Mr.O

營業中

休息中

長沙灣廣場3樓新開了幾家食肆，今日趁着還有時間，過來隨便找一家試試。來一個set dinner看看，由於煙鴨胸對本人而言，有一種不可抗力的吸引力，二話不說挑了Set A. 煙鴨胸香草醬忌廉意粉 配 黑松露菌湯。總觀味道算中上，鴨胸厚薄適中，烹調火候恰當，沒有過火蠻鬆軟的，但如果湯頭可以再濃稠一點會更加好。附帶一提有趣打卡位，鳥籠座。

啱啱新出生蠔自助餐 馬上過黎試拎起黎啲生蠔，第一個feeling就係個股海洋的味道，就似啱啱係大海捕獲的真寶。我把它們送到口裡面，立刻被那鮮嫩的質感震撼到。成口吞落去，生蠔鮮甜得要命，那肉質軟嫩，仿佛在舌尖上跳舞，每一口都是一場味覺的狂歡。 生蠔好鮮甜 無腥味 相貌靚 好掋食 各位快啲黎食啦 👏👏

今日收工同同事食飯，咁啱見到有生蠔任食🤤緊係要試下啦🤪第一啖生蠔進入口腔時，迎面而來的是極為鮮甜的海水風味。鮮嫩多汁的肉質讓人咀嚼時不斷釋放出滿滿的鮮味，彷彿將大海的鮮活氣息注入到口中。而與此同時，微妙的鹹度平衡了鮮甜的風味，令口感更加豐富。這些生蠔還伴隨著一絲淡淡的奶油味，令味蕾沉浸在奢華的享受中。

放工經過長沙灣廣場諗住食埋飯先翻屋企，見到呢間餐廳嘅menu幾多選擇，價錢又唔貴好似幾吸引咁就入咗去啦。我哋嗌咗兩個set dinner，醬燒排骨配芥末薯仔沙律同炸魚薯條配他他醬，另外再加咗一個菠菜洋蔥忌廉焗生蠔同脆炸香辣魷魚鬚。排骨同炸魚都好大份味道都唔錯，十分抵食。至於焗生蠔亦都好好食，啲蠔好新鮮。而炸魷魚鬚好香口，同個醬好夾，好味最後買單，唔使$400，非常抵食。

最近喺長沙灣廣場發現咗一間西餐廳，真係好驚喜，本身諗住喺長沙灣廣場入邊應該都冇乜好嘢食，但呢間餐廳啲嘢食幾好食，仲有靚相打卡嘅位。首先，我想講下呢間餐廳嘅食物。佢哋嘅菜單好豐富，有好多唔同嘅野食可以揀，最驚喜係佢哋竟然有新鮮生蠔！我同朋友就試咗佢哋嘅香辣茄汁牛脷意粉，我哋猶豫咗一陣要唔要，因為朋友唔食辣，不過佢哋侍應主動話可以幫我哋走辣，貼心👍。牛脷份量好足，睇圖可以見到，件件都好厚身，肉汁十足。另外，佢哋嘅野菌意大利飯都好好食，意大利米真係有咬口，唔係出邊熟到淋晒嗰啲，配上濃郁嘅野菌醬汁，食完都好似唔夠喉想再食😆。生蠔🦪好大隻，夠新鮮，又夠Creamy ！可惜一上枱已經俾人食晒😂😂相都冇影到。呢間餐廳嘅價格亦都好實惠。佢哋嘅價錢相對於份量嚟講真係好實在，套餐配埋湯同埋飲品，令人食得開心又唔洗擔心大出血。最後，講下呢間餐廳嘅環境。佢哋嘅裝修好精美，仲有好多靚靚嘅打卡鳥籠，仲有一個葡萄園嘅餐廳區，好似置身左外國咁樣，今次我哋冇坐到喺葡萄園，下次可以試吓坐嗰度打卡，扮吓喺外國😂。唯一麻麻哋就係侍應嘅影相技巧要提升下啦😂，請佢幫我哋影鳥籠相，影唔到我哋想要嘅效果，不過唔緊要，我哋同行有影相達

Lunch 時間行入長沙灣廣場，行到3樓角落呢間餐廳，開放式田園感覺，坐滿客人，等了2分鐘便安排了一個鳥籠座位給我，很可愛，適合小清新打卡。員工服務亦不錯，第一時間遞上餐牌，食物選擇多，最後選擇了一份午餐：乾炒香辣龍蝦意粉和凍朱古力。意粉香辣惹味，龍蝦肉份量多，下一次來會再想order😋凍朱古力甜度適中，調製得很好！質素高的西餐廳，價錢亦很合理，看到鄰座點了水牛城雞翼和焗蠔，感覺很好味！下次一定會試！

🌧️🌧️落雨濕濕去左屋企附近睇下有咩食，係長沙灣廣場3樓多咗好多嘢食🙊🙊，睇到呢間好似幾吸引👍👍，點了他們龍蝦意粉，真的讓我好驚喜！豐富的龍蝦肉，配料調味都岩岩好👍👍👍除了龍蝦意粉，仲叫左三文魚扒。三文魚扒唔腥，煎得好香又脆，魚肉鮮嫩多汁，擺盤一流。🤭🤭然後係水牛城雞翼🐔🐔，好入味🙊🙊，好脆❤️❤️餐廳環境都幾好，有好多打卡位📸📸👍值得下次再嚟👏🏻👏🏻👏🏻

喺附近返工，同同事搭單嗌咗份香蒜龍蝦炒意粉外賣，未打開已經聞到好香，龍蝦肉質好爽口，配上炸蒜片、九層塔同埋辣椒，味道超香，D辣椒帶小小微辣，食唔到辣嘅我覺得啱啱好，意粉唔會太淋，煮得啱啱好好彈牙，份量都足，仲配咗個前菜，我揀咗餐湯，同事揀咗沙律菜，再配熱飲唔洗加錢都幾抵食，同事嗌咗份 燒春雞配薯條，我偷食咗佢一舊雞肉，雞肉好juice 完全唔會鞋，雞皮脆脆地 幾好食，我見佢menu仲有好多款嘢食都好吸引，等我試埋佢先

今日中午，陪幾位朋友去長沙灣廣場3樓揾食，基本上只剩下兩間餐廳，一間係for減肥嘅人食，因為小弟身型覺得還可以，所以選擇另一間西餐廳食，點左一個和牛煙肉白菌芝士漢堡餐，賣相ok，相都未影就切左個漢堡黎食，擺落口，好重和牛味，再加上白菌汁，味道一絕，絕對值得下次再一試！

今日帶小朋友黎荔枝角玩，玩完咁啱係午餐時間，就過咗隔離揀間餐廳食，見到呢度嘅兒童餐好吸引一於黎試下☺️🔸兒童餐 - 迷你漢堡配薯條 +粟米粒拼魚手指+ 鮮果盒 + 蘋果汁迷你漢堡包好精緻，有生菜蕃茄芝士同埋漢堡扒做餡料，細細個，份量啱晒小朋友，配菜可以五款揀兩款，當中我地揀左生果盒同埋粟米+魚手指，健康之選👍其他配搭都好適合小朋友👍🔸蜜糖燒春雞半隻配薯條及蔬菜燒雞好嫩滑，就算雞胸位置一啲都唔嚡，雞肉入味，雞皮好香香草味，一啲都唔乾👍👍佢另外附上烤雞醬，鹹鹹甜甜好開胃，另外有烤蔬菜同沙律做伴菜，翠玉瓜保持到爽口，南瓜香甜軟糯，唔錯👍👍🔸黑松露雜菌薄餅係薄身嘅薄餅，餡料有菇片，火箭菜同埋芝士，薄餅邊好脆口，黑松露味唔算太濃，整體幾輕盈幾light👍Set lunch可以揀南瓜湯，或者沙律，南瓜湯嘅南瓜味幾香，有少少忌廉同埋橄欖油點綴，唔錯👍餐廳有梳化位，同埋有打卡嘅雀籠座位，同埋有bb櫈，坐得舒服，上菜速度亦都好快，唔錯嘅體驗👍

今日返完教會嚟咗長沙灣廣場3樓一間餐廳食西餐，入到去見到環境優美，就決定坐低。餐廳有唔同嘅地方可以打卡，我打咗卡一輪先至開始叫嘢食。餐牌都有好多唔同種類嘅嘢食，我嗌咗香辣茄汁牛脷意粉配沙律同飲品，廚師即叫即整，上枱時食物熱辣辣😋呢度職員有線，食物熱辣辣，環境優美，打卡一流！！下次會再嚟食其他嘢食❤️😁

從來冇寫過食評，但係依間真係要寫。食物質素非常高，服務又好，環境又好，實在滿足晒我依個挑剔嘅人類。Pizza唔油膩又唔會太咸，又好大塊。意粉好有龍蝦味，沙律一啲都唔辣，晚餐價錢相宜有湯有嘢飲，實乃上上之選。

一行7人齊齊食lunch叫左A-G餐一齊share，味道好吃。因為要QR code自己入單,諗住幾個同事同時入餐快啲，喺唔可以的，只喺一個人入曬，仲要一個餐入一次飲乜前菜食乜，呢樣就系列未喺咁user friend 薄餅邊又脆又薄，意大利飯唔喺太硬，好好味不過拎水同salt / pepper 要自助，都有點唔方便有餐湯或沙律同餐飲A.香辣茄汁牛脷意粉B.蜜糖燒春雞半隻加沙律（偏細）C.泰式虎蝦沙律D.和牛煙肉芝士白菌漢堡加薯條（偏細）E.黑松露雜菌薄餅F.五色芝士薄餅G.野菌意大利飯

是晚3人聚會，同叫了2個Dinner，1個主菜1.慢烤西班牙伊比利亞黑毛豬鞍扒，果然黑毛豬肉味好濃，肉質都好實淨有咬口，對得起價錢。2.泰式虎蝦柚子沙律，虎蝦好大隻好新鮮、柚子好爽好新鮮，泰式醬汁辣辣哋好開胃。3.五色芝士薄餅，皮好薄好脆、五色味芝士濃烈、鍾意食芝士嘅人真心推薦。好肚餓所以小食都叫咗3款1.脆炸香辣魷魚鬚，炸粉好脆唔厚、魷魚亦唔老好好味2.泡菜芝士醬烤大啡菇，泡菜唔係好食到😅（因為我好鍾意食，切開咗唔係好食到）、芝士味同啲醬汁幾夾，個啡菇都好大隻好多汁好好味。3.荔枝玫瑰芝士蛋糕，正常發揮、最後都要食甜品收尾先滿足嘅。

住喺長沙灣荔枝角，每次放工回家，都會在區內晚餐，這半年時常來長沙灣廣場3樓Mr O, 我最喜歡吃的是七重芝士薄餅或五重芝士薄餅，好香脆同好濃嘅芝士味。另外我最喜歡就是之前$65嘅鵝肝，有一半嘅衝動上嚟係為咗呢兩樣嘢食。今日老公食咗虎蝦柚子沙律，食物好新鮮，沙律菜好爽脆，另外環境舒適，老闆及員工們很好服務，物有所值，值得推介。另外餐單有好多食物都值得一試，曾經試過生蠔都很新鮮，絕對唔會過夜雪藏，仲有甜品都值得推介，我最喜歡就係心太軟非常喜歡