蜆，味道超鮮甜濃郁蝦味！🌟 Main 🔹 香燒澳洲盲鰽及香煎太平洋紅蝦配藏紅花忌廉汁及羅勒油🦐🐟 - 紅蝦出色‼️蝦身開邊煎得香脆，蝦肉肉質彈牙🔹 炭燒M5和牛西冷扒🥩 - 原汁原味嘅西冷，肉味香濃，炭燒火候剛好，炭燒格紋路鎖住肉汁🤩🌟 Dessert - 精緻擺盤🍽️經典配搭👍🏻🔹朱古力慕斯配朱古力布朗尼及檸檬梨子雪芭 🍫|提拉米蘇☕️
繼續閱讀
不嬲都當呢度係飯堂，一個月都會黎2-3次，約親朋友lunch都會黎呢度，環境舒適，空間感大，檯同檯之間都唔會好迫，最大優點係我最鍾意佢有沙律吧，可以食到好多唔同既沙律同菜，但佢既優點都變成最大既缺點，每次黎食都睇到佢地質素愈黎愈下降，由佢地未改名之前既1601食到而家，見到佢地既冷盤烤南瓜，由以前既一大片一大片，切到而家一粒粒，睇到都唔想食，口感都差左好多，以前係烤到好香，而家好似烚熟左咁既味道？有好幾款既沙律款式例如：鷹咀豆，粟米，同藜麥以前都會好新鮮既感覺，但而家全部都加晒沙律醬，一patpat咁，如果一d想食得健康既人，係唔會想將沙律醬放落口，我係其中一人，真心諗唔明點解全部野都加晒沙律醬但佢既main 仲好保持到水準，呢個係我絕對冇投訴，每次食佢塊扒都真係煎得岩岩好火喉，朋友食佢既豬胺同燒雞都好juicy, 但今日我見到連鷹咀豆都加沙律醬既一刻，我就真係唔太想再黎食, 希望下次我想再黎既時候，唔好再令我地失望
繼續閱讀