NAK Kafe

當日去本身諗住食黑松露蝦多士 但賣晒食唔到 轉咗食卡邦尼意粉 點知就中伏 個意粉好難食 個汁勁水 唔知仲以為食緊湯麵 啲麵又斷哂 碎濕濕咁 完全唔合格 亦絕對唔值呢個價錢雖然坐室外風景唔錯 但一定冇下次…查看更多

〚 ☕️ 大澳景觀打卡都一流嘅Café 〛每次去大澳都會俾啲小食吸引咗，雖然今次都係有買啲茶粿返去，但係男朋友心血來潮話想搵Café坐低休息吓，於是就近揀咗呢一間Café，可以話地理位置同景觀都係一流。‣ Truffle Prawn Toast $100佢嘅蝦多士應該係最出名，個個都拎嚟打卡。咬落去嘅時候熱辣辣，而且個蝦肉都好厚，除咗我嫌佢感覺油膩咗少少之外，其實都算唔錯，做到外脆內軟，咬落去啖啖肉，側邊啲芝麻突顯到成份蝦多士嘅香。所謂嘅黑松露味，又唔算好突出，不過呢個價錢值唔值得食就真係見仁見智。‣ Madagascan Vanilla Ice cream $45本身諗緊究竟馬達加斯加嘅雲呢拿雪糕會唔會零舍特別，結果其實係唔會，味道同其他gelato雪糕都差唔多。但係平心而論個雪糕球係幾好食，冰感唔會話好強，我鍾意佢綿密軟滑嘅感覺。啲雲呢拿味都好濃郁，食得出有香草籽嘅味道，而唔係單純嘅雲呢拿精油。…查看更多

環境唔錯，食物非常一般，服務差。cafe喺大澳橋入口右手邊，店面唔大，環境唔錯，幾骨子，鄰近聖誕，門口有靚靚聖誕樹裝飾。星期日唔算多人，一來就可以入座。一開始坐嘅位置同隔離枱距離較近，我地將枱搬開少少，老闆話隔離係廁所，要留返條路俾人去廁所，我地搬返張枱。跟住見到隔離枱有人走，我地轉枱，老闆都好快幫我地抹枱，不過語氣比較串，可能見我地搬來搬去，有啲唔耐煩。我地嗌咗蝦餅同all day breakfast，蝦餅厚肉，但幾多油，all day breakfast 麵包烘得好脆，牛油味都好香，但係蘑菇略鹹同燶。總括而言，試一次就夠曬數，如果為咗個景可以一試，如果為食物同服務就不必啦，同樣價錢，去掃街仲好，大澳小食檔嘅老闆更加有人情味。…查看更多

A must visit while in Tai O Situated just on the edge of the iconic bridge which links the two sides of Tai O The food is all made A la minute, we try the All Day Breakfast, Truffle Prawn Toast and the Daily Cake (Maple Syrup Cake) Absolutely delicious and great value for money the portions was generous and used high quality ingredient They are also fully licensed so you can have a cheeky Cocktail or Beer, the drinks trolley is stacked with so gems.Perfect location to sit back and chill They are also Pet Friendly…查看更多

之前每次来大澳，都只是过而不入，今日来想入去坐坐叹杯咖啡，叫了杯普通black，加奶！坐了半个钟，走时结帐，40蚊的咖啡居然收50！一问：原来奶要收十蚊！我以为听错，十蚊哦！一啖奶 居然收十蚊！我饮咖啡冇数，black with milk, 还真冇见过coffee shop 一啖奶要收钱，仲係要收十蚊！哈 唔紧要，虾一次，唔会再有下次！以后都唔入咯… 所以要小心呀，black 加奶 奶係extra charge 呀🥲🥲…查看更多