PAN de PAIN Pancake & Sweets (創紀之城五期(apm))

營業中

休息中

食完dinner經過見到美美既pancake cafe, 平時都多人排隊，但呢個時間居然唔洗等位，就決定去食埋返回家Strawberry Mochi Souffle Pancake樣子超美，非常可愛另有草莓醬淋上去疏乎厘pancake上面，感覺好療癒Mochi口感好煙靭，但味道偏甜，草莓味道好香，真係好味又好睇另外叫左個Salty Cameral Souffle Pancake 都好好味，但呢個更加甜

心血來潮想食港女餐 就去左APM食梳乎厘餐每人個lunch set再加一份梳乎厘share Soufflé Omelette Chicken Curry Rise 上面係一層甜味嘅梳乎厘，下面係日式咖哩雞飯，側邊有啲沙律，份量好少，兩樣野加埋唔係幾夾Tiramisu Soufflé 好正常嘅味道，梳乎厘唔係特別香，又唔係特別質地好好，不過不失，正常發揮環境方面，都好闊落，傾偈幾唔錯，企企理理但係性價比都好低，試一次就好了

諗住新開嘅鋪頭，餐牌上d食物又幾吸引，就入去試下。點知來嘢？？？首先，抹茶舒芙蕾，好似食緊空氣，內裡冇熟，蛋同麵粉嘅味道非常明顯。邊邊有抹茶醬，紅豆，大福，cream同抹茶雪糕，得雪糕正常，其他甜到冇嘢講😓😓😓再來係草莓pancake，pancake干到食落去成個口感係散開嘅，我覺得7仔求其買一個都好食過佢😤草莓又酸，cream又甜又多，成個甜品個口感完全冇層次。最後，我同friend食完兩個鐘後，肚痛😵‍💫😵‍💫唔知係圖入面哩4樣嘢邊個出咗問題。如果淨係難食我冇必要打咁多嘢花費我時間，最多下次唔食，但食物唔乾淨或者可能冇熟，我都有必要提醒一下大家。希望店鋪可以好好改進下食物品控，得個樣靚唔係可以長久做落去的關鍵😮‍💨😮‍💨

Got attracted by its decor and sat down for a quick tea break. Ordered the popular matcha soufflé and was a bit disappointed. Was expecting for a 30min wait as per the menu however the soufflé came out within 10min and wasn’t wobbly at all. Once I cut it down the middle the whole thing just collapsed……..Looks can be deceiving

是夜影完日落，就是那個整個天空都是紅紅的像火燒的日落，站了至少有個半小時，於是儲了最後一口氣去找東西吃.其實揹著十幾廿磅的相機設備，都想快點找到一間餐廳快快吃完就算，走過這一間見沒有太多人，但因為是吃pancake, 感覺正餐都未吃就不太想吃甜食，於是繼續往前走，看到了春水堂就打算吃這間，卻看到一條龍，於是再繞了一圈，看見這餐廳還是不太多人，環境又像很舒適，就決定入去再看看吃什麼.很開心侍應安排了一個僻靜的角落給我和我的大背囊，在身心俱疲的情況下，看著餐牌，我知道是要吃梳乎厘pancake, 但肚空空的情況下，實在是想吃鹹食，於是最後決定點牛油果三文魚pancake.牛油果三文魚pancake, 這個配搭非常好，因為當晚太累不太餓，又很久沒吃菜，沒想過pancake有驚喜，配上白色芝士非常好吃，pancake很鬆化，再配三文魚和牛油果味道很夾，實在太好了. 水果茶看似有很多水果，但實際上沒什麼味道，比較美中不足.差不多吃完的時候，身旁來了一對母女，我也是時候要離開這個靜靜的一角了.

今日去到觀塘APM睇戲，睇完之後就想搵啲甜品食，點知俾我見到PAN de PAIN。呢間係食soufflé pancake 嘅，之前喺尖沙咀食過一次，大排長龍，排咗好耐隊先食到，今次好好彩，唔使排隊就有得食，梗係唔放過呢次機會啦。.🍚Uji Matcha Soufflé 宇治抹茶味，soufflé pancake 非常鬆軟，厚身，蛋味非常濃郁，配上雲呢拿同埋抹茶嘅忌廉，濃厚嘅抹茶醬，紅豆，抹茶味雪糕，同埋抹茶味蕨餅，非常多層次嘅一個甜品，好食。. 🍚Cinnamon Chai Latte玉桂味非常之香，chai latte甜而不膩，配合度非常之高嘅一杯飲品。.總括然而，唔使排隊，又食到高質素甜品同埋飲品，值得高評價。

💕觀塘apm嘅日式梳乎厘班㦸店，經過幾次都冇去食，今次我哋決定去食😂店鋪裝修用綠葉加上木系元素，覺得坐落寛闊舒適😌👍🏻而且唔洗點排隊，可能我哋早去關係，大約1點幾左右。我哋叫咗一個鹹點，兩個甜點📝每款梳乎厘班戟厚度一樣😋食落有口感之餘，仲有綿綿嘅空氣感☁️ ==============================🍽 Soufflé Omelet Chicken Curry Rice💲108一打開餐牌見到呢款梳乎厘咖哩雞飯📝，已經好吸引😍即刻落單。上層係焗至金黃色既梳乎厘，下層係濃香撲鼻嘅咖哩飯🍚飯裏有大而軟嫩雞肉🍖食落甜甜鹹鹹，口感特別💕層次感upupup⬆️ 🍽 Salty Caramel Cappuccino Soufflé 💲98呢款梳乎厘配上Häagen-Dazs 鹽味焦糖泡沫咖啡雪糕🍦，有冷暖交融嘅口感😋再加上有特濃朱古力醬同甜甜圈，食落有另一種層次感🤩 🍽  Berry Cheesecake Soffle💲98喜歡食士多啤梨嘅我🍓👱🏻‍♀️呢款梳乎厘配上士多啤梨醬、 士多啤梨片 、藍莓、餅碎，食落酸酸甜甜，十分開胃😋💕 ☕ Cappuccino (熱)💲44咖啡味道香濃☕用嚟

喺觀塘APM.開咗無記耐一間Soufflé Pancake店.筆者與家人在APM附近食晚飯.晚飯完畢特意來疏乎厘甜品.筆者好鍾意食疏乎厘.還記得有一次在日本名古屋食咗一間好出名嘅Soufflé Pancake.呢間嘢排咗我哋兩個幾鐘.果間店嘅Soufflé.賣相精緻.有個透明玻璃櫥窗.可以看👀到廚房內部正進行製作疏乎厘過程.疏乎厘幾好味.不過食完好似食咗一陣風一啖空氣咁.如果去旅行每去一處地方.次次都要花上兩至三個小時左右排隊.才有得食.真係可惜！返回今日正題.話咁快.我與家人已經到達PAlN Pancake & Sweets.好彩呢個時段.暫時未有人排隊.我與家人好快被安排大廳正中.呢度環境佈置成綠野仙蹤.天花及牆上面有好多躝藤及綠葉.令人置于大自然田園中.感覺好舒服！今日點餐如下：1. Strawberry cold X1 $88元2. Strawberry Mochi Souffle X1 $108元3. Citrus Souffle X1 $108元4. Crème Brûlée X1 $88元

Pan De Pain Pancake & Sweets 📌地址 ：觀塘道418號創紀之城五期(apm)UC層37號舖📌營業時間 ：星期一至五12:00 - 22:00星期六至日 11:30 - 22:00公眾假期 12:00 - 22:00📌 電話號碼 ：21191010經開APM想食個下午茶，尋尋覓覓就搵到呢間食日式梳乎厘Pancake🥞既專門店，店舖裝修舒服，牆身及天花都是綠色🌿，有一種置身於戶外的感覺，各位年青人打卡一流👍🏻，但要注意梳乎厘同Pancake🥞都係新鮮即叫即整，趕時間既話就記得唔好去啦🤣岩鹽焦糖朱古力梳乎厘 $108原味梳乎厘好滑好軟，又有彈性，配上朱古力醬同岩鹽焦糖雪糕，中和返，又唔會太甜，男生都會鍾意。全日早餐 All Day Breakfast $98佢地既Pancake都係用日本麵粉、牛奶及法國牛油去整，所以唔加任何調味都已經有味同好香。其他都係一啲好常見既食物，司華力腸，煙肉，蛋等。蘋果薄荷茶 Apple Mint Tea $48會用一個英式茶壺送上，茶既薄荷味會蓋過蘋果味，如果鍾意重薄荷味既人會好鍾意，但注意只有熱飲。

PAN de PAIN Pancake & Sweets鋪開觀塘通常都會行APM，蒲開APM應該唔難發現開咗間綠色嘅餐廳，點解點解我淨係記得綠色呢， 因為成間餐廳以森林做主題，好難想像係一間新鴻基嘅商場入面有一間以綠色植物做主題嘅餐廳咁我就係俾佢吸引咗行入去食😂🍴話雖如此但係餐廳唔係食素㗎🥗源自於日本，餐廳主打係班戟疏乎厘。 其實疏乎厘源自於法國，餐廳名都知，主要由蛋黃同蛋白製成，睇落好似好簡單，其實係公認最難整嘅甜品之一🤫咁Soufflé 傳入日本之後，日本人就發揮丈人嘅精神，日本香甜鬆軟嘅班戟合體，就變成呢間餐廳咁好食嘅souffle啦😋口感的確香甜，食緊空氣咁，醬料配搭得好好夾，絕對值得一試。

一直都好想食呢間疏乎厘pancake架喇😆前兩日行過觀塘APM見人少少，即刻排一排隊，準備等食🤣兩個人點咗一個Barry cheesecake pancake 同ice cappuccino。水準果然無令我失望😋疏乎厘軟得嚟又唔會散，又夠蛋香😚杯cappuccino 就不過不失喇🤣

星期日帶屋企人同小朋友等 11:30am 最早入坐食 lunch。我哋order 左多 toast， all day breakfast pancake , 咖哩飯同埋人氣 original soufflé 。最好食係 soufflé pancake ,超級好食。服務員態度非常好，食得開心，值得去食！

同朋友都好耐無食過Pancake啦咁啱行街行到攰見到就入咗去啦🤣入到去人唔算太多環境都幾靚我哋兩個都唔係好餓但又有最低消費所以就叫咗1個Pancake shareOriginal Souffle -88唔算好震騰騰不過食落都夠鬆軟嘅有空氣感😂個人都係鍾意食Original因為唔鍾意有其他味破壞咗佢個原味Milk Pudding Matcha Latte -52個樽咁樣睇落加埋啲色都幾靚初頭諗緊底個層白色係咪搖得勻但搖咗幾次都維持原狀諗住可能係個樽個設計係咁啦😂😂😂之後搵飲筒飲先醒起有Pudding係度🤣淡淡嘅奶香反而Matcha味唔太濃夜晚飲都幾好😋

小貓幾隻 都要等半小時都未上到菜，座滿客 就；飲品 非coffee選擇少、仲要大部份寫”sold out”; Pancake 一般，價格貴，服務、食物質數；一定一定無下次。

🥞嗰日食完飯想食疏乎厘pancake，俾👦🏻搵到apm有得食 即刻去試吓🙆🏻‍♀️▫️ Uji Matcha Soufflé 🍵▫️ Signature Pancakes - Mont Blanc🌰我哋食咗mont blanc pancake先，見佢擺盤好靚😍食落塊pancake鬆軟，栗子蓉味道濃郁，夾埋啲cream食啱啱好，唔會覺得好膩 👦🏻食得好開心🤣喺我哋暴風式吸入之後第二碟宇治抹茶疏乎厘pancake就上碟🤤見到佢上碟嘅時候凳吓凳吓好開心😆食落佢嘅抹茶蕨餅好煙靭，左邊嘅抹茶醬好濃 比起pancake上面嘅抹茶cream出色。個抹茶雪糕質地比較硬身，不過不失🤨不過紅豆蓉比較甜，有啲現成feel🥲講返個疏乎厘pancake主體，係好鬆軟，不過中間略嫌有啲未夠熟，口感上有少少失望🤫不過都總算滿足到自己嘅心癮 食完呢餐都好滿足🙆🏻‍♀️