NN Coffee

🤭🤭今日同朋友去咗間日式Cafe打咭，真係有驚喜！ 杯Americano☕️唔錯喎，飲落好香濃又唔會好苦，啱啱好提神。All Day Breakfast份量夠晒豐富，我最鍾意佢個份量唔算太多！啱啱好關東煮🍢本身覺得麻麻哋，點知一食愛上，個湯清甜，蘿蔔煮到淋淋哋，仲有啲魚蛋同蒟蒻，好有日本便利店嘅感覺～ 不過全場MVP一定係個富士山梳打！一上台即刻打卡！味道唔算太甜。。下午茶嚟講very good🫶🏻🫶🏻🫶🏻整體成個感覺唔錯，職員都好有禮貌！同埋星期六都唔係好洗點等位今次試唔到其他甜品，下次一定要再嚟！…查看更多

去西貢食嘅唔單止食海鮮，仲有好多coffee shop去選擇，可以優休閒閒去食個lunch，如經朋友介紹我去咗一間cafe, 佢哋嘅簡約裝修已經令人好舒服，一入到去已經有員工，已經問我有咩幫到我，雖然全場爆滿，但係佢哋嘅態度令我好舒服，我好鍾意飲佢哋嘅飲品，所以叫咗兩杯一杯係綠茶奶，一杯係Americano👍🏻如果杯綠茶奶係有好濃郁嘅綠茶唔係淡茂茂嗰啲。而食物方便，好鍾意食佢哋嘅牛肋條同埋明太子雞翼，牛肋條醬汁濃味送飯一流，加上個牛肋條炆得好淋😌明太子雞翼個皮脆卜卜一咬落去啲肉汁全部流晒出嚟！下次我一定試埋其他嘢食先。…查看更多

難得入西貢抖氣，專登搵咗呢間巷仔盡頭嘅「NN Coffee」——白色木系裝修，得十零個位，坐低都焗住搭枱，但望住街外啲樹同埋枱面盞小乾花，個mood即刻慢落嚟。星期六下晝兩點嚟，好彩撞啱人龍散咗，等5分鐘就有位！🐟 巨大鰻魚玉子丼 ($128)個「巨大」真係冇呃人！條鰻魚足足成隻手掌咁長，鋪到成個碗見唔到飯。魚皮燒到脆卜卜，咬落去肥膏位「吱」出魚油香，肉質厚身唔霉，重點係啲蒲燒醬唔會死甜，撈埋半熟玉子碎同珍珠飯，每一啖都掛汁！抵讚係飯量夠多，男仔食都夠飽，$128喺西貢海鮮街呢頭算係良心價～🦞 龍蝦蛋班尼迪 ($138)呢個賣相精緻到唔捨得切開！底層係烘脆嘅酸種包，疊住大嚿龍蝦肉（唔係碎肉！），面頭兩隻水波蛋搖吓搖吓咁。一刀篤落去，啲蛋汁同荷蘭醬撞埋龍蝦肉——鮮甜彈牙得嚟帶微酸，食落好light，同鰻魚飯嘅濃味完美平衡。旁邊沙律菜仲落咗柚子醋，解膩加分。…查看更多

天朗氣清嘅西貢一日遊😊我哋午餐嚟到呢間小店： NN coffee店有兩層，我哋坐咗喺地下一層望出窗邊，感覺寫意😊店員推介有兩個新出飲品：Chocolate matcha 及 Coconut matcha炎炎夏日，呢兩杯飲品都非常適合☀️Coconut matcha 椰水及抹茶分開上😊正正首先喝一口椰子水嘅清甜好舒暢，再加入抹茶，濃郁茶香湧現😊杯邊細心的加上碎椰絲，增加椰肉香及粒粒口感Chocolate matcha賣相很有層次，抹茶濃郁，鮮奶幼滑，朱古力味道香濃😊攪拌後入口感覺很融合食物方面，磯煮鮑魚切薄片加上醬汁，入口咀嚼感覺滿足，鮑味突出蕎麥麵配合切得細細嘅新鮮蔥花、Wasabi、酸薑及蘿蔔，以及冰涼嘅醬油麵湯，非常美味，夏日之選黑松露和牛熱香餅漢堡配搭新穎，也非常配合😊黑松露及和牛漢堡扒味道非常夾，黑松露及牛香也很突出😊熱香餅鬆軟，配合埋黑松露和牛一齊食，有甜甜鹹鹹嘅滋味😊旁邊也配有脆薯格，外脆內軟，好好食😊總括來講，nn coffee嘅食物質素好好，飲品也用心製作😊另外，呢個都係同朋友坐低傾偈嘅好地方😊推介！…查看更多

每次放假我都好鍾意去西貢 但係假期嘅西貢 差唔多全部餐廳都要排隊 咁啱比我哋見到呢間兩層高嘅cafe唔使排 環境好chill好舒服 早餐時段除咗平時cafe嘢食之外仲有烏冬揀 價錢都非常合理 一去就encore咗3次🍱 All Day Breakfast $98 (早餐時段 09:00-11:30)👅👅👅👅👅/5 超級豐富嘅All Day 入面有玉子、秀珍菇、紫薯、雞扒、可樂餅、芝士年糕、日式豚肉腸、熱香餅雞排好入味又唔乾 熱香餅配埋其他配料 鹹鹹甜甜咁好好食🍜日式咖喱天婦羅牛肋條手打烏冬 $68 (早餐時段 09:00-11:30)👅👅👅👅/5咖喱烏冬濃得嚟又唔會太鹹 牛肋條夠腍又keep到個咬口跟餐仲有兩隻天婦羅蝦 不過不失唔會太油☕ 豆腐鮮奶咖啡 $56 (早餐跟餐減$10)👅👅👅👅/5出面比較少見呢個配搭 又出奇地夾喎!!豆腐飲落口感好順滑 咖啡味濃之餘又有淡淡嘅豆腐香氣🥤富士山雪糕梳打 $56 (早餐跟餐減$10)👅👅👅👅//5藍色嘅梳打汽水加上雲尼拿雪糕 好似一個迷你嘅富士山咁唔會太甜 打卡一流 值得一試✅加一服務: ❤️❤️❤️/5環境: ❤️❤️❤️❤️❤️/5性價比: ❤️❤️❤️❤️/5推薦度: ❤️❤️❤️❤️❤️/5…查看更多