Next Station

營業中

休息中

其實知道呢一間嘢開咗一段時間，不過其實咁耐以嚟都未嚟過今日有朋友一場嚟到元朗國就一齊去食下呢一間嘢！我朋友就大讚呢一間嘅mint chocolate smoothie好飲，我對薄荷朱古力冇乜特別，所以我冇叫。唔係好多地方會有焙茶嘅飲品所以我就叫咗個焙茶latte，好味！連佢哋個嘢食都唔錯，黑松露長通粉，粉煮得啱啱好唔會太爛，仲好有咬口！朋友嗰個係花姐193意粉🙈🙈我都會再推薦其他朋友呢一間嘢度食～

見1x0個like, 相信一定係好餐廳，回覆訂枱快...準時到餐廳...踏入餐廳1步其實想縮沙...結果被油煙薰咗>1小時30分鐘，比韓燒更濃...食物ok但等足約45分鐘先上第一樣...小食...雞翼...等多約10分鐘再上帶子意粉，濃味好食嘅...再等約20分鐘上all day breakfast，賣相幾好，同樣走少塩路線...飲品少甜健康路線...返屋企須要由頭沖洗x次，所有衫褲褸手袋都要洗...去1次便夠了...

有溫度的小店 =）難得出街食飯，都會選擇支持小店！Next station是好好的選擇❤️ 冬陰功牛意粉夠特別 ～ 咖啡是必須的!再加一份雞翼，好滿足的晚餐!靜靜的過了一個we time ~~

呢一間西餐廳算係我飯堂之一🥹🥹只要我一諗起想食意粉就會第一時間嚟呢度🥰🥰因為呢度嘅意粉真係相當有水準😘😘😘不過未必咁多人知道呢度有一間咁好味嘅西餐廳🥹🥹因為佢都算係一個隱蔽嘅地方😅😅未必有人知道🫣🫣但係佢哋嘅食物真係非常值得推介質素相當高水準佢哋個元朗國黑松露惹菌蘑菇意粉係好味到不得了味道相當濃郁而且有一大Pat黑松露醬第二款我最鍾意食嘅就係佢哋當花姐遇193明太子意粉你真係見到佢哋條條意粉都佈滿明太子🤭🤭🤭所以相當入味🥰🥰🥰每次嚟我都心大心細有幾個意粉都想食…都唔知食邊個好所以咁好嘅餐廳真係值得推介

返到元朗國，覺得好肚餓，下晝2:30，都有兩台客，地方細細，啱晒我。 - 港女最愛牛油果碎蛋沙律沙多士 $65我呢個港女，梗係食港女最愛牛油果碎蛋沙律多士，多士好脆，碎蛋上邊有好多胡椒，牛油果係我最愛，啱晒我。- 開心果smoothie $55以為開心果通常都冇乜味，估唔到呢個smoothie嘅開心果味好濃又好香，裏面好似有舊雪糕咁，我覺得好好味。長腿姐姐，同佢男朋友（或者老公），所有食物都兩個親自監製，即時炮製。兩位招呼都十分好，又好Sweet Sweet 🥰。 下次試吓signature嘅意粉先

真係好佩服可以諗到咁多唔同嘅名做menu🤣創意滿分！💯-💫+852黑松露野菌什菇意粉一上到嚟就見到有一大堆黑松露醬😍意粉軟硬適中🫶🏻 勁creamy勁多汁😽🍄嘅份量我覺得啱啱好～ 唔會話食食下就冇晒或者太多😌出面食意粉可能都要百幾😭 但呢度料足而且價錢抵！cp值超高🥹-💫Hojicha latte插住支元朗國嘅飲筒so cute🤣呢款奶味比較重🤔 唔係話太飲到培茶嘅感覺😢但我鍾意茶味重嘅latte 所以呢個就因人而異啦🙈飲落去係smooth 嘅唔會好澀～-一嚟到直入唔使排隊～位置闊落坐得舒服😆 而且有廣東歌邊食邊聽🎶-整體評價：3.9🌟

游完水去食個early dinner6點鬆 無乜客人岩我天氣熱辣辣 冷氣夠凍 坐低叫左明太子同卡邦尼意粉 出色！叫左薯條 炸得外脆內軟 自家黑松露醬 出色！牛油果多士唔錯 叫左雞翼 焗到漲卜卜 皮微微脆 松軟入味會再encore

上次見人地食個bagel 已好吸引，今次自己食入口試下先😝世一豬籠動L 炒蛋具果 $80bagel 好鬆軟唔會死實實唔韌，啱我胃口👍炒蛋好滑，亦唔會生得過份👍 蛋面灑上黑椒同香茜好香好味👍 成塊厚切豬柳以為會好韌好鞋啦🤔 估唔到咁厚都好易就切得開，仲要唔鞋架😍 拆開食每樣都好味，合埋食都一樣咁好味，仲又層次咗😋 實在太足料啦食一個都飽晒😝Pineapple Soda $38杯底有一粒粒菠蘿粒入口有菠蘿soda味之餘仲有口感👍

朗屏站下面嘅一間玩味有格嘅小店😋 環境舒適，店員有禮貌😊 餐牌菜式名改得好盞鬼😝 例如：葉繼歡雞翼🤣當花姐遇上193之明太子意粉🤣港女最愛牛油果碎蛋沙律多士🤣凱婷的全日早餐 $115煙肉香脆，炒蛋好滑好香黑松露味😋花型煙三文魚視覺上都開心咗🥰Dirty $40好濃嘅咖啡，有少少回甘👍 慢慢欣賞住啡同奶慢慢走埋一齊變出嘅花紋🥰

經過好多好多次都無留意食乜，想去試嘅時候又坐滿人，當我一次下午茶試過後就愛上了！🩷確實係一家用心煮食的小店，雖舖面小，但東西美味！一直想尋找元朗好吃的貝果，終於找到了這家了！之前試過招聘滑蛋豬扒貝果（佢改左個好特別嘅名，但唔記得咗🤭）滑蛋超滑，豬扒煎得剛好多汁，貝果煙韌；也試過精美全日早餐，全部食物一位廚師負責新鮮即製，食好西要有耐性喔！😉今次試蟹肉滑蛋貝果，我的小情人吃了個冬蔭功蝦意粉，咖啡好味👍（而家我已經飲唔到茶餐廳沖嘅咖啡🥴）老實說整體價錢不算便宜，但必定份量十足同好味！開心滿足！

+852黑松露野菌雜菇意粉（$95）忌廉醬汁超濃郁但恰到好處，唔會好膩，而且掛哂落啲意粉度；意粉好el dente，口感十足；黑松露醬加埋不同菇菌作點綴。當花姐遇上193之明太子意粉（$115）明太子醬汁都十分出色，咸香味足，同樣掛哂落啲意粉度；兩大片煙三文魚捲成花狀，賣相不錯。凍朱古力（$40）個人覺得奶味偏重，朱古力味唔多。熱莫卡（$45）呢杯啱我口味，咖啡、朱古力、奶平衡到，唔錯。PS：只收現金及payme。PPS：因為得一位廚師，請耐心等待美食。

我地比環境佈置吸引，所以book位去食，小店入面空間唔大嘅，但坐得舒服，店員服務態度幾好，臨走前仲問我地拎唔拎半個西瓜返去😂最後無拎😂都講聲多謝先👉🏼 當花姐遇上193之明太子意粉 $115意粉硬度適中，汁嘅濃稠度都OK, 黏得住啲意粉，仲用咗三文魚拼出玫瑰花，賣相相當好，啱晒年輕人影相～正所謂相機食先嘛🤣🤣👉🏼 +852黑松露野菌什菇長通粉 $95我諗黑松露愛好者會好鍾意食，因為佢落左好多黑松露，野菌鮮甜爽口，長通粉唔硬亦唔淋👍🏼👉🏼 DIRTY $40好濃嘅咖啡，有少少回甘，唔錯！👉🏼 HOJICHA LATTE $50心心拉花幾靚，係一個小驚喜呀😆呢款latte我第一次飲，焙茶味濃，好飲嘅！

🚆入境元朗國，揀間近朗屏鐵路站嘅cafe 醫飽個肚仔先😳呢間小店第一次驚喜🈵️🈵️餐牌上嘅菜單名稱非常有創意—「當花姐遇上193之明太子意粉」、「瀨屎蝦丸」、「葉繼歡雞翼」😂… 「扮cupcup 冬陰功大蝦意粉」（🎉呢款意粉太好食屋企人清咗，相都影唔切😅下次介紹返）睇到個Menu都好興奮🤭不過唔太理解背後嘅創作靈感😙..價錢嚟講：中上🔼🍝麻麻地好食國王蒜香帶子意粉 💰$115因為我見到「麻麻地好食」就激發左我嘅好奇心🤭想睇吓係咪真係唔好食？一上枱，有種令我食慾大開嘅感覺，帶子份量大方，有6-7嚿，表面微微炙燒，保留到帶子鮮味☺️意粉蒜香味非常濃郁！醬汁好掛麵💯自己一個食都會有啲膩😳意粉質地偏硬，貼近傳統意大利麵質感，個人對呢間小店嘅意粉相當滿意🫰🏻💜cafe 氛圍舒適，服務態度優質🩷🥑港女最愛牛油果碎蛋沙律多士💰$62聽聞呢款係顧客力推嘅多士款式，我自己就覺得普普通通，鍾意牛油果🥑熟成度高，質感腍身，分量豐富，至於多士可以烘耐少少🤏碎蛋沙律不過不失，如果牛油果上邊加反啲黑椒碎，會更加吸引到我🥰☕️ Ice Cappuccino 💰$40凍飲嘅飲筒上，會加返一個標籤「HongKonger」唔使講

放假想搵間Cafe chill下， OpenRice搵到呢一間，評價都十分唔錯，特別有人稱讚佢嘅黑松露意粉好味，所以一於去試吓2人叫咗抹茶Latte + Black Coffee，嘢飲一如其他人的評價，冇乜特別，中規中矩。個人好鍾意食牛油果，所以叫咗佢個牛油果蛋沙律多士，好足料，同埋個多士係熱，係可以encore🫶🏻 (好味：4/5🌟)到重點黑松露意粉，見得到廚師好用心整，黑松露都落好多，但係好可惜個意粉係偏酸，感覺有啲奇怪，意粉硬度嚟講，個人覺得可以軟多少少。整體係有啲失望，可能唔啱我口味。。 (好味：3/5🌟)目前為止，黑松露意粉嘅排名都係土瓜灣嗰間，我最鍾意。元朗都有唔少Cafe，如果呢個水準，試一次就已經足夠

剛巧遇著一人，而一人晚餐最好就是找一間坐得比較舒服同時又要避開晚餐時候人多嘅時段，所以最好就在五、六點到場😂 已經聽過好多關於尼間餐廳嘅好評，所以搵到時機就即刻去試😆 剛好遇上一個人晚餐的時機😊 一進餐廳正如我所想，可以先揀一個最舒適嘅座位😊然後就點個當花姐遇上193之明太子意粉再加杯檸檬梳打，等左冇幾耐，嘢食就到啦，個煙三文魚造出一朵玫瑰花，勁靚，而意粉味道亦都啱哂我口味，意粉硬度好適中😊 超滿意😂 一人晚餐必選餐廳