Pause It

【東區】【Pause It】好耐之前凱蒂妹介紹咗啲炮台山嘅餐廳畀我，不過我一直都冇時間食，只係食咗幾間就冇下文。就算係呢位朋友，我都已經好少再見到佢喇，希望佢一切安好啦。而佢講嘅餐廳，就已經剩返呢間「Pause It」，趁今次咁啱經過呢頭，不如就入去食埋佢啦。入去就見到餐廳裝修得幾有文青 cafe feel，所以都幾受附近返工嘅白領歡迎。我難得都搵到個角落頭位，就坐低叫個 $108 嘅「全日早餐」，有香腸、煙肉、雜錦蘑菇、番茄、雜錦蔬菜、酸種麵包、茄汁焗豆、炒蛋，我仲加 $10 加配薯餅，多啲嘢食吖嘛。份餐就真係正正常常冇乜特別，不過唔算難食，每一樣嘢都好易入口，就算係酸種麵包，我冇加錢轉其他包，其實佢本身都唔錯。嘢飲我飲 $44 嘅「花生醬鮮奶咖啡」，花生醬味完全出唔到，係飲到底見到有啲粒粒花生咁解。埋單 $162，其實價錢係可以嘅。。。（地址：炮台山電氣道183號友邦廣場地下18號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am東區 #炮台山 #PauseIt #全日早餐 #薯餅 #花生醬鮮奶咖啡 #1am1734 #1ambackup…查看更多

作為半個freelancer，有時留喺屋企工作真係有啲悶，所以阿叔耐不耐都會搵唔同café邊食邊做，遇啱好嘅，仲可以打埋卡，一舉幾得！ 要集齊以上條件，呢間位於炮台山嘅純白簡約咖啡店就係其中一間。呢度唔單止地方夠大，環境清靜，坐得舒服，而且食物質素唔差，咖啡拉花又夠晒精緻，打卡一流之餘又可以認真做嘢，啱晒阿叔要求！蕃茄醬菠菜芝士意大利雲吞 ($88)帶有菠菜同芝士餡料嘅意大利雲吞，配上酸酸甜甜嘅蕃茄醬，口感creamy，惹味十足。牛油果莎莎醬炸薯條 ($78)除咗阿叔成日食嘅咸蛋黃單骨雞翼，呢度嘅炸薯條亦絕對值得一食。皆因佢份量夠大，而且即叫即炸，包括新鮮熱辣辣，配埋一眾唔同醬汁，確實滋味無窮架！想無咁邪惡，大家可叫牛油果莎莎醬，感覺又多番份清新味道，俾自己少啲罰疚感，哈哈！檸茶啡 ($52)咖啡店內嘅期間限定飲品，設計靈感嚟自茶餐廳嘅「凍檸茶」！除咗店內特選拼配紅茶，飲品另加入以檸檬皮24小時糖漬糖水，同埋浸泡過24小時嘅Cold Brew，味道層次極豐富，啖啖都係咖啡師們嘅心思同心機！竹炭鮮奶咖啡 ($42)差唔多阿叔每次嚟都會叫嘅飲品！黑白嘅配搭，飲到淡淡嘅竹炭味，最緊要有超靚咖啡拉花，有時真係靚到唔捨得飲呢！…查看更多

餐品質素低，價錢與食物質素成反比蘑菇餐湯水墨魚汁飯淡煎豬鞍柴，疑似解凍不足得咖啡把得入好收費三百幾蚊，完全不值奉勸大家唔好唔好唔好叫以上食品希望餐廳會積極改善食物質素OpenRice話以上內容屬於重覆而不能刊登，實在另人髮指…查看更多

話說一直都有幫襯旺角分店，覺得咖啡同嘢食都唔錯 其他分店就冇試過今日咁岩有嘢做，去咗呢邊 ，見附近有一間 咁啱都肚餓所以就入左去 叫完嘢冇幾耐 應該2分鐘都冇，個店員就攞咗個意粉出嚟 其實見着個店員擺低喺附近張枱 ，之後唔知落錯單定點 ，佢就拎走咗 ，然後就攞嚟擺低比我哋 我即刻望返隔籬嗰張枱，冇咗呢碟嘢 即係攞咗嗰個意粉俾我地啦！ 咖啡都未有就有嘢食 咁是但啦 諗住嗰個人都冇掂過所以照食 ，點知又喊又油 另外叫咗個慢煮雞胸配南瓜栗子意大利飯喺旺角店食咗幾次都好好食，但呢邊真係太失望d飯好硬，個汁冇乜味， 完全唔係 creamy pumpkin sauce 🤦🏻‍♀️ 個菠菜有啲位好生 🤦🏻‍♀️兩杯咖啡就正常 本身肚餓諗住食呢間穩陣啦，喺旺角食過幾次都OK點知… 食茶餐廳都冇咁嬲…查看更多

⋆˚ʚɞ呢間Cafe走純白色簡約風格，裝修設計以簡單清新的元素為主，令人一入到去就感受到寧靜同舒適嘅氣氛🤍✩⡱慢煮雞胸配南瓜栗子意大利飯🎃 – $98 呢道菜係健康飲食嘅不錯選擇，整體味道清淡而不寡口.ᐟ‪.ᐟ南瓜同栗子份量都足夠，南瓜甜香濃郁配合栗子嘅綿密口感，為意大利飯帶嚟豐富嘅層次感味道⸝⸝‪⸝♡ 雞胸肉質偏乾同稍為鞋口，欠缺嫩滑感୨୧ 就算喺Weekend嘅晏晝時段，呢度都唔算太多人，唔會有嗰種人頭湧湧或者逼迫嘅感覺。整體環境寬敞明亮，加上白色牆面同簡約擺設，俾人一種清新自然嘅感覺，特別適合鍾意靜靜地做嘢、睇書或者同朋友傾偈嘅人。呢度嘅氣氛唔單止舒服，仲好適合影靚相，隨手一拍都影張文青相🤣…查看更多