Oldish (已結業)

是日同朋友嚟tea一tea，因為都唔太餓，叫左幾樣小食同甜品開心share😋店舖好多西式舊擺設，店面細細，一長大長枱喺中間，我地下午三點幾黎到，剛好無乜人，可以霸左張枱。整體感受係環境舒適，下次會再試下main dish…查看更多

今日喺上環做完嘢，咁啱友人喺澳門落船返到上環呢邊，所以即興約佢試食呢一間café ✨我哋大約12點15去到呢間餐廳（餐廳營業時間為12點），但係去到嘅時候已經有兩枱客人享用緊佢嘅brunch🤤🤤餐廳環境非常舒適，我同友人被安排坐喺餐廳中間嘅位置上。我哋兩個打對面坐，雖然張枱嘅距離有啲長，但係坐得好舒適，傾得好開心😀餐廳亦都提供類似bar枱望街景嘅位置，位置同樣舒適，如果有下一次，我都希望可以坐到嗰啲位置上面用餐。店員亦都好貼心咁樣為我哋倒咗兩杯檸檬水，同時附上餐具。…查看更多

跟住嚟到上環”Oldish”，主要係食佢個超巨型4 cheese burger同傳說中嘅tiramisu雪糕。坊間成日都比較唔同嘅tiramisu，呢度嘅特色係用鋪滿可可粉嘅雪糕再提供熱嘅Espresso俾你自己倒落去，好有儀式感！Four cheese burger嘅芝士味濃厚，牛肉味都夠，當然價錢會比坊間burger貴少少。最後要講講呢個環境，係舊式爵士風，連啲枱都係用舊式木，幾有特色。上環，真係越來越多特色咖啡店！…查看更多

話說早兩日情人節我約咗女朋友去呢度食飯，咁大家去到嗰陣有啲誤會，所以大家就將所有野拎出黎傾，講晒雙方嘅內心感受出黎啦。但我地一d都冇大聲，係正常傾計嘅音量去溝通返，完全冇影響到人間cafe 9:30關門，我地都提早兩分鐘離開，跟住其他客人都走曬。因為我地未傾完，所以出到去再傾，就行到離間cafe起碼一個鋪位咁遠，係完全離開左間cafe範圍但傾左幾句，有店員出來搬野，見到我地仲傾緊，一陣之後，突然間由播緊好抒情浪漫歌改播啲分手失戀歌！！！第一首係《好心分手》，仲要播到成條街都聽到，真係大聲到驚死我地聽唔到🌚播完再播第二首分手歌，我地就行去第二條街。D店員洗唔洗咁黑心？自問我地完全冇影佢地所有嘅運作，好明顯見到我地唔開心，驚死我地分唔到手，係度落井下石，播埋d分手嘅歌贈興本來係播浪漫英文情歌嘅cafe，竟然播d分手歌，黑心到冇人有嘅店員，以後唔會再去，仲要野食又一般！（我地心情差到都冇影野食）利申：佢家下仲係我女朋友，冇散到，傾完後感情更加好🫶🏻…查看更多

去咗間Gwee飲完杯嘢後，心思思想食下佢哋嘅漢堡同提拉米蘇。店內嘅裝潢真係懷舊到不得了，感覺一下子回到舊時光。漢堡送上嚟嗰刻，真係賞心悅目，只不過忘記影相咗。啱啱好嘅多汁牛肉餅，加埋脆卜卜嘅芝士邊，真係哂口水💦，一啲都唔油膩。之前食過另一間嘅漢堡，都有呢個設計，但佢嘅就濕笠笠，油到滴。沙律用咗醋調，吃漢堡薯條並唔覺得負擔。至於提拉米蘇，味道正宗，唔會過甜，單係意式濃縮咖啡就已經夠晒香濃，但似乎佢哋啲甜品出得太急啦，最初兩啖仲半凍咁，要等埋啖咖啡都未夠溫暖。我俾佢放咗一陣，玩下電話，之後就啱啱好👌，如果佢伴吓溫，就真係可以俾滿分。總括，喺呢度食嘢，感覺就好似自己屋企妹妹整嘅普通家常，但係味道真係出奇唔俗！下次再嚟，我一定記住要影低提拉米蘇嘅菜單先。😄…查看更多