Paul Lafayet (已結業)

今次嚟到Paul Lafayet搵食！曾經有朋友請食過呢度嘅焦糖燉蛋～我先知道原來有咁好味嘅焦糖燉蛋！！襯佢有買一送一優惠～當然要相隔大半年再食一次啦！法式焦糖燉蛋 （$45）店員會在燉蛋上加糖～然後用火槍燒出焦糖～所以佢表面係一層好脆嘅焦糖！而個燉蛋非常軟滑～蛋味極濃～仲要凍凍哋～一啖就有多重口感！非常推介大家嚟試吓呢個可能係世上最好味溉嘅焦糖燉蛋…查看更多

之前老佛爺嘅焦糖燉蛋買一送一，大家唔知有冇搶到呢？如果冇，不如就睇下呢篇食評當食咗啦。唔好睇佢大大舊，其實份量同其他布甸差唔多。雖然或即叫即燒，其實笑完面頭小小焦糖，入面都係凍嘅。燒完即刻食，每一啖都可以食到面頭嘅脆焦糖，燉蛋唔單止滑，重好重奶味，個底仲有好多黑色一點點嘅雲呢拿籽，真係勁足料。食完一個，我又買咗一個返屋企。不過返到屋企先發現，車程太耐啲焦糖已經用晒，變咗一攤糖水。所以都係建議大家即燒即食。雖然有少少貴，但我一定會回購。Paul Lafayet 焦糖燉蛋 $45味道:★★★★吸引度:★★★★性價比:★★★(五分滿分)…查看更多

早前參與活動獲得了一張換領焦糖燉蛋的禮券，心思思了幾天，是日終於去了食店吃這招牌甜品。出示換領券後店員詢問是否堂食，知道我們堂食後她便迅速準備甜品，她會即場灑糖於燉蛋上再燒，整個過程不到一分鐘。焦糖部分燒成金黃色，甚為吸引，脆卜卜且味道香甜，竟然有點想起爆谷，裡面冷冷的燉蛋質地很幼滑，蛋味又濃，不會感到膩，整體不錯。:)…查看更多

Paul Lafayet最吸引人嘅就係七彩繽粉嘅馬卡龍❤️馬卡龍就食過好多次喇，今日要黎試下有好多人大讚嘅Creme Brulee😁上個月Paul Lafayet做買一送一優惠。其實我想講，你做得優惠就預左多人黎，我唔明你最後點解唔夠貨會變左做要比左錢，然後等個幾兩個月後先有得食。不過算啦，最後我都係買左，等左個幾個之後黎食。店員會喺creme brulee上面灑糖，然後用火燒整成一層焦糖喺面😁靚就真係幾靚嘅！個creme brulee凍食好滑，都幾香，加上香脆焦糖令到佢甜甜地咁，但係又唔會太甜，甜度適中。底部仲有啲雲尼拿籽。個人覺得蛋味唔係好夠，可以加重蛋味。一個大creme brulee 嘅size剛剛好，如果再大啲就可能會濟了。如果唔係買一送一，單買一個要💰HKD45, 我覺得有啲貴，單買我未必會捨得食。店內不足十個位，但呢間paul lafayet喺商場角落位，所以都幾靜。…查看更多

話就早排呢間野個焦糖燉蛋買一送一 仲要又排隊買卷 買完又等左個幾星期先有卷拎 拎左仲要打電話去book預留幾多個 幾經辛苦等左半個多月終於有得拎 我親公司lunch即刻沖落去拎 去到都等左十幾分鐘 佢係個箱到拎出黎咁 好似好新鮮 點知一打開爛晒 我就覺得古怪 明明拎返去途中先十分鐘 搭個部𨋢都搭左我五分幾鐘 沿途我又冇fing過 點會一打開就變成咁 分明就係佢未燉夠時間 又冇雪到 面頭完全冇左焦糖 望落去咁核凸都唔想食 打過去問佢又話唔會換 因為拎比我個陣冇野 但係佢其實冇比過我睇 佢入完再拎比我 我係信佢先走人 之後都頂硬上照食 個蛋其他幾香 應該幾滑 個低有好多雲尼拿子 不過好淺 兩淡冇晒 加上我已經冇左一半 真係對呢間野好失望 其實佢整唔切就唔好推出任何優惠 連食物品質都keep唔到 …查看更多

自稱甜魔既我, 逢週未就會買一件甜品慰勞自己但市埸上好像日日也有新出品, 相信以獨力無可能將甜品掃光反正沒有太多的 QUOTA , 所以選擇要貴精常不貴多Paul Lafaye 是我喜歡的其中一間, 開業這麼多年來水準也保持得唔錯。我雖然稱不上是 Paul Lafayet K-11 的粉絲, 但很欣賞它的出品。今日買來獎勵自己的是Apple & Red Fruits Crumble $45我很喜歡這裡的 Apple Crumble除了基本的蘋果外還巧妙地加入雜莓味道更富層次, 以糖水將蘋果和雜莓煮至軟稔味道不會像一般的 Apple Crumble般得個甜字Crumble 焗至香脆鬆化, 牛油味豐富加上小許的肉桂粉, 味道協調得不俗。非常欣賞它的酸味夠出, 很有個性的 Apple Crumble 。回想由那些年和一班志同道合的食友到K-11分店, 將所有廚櫃內的甜品盡掃,那爽的感覺, 唔係甜魔相信唔會明白。…查看更多

因應情人節出既蘋果cake，大大個紅蘋果買黎送比你既白雪公主，都幾墮手嫁，因為比其他既cake都大幾多。用朱古力、糖、啫喱扮到蘋果咁既樣，入面有蘋果慕絲，偏甜、唔夠滑，同埋酸酸地既蘋果肉，底下有撻底增強口感。但由於拎返屋企路途遙遠，撻底返到去已經變淋左，所以我都建議大家儘快食用。 …查看更多

契女生日, 做契媽的就當然要買定個蛋糕比佢啦~ 雖然契女8歲人仔, 但中意食個D野同大人無異, 佢好中意食macaron, 行過這間專賣macaron的Paul Lafayet望望, 見到佢地有蛋糕賣, 就諗住揀個比佢. 契女中意食馬卡龍, 當然就要揀個有馬卡龍既蛋糕啦~ 揀左呢款芝士藍梅tart. 上面有5個不同味道的馬卡龍. 店員話可以寫名, 本來我想寫中文字, 但店員話師父太複雜既中文唔識寫. 所以唯有寫英文契女一見到就好中意啦~ 藍梅tart都好味呀~ 有原粒藍梅, 又唔太酸, 唔錯~ Macaron有5隻唔同口味, 每人都話唔錯除了粉紅色的玫瑰味~玫瑰味- 不太好吃, 味道怪怪的, 有少少苦味, 但有玫瑰花香奶茶味 - 很有奶茶香, 而且不太甜, 味道很特別, 很好吃檸檬味 - 正常味~  不太甜, 反而有少少酸酸的很清新~朱古力味 - 不是很甜, 不太硬身, 好香, 很濃朱古力味~ …查看更多

Creme brûlée .$45.望左好耐今次終於試哩個我覺得哩個焦糖燉蛋先係Paul lafayet 既皇牌甜品😋好滑既燉蛋 甜而不膩 焦糖又燒得夠脆😌仲有好多黑色糨良既云呢那籽 好香呢而且店員仲會既場燒焦糖俾客人睇 諗起都想食不過份量又真係少左d 懶優雅咁係法國甜品店high tea又真係幾爽😊😌…查看更多

24號晚,要排隊都預左....啲職員都好識做,排啲catalog比我地睇住款先 :) 20分鐘左右終於買到creme brulee喇,拎到返屋企個焦糖已經溶晒lu 不過仍然咁好味  佢既creme brulee唔會話食完好漏,甜度岩岩好,食到個底有啲一粒粒黑色籽,我問過店員,佢話係雲呢拿籽,佢地冇用雲呢拿油的~我上次係佢鋪頭即食就更加好味,焦糖係即加熱,好脆好熱,再加上下面的蛋係凍,食落個感覺好正~我最愛既甜品 因為信用卡有優惠,唔記得買夠幾錢有野送,所以都買左一盒馬卡龍夾夠數~盒馬卡龍上繳左比母親大人,佢一邊食一邊話甜,冇計啦,老人家唔鍾意食甜野佢都好多味比人揀,我揀左玫瑰,烏龍,mango,朱古力,荔枝,海鹽...我覺得最難怪味係烏龍,好甜之餘,果陣烏龍味好怪,而最好味我覺得係玫瑰,唔會太甜,而且有玫瑰花果陣清香味~…查看更多

繼續聖誕甜品介紹：本週四參加 Party，繼多款美味甜點及馬卡龍，又品嚐了傳統聖誕蛋糕、聖誕限定口味閃亮馬卡龍（黑加侖子／栗子），以及個人很愛的金栗蛋糕！集中講最愛的金栗蛋糕吧：其實它不該叫蛋糕，因為香滑雲尼拿慕絲及甜美栗蓉之下，主要是口感鬆脆的厚撻，面層綴以朱古力條及糖漬栗子，柔美香甜、層次感出眾，十分推介～另外也非常為 PL 今年推出的聖誕禮盒著迷：白紅金的組合，非常富有歐式聖誕氣氛，一看見就想將它收納在家裡聖誕樹底！不只生女會敗家，買樹原來也一樣！最後真的帶了聖誕馬卡龍朱古力禮盒回家，中間還有一罐可慢慢吃的果醬；這禮盒結果昨天在中同的big day上，與一眾姊妹分享了，八款不同口味馬卡龍固然很好吃，但更迷人是香濃柔滑朱古力，特別我吃的是幼滑綠茶餡芯的朱古力，超美味！還附上新出自家品牌靚碟！這碟店內單買$150/隻，任何惠顧就可以$100換購，又是超合心意～聖誕想不到買甚麼的，不妨考慮一下哦～…查看更多

晚餐後比肥髀叫去食甜點！唔想行咁遠，就在商場內找，呢間已經食過其他分店，貫切一向簡潔裝修，門口一個雪櫃，入內有高枱櫈，蛋糕款式多！賣相精緻！特別揀啲未試過嘅！店員再建議加杯茶或咖啡，揀好入店內坐低，呢個時間只有我兩母女！包場享受美食！卡紙碟好有型，配木匙典雅！Praline Mille-Feuilles榛子千層餅（$45）賣相靚，榛子夾層味濃，但酥餅完全唔脆，唔可以一下切開，兼上下兩層分開，糖膠漿口！一般！Creme Brulee法式焦糖燉蛋（$45）肥髀最愛，見住店員即加糖水燒焦糖，好像表演咁，焦糖脆口，燉蛋香滑！呍呢嗱籽好多，所以呍呢嗱味好香！整體味道好夾美式咖啡（$15）咖啡味道濃，有甘苦味，對我來講太濃烈，要加兩包糖勉強飲到，好梗！店員有禮有笑容，一位負責食物，一位收錢，唔會吵鬧！上菜都好斯文！好舒服包場嘆餅！…查看更多

尋晚提早同媽咪慶祝，一次過開哂月餅，最期待的paul lafayet竟然最難食，仲要非一般難食! 好大好厚嘅盒裝著好薄的"月餅"，玩fusion 檸檬蓮蓉月，earl grey 蓮蓉月，表面好靚，裡面乾爆，無蓮蓉味無earl grey味，餅皮硬過曲奇! 未食過咁難食月餅，咬左一口唔敢再食!仲要索價二佰幾!真係拆招牌月餅…查看更多

跟朋友吃完晚飯想吃一點甜品, 朋友介紹的品牌甜品, 之前已知很出名, 不過未有一試, 今次她帶我到HYSAN的店, 看到有不同的甜品也很精美, 其實晚飯也吃得飽, 所以只叫了兩款來SHARE~~~Crème Brulee ($45)~~~看到樣子已覺得很好吃, 而店員也是即場整焦糖的, 就是在表面鋪滿糖粒(不記得黃糖還是黑糖), 然後再用火槍燒著, 很香的焦糖表面, 也很甜很脆, 吃著裡面很有蛋香, 超滑的口感, 真的一試難忘, 而且也不會吃到膩, 真的 “吃過翻尋味” 啊!!Apple & Red Fruits Crumble ($45)~~~大大的一款, 這個價錢蠻OK, 蘋果幾稔幾香, 而且加了一些莓類, CRUMBLE也很鬆化, 不過加了肉桂粉味, 個人就不是太喜歡, 但質感OK, 所以對我而言是不過不失……Jamsine Green Tea ($25)~~~因為食CAKE所以可以減$10, 吃CAKE要飲下茶去中和下, 雖然是茶包, 但感覺蠻不錯, 也是有質素的牌子, 花味幾香及清新……非常滿滿的甜品, 女人真係有另一個胃去食甜品GA, 嘩哈哈!!…查看更多

近來迷上Macaron的我，最近行街見到都會望多幾眼，而Paul Lafayet也是一直想試的店鋪之一。今次剛好約了朋友在希慎見面。怎能不買幾件回家試試呢。Macaron有普通包裝（袋裝）同盒裝（禮盒要另外加錢），每件$20，盒裝6個的價錢是$135，因我未太快番屋企，還是加多$15換個安心吧，省得到家之後被我壓得面目全非。個人不太好甜，而macaron又大多以甜著稱，這似乎有點矛盾呢。讓店員推介了幾個不太甜的，亦選了幾款自己心水的。先介紹一下店員推介的三款茶味，每次買macaron茶味我是必買的。Earl Grey（伯爵茶）：上次試過Laduree的Earl grey，我覺得Paul lafayet的茶味來的更濃郁，也沒前者的甜。很明顯我更愛後者，忘記給它影張靚靚的相，已經一口咬落去了XDOolong（烏龍茶）：烏龍茶味好像是其他店沒有的，也是店家的招牌之一，果然吃得出濃郁的烏龍茶味，非常特別，亦是不會太甜，三個茶味裡面這個最得我心呢！Jasmine（茉莉花茶）：這款的味道是清清的，茶味裡還帶點花香，但相對前兩者這款的花味比较突出，茶味比较淡，甜度尚可接受，但不會encore。這三款是我自己選的。Sesame（芝麻）：芝麻亦是我的最愛，我很愛香口的東西，所以見到有芝麻味的macaron又怎會錯過，這款macaron吃得出芝麻味，只是甜味也同樣突出，有點搶芝麻的味道，not bad.Cappucino（泡沫咖啡）：我是一向不喝咖啡的人，尤其是美式咖啡我實在品味不來。但這次突然很想試試咖啡味的macaron如何，何況是cappucino，應該不會很難入口，沒想到居然是六個裡面最好味的，吃起來帶著獨特的咖啡香，又有點奶味，香醇濃郁的咖啡香在口腔裡久久不散，真是吃過後還齒頰留香，非常之推介！Grand Marnier（柑曼怡）：這款macaron是最近的新品。由黑朱古力和Grand Marnier酒結合而成，Grand Marnier是一種來自法國的干邑橙酒。該新品酒味還是頗明顯的，與朱古力味很好的融合在一起，不會搶走各自的味道，但我略嫌它還是太甜，而且本人也不太好酒，試過就好啦。整體來說Paul Lafayet還是給了我很大的驚喜，它並沒有給Laduree、Pierre Herme比下去，在口感上也是比較特別，不像傳統macaron那麼煙韌，外皮比較脆。吃起來也不錯喔！雖然我不太喜歡果味macaron，不過下次我應該會試試店員推介的熱情果味和荔枝味，希望會有新的驚喜另外值得一提的是，店員的服務態度真的很好，不但耐心為我介紹每款口味的特色，聽到我不是馬上回家之後還用冰袋給我包裝好，真的是非常愉快的一次體驗呀！…查看更多