MUSES

今個年度算是最後一次出差到金鐘啦，第一天同朋友食晏時收到風，原來香港大會堂有間快餐形式的西餐廳叫做MUSES，第二天食晏便向同組兩位同事推薦去大會堂食午餐！小妹三人行，大概12:45到達餐廳，已經發現好多人幫襯啦，因為餐廳係快餐形式的，因此座位係先到先得嘅，率先搵到三個人嘅座位後，便望望餐牌👀，小妹估計係全日menu，主食+$15配餐飲，再+$12有餐湯或沙律或蒜蓉包！主食款式選擇多元化，單價最高的都只是$80😳，漢堡、喇沙、咖哩、叉燒、全日早餐、意粉及飯類不等，重要開放式廚房，餐點均即叫即做❣️🍝 明太子忌廉意大利麵·蒜蓉法包 $72🍝 拿破崙意大利麵·蒜蓉法包 $70🍝 卡邦尼扁意粉·蒜蓉法包 $70➕$12 加配日式粟米湯▫️意粉淋身煙韌，超掛汁，份量啱啱好🫶🏻▫️咁啱喼幾款意粉都跟蒜蓉法包🥖，唔使另外加錢㗎超抵食，仲要焗得香脆兼大件🤤▫️日式粟米湯香甜及配粒粒粟米🌽好味道😋😋食飽後在大會堂中散步兼探索，一樓有個展覽會場係有關余寄撫老師的書法展，可以欣賞書法作品，提升小妹三人文化水平😎，同一層仲有另一間西餐廳是《Bistrocity坊中館子》，睇過門口餐牌後便即時決定做隔天的午飯地點😊…查看更多

今日我哋4大3小搵飯食原本諗住去上面美心飲茶，但係要等勁多張枱然後去樓下bistro city同muses睇，兩間都係得兩三枱客… 擔心有伏，但係又唔想再等位…兩間餐廳比較下，muses啲嘢啱食又好坐，諗住試吓～我哋嗌咗個叉燒飯俾小朋友s食待應收銀同廚房… 總之餐廳入面所有人都係勁Nice!!!我哋帶住三個小朋友其實係有d手忙腳亂但係所有店員們都勁細心，又幫我拍枱，又問我哋隻蛋比小朋友食使唔使煎熟d，又幫我哋將啲叉燒切碎啲，又比竹餐具比小朋友我哋走咗，跌咗條巾仔都唔知，有個店員追出嚟俾返我哋，仲提我哋係跌咗落地下所以小心污糟我想講以上所有提醒同埋心思都係唔同嘅店員比嘅，所以點解我話餐廳入面所有人都勁Nice🥹食物方面，我個明太子意粉係好好食～ 跟餐嘅蒜香包都好香好好味！叉燒嘅蜜汁味好香～另外見到burger餐嘅包都係好飽滿其實最驚喜係杯奶茶，因為成間嘢好似好西式，點知杯奶茶係港式兼且係勁香濃嗰隻，仲要好大杯，我估應該有平時茶餐廳嗰d熱飲嘅2杯？感謝店員們嘅善意🫶🏻…查看更多

今晚約咗朋友睇管弦樂團表演🎶🎵🎹🎻🎺🎷🎫本身想喺附近嘅food court度食飯，可惜原來星期日晚係冇開嘅🤯但係行到嚟大會堂附近要喺40分鐘內入場之前食飯既選擇唔係好多好彩行上幾級樓梯有呢一間餐廳可能好多觀眾都好似我哋咁比較趕時間所以餐廳都好多人，預咗好大機會要搭枱～不過好彩佢落單到出餐嘅時間好短蜜汁叉燒蛋飯 $70.00日式咖哩和牛漢堡扒煎蛋飯 $78.00+Iced Lemon Tea （x2) $30.002個人 Total $178 ~兩個飯個蛋都煎得好靚份量適中，咖喱係日式咖喱唔會太辣～叉燒就略嫌比較硬，而且蔥油都只係偏油冇咩香味 相比之下日式咖喱飯吸引好多☺️…查看更多

食物質素普普通通，純粹賣個位置。最搞笑是堂食都只有紙質餐具。澆頭蓋飯，堆在一個紙盒上，再給簡陋紙刀叉，看到已經沒嗮胃口。切塊牛扒用盡陰力。賣這個價錢，只能祝店家生意興隆了。…查看更多

中環區本身唔會特別過嚟，一般都係工作先會經過，今日有活動喺附近，諗唔到食咩就食呢間。裝修係西餐廳格調，但其實係canteen，西式canteen，餐牌都唔算貴，中環黎講叫抵，當然對比旺角深水埗嗰啲就無得比。款式望個名都感覺正路，唔會點伏，見到有個沙嗲安格斯西冷牛肉飯，就order左。呢度餐具同碗碟都係即棄，雖然係咁但依然有清潔姐姐執枱。濃郁沙嗲醬鋪滿晒成碟飯，最岩我重口味，食飯最驚係唔夠汁撈呀！沙嗲係東南亞味道，有花生粒，好香而牛肉本身以為一大塊扒，原來係切開一舊舊，牛肉味濃，有咬口(都有啲筋)，至少值回票價，唔會俾茶記牛肉片算數~下次喺中環食飯嫌周圍太貴，可以過去大會堂呢個canteen速戰速決，不過lunch hour有定心理準備好多人，未必搵到位坐。…查看更多