Our Restaurant

營業中

休息中

諗住黎試下...一開波叫左個咸乳酪黎飲但真係飲唔慣... 哈哈哈！係甜到苦苦地既鮮奶...之後就叫左幾樣野食分別係土耳其沙律，羊肉捲，雞肉丸同烤雞配薯條～我本身都唔鍾意食沙律，所以普普通通啦～羊肉捲係最好味～個餅皮好有彈性！雞肉丸就太鞋～仲有甜品米飯布甸！好似椰汁糕，有一粒粒米可以趙趙下～好味！

上openrice睇下旺角有乜食，見到呢間野，又唔貴，就同女朋友黎試下！七八點黎到，店內唔係太多人，即刻有位。檯上放了土耳其明信片做裝飾，而牆上則掛了一些圖片，特別之處是掛了幾個水煙壺。兩個人叫左兩個餐：雜錦轉轉燒肉餐配沙律和轉轉燒羊肉卷餐。套餐是連茶或咖啡的，若果轉凍飲或汽水要+$5！雜錦燒肉有分羊肉+雞肉及牛肉+魚肉，而今天是羊肉+雞肉。本來想再叫湯或小食，不過唔想咁貴，所以就無叫。等左幾分鐘就上菜雜錦轉轉燒肉（羊肉+雞肉）配沙律（連茶或咖啡$58）：其實我平日唔太鍾意食沙律，但因openrice上的人都讚沙律好食，便決定試一試。沙律有生菜、青瓜、蕃茄及紫洋蔥。我將羊肉、沙律醬及沙律全部混和再食，真係好好味！同女朋友爭食添轉轉燒羊肉卷（連茶或咖啡$45）：真係有點似旋風雞卷，不過羊肉不錯，洋蔥亦好味。但我覺得太普通，不值這個價錢。土耳其紅茶：跟普通紅茶沒大分別。好味就好味，初頭以為會唔夠飽，但原來食完都算幾飽。不過價錢就偏貴，平返十元八元就好！

兩個女仔，點了 yogurt、tomato salad、轉轉雞羊卷、麵包什麼 (睇相)首先黎的當然係yogurt, 佢同我以前在turkey食的味道係一樣, 讚!tomato salad: 我中意生oinon, ^^ 我仲加左yogurt一齊食轉轉肉: 好得意的名，雖然d肉有d 硬, 不過我覺得整體感覺良好麵包: 麵包??? really? 好似濕左水再硬番的soder biscuit 多d, 不過我覺得加埋果d肉一齊食感覺出奇地夾wor同朋友一齊食得幾開心的一次不過身邊所有人 (包括 hk人 & 洋人) 都係一個人叫一樣野食,其實d野食一d都唔大份, 點解大家都叫咁少既~

間野都食過一次架啦 剩係記得好肉今次再食一次 感覺良好伊斯更達羊肉卷!?羊肉卷點了加辣 D乳酪好酸 (食到瞇晒眼XD)豬仔既配沙律 又估佢唔到咁好食好開胃, 個配菜係沙律咁樣睇落都唔係好肉 d沙律仲好多啊 so gd!!簡單的沙律鹽+醋已經好開胃了雜錦轉轉肉配田園薯條!?(唔記得個名了),有羊肉同雞肉MIX埋一齊 都有乳酪的醬 但係少量 酸酸地好開胃 D羊有SO味 配菜要左薯條 新鮮滾熱辣即炸起脆卜卜呢~~要讚!!仲有些少雜菜 但係係冇調味的 整體都唔錯啊!!埋單115蚊.. .仲有2杯紅茶紅茶都幾味的啊yummy的一餐 飽飽的~~

　　算係少少事後跟進啦... 唉。　　門口大大隻字寫住lunch set 烤羊肉卷35蚊，事實上你真係叫的話，所謂set 根本就只有烤羊肉卷，唔知道佢個set 字何來？如果唔係睇在美食份上，我大概唔會專登去試堂食，去到一睇個餐牌就嚇左一跳，嘩，基本set 起標價45蚊？　　由於擔心呢家店水準飄忽，今次都係好保險咁全部叫晒卷，環顧附近食客似乎亦只叫卷。基本上兩款羊肉卷都合乎期望地好食，份量足，但係個價錢呢... 唉，原本個卷35蚊，連埋野飲就45蚊，而且餐牌無寫有單叫(我上次外賣無睇餐牌，係睇門口廣告入去買)，變相杯茶係綑綁式銷售。還好冷氣夠，我地照叫熱野再加埋杯茶好細杯所以都好快凍。土耳其紅茶聞起黎尚算芳香，不過咖啡就強差人意，杯熱咖啡上枱時已經落左糖，令人諗到佢可能係罐裝飲品或即沖三合一，味道方面就似加多左水o既麥斯威爾。　　10蚊一杯咁o既茶，實在有點貴。佢話佢呢度唔收加一，但係個set o既價錢都包埋加一啦。　　儘管如此，我仍然唔會改變對呢度食物o既評價。下次唯有叫外賣邊行邊食邊去歇腳亭買茶啦，鬼叫我要求高咩...

　　原本行過係為左搵築地，但係行黎行去都搵唔到，突然見到兩支烤肉入眼就即刻俾佢吸引左。當時算係午市，離奇係全店只係得兩個客，我心大心細唔知幫唔幫襯好，後黎見到有報紙廣告介紹就入左去。門口寫話星期四至日有羊肉，所以叫左轉轉轉烤羊肉卷外賣，佢地用錫紙包住個卷黎keep溫度，不過好可惜係我住得遠，返都屋企都凍晒喇。店裡面見到外籍老闆同另一名識外語+廣東話o既店員，全程服務非常好，老闆用好勉強o既廣東話serve客人而且仲聽得明，實在勇氣可嘉。　　我唔知道堂食其他主菜 / 飯 o既質素係點樣啦，只知道呢個轉轉轉烤羊肉卷肯定好食過delifrance o個D，如果堂食應該仲有茶送。羊肉係預先切碎o既，肉 / 菜 / 醬汁 都足料，無呃人，相信客少真係有客少o既優點。三十幾蚊買一個卷有D貴，如果買牛羊，個價會比較合理，雞就... 講起黎個卷o既醬汁味道有少少似旋風雞卷........ 如果你有部份配料唔岩食，可以同佢講話唔要，辣醬多少都係可以調校o既。　　會再幫襯，第日有機會再試主菜。

為食的我第一次係去南丫島食過卡巴, 就深深的被卡巴這美食誘惑上了, 難得今次被我發現旺角有這個好東西, 當然唔會錯過機會了.... 嘿嘿, 眼見鋪內都有幾位外籍人士光顧, 同似位老闆的人士有講有笑, 相信都係老主顧, 我諗佢地都咁捧場, 野食都會近地道d瓜? 今次選了lamb kebab roll, 用錫紙包住兩大件, 熱辣辣的, 超讚! 羊肉碎唔so好香, 外皮有少少脆, 菜加上特色的醬汁, 令到食物味道有層次之餘又好夾, 有heart的, 值得一試 黎開旺角, 真係唔想再食米線/酸辣粉了, 好悶....呢間小店於旺角同類的真係冇幾多間, 相信會再去的 ^^

這天補完習, 便收到朋友仔的電話 相約食dinner! 記得有同學仔向我大力推薦這裡的卡巴很好吃.我便聞風而來,一嘗這些土耳其菜! 餐廳是比較狹窄的,座位不多.幸好,當天沒太多人客,一進去便有張4人台了 這裡有多名外籍人仕 (土耳其人?)在場!感覺上這裡是吃很正宗的土耳其菜?正宗還正宗.好味與否是另一回事! 雜錦轉轉燒烤肉配薯條 $58雜錦肉有雞,牛,羊,仲有D我地懷疑係牛肝既物體.一堆以上既肉碎加上一個類似酸忌廉既醬汁旁邊再配上大大條既粗身薯條,和KETCHUP.首先它的雜錦肉碎 碎濕濕 而且十分油膩. 感覺很差.那個白色的類似酸忌廉既醬雖然可為油膩的肉balance一點但醬汁太少, 一早已經食光了.. 剩下很多沒有醬汁的肉碎.說到油膩 那個薯條可以稱霸!這碟菜一來到的時候,我們已經看到那些薯條油光滿面,閃閃爍爍.幸好 他們巧合地提供吸油紙巾, 好讓我們把這些油過類一下.嘩.一索之下,一條薯條 已經用了大半張紙巾了!真恐怖!就算是kfc burgerking等 流水作業式經營的快餐店所炸薯塊也不會這麼oily!更何況這是一間餐廳喔.. lamb kebab roll 轉轉羊肉卡巴

一直都好欣賞呢間餐廳,雖然d位迫,唔適合大伙兒gathering,不過見無食好耐,同時我又太掛住個芝士春卷,同男友再去幫趁下。一入去就有位,我地order左芝士春卷,羊肉轉轉roll同羊鞍配沙律dinner set同drink,先來羊肉轉轉roll,略嫌唔夠salad sauce,不過都好味。再黎羊鞍配沙律,羊鞍嘅肉好un而且無騷味,仲一路食一路有好多水標出黎,見到都唔係好開胃,我都係專食沙律,其他留俾男友ko...到左my飛佛芝士春卷,超失望,唔脆唔香口不特止,仲要油淋淋,超唔開心!走時特登睇下係咪轉左老闆,型男老細仲嚮度,不過就唔見佢女人同外母,唉!我諗短期內都唔會再黎幫趁。

同老公0係旺角好餓....周圍搵食....最後黎左呢度.......之前都食過好多次.....但今次真係差到忍唔住要打......之前其實都食得入口.....叫做ok....今次真係唔ok......咩羊肉串燒 配salad....一d好咸既羊肉用kebab 既皮包住.......其實我食唔出係羊....好似mc記d豬柳..............=.=跟住d kebab 皮又浸晒0係d salad既唶度....淋晒.....好核突.......!d salad過酸............轉轉雞肉卷d雞肉完全冇味.......-.-有既.....雪味囉.....d 沙津醬係港式.......唔掂.......-.-唉....都係食番kebab 始祖Ebeneezer's 算....~味道真係差好遠丫><晒錢,晒quota,晒車錢丫!我可以0係尖沙咀食Ebeneezer's .....仲要好味勁多!!差幾蚊only! ! 嗚><呢間野愈整愈求其丫.....好似比動物食咁-.-勁拿西!!!!!!!!!!!

個日返完工~就約左隻肥豬去旺角等~諗唔到食咩之際~無啦啦諗起呢間野之前食過幾好味~之後就黎左啦~夜晚六點幾去食~得2枱人食緊~但我地食完走果陣就有人等位囉~如果黎食都系早dd黎好~我就叫左個炸牛肉既飯~肥豬叫左個炸雜錦肉配薯條~我食果個都幾好食既~d飯唔同一般既飯~有少少咸~好惹味~唯一唔好就系d牛肉有d韌..肥豬叫果個呢~都幾好食~但系就好似油左d囉~食完叫左個土耳其紅茶~呢到先有既野飲~飲之前記住加糖飲~唔好就無味架~唯一唔好就系始終覺得呢到細左dd囉~食完埋單113蚊~

早前和朋友出來聊天玩iPad，想找一些在旺角而又有點特色的餐廳，結果就選了這一間「Our Restaurant」。店子不易找，因為在女人街的深處，近登打士街那邊，而且門口和附近的餐廳比較也不太起眼。裝修簡潔乾淨，最有特色是牆上有些煙壺，整體來說是簡單得來有特色。還有顧客不多，當旁邊的日式台式西式食肆都爆滿之時，這裡不失為舒服好坐的小店。雖然是中東菜大家不太熟悉，但餐牌上已經有15個Set去選擇，基本上都是豬牛雞羊魚的卡巴卷，不難選擇。當我們點菜時，侍應非常熱心的幫忙介紹，本來我們選了一個比較貴的卷，但他說便宜的那一個比較有特色，感覺上都頗真誠，就聽他說說吧。先上的是小食芝士卷，卷本身不是太特別，芝士味不是很濃，是那個醬汁有點特色，一般之作。然後是轉轉燒羊肉卷及牛肉卷，做得不錯，羊也沒有羶味，不愛羊的朋友也覺得問題不大，配料如生菜等也很足料。而且肉因為用上獨特的轉轉燒，味道特別好吃，不過最大問題是不夠熱，在下不知道卡巴是否凍食，但就會覺得如果肉有溫度會更好吃。網上看見有人說肉食油，在下卻一點都不覺得，難道是因為肉在轉轉燒上放了很久，涼了，油也滴走了的原因？如是這樣在下寧願要油一點而熱一點

好耐之前黎過~個陣對依間餐廳無咩好感~只覺得貴夾唔好食~因為有人想食土耳其菜~近近地就去左依間啦~今次畀多次機會佢~一行七人黎食lunch~入到去同我之前既感覺一樣~無咩點變~今次叫左個轉轉燒羊肉卡巴~同之前食個間伊斯坦堡卡巴比較下~真係知道咩叫唔怕貨比貨~伊斯坦堡卡巴真係好食好多~佢好快就黎左~一睇就知麻麻地~首先佢D羊肉同D菜卷到菜還菜~羊肉還羊肉~完全可以分開黎食~至於D醬就完係好似得沙律醬咁~無層次~最後個皮就唔知係咪太長~佢可以卷到有一下咬落去全部都係皮黎既咁滯~而且佢個皮都焗得唔夠脆口~不過我又鐘意佢入面個塊蕃茄~真係幾好食嫁...塊蕃茄~!!!反而佢杯咖啡叫好D~不過佢既環境真係幾好~入面既裝修真係係旺角少見有既心思~而且地方乾淨~張凳又坐得舒服~但係個價錢真係唔值咁既食物質素~服務亦都好好~值得一讚既~!!!

I had gone there in late March. I was satisfying my craving for Turkish/Middle Easter food and was looking for newer options when i saw this place on Open Rice.The folks serving there looked like actual Turkish guys.Ambience : Cafe types, as you would expect in a place in this range. AcceptablePrice : Standard Doner Kebab Joint price , $45-$55 range if I remember correctly.Food : Was too greasy. There was oil dripping from my kebab. I didnt realize this until it was too late and there was oil f

土耳其雞肉炒蛋做到好似滑蛋,但就超多洋蔥(近八成都係洋蔥)而雞肉碎唔超過十舊…….不過要讚既係洋蔥整到好”淋”,幾易入口。另外叫左土耳其牛肉粒卷,及轉轉烤雞肉卷。兩個卷都係落左勁多生洋蔥,唔鐘意食洋蔥既一定要叫走洋蔥,但我已經叫左走洋蔥,點知都係有勁多蔥…….雞肉卷冇乜味,d肉真係冇雞味的……..而且牛肉粒實在太硬了!因為店內抽風不良,食完走出門口,成身油煙味。總括來說,呢間店唔係唔好,只係不適合我。