November (京瑞廣場) (已結業)

最近天氣真係好熱，行街行到出晒汗，經過見到呢間粉綠色嘅November飲品店好似幾靚，又見到唔少人排隊，就行去排埋一份🤣🤣🤣🍡鮮奶抹茶 HK$28 抹茶好香濃，而且奶味都好出！即刻紓解左因夏天所帶來嘅熱氣，即刻透心涼！飲落去唔會飲到有多餘嘅綠茶粉，溶解得真係啱啱好！🍡黑糖珍珠鮮奶 HK$29 今次我專登無叫到少甜，但係估唔到佢嘅甜度又真係唔算太甜喎！好啱我哋呢啲唔係咁鍾意太甜嘅人！珍珠好淋身，質地有啲似食緊啫喱軟糖🤣🤣黑糖味都好出，成杯鮮奶好好飲！

食飯之前口渴想飲杯嘢，路過見到呢間Tiffany Blue嘅舖頭就幫襯兩杯飲品，飲品選擇都幾多，最後還是選了重型黑糖珍珠鮮奶（ $38 ），鮮奶和黑糖味混着甜度剛好，珍珠QQ彈牙，仲有涼粉添！而且都真係幾大杯呢！記得攪勻飲呀！點完餐先見到佢寫住仲可以加兩款配料，不過我覺得咁樣都好夠！另一 杯叫November Oreo （$38），凍朱古力加上Oreo碎，好味呀！喜歡Oreo嘅朋友一定喜歡！朱古力味道夠濃，甜度也足夠，再加埋Oreo 碎有啲嘢咬下，口感更佳！而且佢仲有珍珠喺裏面，雙重口味，好驚喜呀！呢度個姐姐仲好好服務呢！比飲管、仲幫我收埋垃圾，見微知著值得一讚。

聽聞呢間手搖飲品嘅士多啤梨好好飲，你到嘅時候見到其實士多啤梨都有好多選擇，但係見到有個名叫做光華，個名好似好靚，就揀咗佢啦。 士多啤梨光環 $40。真係有個光環喺頂喎，原來意思係將一塊一個圈嘅菠蘿放喺最頂，如果呢本野可以有cream然後上面再放菠蘿咪再更似光環？ 凍濃滑厚抹茶 $25 +珍珠 $5。點左一個粉紅色，諗住但係影相靚啲所以揀咗另一個綠色，呢個就冇菠蘿嘅，但係就點左珍珠，變相有一粒粒黑色喺底部作點綴，好味又好飲！

呢日陪表姐整完換領智能身份證之後，表姐話要請我試下呢間茶飲店既出品佢話呢間係佢既新寵兒，最近係石門呢頭食完飯都會幫趁下佢大讚呢度既出品用料好足又新鮮，重點係店主都好注重健康，所以佢地既出品都唔會過甜聽完佢咁講，我對我所揀既“白桃鮮茶”HKd$40都好有期望我呢個係L size，附送一款配料我要左口感爽彈既水晶珠，飲落既有茶香又有粒粒桃肉，正好消暑又解渴表姐話佢最愛呢度既奶類飲品，呢日佢就要左一杯“士多啤梨莓莓奶奶”HKd$40試左一啖，真係好好飲！香滑得黎唔太甜，仲有雜莓既微酸，所以飲落好清新下次再黎要試下呢度奶蓋先得

返大學之前同朋友買杯嘢，唔知係咪上次冇見到，終於睇到咖啡意外仲有水果茶可以揀椰香咖啡 mix 仙草凍 (4.5)原本望到上面嘅奶蓋以為會好肥膩，後來攪勻左之後感覺都仲OK。可以飲到最尾、而且仙草凍都唔係奇怪，係夾嘅。呢個係當店員察覺咗我朋友有選擇困難症之後，出口嘅提議😂😂小麥草奇異果茶🥝 mix 椰果 - $35 (4.5)我估可能係我先會覺得好覺得好飲😂😂 但飲完感覺真係幾健康 refresh 椰果Q彈又有口感～ 奇異果朝啲籽，令我信係真奇異果打出嚟嘅果汁🧃

🍴白桃鮮茶 HKD 40又係見到店員整既時候已經期待值🆙🆙因為見到係用成4嚿桃blend出黎🍑飲既時候當然食到有啖啖果肉啦😚而且仲有啲西柚絲 令成杯野飲酸酸甜甜咁 好fresh阿💨亦因為本身生果甜味已經好夠 所以茶底都好清 徹 唔會覺得係飲緊糖水😛🍴抹茶沙冰 HKD 35先講沙冰 💩好驚有啲會blend得太水 但今次冇事😂係blend 得岩岩好 smooth得黎keep得返碎冰應有既質感🧊(仲有得咬下🥶)味道方面 綠茶味好濃郁🍃帶有少少茶澀味 同時亦飲得到奶既甜味🍵同樣唔會過甜～而且呢個價錢大大杯都幾抵飲😂

☘︎︎ ☘︎︎ 重型黑糖珍珠鮮奶 $𝟛𝟠➪ 老實說，黑糖珍珠鮮奶周街也是，更有很多台灣過江龍前來香港開店！需要做得出色，紅茶、鮮奶、珍珠、黑糖每一元素都要做得好才能夠突圍而出！這杯黑糖珍珠鮮奶，我也幾鐘意❤️珍珠Q彈，而且喝起來是非常濃厚順滑的鮮奶☺️加上嫩滑口感的仙草，整體感覺不錯👍😌而且確實是很大杯呢😙比起台灣過江龍也不會輸蝕😺👐︎︎ ︎︎☘︎︎ ☘︎︎ 雪糕咖啡☕️ $𝟛𝟝 👍➪ 𝐶𝑜𝑓𝑓𝑒𝑒 𝐴𝑓𝑓𝑜𝑔𝑎𝑡𝑜 義大利語意指『淹沒』，據說這杯甜品飲料起源是有人不小心將espresso到在冰淇淋上的隨性發明！🙈當缺乏精神時，我都會選擇飲無糖咖啡！（有奶/無奶）而今次吃完燒肉大餐後，卻忽然又有咖啡癮發作，而且見到雪糕可消暑，沒有猶豫就點了這杯雪糕咖啡☕️☺️義大利Espresso濃縮咖啡加上一球雲呢拿味雪糕🍦，在苦澀的濃縮咖啡下，卻也嚐到了冰涼的甜，而且感覺上雪糕也變了咖啡味🤣這杯雪糕咖啡仲有添加了咖啡味冰沙🥰太能消暑了😙要encore !! 或者試吓自己係屋企整又得😆得咗！▼・ᴥ・▼

定時都要去石門做針炙，最近介紹了同事一齊去，唔單止有順風車坐，車途上有傾有講，有人陪伴的感覺的確很不同….針炙後還請車主飲返杯飲品消暑添!京瑞廣場食肆雲集，在一期發現這間台式飲品小店，它一身蘋果綠，是我最喜歡的顏色，所以很吸我睛，哈! 店子小小，但整齊企理，牆上掛了一幅幅飲品的大相片，近收銀處就擺放了幾盆綠色小盆栽，給人的舒適的感覺。看看餐牌，共有六個系列，包括Low Caffeine、Matcha Menu、Chocolate Menu、Tea Menu、Raw Sugar、Coffee Menu和Fruit Menu，而部分飲品仲可配不同的Topping。店子雖小，但選擇唔少。**********************我和朋友都看中Fruit Menu，我點了一杯凍熱情Orange Ice Fresh Tea with Passion Fruit & Orange ($35)，大大杯，仲用料十足，滿滿的熱情果之餘，還加了兩大片新鮮的香橙，好滿足!啜一口，冰涼透心，味道酸酸甜甜，甜度岩好，開胃神醒，的確是夏日之選。最喜歡是邊喝邊咬熱情果籽，卜卜聲好過癮，唔止咁簡單，仲有不少熱量低的

飲過返尋味，今次帶同吃貨姨㽒仔，很明顯他不會看餐牌，就是四處看店內的招牌推介及海報，幸好November 貼心，可以看圖點餐，那就看那個相片拍得較為吸引了！他這位小朋友揀選了 November Oreo，而我就點了看起來很有份量的重型黑糖珍珠鮮奶。 重型黑糖珍珠鮮奶 $38，加奶蓋 $6。其實兩杯都很有份量，都是重型飲品。黑糖夠多夠味，珍珠數量也不少，有大大杯鮮奶混入黑糖，真好味！奶蓋跟鮮奶當然不同，厚些，質感是豐盈些，我錯了，於晚飯前喝了這一大杯，晚飯就吃不下了。 November Oreo $38，加奶蓋 $6。我問小子：「好味嗎？」他：「好味！」我：「如何好味？」他：「上面有朱古力碎，脆脆的。」我：「有無朱古力味㗎？」他：「有呀！好好味」問極他也不知道是怎樣的味道😂 ，自己拿來一試，對！就是Oreo朱古力奶的味道，當然那個碎碎是畫龍點睛，一併渴下去就是口感豐富的感覺。這小子跟我一樣都吃不下晚飯了。😂

上完summer class 又去石門間November 買嘢飲，飲品選擇多而且真材實料，今次就揀咗重型黑糖珍珠鮮奶及芒果奶凍。😍重型黑糖珍珠奶茶入面嘅珍珠超多超大粒，每一粒都新鮮好QQ，而且鮮奶比例豐富，黑糖味好出，絕對必點！😋芒果奶凍甜度適中，內有芒果、鮮奶、椰奶、西米，各樣材料比例都平均。😋如果下次大家去開石門想買杯嘢飲，絕對建議去November，次次去到都有人幫襯緊！👍

Weekend最鍾意到石門搵食，食完lunch經過November即刻俾佢成間舖Tiffany blue嘅顏色吸引住，決定試一試士多啤梨莓莓奶奶 $40好濃郁嘅士多啤梨味，店主加左少少士多啤梨乾，飲落去有粒粒感。加上係用新鮮水果再加明治奶整，飲落去好香滑，加埋士多啤梨同雜果香，酸酸甜甜咁好適合夏天飲！炭培烏龍加奶蓋 $29同其他飲開嘅奶蓋有少少唔同，係終於有間唔會係超級厚同傑身嘅奶蓋。尼間嘅奶蓋係淡淡嘅芝士加奶味，口感唔會太厚身，飲耐少少佢會同個茶底mix埋一齊變成一杯奶茶咁，有雙重享受，值得一試成杯都係粉紅色真係忍唔住影多幾張相先飲😂

今日又過嚟沙田-石門附近踩單車啦🚴‍♀️🚴雖然天氣又熱又曬 🥵🥵但係都冇阻我哋踩單車嘅熱愛 踩到3點鐘左右到石門京瑞廣場休息下，想買返杯冰沙消消暑先 😚😚 呢間裝修得少女風格 非常吸引女士們眼睛👀 買翻杯打卡 影相📸️做背景都幾靚芒果冰沙 小妹最愛水果之一 可以選擇多一款配料 ，我揀咗奶蓋 芒果 🥭 依家當造 好新鮮 果肉夠甜 😋😋 冰沙打到軟綿綿 唔會有一粒粒 入口即溶爽呀 ~~~白桃鮮茶 配料 我哋選擇咗一球雲呢拿雪糕 呢款會有一粒粒白桃粒 增加口感 ！！茶味 唔會蓋過水果嘅味道，飲落非常清新 ~~

工作地點屬於石門, 每天出外 lunch 後同事極力推介 "November" 台式手調飲品店, 睇住Menu有多種系列選擇, 急不及待我與同事選了兩款不同系列的 飲品1. 士多啤梨光環 🍓🍍追求健康嘅我首選生果系列， 士多啤梨含有花青素菠蘿含有 維他命C, 足料士多啤梨加菠蘿用果汁機打碎，飲品外觀澤紅色，配上椰果， 每啖口感酸酸 甜甜，椰果煙煙靭靭 ，層次豐富，光環代表冰凍菠蘿，配搭非常吸睛，炎炎夏日， 非常醒神。2. 榛子咖啡咖啡魅力吸引，不苦不澀加入細膩榛子香， 咖啡和榛子混合一起 ， 帶出迷人啖啖幼滑香味， 不可思議的口感。

週末同屋企人去石門食飯，咁岩行經呢間台式飲品，門面係Tiffany blue完全滿足少女心，好似幾吸引咁，就一於試下🍹重型黑糖珍珠鮮奶($38)對珍珠情有獨鐘的我黎講，有珍珠就一定會揀，而呢間個珍珠真心整得唔錯，夠咬口同時又唔會過硬，鮮奶應該係用左明治鮮奶，奶味好濃好好飲入面除左珍珠之外仲有仙草，仙草分量都幾多下，珍珠+仙草口感perfect，飲完全杯奶之後仲有唔少仙草同珍珠未食曬，絕對足料！黑糖揀左少甜，所以掛杯嘅黑糖比正常分量少，但呢個甜度對我黎講岩岩好，呢杯我絕對會encore！🍧芒果沙冰($38)芒果沙冰雖然冇得揀甜度，但甜度依然適中，沙冰打得好碎，唔會飲得出明顯冰粒，底層加左椰果，增加左咬口，夏天飲一流！題話，翻屋企途中同屋企人去藥房買左d日用品，比錢嘅時候比店員哥哥叫住左，問我手上嘅芒果沙冰係邊買，佢覺得好吸引都想買杯黎飲😂真係好fun事實證明顏值真係好重要，而呢杯芒果沙冰嘅顏值絕對係滿分💯

係石門既京瑞廣場，見到2樓有間粉色系既鋪吸引左我既視線～ 原來係飲品店 ～ 仲係少鹽少糖食店，咁好似幾岩小朋友同開始注重健康飲食既我飲～夏日炎炎，所以就買返杯野飲俾小朋友飲啦！士多啤梨奶奶俾小朋友飲～我就飲薑汁鮮奶茶加配雲尼拿雪糕。士多啤梨奶奶內裏仲有啲士多啤梨果乾粒粒，有啲溶左係士多啤梨奶中間就軟軟既、有啲係表面未溶既就脆脆地，整杯飲品都好有口感！好味道～我小朋友飲到唔停口😆我就飲薑汁鮮奶茶加配雲尼拿雪糕。薑汁鮮奶茶既薑味都幾易入口，茶香中帶啲東南亞風味既感覺，雲尼拿雪糕配夾埋薑汁鮮奶茶味道上都幾配合～雪糕仲令到薑汁鮮奶茶有多一重幼滑 creamy既口感。呢個係我鍾意既味道🥰雪糕分量都算大份仲好似有幾多飲品種類選擇喎～！呢到係其中一頁