Mr.O

營業中

休息中

我哋第一次在這間餐廳食午餐是兩星期前，見到餐牌食物價錢合理、環境裝飾布置好有田園feel,好快決定要入坐食嘢🤣果然先可以坐到像鳥籠的卡坐，很美觀又有兩個咕臣，坐得好舒適。看到餐牌內的食物種類都算多，就點了一個意粉一個pizza兩杯咖啡。食物味道相當不錯，侍應服務態度亦非常有禮。享用完一頓午餐去買單價錢亦非常之合理。今日又去到呢間餐廳午餐，同樣是點咗一個Pizza一個意粉兩杯咖啡今次仲點咗一個窩夫甜品好滿足、好滿意😋

Lunch一行三人去佐長沙灣廣場三樓搵食，見到Mr. O唔使等位可以直接入，就決定食呢間👍🏻店內環境唔錯，啲裝修幾特別，有啲座位設計得好靚，好啱少女們打卡放鬆下👍🏻我地叫佐一個乾炒香辣龍蝦意粉、和牛煙肉蘑菇漢堡配薯條同埋美國頂級肉眼 12oz 配薯條😚😚落佐單之後都等佐一陣先開始上湯，個湯係香橙甘荀湯，不過略嫌唔夠熱，如果再熱少少會好啲！一開頭就咁睇以為係南瓜湯，飲落去有橙味先知唔係😂之後上佐飲品，兩杯蜜桃伯爵紅茶，一杯檸檬冰桔梳打，兩杯都淡淡地幾好飲，又唔會特別太甜！再過多陣就上埋意粉，意粉味道係ok既,  但真係少得可憐😥一個女仔都完全唔魚食，如果份量可以加多少少就好啦😥另外個和牛漢堡賣相好靚，食落都唔錯既👍🏻然後個肉扒...我地叫左五成熟，但都好硬好難切得開，味道又麻麻，真係覺得200幾蚊唔太抵食，下次都係食下佢個薄餅算，睇落都幾大份幾好食咁！

四個人晚餐食左pizza 、意粉、ribs、沙律 、四杯野飲、四個湯 、魷魚鬚、生蠔 每人都係百五蚊 埋單果下見到真係o左咀。食西餐食咁多野 每人都係百五蚊 超平 重點係好好食😱😱😱咁既價錢食到咁樣既質素真係要上黎打食評 話比人知 我最鍾意係佢既 蟹肉牛油果沙律 真係好清新 甜甜地 好好食 😋然後係佢地既手工pizza 脆皮薄皮 唔洗掉左塊皮 🤣🤣啖啖料 好味😋一定會再去 因為真係好抵食😍😍😍😍好食之餘 仲坐得好舒服 讚👍🏻

長沙灣廣場番新後，有好多新的食店，今日去左一間新開好靚的打卡café Mr.O餐廳有三個唔同主題(櫻花雪山、薰衣草園、楓葉)的鳥籠俾人打卡，記得早d訂定位啦!餐廳老闆曾經去過紐西蘭食過一隻好新鮮嘅生蠔，自此就愛上了，之後就去不同國家食生蠔，餐廳不同既角落擺設都會代表了一些國家，大家又不訪睇下你去過邊個地方啦!🔹菠菜洋蔥忌廉焗生蠔 (跟餐+$70)餐廳主打生蠔，生蠔飽滿，鮮甜美味，蒜蓉包香脆，生蠔夾墊蒜蓉包一齊食，好正！另外叫左一個Lunch set，有湯有野飲。🔹餐湯南瓜忌廉湯好香濃，口感好幼滑飽肚。🔹菠蘿雞胸漢堡配薯條 $98賣相好靚! 漢堡有菠蘿，雞胸，番茄，生菜。最鍾意有菠蘿的漢堡，咬落多汁又香甜。用上雞胸好健康，入口嫩滑! 番茄，生菜好新鮮，配菜有新鮮沙律茶，配埋香脆炸薯條，好惹味!🔹飲品Latte 入口順滑，拉左個靚靚的花!

長沙灣廣場有間新既西餐廳旁邊有啲啱幾好氣氛既位置啱晒女仔去打卡成間都唔少野 有生蠔同拉麵黑松露忌廉溫泉蛋意粉意粉煮到啱啱好黑松露忌廉汁就好濃溝埋啲流心蛋液整體味道濃郁有層次唔會好單調焗三文魚扒配忌廉薯蓉蔬菜成盤野既擺盤好靚 有造型感三文魚扒煎到啱啱好 肉質會嫩滑有魚油滲出來薯蓉整到個質地滑 有忌廉嗰種奶香菜就細細份 焗到啱啱好 食到菜嘅甜味煙肉芝士焗生蠔生蠔本身屬於淡味用咗煙肉同芝士偏鹹嘅去焗鹹鹹地去夾返個生蠔好惹味時令生蠔兩隻生蠔都有分別清淡同鹹味可以由淡味開始食

長沙灣廣場有家新開的西餐廳 佈置挺適合打卡的旁邊有適合打卡的花園感 昏暗燈光效果感得舒服黑松露忌廉溫泉蛋意大利粉Black Truffle Cream Sauce Spaghetti with Onsen-Egg黑松露的香味濃烈配忌廉奶香兩者配合去烹調意大利粉沾上濃厚的醬溫泉蛋的半熟成能夠融合在意粉內增加滑溜溜的口感本來就很喜歡流心蛋帶來的蛋香有點黑松露的加持 味道上有豐富感意粉的質地也掛汁 所以每口都有味煎紐西蘭三文魚跟忌廉薯蓉蔬菜配柚子蜜糖芥末醬Grill New-Zealand Salmon Steak with Mushed Potato Daily vegetables and Yuzu Honey Mustard田園風的擺盤 蔬菜有造型呈現色彩斑斕三文魚鮮嫩肉質 魚油散發 天然味道許多蔬菜帶出自身味道 爽脆清甜旁邊有自家製的忌廉薯蓉奶香混合細滑薯蓉 味道細膩煙肉芝士焗生蠔Oyster Kilpatrick蠔肉用煙肉芝士去焗烤整體會略帶芝士鹹味 也有煙燻香細小蠔肉也有蠔味 飽滿度高時令生蠔Fresh Oyster新鮮生蠔 配少許檸檬汁增加鮮味滑溜溜質感 蠔肉很鮮 口感很舒服在

最近長沙灣廣場3樓開咗一間以金屬鳥籠同埋花朵主題嘅餐廳，櫻花、紅葉、薰衣草三種唔同嘅設計令人好似置身於花海一樣。時令生蠔 （2隻）$70法國Ancelin生蠔，外形比較細小，但係海水味好重，同埋爽口。三文魚凱撒沙律 $25三文魚一向係比較健康，同埋可以取代肉類嘅食法。羅馬生菜、烤麵包碎、芝士粒、煙肉碎，材料好豐富。意大利風乾火腿配哈密瓜 $88火腿同埋哈密瓜一直都係一個好好嘅配搭，哈密瓜好甜同埋多汁，同鹹香嘅意大利風乾火腿有一個強烈嘅對比。煎紐西蘭三文魚配忌廉薯蓉蔬菜配柚子蜜糖芥末醬$138熱嘅鐵板令到三文魚送到上嚟嘅時候仲係熱辣辣。切開三文魚嘅時候，見到肉質仲係好鮮嫩，魚皮亦都煎到好脆。有子蜜糖芥末醬亦都係一個加分位，微酸嘅柚子同埋微甜嘅蜜糖令到三文魚香而不膩。另外套餐加$15就可以轉特飲，我就叫左檸檬冰桔梳打同埋話梅荔枝梳打。兩款同樣都好清新消暑。Mr.O (長沙灣)長沙灣長沙灣道833號長沙灣廣場3樓301號舖

係荔枝角返工，成日都會去長沙灣廣場搵食，因為打風落雨都唔怕。今日我地就係3樓搵到一間新開好靚的打卡café 「Mr.O」，超有驚喜🤩Mr.O 餐廳裝修格局好別緻，除咗有好靚嘅牆畫外，仲有三個唔同主題(櫻花雪山🌸🏔、薰衣草園💜、楓葉🍁)的鳥籠俾人打卡📸Lunch set由$88起，有好多選擇，有湯有野飲，唔飲湯食沙律都得，仲有小食都好正😋🌟餐湯南瓜忌廉湯夠晒creamy!🌟沙律好新鮮的沙律菜，色彩繽紛，食完好開胃!🌟菠菜洋蔥忌廉焗生蠔 (跟餐+$70)餐廳主打生蠔，一定要叫黎試試! 生蠔有5隻，幾飽滿，面頭鋪滿煙肉和芝士，生蠔鮮甜美味，忌廉醬汁十分濃香。仲有幾塊蒜蓉包焗到好香脆，將生蠔鋪係蒜蓉包面一齊食，更加滋味!🌟菠蘿雞胸漢堡配薯條 $98好大個漢堡，菠蘿燒過好香仲好juicy，雞胸一d都唔鞋，入口嫩滑! 配埋即叫即炸薯條，正!🌟海鮮意大利飯 $138意大利飯粒粒分明，好有咬口，海鮮好豐富有新鮮青口，好大粒的帶子，鬆脆軟殼蟹!🌟飲品Latte 拉左個靚靚的花💜，心情都變得特別好🥳凍檸茶無苦澀味，飲落好清新😚💕餐廳Lunch set性價比超高，仲有靚靚鳥籠打卡位，坐得好舒服，下次一定帶埋

🎀主題鳥籠cafe♥️ 原來長沙灣廣場入面新開左間好靚嘅餐廳「Mr.O」, 咁啱上星期同靚媽 @amy.y522 去開長沙灣，即刻去埋呢間咁靚嘅餐廳試下先！一入到去真係好驚喜😍！3個唔同主題嘅鳥籠好吸睛啊！🍁加拿大楓葉🌸櫻花雪山💜薰衣草園每個鳥籠仲配有精美嘅風景牆畫，我地不約而同揀左🍁加拿大楓葉鳥籠，真係好靚啊！坐喺入面個感覺尤如置身外國一樣咁舒服咁寫意啊！而餐廳食物質素都好高！主打生蠔，我地叫左🦪兩隻生蠔 $70/ 2隻🦪 菠菜洋蔥忌廉焗生蠔 $70/5件生蠔好新鮮好肥美 ! 而菠菜洋蔥忌廉焗生蠔好creamy ，芝士味濃，生蠔細隻但肉厚鮮甜！😍🍕黑松露雜菌薄餅 $108 店員一擺上枱已經聞到陣陣嘅黑松露味，聞到都想食喇！😋而薄餅香脆鬆軟，蘑菇配上香松露更惹味！🍲是日餐湯忌廉湯綿滑香濃！🥤蜜桃伯爵紅茶 餐價 $15🍹檸檬冰桔梳打 餐價 $15兩杯特飲都好清新好解渴啊！呢間餐廳除左有精美鳥籠打卡位，其實仲有好多枱，好闊落！環境好舒服！而食物價錢平而且水準高，下次一定要再黎食過！📍Mr.O (長沙灣)@mro.oysterpizza_hk長沙灣長沙灣道833號長沙灣廣場3樓301號舖

長沙灣廣場有間餐廳有靚靚花花雀籠打卡位，打卡超靚餐廳內有三個雀籠卡位都配有不同特色牆壁🏔櫻花雪山🔮薰衣草🍁紅葉食品質素都唔錯㗎！✨ 時令生蠔🦪 $70/2隻爽甜，蠔肉肥美，品嚐生蠔的原汁原味✨ 菠菜洋蔥忌廉焗生蠔$70/5隻如果喜歡濃味嘅朋友仔，可以試吓依款與香濃菠菜洋蔥忌廉汁絕配，但亦不失蠔味✨黑松露雜菌薄餅香脆又鬆軟，黑松露加Mushroom香氣十足✨炸薯條配黑松露蛋黃醬當然要配埋黑松露蛋黃醬薯條啦!黑松露味點粗直薯條，真係食到停唔到口🤤

一行三人去試新嘢，長沙灣廣場番新後，連餐廳都高檔咗。黎到Mr. O，格局有啲似cafe，除咗有好靚嘅牆畫外，仲有鳥籠卡位俾人打卡。我地每人叫咗個lunch，一個三文魚漢堡，一個豬肋骨同一個pizza。全部lunch set都有埋餐湯沙律同餐飲。一黎到個個都呆咗，勁大份，估佢唔到。三文魚漢堡煎得剛好，加埋啲醬汁好惹味，豬肋骨都係燒得外脆內juicy，pizza係我中意嘅脆餅底，足料又好味，好似食緊有料餅乾咁。下次三個人可以叫兩個餐就夠。自助落單同自助埋單，非常方便。一定會再嚟

⭕鳥籠餐廳都去過唔少，但係你試過一次過可以滿足你三個願望嘅鳥籠未呢？每個鳥籠嘅主題都唔同架💞位於長沙灣廣場，最近開咗間新嘅餐廳🥰👍餐廳裝修格局好別緻，花咗唔小心機，可以畀你進食之餘，亦都可以瘋狂打卡📸🥰🔸蒜香辣茄汁牛脷意大利粉 $88食落口幾惹味，少少辣🌶️，牛脷入口有啲似辣肉腸嘅感覺，有啲咬口👍成碟都好香蒜香味，一上碟已經聞到香噴噴，意粉軟硬適中👍👍唯獨係份量就偏少左dd🥲🔸煎紐西蘭三文魚牛油果漢堡配薯條 $108呢個絕對有驚喜，喺出面好唔鍾意食包🥲好驚啲麵包硬班班，呢個漢堡嘅麵包皮係好soft嘅嗰隻🍔，三文魚厚切夾埋牛油果🥑一齊食，加埋佢哋調制嘅醬汁，感覺好fresh✨三文魚牛油果，而且配菜仲有生菜，蕃茄🍅份量唔少嘢，絕對對得住個價錢🤭✌️🔸跟餐 煙肉芝士焗生蠔 $70相比之下焗生蠔就普通咗啲，本身以為佢係一隻隻拎去焗，冇諗過佢係一個兜入面就放曬五隻生蠔🦪不過面頭都鋪滿曬煙肉🥓芝士🧀，唯獨係如果五隻整埋一齊嘅話，煙肉芝士就好難平均分佈係每一隻身上，食起上嚟口感就會爭啲，不過生蠔都算多肉嘅，中等size，跟餐加算係咁😍🙂

今日岩岩9:20落波，心情勁down 又要趕住返工，一返到公司就同同事講要食餐好既，咁就諗到新開既Mr. O, 咁即刻打電話黎訂位，點知又比我訂到12:40 8位，12:30就一行8人就衝去餐廳，餐廳好好安排到我地可以一齊坐，我地一見到個餐牌就樣樣都好想試，咁我地就決定叫3款pizza 同3款意粉，pizza 叫左五色芝士，馬格麗特，巴馬火腿而意粉就叫左乾炒香辣鮮三文魚，雞胸肉白菌忌廉，香草忌廉虎蝦，意粉都係比較幼身同偏硬既，岩我口味，乾炒香辣都幾野味，其它兩款都一般啦，偏鹹少少既，而pizza 方便都幾有驚喜，薄薄脆脆咁，餡料都好豐富，後尾我地仲加左兩份黑松露薯條，薯條炸得好好，同埋佢黑松露醬幾好味，超滿足既lunch

呢間新開左一排嘅餐廳，價錢都算係咁樣，唔算貴，午餐有$88至到$108， 最貴嘅牛扒有10oz, $238。食品質素OK，可惜我覺得佢服務真係認真麻麻地。唔係旺嘅時間，職員嘅態度都只係普普通通，唔知趕住做乜，問多佢都要轉頭行開。裝修見到其實都有誠意，有啲雀籠打卡位。食品類型似同一般酒吧.或大眾化嘅西餐。叫咗個B餐， 乾炒香辣三文魚意粉走辣，意粉出嚟口感非常好，煙煙韌韌，我比較喜歡食較硬身，適合我口味，可惜我覺得比較鹹咗啲。餐湯菜湯，亦相當濃郁唔錯。

第一次喺OpenRice寫食評，覺得都幾值得寫一寫！之前去荔枝角D2 Place同fd 行市集，經過長沙灣廣場呢間餐廳見裝修幾靚，竟然有打卡鳥籠即刻心心眼😍！本身都諗住啲嘢應該同Cafe質素差唔多麻麻哋，估唔到啲嘢食比想像中好！叫咗個Pizza同埋乾炒三文魚意粉、黑松露醬薯條，份量好足，尤其要讚下個Pizza，佢係薄皮Pizza，食落好脆，上面有好多配料，而且好大個，一上枱我哋都嘩一聲！臨走喺佢哋個open kitchen偷睇到原來喺現場搓皮，真係估唔到喎！😳😳意粉啲料都好足，勁多三文魚！一人食一份正餐都夠！心思思再嗌多個黑松露薯條，都好好味，薯條炸得脆香。PS見到佢哋有生蠔食，可惜今次已經食得太飽食唔落，下次有機會試吓佢哋嘅生蠔！總括嚟講呢間餐廳性價比都幾高！可惜唔係喺呢頭返工，如果唔係應該午餐都會過嚟幫襯！