Our Little Dream

咁啱要去拎淘寶，所以決定喺日日食堂食下午茶，經過littledream見到西餐幾吸引，價錢合理於是決定試吓。叫咗一個王牌腩片卡邦尼意粉、鮮奶咖啡、加咗兩份小食：煙三文魚多士同埋煙肉炒蛋。腩片卡邦尼意粉個汁非常之好味，好快就食晒。煙三文魚多士塊麵包可以烤得更香脆，煙肉炒蛋都唔錯，反而就係杯鮮奶咖啡味道唔係好啱口味。但係以份量、味道、環境， $89算係唔錯，而且呢個價錢係正價，並非餐廳下午茶嘅價錢，仍可接受。…查看更多

嚟到將軍澳嘅美食廣場，諗住簡簡單單快快脆脆食啲嘢。依間小店意粉即叫即整，叫咗個招牌嘅卡邦尼意粉，都等咗10至15分鐘。意粉有少少擺盤，份量都唔少，醬汁唔會好稀，唔會只係得白汁味，整體來講係好食！意粉價錢$50-60嚟講，真係唔錯，會推介朋友嚟食！…查看更多

第一次出食評，因為覺得好有比人呃咗咁…. 行過見到有窩夫，可以嗌意粉加$25 有甜品雪糕窩夫，就加嚟試下….點知強差人意到一個點，叫了忌廉菠菜煙肉意粉+雜菌 ($65)，意粉味道係可以，份量都足夠…..但雪糕 & 窩夫($25)都真係好差…. 份量亦好唔合理，2小件窩夫配一口都冇嘅雪糕，打開盒真係嚇咗一跳… 份量少到以為人地食完要掉咁…. 仲要味道完全唔掂，窩夫係硬到石頭咁，雪糕係d好cheap嘅奶油溝出嚟嘅味道，我寧願你比牛奶公司我食…. 呢個劣評係比雪糕窩夫的！ 真心覺得，冇心做就唔好夾硬放落Menu…. …查看更多

首次幫襯，點了皇牌煙燻腩肉卡邦尼，蕃茄汁肉醬意粉，配套餐有可樂意粉即點即煮，非常足料。2份意粉都好惹味，估唔到小店做得咁出色！女士好夠食。男士可能需要大份少少先夠飽。下次會再試其他款式意粉…查看更多

Menu有好多選擇，啱晒意粉愛好者每次食唔同既意粉。可以單嗌/套餐(有個飲品)，同加$10多兩個小食。嗌咗忌廉鮮蝦意粉套餐+小食(煙三文魚 & 多士)，因為係即嗌即煮，意粉軟硬度啱啱好，而蝦係切粒狀上，方便入口，最加分係忌廉汁，好香濃好好食，啱哂鍾意多汁意粉既人，份量方面夾返濃郁既忌廉汁食就啱啱好，而小食方面都好好食。呢餐飯總數$68，意粉黎講算幾平，就算加埋小食成個set食(前菜+意粉+飲品)都係$70內，最重要係好好食，十分高水平既食物。…查看更多

意粉係cafe 質素, 唔淋, 算彈牙, 菠菜汁幾濃, creamy, 係portion 細啲但女仔黎講係啱啱好🥰. 咖啡都係即磨, 性價比高! Overall very nice and glad to have found this place. 加油…查看更多

I rarely write reviews, but their restaurant definitely deserves a shout out. The quality of their pasta meals is not what you would’ve expected coming from a foodcourt. Meals are really well priced and one of the best foodcourt pasta I have tasted in HK. Sometimes the wait can be longer when there’s multiple orders (looks like a family owned biz working hard, and the taste deserves the wait). …查看更多