No.88

在馬頭圍道附近覓食，偶然發現新開嘅台灣菜小店。滷肉飯開張特價＄28，用料一d都唔馬虎。有珍珠米+滷水蛋+青菜+滷肉(勁高質)一口氣食曬成碗，都唔覺得膩，調味啱啱好！結論係超級推薦, 會再嚟試其他菜式。p.s. 芋圓好韌 (希望店家會改良一下)…查看更多

琴晚同朋友喺No.88 (紅磡)試勻台式美食，真係大滿足！😋📍🍚 鮑魚仔滷肉飯滷肉香噴噴，鮑魚仔增添口感，好夾！🐚🍍 香醋菠蘿豬軟骨飯甜酸平衡，豬軟骨燜到超入味，食完都想舔碗底！🍽️🥬 白灼娃娃菜 簡單但清甜，好開胃！👌🐙 特級花枝丸（4粒）彈牙花枝鮮甜，咬落juicy，正！🌭 墨魚香腸（1條）香濃墨魚味，煙煙韌韌🥓 台灣香腸（2條） 微甜多汁，好正宗！👍🍤 滋味蝦卷（2條）外脆內鮮，蝦肉扎實，好涮嘴！🤩千層紅豆拉餅（4片）層次分明，紅豆餡香甜不膩，好有驚喜！🎂柚子蜜（凍）清甜消暑，柚子果肉微酸超refreshing！💛薏米水（熱）香濃暖身，飲落好舒服！☕仙草小芋圓仙草滑溜，芋圓煙靭，完美收結呢餐！💜🏷️ No.88 (紅磡) 📍 紅磡馬頭圍道88號地下C號舖…查看更多

五一假期，當然要留港消費☺️今日到紅磡附近睇傢私，見到一間門面唔係好大但就比台灣魯肉飯相吸引左😍店舖唔算大，應該係二公婆自己用心經營店，好有善服務態度，值得推薦🤩點二款套餐清燉牛腱刀削麵🍜配料都好多，🤩牛腱筋燉非常入味，夠林筋位有咬口，豆腐卜，白蘿白吸收濃濃牛骨湯，刀削麵夠寬夠彈👍配一杯冰凍薏米水，解渴，清涼，正😄鮑魚存滷肉飯🍛鮑魚仔細細粒，但口感都幾好，滷肉真係巨好食，一點都唔會油膩，而且唔會好甜，因為台灣嘅滷肉飯係非常之甜，有滷水香，滷蛋吸收滷汁入晒味😋一大碗飯，朋友都食到干干淨淨.朋友話食到底都唔會見到油沉澱，好滿意下😜配一杯冰凍冬瓜水，甜甜地，夠冰又解渴😄佢地小食都好經濟，都係12起，我地都中意食菜之人，所以都點一碟菜心，一碟蛙蛙菜，一碟生煎鍋貼🥟雖然白灼，但應該加左佢地自己做醬油，白灼菜都變咁好味，一口餃子，應覺有啲似日式，煎到二邊到金黃色，好味😋…查看更多

紅磡谷友介紹新開張台式小店，見順路今晚就過黎試下。店門口都幾黑唔太顯眼，好在有熟路街坊帶路😆小店約十幾個位，入到去有客食緊，餐點望落唔錯喎。⭐秘製豬頸肉飯朋友點左豬頸肉飯，即叫即煎，煎得外面焦香，肉質肥美香口，一碗份量都幾多👍⭐香醋菠蘿豬軟骨飯自己點左豬軟骨飲，用黑醋汁炆的，炆得相當軟腍，軟骨位都唔使點用力咬㗎，入口酸酸甜甜幾特別，仲有一圈菠蘿，即刻個賣相靚晒。⭐麻辣珍珠餃麻辣汁正！珍珠餃一口一隻，嬌小可愛😆⭐生煎鍋貼鍋貼煎得香脆，有附上辣醬的，但個人較喜愛上邊個麻辣汁，哈哈，一齊點唔好晒。⭐千層胡椒拉餅 & ⭐千層紅豆拉餅仲叫左拉餅，朋友想食鹹，自己就想食甜，咁叫晒兩塊啦😆前得香脆，油酥感十足。⭐薏米水 & ⭐夏枯草小店有健康飲品揀，薏米水好濃味仲勁多薏米。是日涼茶係夏枯草，微甜啱口味。叫左好多野食得好飽，味道唔錯價錢親民，小店加油💪…查看更多

近排成日去土瓜灣食野，中意戈一區嘅餐廳大部分都可以用經濟實惠嘅價錢就食到好多野食。系家庭式經營，老闆娘態度十分友善😊🐷 台灣香腸 $18食台灣菜最中意食台灣腸，鹹香十足，用黎送飯一流。🥟 麻辣珍珠餃 $22珍珠餃呢個名好過癮🤭麻辣味道少似上海紅油抄手，刺激味蕾🔥裡面肉餡結實，吾會太碎。🐷 鮑魚仔滷肉飯 $62鮑魚仔充滿嚼勁，滷肉飯豬肉口感軟稔，白飯亦吸收肉汁，使得整體味道入味。🐮 蕃茄牛肋條飯 $68竟然系台式餐廳食到牛肋條😳牛肋條口感軟稔，牛味香濃，有新鮮蕃茄使得牛肋條酸甜開胃🍅🫘 千層紅豆拉餅 $28幾得意嘅甜品，拉餅其實好似平時酒樓食嘅薄餅🍕薄脆裡面系紅豆蓉，又未至於太甜。🍠 仙草小芋圓 $20呢個價錢會吾會抵得太過份🤯有紫薯圓💜地瓜圓🧡兩種都好煙韌，仲有大量涼粉，夏天食夠曬透心涼🖤…查看更多