影片
開飯介紹
餐廳裝潢走日式簡潔風，設有戶外座位。提供西式及日式的菜餚，且提供健怡菜單及兒童套餐。
繼續閱讀
附加資料
繁忙時間，用餐時間90分鐘。
營業時間
今日營業
11:30 - 22:00
星期一至五
11:30 - 22:00
星期六至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
有關獎賞計劃
優惠
相關文章
這間人氣西餐廳位於荃灣的海之戀商場，主打西日融合菜，有提供健怡菜單及兒童套餐。店內設有室內外座位，裝潢以日系清新風為主，室外能欣賞露天大海景。訂枱說明慶祝加$48，即可享精選蛋糕、寫字及即影即有紀念相片一張，其他甜品則原價。法式燴紅酒牛面頰配烤牛骨髓伴松露薯蓉 - $218兩塊牛面頰份量十足，豐富且平均的油花分佈，同時充滿著近乎骨膠原，燉煮鬆化軟腍得幾近入口即溶，充斥著紅酒香氣；牛骨髓帶有濃厚的牛骨香味和微妙的甜味；幼滑細膩的松露薯蓉有粟米、豆角及菠菜等。蒜蓉海蜆意大利麵 - $128 煙韌彈牙的意大利麵有淡淡蒜香，多隻海蜆鮮甜無沙。野菜雜菌鰻魚炊飯 - $148日式炊飯將米與其他食材一起燜煮，米飯粒粒分明不結塊，鹹甜的蒲燒鰻魚軟滑鮮嫩，有濃香的魚肉，還有三色豆及木魚絲等。沖繩焗甜薯(2人份) - $98新鮮烘焙的紫薯杏仁包，釀有綿密香甜的日本蕃薯及綿滑緊緻的吉士燉蛋，夾著酸酸甜甜的柑桔果醬，還有以榛子寫的字。
繼續閱讀
今晚同老婆及阿仔到Peko Peko食晚飯，為老婆慶祝母親節。見到Google內的評價，本身對呢間餐廳唔多唔少會有啲期望。於訂枱時間前大約5分鐘到達，大約等候10分鐘入有枱。餐廳整體的裝潢較為簡單，而枱之間的空間算係基本標準。戶外有靚景，但我地係選擇於室內，因怕老婆及阿仔俾蚊咬。Main course加錢轉安格斯12oz牛，職員查詢牛扒的熟成喜好時，我地回覆係“Medium Well”。後來上枱後發現太生，埋單時才留意到“備註5成熟”，或者係溝通上有誤會，不過作為F&B field的員工，講真呢啲係最基本的knowledge。至於其他的食物方面，整體的質素尚算合格，而份量亦屬一般。蟹肉牛油果船 - 蟹肉的份量較少，但味道OK。磨菇湯好普通，唔夠香濃。溫泉蛋卡邦尼米通粉 - 較為creamy但個味唔夠濃。甜品算係較為滿意。服務方面， 撇除牛扒熟成的問題外，職員整體的服務欠缺“用心”及“專業”，例如從職員上菜時候放的位置，可以見到係幾咁 “求其”，總之快啲放低就搞掂。雖然呢餐晚飯計算8折後 $660，以2人來講並唔算貴，但整體的性價比實屬一般，我同老婆都認為唔會有下一次。
繼續閱讀
💕PEKO PEKO💕望住荃灣海旁嘅海景食晚餐心情特別好今日520當然同另外一半去慶祝一下店舖仲做緊套餐八五折優惠揀咗個二人餐788場內服務員態度好好每上一款菜式都會換一隻碟已經好少有#########################💙白酒💙餐前酒都容易入口但係口感就會偏酸💙巴馬火腿鮮果沙律💙整體都好開胃，好好食好新鮮火腿唔會太鹹 生果中和咗甜味配上黑醋嘅沙律菜 絕配💙蘑菇湯 焦糖芝士焗洋蔥湯💙蘑菇湯味道還可以 正常冇特別焦糖芝士焗洋蔥湯反而有意外驚喜開頭聽個名覺得一啲都唔夾但反而佢又唔係甜 又冇洋蔥味整體上都好好飲💙海膽三文魚子竹炭烏冬💙呢個麵做得好出色 第一個感覺意粉又吾系 烏冬又稱唔上但係個面嘅質感好好食唔淋唔硬 好有口感另外海膽仲好鮮甜配上個醬汁一流💙香煎鵝肝牛柳💙我哋叫咗五成熟 但係食落覺得熟咗啲鵝肝都熟得濟 未有入口即溶嘅感覺主菜反而一般 有小小sad💙心太軟配雪糕💙蛋糕質感都好食 配上雪糕唔會好甜💕總括成個餐二人都好夠飽最尾仲會有餐飲 加$28可以轉特飲大家可以不妨試試💕
繼續閱讀
話說今日同個朋友慶祝生日，想搵個特別啲又唔會太大嘅甜品做蛋糕。搵到呢間位於荃灣海之戀嘅。呢度主打西日料理，室內環境有種日系小清新feel，室外就係有晒柔和燈光嘅浪漫vibe。晚餐都係走精緻路線，啱晒約會慶祝。我哋叫咗以下四樣：Love Strawberry （沙律） $148 🍓🍓佢係一道由沙律菜、草莓、藍莓、無花果整成嘅沙律。整個沙律都係以莓味為主，草莓幾香甜，撈埋一齊酸酸甜甜，非常開胃。法式燴紅酒牛面頰配烤焗牛骨髓伴松露薯蓉 $218 🐮呢個係我最鍾意嘅一道，牛面頰燘得常之腍，而且牛味幾香，紅酒味唔算好突出，對我呢個唔太好紅酒嘅人嚟講啱啱好。比較特別嘅係佢仲有一嚿烤焗牛骨髓，成嚿骨髓括落嚟，會為牛面頰增加多啲油香，撈埋軟滑嘅松露薯蓉，非常邪惡。海膽三文魚子竹炭烏冬 $198 🍜🍝呢個據講係佢哋嘅招牌之一，一大片海膽放喺面，下面係海膽忌廉汁三文魚子竹炭烏冬。海膽味道唔算太突出，整體仍然以忌廉香為主，非常creamy。竹炭烏冬口感好特別，介乎烏冬同意粉中間。最後到重頭戲苔玉 $88 🌳🌳🎍佢係一個仿日本傳統栽種技術嘅甜品，就咁睇像真度好高，似真植物咁。而且店家會好貼心咁幫你點蠟燭同影一張即影即有！甜品係以開心果、抹茶、清酒燉蛋為主，外面一層係清香抹茶味，入面係非常濕潤嘅清酒燉蛋，帶啲酸味，開心果就偏弱。加埋啲石頭脆脆，口感層次都好豐富。味道：8/10環境：8.2/10服務：8.1/10抵食：7.8/10Peko Peko Eatery (荃灣)荃灣大河道100號海之戀商場1樓1006-1007號舖#hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #元朗 #元朗美食 #荃灣 #荃灣西 #荃灣美食 #西餐 #日式料理 #文青 #打卡 #yuenlong #tsuenwan #創意 #fusion #海之戀 #高質 #cafe #西餐廳
繼續閱讀
星期六夜晚同朋友傾傾吓偈食個快飯好彩呢間嘢唔使等位但又唔係冇人喎應該唔會好伏所以就入咗嚟試下酥炸馬蘇里拉芝士圈 🧀$58夠脆不過個dip冇乜誠意應該係現成唧出嚟唔係自己再調嘅味道好普通芝士唔算特別拉絲個皮有少少油炸味建議佢落啲黑椒或者洋蔥粉應該會特別啲香啲秋栗蘑菇湯$68如果$68嚟講佢都叫做有料嘅飲得出唔係淨係忌廉溝有啲蘑菇喺入面嘅不過呢蘑菇味唔算特別香如果佢係帶牛肝菌嗰種味就正🫠少少失望佢配嘅餐包非常之一半有少少乾布里芝士配酸種麵包 $138見到呢個份量覺得都唔錯幾抵成大舊芝士整熱咗溶溶地 配埋麵包超正芝士上面仲有啲紅酒醋蕃茄 食落唔知點解甜甜地麵包用牛油烘過好香🥹然之後外脆內煙靭今日最出色就係呢個餸 仲要俾好多蔬菜入面嘅荷蘭豆係好脆嘅唔係炒到林晒好正🍝冬蔭功海蝦意大利麵$128完全唔及我上一間小店食嘅咁出色佢有少少奇怪唔係好冬蔭咁嘅味佢酸少少辣但係又唔酸又唔香九層塔味叫做海蝦但係食落同急凍蝦差唔多不過好彩數量都多 但係唔係特別有蝦味會寧願佢比兩隻煎嘅大蝦好似好啲
繼續閱讀