Outdark (H8)

營業中

休息中

尖沙咀邊到最有口福？梗係厚福街啦今次同朋友嚟到Outdark，韓式料理餐廳環境幽靜舒適，裝潢講究有酒吧風，但係樓底高令感覺坐得好舒服Outdark係由韓國開黎香港的過江龍，keep 到水準餐牌亦有好多地道韓式小食，好吸引首先品嚐下招牌「芝士炒雞」先雞肉鮮嫩多汁，與香濃順滑既芝士醬汁完美結合炒到恰到好處既火侯，令雞肉保持原汁原味，超好味道！仲可以伴泡菜同埋紫菜飯，好豐富呀建議可以四個朋友一齊分享～另外叫左一份「串串魚糕湯」湯頭鮮甜濃郁，魚糕彈牙爽滑，加上配料的野菜，香菇、蔥花等，層次豐富，口感十分出色。營養均衡既經典韓式街頭小食，伴住炸雞食一流Outdark無論係環境、菜式質素、服務態度等都好出色，值得encore 同埋朋友一齊黎聚會!

今日去咗尖沙咀Outdark食炸雞，真係好滿足呀！呢到係樓上鋪，一開門就見到勁靚既燈飾呢間餐廳主打韓式食品，裝修好有特色，燈光特登教得昏暗柔和啲，比大家坐得舒服。餐廳嘅環境都幾舒服，座位唔會太逼，服務員嘅態度好好，笑容滿面，而且好有禮貌，會主動幫你介紹餐牌同埋解答問題。我哋叫咗個雙拼炸雞，雞塊全部都無骨，仲配上大量薯條薯格。炸雞外皮脆卜卜，咬落去好香口，肉質又嫩滑，真係好juicy又唔會油膩，好惹味。醬汁配搭都好多選擇，今次我地揀左蒜香蜜糖同辛辣，even個辣醬食落都係先甜後辣，好過癮！海鮮薄餅，食落好煙韌香口，面頭加左魷魚同蝦仁，配上個醬汁食真係一流！炒粉絲，作為傳統韓國街頭小食一定要試下，估唔到勁入味，全部粉絲都索晒啲汁，又唔會煮到太淋，仲有好多配料令整體口感同味道更豐富。整體嚟講，我覺得Outdark嘅炸雞真係好出色，值得一試！下次我一定會再嚟試其他口味嘅炸雞。

講起韓國餐廳一定會諗到Outdark! 環境氣氛浪漫，仲係韓國人主理，夠正宗！⭐️醬油炸雞（半份） 即使炸雞包裹住醬油依然外脆，咬落去充滿肉汁，鍾意鹹鹹甜甜的味道⭐️玫瑰醬海鮮年糕原隻炸魷魚非常吸睛，店員幫手剪開，酥脆的魷魚配上微辣濃郁的玫瑰醬。🤤鐵板旁邊仲有拉絲芝士，紫菜拌飯。入面有大量豐富配料，例如年糕，魚板，蔬菜，海鮮！⭐️柚子梳打加清酒而家叫柚子梳打可以加$8有一shot清酒，非常清新好飲。

韓國炸雞一直都係我最愛呢間主打真係炸雞而唔係烤雞雞皮炸到香香脆脆超正仲可以揀雙併口味蒜蓉蜜糖同甜辣都惹味真係好想辣啲嘅建議揀另一款辣炸雞仲要再on top有一大埋薯條、薯角同薯格完全係炸物天堂小朋友實勁like呢度好多特色飲品同埋啲菜式口味好正宗因為係由韓國人煮理Menu上啲野食都係自製除左炸雞我都好鍾意韓式粉絲呢度啲烤牛肉韓式粉絲係暫時食過最正嘅我個人口味鍾意啲有彈性有韌度嘅口感呢度完全做到回彈力好勁記住趁熱食如果唔係凍左啲粉絲個痴住仲好推薦芝士波！！可以拉絲到勁遠好芝味出面好少食到咁正嘅芝士波😍而家做指定打卡動作送無酒精飲品好抵，因為普通一杯飲品都四十蚊多啲如果出面無人等位其實可以一直坐無限時

之前就已經黎過outdark食野，覺得都幾有氣氛，菜式都相當正宗。今次再訪見到店員都有韓國人，而且留意到原來係來自釜山嘅品牌，食物係由韓國人親自煮嘅，menu上嘅都係自製的。所以難怪食物嘅味道同我係韓國食嘅咁相似啦，推薦黎outdark尋找韓國嘅味道。芝士炒雞超級邪惡又豐富嘅芝士炒雞，芝士加熱溶哂之後店員將芝士加入炒雞到，然後就可以用叉將芝士包住炒雞同年糕一齊食。本身雞就已經加左辣醬一齊炒，加埋芝士就冇咁辣但又更惹味。雞肉本身都好滑嫩，而且啖啖肉冇骨，好方便食。 另外鍋邊都有其他豐富嘅配料，包括爐邊蛋 泡菜 蕃薯蓉同紫菜飯，真係好豐富，好岩一大班人share海鮮炒粉絲海鮮方面有蝦同魷魚，另外仲有木耳 菇 青紅椒等配料，材料幾豐富。粉絲本身都好有口感，加埋麻油一齊炒整體幾香。熱情果梳打熱情果酸酸甜甜夠哂消暑，一個字爽呀。食韓國菜好岩要叫一杯。 藍莓乳酪乳酪好重奶香，口感creamy順滑，藍莓味夠哂fresh。推薦！餐廳仲增加左依家成日係韓國見到嘅photo boxes，免費就可以影相，所以我都影左兩張，可以同朋友或者屋企人留個紀念。

要歎韓食嚟尖沙咀就無錯🇰🇷(偷偷講🤫是晚呢間真係有Oppa駐場架!!)上到去一踏入已經感受到啲韓氣湧埋嚟😆難怪全場滿座啦!!食物由韓國人負責煮～味道自然係正宗自家製韓味👏🏻裝潢氣氛均令人錯覺身在首爾～另外凡惠顧仲可以免費玩photo boxes自拍一番😝😝啱哂同fd嚟又飲又食又玩啦🤟🏻🤟🏻.✨반반치킨 雙拼炸雞(全份) $208心大心細唔知揀咩味道😆😆最終決定揀雙拼要咗✨양념치킨 甜辣炸雞 & ✨갈릭치킨 香蒜蜜糖炸雞❗❗上枱熱辣香脆可口！皮脆肉嫩又惹味！Be尤其鍾情香蒜蜜糖口味🧄甜甜哋又帶有蒜香氣！！仲要伴隨住大量鮮炸薯條、薯片、薯格😋😋過足口癮呢！！.✨소불고기 韓式烤牛肉 $198以燒熱得滋滋響嘅鐵板上菜🔥🔥牛肉醃得非常入味又軟嫩～仲配搭上韓式年糕、韮菜、金菇、辣椒、青瓜…香噴噴得嚟又好味道😌.✨새우튀김김밥 炸蝦Kimbap $98滿滿麻油香嘅韓式紫菜捲飯係Be嘅心頭愛之一❤️是次叫咗呢款捲有🍤彈牙炸蝦、爽脆漬蘿蔔、爽口青瓜、蛋香玉子嘅Kimbap🍙一大啖放入口～簡直太滿足😚😚.✨Fresh Yogurt 딸기 Strawberry $48清甜又冰涼🍓🍓滿載士多啤梨香氣與甜美！

尖沙咀H8食肆好多，今日同朋友食Outdark，一入門口就見到愛情鎖牆，韓國氣氛十足，好多打卡位。海鮮煎蔥餅：外層煎到金黃酥脆，內裡柔軟綿密，配料仲有唔同既海鮮粒，包括鮮蝦、八爪魚、香蔥、韭菜，口感相當有層次，十分惹味。烤牛肉飯捲：韓牛特別鮮嫩多汁，將紅蘿蔔、青瓜等食材，包在紫菜裡面，令口感倍添清爽。雙拼炸雞：韓式炸雞外皮炸得金黃酥脆，每一口咬下去時，鮮嫩多汁既肉質和香氣四溢既調味料，讓人垂涎欲滴，絕對係炸雞愛好者既最佳選擇。串串魚糕湯：將魚糕、蘿蔔、獅子狗、粉絲、青口、鵪鶉蛋等食材放在鍋爐上烹煮，充分吸收湯汁既精華，令湯底更覺鮮甜，係出色的韓國街頭小吃。芒果&藍檸檬梳打：清爽開胃。總結，餐廳位置方便，食物質素高，以後韓國菜又多個選擇。

尖沙咀Outdark，店內佈置好有韓國風，氣氛浪漫。炭豚飯捲：把充滿炭燒香味既豚肉、紅蘿蔔絲、青瓜絲、雞蛋絲，捲進紫菜中，再切塊成一口大小，簡單好味。海鮮煎蔥餅：煎餅好香脆，滿滿蛋香味，餡料有鮮蝦、八爪魚、香蔥、泡菜、洋蔥，加上適量既調味，既能夠滿足味蕾，又不會太過膩口，令人回味。水冷麵配牛肉：冷麵入口涼浸浸，爽滑Q彈，牛肉烤得恰到好處，夏天開胃之選。雙拼炸雞：即叫即炸，肉質非常嫩滑，啖啖都爆汁，超級Juicy，散發出韓式炸雞既魔力，除左炸雞之外，仲有好多薯條和薯格，全部都熱辣辣，簡直美味到令人無法抗拒。串串魚糕湯：湯頭清甜鮮美，配搭魚糕、獅子狗、青口、魷魚、鵪鶉蛋、粉絲、大根等，全部都係非常掛湯既材料，我最喜歡韓式年糕煙煙韌韌既口感。總結，餐廳環境舒適，食物味道和品質都好有水準，而且份量十足，值得推薦。

Outdark成日都好多人排隊 幾次想食都等唔到 今次可靠嘅朋友一早book定枱 去到就可以即刻入坐 終於食到呢間韓國人嘅自家韓國野！叫左醬油同甜辣嘅半半炸雞雞塊炸到金黃色 外皮酥脆 內裏雞肉多汁嫩滑入口時會有輕微的嘎嘣聲甜辣口味在入口時會有明顯甜辣交織嘅味道回味起來會比較濃郁醬油口味就比較鹹香 拼埋甜辣口味相輔相成 令到炸雞唔會過於單一配菜仲有薯格同埋薯條全部都好熱辣辣再加點埋炸芝士條 外脆內部絲滑棉密濃香簡直就係多重享受串串魚糕湯充滿韓國風味高湯湯頭清甜 開胃消滯有魚糕串、獅子狗、魚糕片、木耳、蘿蔔魚糕Q彈 味道鮮美烤牛肉炒粉絲牛肉嘅嫩滑質感同粉絲嘅韌性完美融合入口充滿濃郁肉香、酸甜回味 再加埋啲配菜一齊炒 口感層次豐富海鮮蔥煎餅份量好足 煎餅外皮酥脆可口嘅質感同軟嫩多汁嘅海鮮內餡形成了美妙嘅口感蔥嘅微微辛辣同芳香同海鮮相結合令人食慾大開炸蝦紫菜飯卷韓國嘅紫菜飯卷真係冇得輸仲加咗小食腸仔同年糕甜辣醬好惹味西柚梳打 好refreshing又唔會好甜朋友叫咗杯藍莓Yogurt 話勁重藍莓味熱情果梳打入面有埋蘆薈添走嗰陣時見到側邊有部免費嘅photo box食飽仲可以免費影相留念真係勁滿

朋友好喜歡來尖沙咀呢一間<Outdark>食韓式炸雞同埋芝士雞，最鍾意就係呢度嘅環境同埋氣氛，大部分嘅服務員都係韓國人，感覺好似置身韓國嘅餐廳。<原味炸雞>先來一客原味炸雞，呢一大盤炸雞份量非常之多，起碼有成七八件炸雞，每一件炸雞都炸得非常之金黃香脆，咬落去又脆又鬆軟，而且肉質鮮嫩，帶有肉汁，配埋薯條同埋薯格，非常好食。<芝士炒雞>呢個芝士炒雞用一個大嘅鐵盤來放，入面有好多嘅雞塊，伴住非常濃厚嘅芝士，服務員會幫忙一面將芝士煮到半溶嘅狀態，一面將半溶嘅芝士同雞塊炒埋一齊，成為完美嘅芝士炒雞，拉絲感十足。服務員亦會將爐邊嘅蛋汁，煮成炒蛋，方便客人進食，另外仲有芝士年糕、紫菜飯、同埋kimchi，全部入口帶點兒微辣，而且帶有濃鬱嘅芝士香味，非常惹味好食。最後來一杯蜜桃梳打，集清甜、清新、冰涼於一身，同炸雞極配。下次有機會來尖沙咀食炸雞，我哋一定會再嚟Outdark!！~

對於喜歡食韓國菜既人黎講，相信冇人唔認識Outdark 😆 所有單所有食物都係自製既，而且仲係韓國人打理，食物水準有質素保持韓國風味👍 Blue Monday 唔通真係要blue 住過咩🤣 當然要約埋朋友食餐好既！仲要依家餐廳有promotion, 有 free photo boxes! 食完野仲可以影靚相！正😆甜辣炸雞 $138（半份）食韓國菜點可以唔食韓式炸雞！咁多款韓式炸雞我最鍾意就係甜辣口味🥰炸雞炸得非常香脆，肉質嫩滑肉汁豐盈，醬汁又舖滿整件炸，件件都啖啖肉😍我地仲加配左腸仔年糕串、炸芝士波同炸芝士條，多重享受，好邪惡但好滿足💕串串魚糕湯 $228街頭魚糕串串分別有魚糕串、魚糕片、獅子狗、蘿蔔。每件都大大件！魚糕口感煙煙韌韌，而蘿蔔煮得軟腍清甜入味。每件都吸收了魚湯湯底的鮮甜香味，大大碟都俾我地清哂，一滴湯汁都冇剩🤣柚子梳打 $48酸酸甜甜，好爽！❤️食物仍然保持水準，環境又有氣氛，推薦！👍

Monday blue最啱係收工約班朋友出嚟聚下吹下水朋友話想食韓國嘢 一早book定outdark款色多之餘 質素又有保證仲要係韓國人親自備料同烹調 所有嘢食都係自家製 完全係韓國嘅味道所以人氣不斷 8點鐘去到都仲係好多人等緊位 每次嚟必點雙拼炸雞$208幾個人share全份雞 份量剛剛好醬油同甜辣都係all time favourite雞件炸得外脆內嫩 鎖住到入面嘅肉汁伴碟仲有薯角、薯格同薯條新鮮炸起熱辣辣 勁好食勁滿足！😌加點咗cheese stick $38炸粉唔會太厚 裡面裹住一層芝士 少少拉絲 唔會太漏 開胃好食😋串串魚糕湯$228每次去韓國都會食 返嚟香港就好掛住Outdark嘅魚糕好多 好鮮好彈牙湯底好鮮甜 配料仲有獅子狗、蘿蔔、菜、木耳等等配料多到滿瀉啱晒食咗咁多炸嘢後 清一清口腔👍🏻海鮮蔥煎餅$138份量十足 上面超多海鮮 每啖都食到煎餅餅底唔會太厚 食落去唔會成口都係麵粉漿同海鮮、韭菜比例perfect match🫶🏻今次試咗佢個Peach flavour 1664 $88好啱打卡 飲嘅時候有少少桃同檸檬嘅香 好飲！餐廳門口仲有部免費影相機啱晒一班朋友飲飽食醉之後

自從食過一次Outdark之後，呢度就變咗韓國嘢指定食堂🍱✨呢間韓國過江龍喺香港都幾出名，由韓國人主理，選擇又多，無論係鍾意食炸雞、烤肉定飯卷、煎餅等等都可以滿足到😗見到門口好似有影相機👀望落好似ig photo box咁，要等位嘅話不妨睇吓😹😗✨韓式烤牛肉 $198加生菜🥬 $20本身想嗌烤豬梅頭肉 (韓式調味醬) ，但已經賣哂😭 之前已經食過烤牛肉，覺得幾好食就決定encore 😋烤牛肉嘅份量好多，肉汁香甜，以自家製嘅醬料醃製，配上金菇同洋蔥絲😋叫埋個生菜包肉配蒜片🤪真心絕配，唔覺唔覺就食晒成盤😮✨水冷麵 🍜 配豬肉 $138夏日熱辣辣又想食個主食，就決定叫個水冷麵，消暑得嚟又夠飽😋份量好多，仲可以自選一款肉，味道帶少少微辣😋絕對係滿足又飽肚之選✨✨熱情果梳打 $48大大杯好消暑✨柚子梳打 $48個人鍾意呢杯多啲🤪柚子味好香，個人覺得有少少乳酸味，絕對係消暑之選食完仲有糖送🙂‍↕️好輕鬆嘅聚餐canteen#outdarkhk

啱啱喺英國返嚟，突然之間想食啲韓式嘢，所以特登去呢一間韓國人打理的餐廳，樓下仲有好多地方shopping買衫買鞋同埋食港式甜品。一坐低就俾佢嗰個Summer Menu晚餐限定的菜包肉吸引住，因為夏天熱辣辣真係唔想食咁多碳水化合物，佢呢一個係五花豬肉配醃製白菜同埋生菜，非常之清新。豬肉層次分明，肥肉同瘦肉剛剛好，最喜歡的是伴碟嘅泡菜，少少辣得來又非常之惹味。醃白菜少少酸酸地，中和返五花腩的肥肉。一上枱的時候非常之大碟，最適合三至四個人分享。我哋叫咗一個半份嘅炸雞，其實都已經很足夠，因為佢仲會有薯條伴碟，大大碟，炸雞外面脆，入面依然鎖住肉汁。紫菜卷亦都係大大碟，兩個人一定食唔晒，炸蝦非常之有口感，配上酸瓜青瓜同埋蘿蔔絲，非常之清新。飲品方便，其中一個是熱情果梳打，裏面有粒粒蘆薈，最適合配炸雞。另一個是peach Yogurtdrink，是韓式罐裝飲品，一樣非常之解膩。

找到了人氣滿分的韓國餐廳一看到門外滿滿的人就馬上去拿票，最後等了半個多小時才能入坐。（我們去的時候是星期四的晚上，照道理說不會有太多人）餐廳裡的環境挺有feel的，暗暗的氛圍，掛著好看的星星燈，也會播放韓國大熱的歌曲，（有點去了酒吧的感覺，哈哈～）絕對是情侶約會，姐妹聚會聊天的好地方。整體的用餐氣氛也不錯，大部分員工都係韓國年輕人！一入餐廳見到一幅相牆，仲有好多小擺設，好有特色。後來發現這有一個免費拍照的機！芝士炒雞超大盤勁岩一大班朋友share食，上碟時侍應叫我地等多5分鐘，佢之後黎幫我地炒一炒，仲幫我地撈埋d芝士。炸雞包滿厚厚的芝士，拉絲芝士超級香濃，好邪惡但超好食！本身曾後悔無點炸雞，但這款雞，本身也是炸了的去骨雞，配以韓式甜辣醬，好滑好腍，辣度調味剛剛好心，配菜有芝士韓國雞蛋卷、香炒泡菜、蕃薯球同紫菜飯！正！ 果然係韓國人自家製homemade~ 真的是必點！另外也叫了海鮮炒粉絲，勁足料，有蝦、魷魚冬菇等～ 魷魚勁爽口！草莓乳酪 芒果梳打衝著顏值點的，但如果搭配上面所說的主食來說的話，這個乳酪會有點膩，也不能幫你解膩。所以更推薦朋友的那杯芒果梳打汽水，入面有椰果爆珠，特別清爽特