O Tea

營業中

休息中

星期日，人唔多，十二點落左個焗豬扒飯，寫住12:16取餐，12:20去問一次，佢check都唔check(人唔多，佢冇乜野做）話等等先未出，前面有個先生叫牛河又係漏單，心諗伏伏地，到12:30，另一個先生拎個焗豬扒飯返黎，話佢叫左焗肉醬意粉，咁大家知咩事啦，然後我都未出聲，入面個兩個員工互相鬧起交上黎，咁我係咪要等你地鬧完交先黎整過俾我食？結果等左半個鐘我決定退錢算數，講真，呢半個鐘裡面又漏單，又出錯餐，做錯野又唔識handle，零員工培訓，今時今日香港飲食界搞成咁，真係多得呢d老鼠屎唔少。

昨天剛再食豬扒飯，已跟第一次嘅完全不一樣，走晒樣，好記得第一次食有好多蕃茄，發個第二次已經少啲，直至到琴日再次食已經完全不一樣，沒有新鮮蕃茄同芝士醬，相信呢次係最後一次食，唔會再期望去食。仲差過其他快餐店。

原本外賣都唔打算有乜服務，但今日經歷令我對呢間餐廳有另一番觀感。話說今日響度用手機叫外買，收到email通知話食物已經包裝好，咁咪諗住過去攞啦。過到去，嗰cashier 叫我去櫃檯攞，點知過到去唔見有，咪打算問下個男職員，點知個男職員只悔氣講一向「未得！」。我咁咪好聲好氣同個男職員講話email話包裝好啦噃。點知個男職員突然變得好唔開心，並大聲呼喝我一聲「要攞過嗰邊攞！」, 並指返住收銀處嗰邊。佢嘅態度同聲量令其他人都聽到，並令作為客人嘅我十分尷尬與無奈。我只係想知道個外賣點姐，唔使比你鬧呱。我唔同意顧客大曬，但服務員同顧客應該要互相尊重！經過今次體驗，如果冇乜特別需要我都唔會再幫襯。我有身體力行支持本地店舖，但原來啲人北上真係有原因嘅！

【O Tea 茶記】以港式茶餐廳食品為主打，我哋品嚐了頭抽乾炒牛河和星洲炒米，感受吓傳統港式美食的風味。❤️頭抽乾炒牛河頭抽乾炒牛河是一道經典的港式炒粉，牛肉切片薄而均勻，快炒至熟，保持了肉質的鮮嫩。特別的是，使用的頭抽醬油讓整道菜增添了濃郁的香氣和豐富的味道。河粉的口感滑順，吸收了醬汁的精華，每一口都令人滿足。🧡星洲炒米接下來是星洲炒米，獨特的咖哩風味。米粉炒至金黃色，與豐富的配料相互交融。咖哩的香氣四溢，辣味適中，讓人感受到熱帶風情，十分開胃。

原來不是一間茶餐廳，只係food court入面嘅檔，午餐時段只供應是日午餐，不供應常餐，常餐三點後供應。點餐付款後9分鐘出餐，正常速度，午餐楊州炒飯材料包括好硬嘅米飯，火腿粒，三色豆即係粟米，青豆，紅蘿蔔，叉燒粒，細蝦仁，蛋粒。$68包括餐飲熱奶茶，味道不過不失，冇味精唔太鹹，份量正常食完覺得飽肚，牙骹腮骨好攰，因為飯好硬，overall唔好食😓 5 out of 10，會俾多次機會，下次三點試吓個茶餐。

食物選擇類型多樣化，有點茶餐廳的味道，地道風味滿滿的店子有午餐系列、常餐、東南亞美食同一啲特色嘅小食🔸蜜糖豬排飯 $72簡單味道，香濃蜜，配以多汁豬扒，整個感覺很棒和香氣撲鼻的！🔸炸雲吞 $38地道式料理，脆口滿滿，鮮蝦炸雲吞 脆身美味，酥脆帶汁，好吃，不油膩！ 脆炸中亦有鮮味，又足料。非常的高質小吃🔸泰式酸辣鳳爪 $38濃郁的味道，香口中帶泰式甜香呢款多多之地方，食物款式選擇多，環境很好，舒服感滿滿

今日同同事嚟咗southside商場嘅food court 食午飯，呢個food court開咗大概四五個月，今次先係第一次嚟試，環境唔錯，靚裝修，座位舒服。 我哋揀咗試呢間食港式茶餐廳食物嘅O Tea。叫咗兩款食物share食。鮮茄焗豬扒$72賣相好吸引，熱辣辣，出晒煙，一層金黃色的焗芝士鋪在上面，相當誘人。鮮茄醬汁香濃，港式茶餐廳的味道。蕃茄新鮮，豬扒已經切開一塊塊，冇骨，食起上來很方便，肉質幾腍。豬扒大概有八至九件，份量好足，但係炒底，醬汁裏面有洋蔥及蘑菇片，食起來很香。白汁海鮮焗飯78賣相同樣吸引，香噴噴嘅芝士拉晒絲，厚厚的一層，口感很煙靭，非常邪惡。白汁很多，每啖飯都有足夠嘅醬汁，海鮮有蝦仁，青口同埋墨魚仔。蝦仁尚算大隻，青口估唔到質素唔錯，有鮮味。其他配料有洋蔥，青椒以及雞髀菇，很足料，吃起來很滿足。每個飯還包括一杯熱飲，熱奶茶幾香滑，熱檸茶嘅檸檬唔會苦澀。我哋三個女仔，兩個焗飯已經足夠share，食到好飽，呢個價錢好抵食，質素亦不差。

今天來到黃竹坑 THE SOUTHSIDE 的美食廣場，選擇了港式茶餐廳 O TEA。中午時分，人流眾多，員工告知只有一位廚師，因此等候時間稍長。與朋友點了兩份午餐。是日午餐 - 滑蛋蝦仁飯配熱咖啡 $72滑蛋蝦仁飯是一道經典的中式家常菜，蝦仁鮮甜且分量充足。蛋炒得滑嫩，與鮮美的蝦仁相得益彰，口感十分美味！南亞風味午餐 - 泰式菠蘿炒飯配熱檸檬水 $78這道充滿異國風味的炒飯材料豐富，包括菠蘿、雞肉、洋蔥、紅黃椒、雞蛋、提子乾、烘焙腰果及肉鬆。炒飯粒粒分明，香氣四溢，顏色均勻。配料中的青瓜非常新鮮，整體口感令人滿意，有在泰國吃的風味！

優惠下午茶不嬲都係港人最愛，兩三個人share幾個茶餐食飽啲當晚餐都仲得。黃竹坑The Southside新food court 港式茶記O Tea提供多款下午茶餐，大份又抵食鮮茄焗豬扒飯 $58 飯粒飽滿圓潤，粒粒分明，蕃茄醬酸酸甜甜好鮮味，連埋芝士、洋蔥一齊焗好開胃，當然唔少得鬆化多汁嘅豬扒流心芝士西多士 $48西多士厚身炸得金黃，用花生醬同芝士做餡，淋上牛油同煉奶好香甜。奶油多 $38厚身多士炸得香脆，奶油份量夠多滿足甜品胃

而家黃竹坑終於都有嘢食喇，全新美食聚薈Oasis Food Social接近一萬平方尺空間🍜 多元化美食選擇，亞洲風味、地中海佳餚，定西式經典，🌍🍣 每一道菜都經過精心設計✨👨‍🍳金不換肉碎雞肉炒飯 🍚🐔鮮嫩雞肉配炒飯，口感層次分明， 雞肉微辣，開胃海南雞喇沙 🍜🐔🌶️嫩滑雞肉、香濃椰漿湯底，加入粗麵，風味獨特白汁焗海鮮飯 🦐🦑白汁焗制海鮮飯，味道濃郁，口感滑順，有魷魚、 龍脷柳、洋蔥O Tea📍香葉道11號THE SOUTHSIDE 3樓302號舖Oasis Food Social

今日去咗黃竹坑工作，午餐時段跟同事去了地鐵站附近Southside 商場，頂層oasis food social 入面有多間食肆，搵到一間專賣茶餐廳特色食物。頭抽乾炒牛河推介之選。炒得幾乾爽，每條河粉分明，不會太過油膩。牛肉大大塊，肉質軟熟。。有大量配菜，芽菜，洋蔥，青蔥….增添口感。楊州炒飯各式各樣配料，使色澤和諧，討好。飯粒軟硬適中，炒得香潤乾爽，具有炒飯特有的米香。各種午市套餐包飲品一杯，價錢合理。

去到Southside都有價廉物美的美食廣場,這裏的裝修優雅簡約,使人很舒適。鮮茄焗豬扒飯,豬扒肉質嫩滑,肉是醃製過的把肉汁鎖上了很好吃,鮮茄醬汁更是有蕃茄的鮮甜味,芝士都味道濃郁,可以做到拉絲效果,炒飯底炒得乾身,整體味道不錯。海鮮喇沙,上枱時香氣撲鼻,顏色鮮豔,好用色香味全來形容,海鮮有蝦、青口、魷魚,每樣的味道也可以,魚蛋及魚片很爽,麵質地軟熟可口,湯底超級濃厚,配一啖湯底配一啖麵,也是可以的。熱檸茶,茶底香濃,檸檬沒有苦澀味。熱咖啡是意想不到的順滑,味道香濃。味道: 可以一試環境: 舒適衛生: 整潔服務: 尚可價錢: 經濟實惠

我同朋友去咗Oasis Food Social Food Court，試咗O Tea嘅午餐，之後再去海洋公園😍白汁海鮮焗飯 $78一上枱就聞到濃郁嘅白汁香氣，飯面鋪滿咗芝士，烤得金黃。海鮮料足，蝦肉同青口新鮮，墨魚彈牙，配埋香濃白汁，一啖接一啖。黑椒牛柳絲炒意粉 $72牛柳炒得嫩滑，黑椒香氣撲鼻。意粉炒得剛剛好，唔會過硬，炒得入味，充滿黑椒嘅辛香，同牛柳嘅肉香完美結合。我哋點咗凍檸檬茶同檸檬水，清新解膩，啱啱好中和炒意粉嘅濃郁味道。

黃竹坑新商場開咗幾個月，多咗好多唔同種類嘅食肆可以選擇，但價錢一般都較為貴。最近3樓開咗oasis food social, 好似food court咁，有唔同嘅櫃枱賣唔同嘢食，有雞蛋仔甜品、重慶辣嘢、日本嘢、茶餐廳嘢食等。今日行過試咗其中一間叫O Tea, 賣嘅係茶餐廳嘢食，不過價錢就比一般茶餐廳貴。今次叫咗蔥油雞扒撈丁同埋瑞士雞翼沙律，仲有熱奶茶。雖然貴過茶餐廳，但味道就好一般，唔夠街坊茶餐廳好食。瑞士雞翼剩係得個鹹味，無瑞士汁嘅甜味，好失望。蔥油雞扒嘅蔥油亦唔夠茶餐廳嘅香。至於奶茶，就當然唔夠茶餐廳嘅好飲，但帶少少苦味。原本兩個餐夾埋要$120，但係我即時download咗佢哋個apps, 有張$20 coupon可以即時用，最後$90埋單。嘢食方面，呢個價錢真係麻麻，但係環境就值得一讚，地方闊落，又有太陽光喺窗口射入嚟，夠晒光猛。相信如果唔係繁忙時間，坐喺度慢慢食個餐都幾自在，算係加番啲分😆