289
38
18
開飯介紹
菜式多元化、走巴黎小酒館風格的法式連鎖店，以傳統法國菜食譜為基礎，創作一系列融入亞洲風味的家庭式法國料理。
繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
有關餐廳
有關獎賞計劃
食家推介
今日嚟到這間法式連鎖餐廳，走巴黎小酒館風格，菜式多元化，提供多款家庭式法國料理點了晚市雙人套餐，有餐湯、頭盤、主菜和甜品另外餐廳今期做緊優惠，惠顧套餐分別可以85折和8折享用生蠔和葡萄酒🦪生蠔 - 雖然不算肥美，但勝在新鮮，加少少醋汁來提升鮮味🥂氣泡酒，白葡萄酒 - 產地法國嘅氣泡酒，好易入口，酒量唔好可選擇呢杯💫晚市雙人套餐 $538是日精選餐湯🍴忌廉蘑菇湯 - 香濃綿滑，濃稠度恰好，另跟了一片酸種麵包，沾不沾湯都咁好味！頭盤 (3選1)🍴一口燒豬腩 - 豬皮燒到脆卜卜，腩肉入口軟嫩，一口size啱啱好，沾少少跟配嘅煙燻芥末醬會更好味！主菜 (5選2)🍴澳洲肉眼牛扒 (+$30) - 點了7成熟但肉質依然嫩滑，牛味香濃，加上黑松露紅酒醬汁更加係絕配！🍴軟殼蟹意大利飯 - 飯底夠creamy，口感軟腍中帶點煙韌，而軟殼蟹配上蘆筍和龍蝦醬汁，味道非常之夾！甜品 (3選1)🍴花生朱古力可麗餅 - Crêpe上加了花生醬、朱古力醬、花生粒和焦糖雪糕，不會太甜，必點餐後甜品！
繼續閱讀
我最近在荃灣的海之戀商場發現了一間令人驚喜的餐廳，名為「Odelice！」。這裡的食物出色，環境舒適，未試過的一定要來這裡一試！點了他們的半隻龍蝦炒蛋$265。龍蝦的鮮嫩肉質和炒蛋的綿密口感相互輝映，再加上牛油果莎莎和荷爾醬汁的點綴，為這道菜增添了一層層豐富的口感。我還可以將每一口龍蝦肉沾上香烤麵包，一流的享受！煎封吞拿魚薄片$75。這道菜的味道清新而簡單，但卻令人回味無窮。吞拿魚的薄片經過煎封處理，保持了魚肉的鮮嫩，搭配上一些微妙的調味料，口感十分順滑。最後來一客香蕉船可麗餅$95。這道可麗餅真的是令人驚艷！它們將香蕉、朱古力醬和焦糖醬巧妙地搭配在一起，再加上一球雲呢拿雪糕和士多啤梨雪糕，最後再點綴上一些花生碎，香蕉的甜味和朱古力的濃郁完美融合，一切都放在香脆的的可麗餅上。Odelice! (海之戀商場) (荃灣)荃灣大河道100號海之戀商場1樓1002號舖25202660#Odelice #食評 #香蕉船可麗餅 #龍蝦炒蛋 #煎封吞拿魚薄片 #美食愛好者 #荃灣 #海之戀商場 #FoodieDelights#香港美食#香港探店#香港旅遊攻略#香港旅遊好去處
繼續閱讀
今晚約朋友去荃灣O'Delice試下法國菜🍽️，店內燈光頗有情調，裝修亦有格調，部分店員都操英語，有點在外國食晚餐的感覺。 我們點了二人晚餐，價錢都算合理。南瓜湯🥣幾有水準，味道濃郁，配上麵包更好味，絕對不是一般餐廳的例湯。點二人套餐加生蠔和白酒就可享八五折優惠，我當然要試試，生蠔🦪雖然不是很大隻，但好新鮮，淡淡的海水味，加點附上的醋汁，鮮味十分，頗有口感。一邊食生蠔，一邊飲白酒🥂，真是幾享受。煎封吞拿魚🐟薄片，比生的惹味，肉質軟滑香口，雖然說是薄片，其實有一定的厚度，配上醬汁食味不錯。軟殼蟹意大利飯🍛，有一大隻軟殼蟹🦀，炸得幾酥脆，龍蝦醬汁做得不錯，入口香軟美味，但和我之前食過的意大利飯有點不同，這個飯粒偏軟，但都是好味的。海鮮墨汁意粉🍝，聞上去挺香的，青口和蜆的份量十足，幾乎蓋過整碟意粉，青口和蜆都新鮮，意粉亦煙韌彈牙，不過食到個嘴唇烏黑黑的，很搞笑。法式蛋白霜檸檬撻🍰，都幾大件，微甜帶酸，多吃也不覺膩，幾好。
繼續閱讀
Odelice 海之戀商場分店， 佈置時尚優雅，充滿歐陸風情， 主打精緻法國菜式， 設有戶外露台用餐區，戶外用餐區更富情調， 可以享受美食時， 亦可以 欣賞到汀九橋漂亮海景，十分舒適寫意。法式小館雙人套餐 $758忌廉蘑菇餐湯，熱燙濃稠， 口感creamy， 啖啖蘑菇的香甜及奶香。 溫泉蛋露筍沙律， 爽甜美味，滋味的開端。頭盤：主廚拼盤 ，十分豐富有▪煙三文魚▪雞蛋沙律▪燒茄子▪炸黑松露菇菌▪巴馬火腿 ▪酸種麵包 ▪鱈魚醬煙三文魚，鮮味滑溜， 淡淡煙燻香氣， 別有一番風味。 燒茄子好軟嫩。 巴馬風乾火腿， 油花均勻， 肉質柔軟， 味道細緻 ， 火腿的甘香充滿味蕾 ， 最適合送酒。炸黑松露菇菌， 熱燙香口， 外脆內軟， 淡淡黑松露幽香，讓人喜歡。主菜：脆皮燒腩肉香草粟米蓉蕃茄橄欖莎莎厚切的脆皮豬腩， 一層瘦肉一層肥肉相間， 最好食就在豬皮， 豬皮燒到脆口鬆化， 大口咬下，發出「吱嚓」聲， 滑嫩的脂肪配上彈牙的瘦肉， 沾上蕃茄橄欖莎莎， 增添惹味亦可減肥膩的感覺， 送啤酒一流， 跟配的香草粟米蓉， 又香又滑，十分綿糯。馬賽龍蝦海鮮鍋：升級至整隻龍蝦另加$80海鮮鍋龍蝦鍋， 是海鮮的盛宴， 放滿肥美的青口、 原隻嘅龍蝦、 大蜆、盲曹魚、 彈牙的小八爪魚，每款都是我喜愛的， 誘人金黃色的龍蝦， 鮮味彈牙，連同蝦膏一同食， 滋味滿分。盲鰽魚魚皮煎至微微焦脆， 香氣十足，雪白的魚肉，鮮嫩滑溜。青口、 大蜆， 肉質挺身 ，鮮甜嫩滑。甜品 ：芒果提拉米蘇 提拉米蘇表面鋪滿幼滑嘅忌廉， 加上新鮮芒果粒點綴， 賣相吸引， 中間仲夾滿香甜的芒果粒，口感輕盈，空氣感十足， 甜度適中 ，香甜誘人。氣泡酒、 甜白葡萄酒來自法國法國布根地氣泡酒、波爾多甜白葡萄酒，散發著淡淡的清新酒香， 甜甜地 ，容易入口， 好適合女士飲用。
繼續閱讀
又係出糧日子，同朋友食餐好，朋友揀咗海之戀嘅一間西餐廳，西鐵站一出口就係啦，入到去環境都好寬敞，座位舒適，餐牌上面前菜主菜同埋甜品一應俱全，見到佢啲二入套餐其實都好抵，不過就想識吓唔同嘅嘢，所以就散叫，同朋友分別嗌咗幾樣嘢食。法國生牛肉他他有3塊牛油多士配埋一齊食。味道上麵包帶着少許牛油鹹香，同時麵包亦都烘得表面香脆可口，外酥內軟。牛肉方面份量都好充足飽滿，牛肉唔會話有過多嘅調味，可以食到牛肉嘅真味，肉質細嫩，食落去有少少顆粒感，同時嚼勁彈牙，肉汁豐富。香煎三文魚香煎三文魚除咗有三文魚扒之外，仲有薯蓉、燒茴香、以及調味嘅蕃茄醬。份量嚟講都幾大碟。三文魚外皮煎得香脆可口，肉質鮮嫩多汁，仲有入口即化嘅口感。調味亦都十分到位，少少咸但又唔會搶走三文魚扒嘅鮮甜味。加上蕃茄醬，微略酸甜嘅味道亦成功為味道嘅層次更上一層。燒茴香就比較爽口，味道就同洋蔥差唔多。薯蓉方面牛油味香，唔會話打到好滑身，保留小小嘅顆粒感，有時仲可以咬到粒粒薯仔，我自己幾鍾意依種口感，非常之飽肚。慢燉羊膝羊膝方面，餐廳已經拆晒肉，唔使自己切，非常之方便，份量亦都好足。一上枱已經聞到羊嘅香味，中年骨相近㗎，睇得出佢哋對食物嘅認真。口感同味道方面，羊肉炆到非常之腍，加上羊肉醬汁，並唔會覺得有太大羊羶味，反而味道鮮美，肉味香濃，加上有蒜頭嘅烹調過變得更加香口。呢碟菜亦都有加入焗薯仔，飽肚之餘亦都令口感唔會單一。佢亦都有啲薯仔粉團，十分之軟糯煙韌，好夠正宗。火焰橙酒可麗餅嘅尺寸覆蓋成個碟。除咗可麗餅本身，仲有一球雲呢拿雪糕同幾舊橙。上菜後侍應會用火點燃橙酒，令佢着火，再淋起甜品上面，冰火二重奏，視覺嗅覺味覺大滿足。雲呢拿雪糕口感順滑清新，橙酒糖漿相反就比較甜。可麗餅薄身之下，口感煙韌，和配上嘅醬汁同雲呢拿雪糕十分夾，作為點綴嘅橙，口感鮮甜多汁。粉調馬天尼以伏特加、紅莓香甜酒、以及菠蘿汁製成。因為加入咗菠蘿汁，所以口感帶少許酸甜。雖然話就話加咗伏特加，但相信只係好少份量，成杯酒口感順滑甘醇，唔會好嗆。整體來講係一杯非常容易入口、柔軟嘅酒。另一杯熱帶風就熱情果，芒果同埋羅勒。十分之足料飲落去亦都有熱情果嘅顆粒感。唔會話係死甜，而且十分之夠凍，熱辣辣飲十分消暑。
繼續閱讀