影片
港鐵銅鑼灣站 F1 出口, 步行約4分鐘
繼續閱讀
電話號碼
28200111
開飯介紹
以世界各地的高質食材炮製一系列西日Fusion菜，配搭咖啡及餐酒均相得益彰；其現代木系裝潢和小盆栽擺設，文青感十足，適合和三五知己聚餐。
繼續閱讀
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
有關獎賞計劃
相關文章
係銅鑼灣想食西餐，好多時都要動軋幾百蚊，荷包有時都會嗌痛🙈😂係希慎後面嘅蘭芳道竟然有間性價比超高嘅西式cafe－Mozy，晚市逆市推出只需$208嘅四道菜晚餐🤑🤑有齊前菜、湯、主菜、甜品、飲品，夠飽肚之餘味道仲有驚喜🤩佢哋不時都會推出新menu，保持新鮮感。呢度唔單止抵食，環境仲好靚，室外或室內嘅佈置有種好warm嘅氛圍感🫶🏻4-course dinner set $208/person🥗巴馬火腿蜜瓜沙律 Parma Ham & Melon Salad先嚟比較清新嘅沙律打頭陣，沙律放入玻璃球中，有種童話故事嘅夢幻😍沙律菜清爽酸甜，加埋parma ham同埋絕配嘅蜜瓜，開一下胃😙🥩牛肩肉無花果多士Beef Chuck & Fig on Toast +$58牛肩肉肉味濃，搭配酸酸甜甜嘅無花果同埋脆口多士，口感味道豐富👍🏻🎃湯品 Soup of the Day南瓜湯幾creamy，少許薑味為香甜嘅南瓜味增添層次😋🍝蜆肉蒜蓉辣椒意大利粉 Spaghetti Aglio-e-olio with Clam意粉質感煮得好好，爽口之餘唔會太硬太淋🥳每條意粉都沾滿蒜香，香氣四溢😋原來廚師先將蒜片爆香，難怪效果出色。意粉除咗蒜香，仲帶點香辣嘅味道，好惹味😛蜆肉份量不少。🦐粉紅汁蝦意大利飯 Prawn Risotto in Creamy Tomato Sauce意大利飯質素亦不遑多讓👏🏻飯粒裹上香辣酸甜嘅醬汁，令人忍唔住一啖接一啖。裡面有三隻蝦肉，蝦肉大隻彈牙😽🥞甜品 Chef Recommendation Pancake賣相平平無奇，估唔到食落超有驚喜😍Pancake邊位脆口，裡面則好鬆軟，食落富有蛋香😋面頭嘅忌廉味道同平時有啲唔同，原來係自家製嘅tiramisu cream，搭配水果粒，呢個甜品夠晒impressive😎🍹餐飲餐飲可以揀咖啡／茶／柚子蜜等。推介指數（10分為滿分）：8.5分
繼續閱讀
最近去咗MOZY cafe & bar 試咗佢哋嘅假日自選Set A，我揀咗慢煮雞胸沙律、赤身吞拿魚同埋咖哩雞腿肉配麵豉湯烏冬。講講我嘅用餐體驗啦：一開始點咗「慢煮雞胸沙律」，沙律入面得一款菜，感覺上雞胸有啲煮過咗，唔夠鮮嫩，但味道還算OK。再嚟就係「赤身吞拿魚」，吞拿魚本來應該係亮點，不過有部分燒得過熟，失咗生魚片應有嘅新鮮口感，而且食落冇乜味道，有啲失望⋯⋯「咖喱雞腿肉配麵豉湯烏冬」就好啲，味道幾好，咖哩唔會太辣，雞肉煮得啱啱好，唔會太乾，加上麵豉湯烏冬都幾得意。不過其實咖喱雞配麵豉湯有啲唔夾，如果配飯應該會好食好多，因為咖喱汁真係幾好，撈飯一定好好食。不過要特別講嘅係，所有菜都一齊上枱，搞到唔知食邊樣好。為咗唔好浸淋晒烏冬，最尾決定先食烏冬同咖喱，但用餐次序有啲亂。最失望嘅係，最早上枱竟然係甜品 -「Dirty Cat Tiramisu Latte」。等咗10分鐘先上主菜，所以等到食完主菜再飲，手指餅已經變腍，奶油都開始縮，冰塊都溶咗，影響咗整體嘅口感同味道。不過呢款飲品本身味道幾好，上面嘅泡泡充滿咗提拉米蘇嘅香味，奶油好綿密，用手指餅點嚟食好正，之後將奶油同咖啡攪埋一齊，飲落去香甜同味道層次豐富，咖啡底都幾好。人均消費約百幾至200元，所以對食物嘅期望自然會高啲。值得一提嘅係，店內環境整潔，光線充足，而且坐得好舒服，係一個同朋友聚會嘅好地方。希望下次嚟可以試到其他好食嘅嘢，對佢哋嘅甜品都有所期待。總結嚟講，MOZY cafe & bar 嘅食物質量有啲波動，有啲菜式可以改善，但亦有啲菜式表現唔錯。如果你想試下唔同菜式，可以考慮去試吓，但唔好對每一道菜都有太高期望。
繼續閱讀
Mozy 環境唔錯，但餐牌有啲舊。上檯嘅水加咗薄荷同青檸，幾清新，幫助開胃，唔錯。今次叫咗兩個假日午餐，兩份嘅主菜都係咖喱雞腿肉，前菜有巴馬臣火腿配哈密瓜、芝麻吞拿魚刺身、雞胸沙律。食物質素方面，赤身吞拿魚刺身嘅出品唔輸同價位餐廳，算係正常出品。主菜咖喱雞腿肉方面，出品正常，不過不失。以味道計，以及喺銅鑼灣地段，路過時仲有機會再光顧。不過，有個大問題係前菜、煮菜、飯同埋烏冬一次過上，搞到人有啲唔知點食好。特別係點咗烏冬嘅話，你會唔會先食前菜定先食烏冬呢？烏冬放太耐會軟晒，但主菜放太耐又會凍。明白餐廳平日可能要快啲應付午餐，但我嗰日係週末，或者可以留意一下上菜次序。咖啡方面，我叫咗黑咖啡同 Tiramisu。對於我呢個平時唔飲咖啡嘅人嚟講，黑咖啡算係易入口，唔會有難聞嘅苦澀味，甚至有啲 Nutty 嘅感覺，非常唔錯。Tiramisu 配手指餅幾好食，不過個人始終麻麻哋 Tiramisu，所以冇乜其他意見。總體嚟講，Mozy 嘅用餐體驗都算唔錯。如果上菜次序可以改進一下，會更加好。如果你路過附近，或係附近返工，呢度唔失為一個好選擇。
繼續閱讀
第一次主動想比的餐廳。無論係小食薯條，鵝肝多士，還是豬排。最開始，來了薯條，酥脆內軟，味道已經令我想覆桌。之後嚟埋個鵝肝多士，很少有鵝肝多士煎得這麼勻循。以前食過好多間，都係會一係太生一係太熟。這個真係很surprise。最後食到個豬排，已經計劃緊帶埋朋友過嚟食。豬扒雖然好厚身，但食落去很鬆軟。還有豬扒本身配備一個甜甜的醬和豬扒真的很搭。最後一定要提佢地啲咖啡，我一個唔鍾意飲咖啡，都好想再返去飲多杯。店主也很nice
繼續閱讀
今晚收工好想食西餐，但銅鑼灣呢到d西餐多數都好貴，後來問下朋友先知蘭芳道有一間CP值好高嘅cafe，於是就來，結果真係好有驚喜！呢到dinner set都係大概$200一個人，有4個course，真係好高質。Parma ham and melon salad嘅parma ham唔會死鹹，蜜瓜好甜，加埋一齊食，覺得好清新。牛肩用無花果多士係一個完美配搭，我最鍾意嘅無花果將佢嘅甜味融入埋啲牛一齊食，特別嫩滑可口，toast都可以 balance個味道。蜆肉蒜蓉辣椒意大利粉辣辣地，食得幾過癮，蜆肉都有好多，好新鮮，完全冇沙。粉紅汁蝦意大利飯好特別，用來打卡一流，risotto個飯嘅軟硬度控制得好好，醬汁夠creamy，勁好食。下次一定要來食lunch，飲埋d coffee！因為今日個甜品都整得好出色，外脆內軟嘅pancake真係整得好好！
繼續閱讀