OK冰室

營業中

休息中

焗豬扒飯，完全唔符合商品說明條例。首先，豬扒唔可以叫做豬扒，最多叫做豬肉片，因為厚薄同火腿一樣。而且全個飯得三四塊，面積加埋唔超過一張$10紙幣。然後，焗飯炒底是常識吧。個飯冇炒過都算，飯底濕過屋企電飯煲啲飯，加一大劈味道麻麻嘅茄汁，衰過豉油碟頭飯。加上，杯熱華田好似水沖阿華田粉咁樣，有色但係冇味，我都唔知自己飲咗乜嘢，飲咗兩啖第三啖都已經飲唔落。最後，又難食又唔飽，個餐賣緊$60，一個鐘lunch time冇埋。-完-

晚上7點，入到餐廳員工視而不見，用手機落完單，等緊時有一位員工叫我去埋單，我話飯都未食，仲有3個鐘先關門，要甘早埋單？果位員工一句sorry 都冇,行左去。依間餐廳，員工好奇怪，上餐又慢，冇下次。

朋友話葵芳有間新開嘅冰室好OK佢話係非一般嘅紅豆冰同超級好飲嘅奶茶好，咁我就即管try try一踏入門口 有位戴眼鏡紫紅色頭髮嘅呀姐已經好有禮貌好好笑容咁接待我哋我朋友食過一兩次，佢都認得我朋友！呢啲真係有用心返工我哋坐低咗之後佢好耐心咁介紹食物完全感受到佢嘅熱誠 佢非常認同自己公司啲食物唔係Hea介紹嗰啲feel 呢啲真係呃唔到人經過紫紅短髮姐姐嘅介紹我哋叫咗招牌焗茄汁豬扒飯同埋咖喱雞扒飯當然唔少得我朋友瘋狂介紹嘅紅豆冰同奶茶啦！由於太餓同傾偈傾得太無我嘅緣故我竟然唔記得影相！啲嘢食份量真係超多！我會用巨嚟形容我好肚餓，都只係食到一大半！姐姐見到我地食剩好誠懇咁問我哋係唔係啲嘢係咪有啲咩要改善？係咪唔啱食？我哋話唔係呀，純粹係份量太多食唔晒🤣姐姐話不如幫我哋打包仲教我哋點樣翻熱會好食啲今時今日咁嘅服務態度 真係要讚！後來問其他同事 得知原來佢係店長呢個店長很OK！希望佢老細見到呢篇食評 加佢人工！

最近，我有機會造訪 OK 冰室，抱著期待的心情想品嚐他們的雞髀，但結果卻讓我感到失望。首先，食物的味道實在不盡人意，無論是雞髀還是奄列、西多、薯條，口感都顯得相當平淡，缺乏應有的風味。這讓我懷疑廚房是否真的用心去準備每一道菜。更糟的是，食物的溫度問題。當我點的餐點端上桌時，竟然是冷的！這不僅影響了食物的口感，也讓整個用餐體驗變得相當不愉快。無論是熱食還是冷食，食物應該在適當的溫度下享用，才能讓人感受到裡面的風味與質感。總的來說，OK 冰室的食物讓我感到非常失望，既難以下嚥又冷冰冰的，實在難以推薦給其他食客。希望他們能夠改善食物的質素，以提升顧客的用餐體驗。

第一次經過看到新開章，餐廳坐位還算足夠，見到多人食咖喱，所以就點一個咖哩牛根牛肋條飯，好味，咖哩味濃，等不久就有位，位置方便，服務很好，可以用手機點餐或者人手點餐