影片
以上資料只供參考, 請與餐廳確認詳情
重開之後第一日幫襯， 晏晝 叫咗煎鯛魚 魚飯， 感覺比以前好咗重開之後 條魚煎得香咗，不過汁就唔係好夠 ( 後來我知道原來隨時問佢可以加汁)； 有黑椒或者洋蔥汁兩款任你揀。今日例湯係忌廉湯， 純齋不過都好飲。唔敢叫咖啡奶茶因為唔知佢哋用乜嘢奶，因為好驚用植脂奶對身體健康唔係咁好。朋友叫咗 蒜蓉茄絲意粉， 蒜蓉茄子加油都幾香，不過意大利粉 嘅質素如果用高啲就更加好喇。沙律跟餐啲沙律比以前都好咗，不過只係得千島汁，如果佢哋肯用靚靚嘅純沙律醋，又 或者 extra virgin 橄欖油應該效果更好。總括嚟講重開之後水準係高咗嘅。
繼續閱讀
我哋一行五日. 正常落dinner order, 等咗半個鐘湯都冇, 其間追咗三次都話得喇得喇嚟緊. 其實就冇實際去check.到我走埋counter 去追佢嘅時候, 佢先認真去撳電腦. 先至發覺真係漏咗㗎， 又話個電腦cake住唔知啲乜嘢， 出唔到張飛， 但係我哋後面嗰三台全部啲餸嚟哂， 佢地差唔多食完添。好了，到嘢食嚟咗喇， 我又要再追啲飲品 ， 嗰陣時又發覺 D飲品又漏咗飛，咁樣嘅服務態度，都真趕客啫， 冇人想食飯食到一套氣吖嘛。
繼續閱讀
最近同朋友仔喺青衣運動場跑步，出咗一身汗之後當然想食返餐好 😝 之後就去咗泳池隔離間餐廳度開餐，由於泳池唔開嘅關係，所以都少咗客人幫襯，不過咁樣亦幾好，靜靜地舒舒服服食返餐。餐牌超級多選擇，多到唔知食咩好。蜜糖雞翼 ($45) : 蜜糖汁沾滿成隻雞翼，見到都流口水 🤤 食完咁甜蜜蜜嘅雞翼，隔離就有沙律菜可以解一解油膩嘅感覺。黑松露芝士蝦肉 Pizza ($98) : 餅底非常脆口，而且仲散發出微微嘅黑松露味，不過如果配料再多啲就更滋味。USA Premium 豬柳配著條 ($138) : 套餐可以揀飯 / 意粉/ 薯條。粗身薯條超級正 😍 豬柳煎至金黃色，口感柔嫩而且肉中無筋，以小店嚟講已經屬高水準之作，其他配菜亦鮮嫩爽脆。😋是日餐湯係香蒜粟米薯仔湯，口感綿綿蒜味濃郁。
繼續閱讀
位於青衣游泳池旁邊嘅小店，佢嘅位置真係好隱秘😂😂經過咗好多次之後先發現到佢。價錢嚟講其實偏貴，不過食物就非常高質，pasta同risotto一樣咁好食。小食嚟講我最愛薯蓉同蒜蓉包，佢嘅薯蓉綿密軟滑，蒜蓉包就烘到脆卜卜，又多蒜喺面。每次做完運動都會喺度食dinner😋😋😋
繼續閱讀
因為係葵青區居民，因為係青衣打羽毛球，因為偶而同波友打完波，一齊去tea先發現呢間隱世小店，佢就静静地，好難會留意到的放左係青衣運動場 & 青衣游泳池中間一個好唔起眼的位置，一進來樓底好高，陽光的下午感覺開揚，坐椅出奇的大及舒適，粉紅、粉藍的佈局好少女，香港已經很小能夠有足夠位置放置大檯、大椅，環境係贊的。食物水準當然份量係充足的，第一次點了豬扒飯，說老實感覺很多餐廳的牛扒已大不如前，改食豬扒有一段時間，而且這裡是厚切豬扒，無得輸架‼大大個飯食唔曬架，所以我每次都帶個盒裝小小飯走我雖然唔食炸物，但每次來都見有人點炸魚薯條，好可惜呀‼好可惜呀‼今次帶個女來食，點知佢地換左menu無左炸魚薯條食。。。失望左小小，但豬扒仍然好食還有這裡工作的姨姨們，我們真的真的要欣賞她們，大家都試過用餐被餐廳要你wait﹐甚至無視你的存在，所以她們用心款待係要讚架，不要吝嗇表揚對工作有熱誠的每一位呵‼
繼續閱讀