MOS Cafe

營業中

休息中

繼續 外賣平台 外賣自取半價優惠系列😆今次揀咗 Mos Burger 滿足一下我嘅漢堡癮，仲可以試埋佢嘅招牌珍珠堡----------🔹雙層北海道芝士澳洲和牛漢堡 $55+$34 配田園沙律，+$6 轉熱抹茶鮮奶，+$16 追加北海道南瓜薯餅漢堡包鬆軟綿密；芝士份量偏少，鹹香同奶香未算突出；和牛漢堡扒口感一般，未能嚐到和牛嘅牛香，整體只屬一般田園沙律有生菜、粟米及番茄，新鮮爽脆，配以丘比芝麻醬抹茶鮮奶口感順滑，抹茶香不俗且帶豐富嘅抹茶苦澀追加嘅南瓜薯餅未見蹤影🙄美味指數：6.5/10----------🔹雙子漢堡 $41+$35 配摩斯雞塊，+$6 轉冰凍鮮奶咖啡期間限定雙子漢堡嚴選日本明太子製成沙律醬，配搭大量椰菜、日本玉子燒同吉列蝦；漢堡包評價同上，明太子醬鮮味濃郁，鹹酸甜平衡；玉子燒蛋香同口感普通；吉列蝦炸至輕脆，食到啖啖蝦肉，整體口感同味道層次豐富摩斯雞塊口感偏乾，調味欠奉鮮奶咖啡發揮正常美味指數：7/10----------🔹海鮮珍珠堡 $39睇網上評價推介海鮮珍珠堡，所以放棄咗烤牛肉珍珠米做成嘅燒飯團軟糯煙韌帶微微焦香，吸收海鮮汁後幾滋味，海鮮用咗爽彈有鮮味嘅鮮蝦同魷魚等，

極上鰻魚堡再次回歸 Mos Burger 我就急不及待要試下，$33 一個，外賣返到屋企依然熱焫焫，好加分；包裝完好，用紙盒裝住，仲貼心提示鰻魚有骨，欣賞！珍珠堡一如以往的好食，煙韌又粘糯，脅少少焦香感，不過就略嫌調味同汁唔夠；鰻魚質素正常，冇特別驚喜又唔伏，鰻魚汁甜甜哋幾濃稠，食到淡淡山椒粉味道；紫菜就已經腍哂而且紫菜味唔算突出整體嚟講係不過不失，如果唔係胃口大嘅食一個都夠飽，性價比還好，但就未至於係必食不可！

呢度嘅魚柳包十分出色，魚柳包脹卜卜，不會扁塔塔的，熱呼呼，炸魚柳皮脆肉嫩，肉質好juice, 芝士是全塊的又夠咸香，配上洋蔥青瓜他他醬，洋蔥粒十分清甜微辛，呢度仲有職員送餐的，配埋個香濃可口嘅咖啡，真係一個好好嘅假期開始，正

叫左特級和牛漢堡同埋摩斯雞塊如果唔想飲野就咁單叫會抵啲和牛多肉汁，啲菜新鮮過m記，包仲好靚仔唔似m記扁哂，唔錯分數：4／5摩斯雞塊同m記嘅麥樂雞係同一款小食但係m記好食啲摩斯雞塊比麥樂雞薄同乾身跟雞塊嘅泰式辣醬冇m記惹味，味道比較淡口分數：2.5/5

一直都好鍾意食Mos burger, 最鍾意係食佢蝦堡，同埋佢既粗薯條都好正，加上唔係貴，性價比好高。不過今日黎到呢間黃大仙mos cafe店，就略為帶點失望。😐因為佢薯條，炸雞塊同埋薯角都係凍冰冰，好似炸完放左好耐咁😅搞到有陣雪藏味，呢方面真係失望，因為食左咁多次mos burger都係第一次食到咁唔熱既薯條，連小小暖都無！🥲講返d好野，mos burger既漢堡包真係無得頂，我試左佢最新個wakuwaku套餐，漢堡用左澳洲和牛肉餅，好正，仲有3款醬汁，係超完美地同個包咁夾😋另外一個餐就叫左蝦堡，一如既往咁好食👍🏻我都會繼續食mos burger, 但今次既體驗只能俾“OK”

近排推廣的精選套餐，見優點是可一次過食到3款食物包括迷你漢堡，迷你意粉及田園沙律，是次堂食見容器和外賣便當差不多，好便當feel，迷你漢堡及迷你意粉還可以，但沙律嘅量少得感覺有點伏🙁加上和宣傳相所見的有落差下次都係食返正常size漢堡包套餐算數（今次揀這個套餐一方面試新嘢，另外因為暫時避免食薯條太熱氣）

相對距離比較遠離「新蒲崗」的「黃大仙中心北館」商場，「黃大仙中心南館」商場實際位置更加接近「新蒲崗」，食客光顧「黃大仙中心南館」後只需經過「正德街」跟「沙田坳道」，就可以直接步行返回「新蒲崗」。所以，如果我想在「新蒲崗」光顧享用「牛腩粉」晚餐前，先在「新蒲崗」附近地區裡面找食店享用「雞肉飯」的話，「黃大仙中心南館」裡面的食店按道理屬於一個非常不錯的理想選擇。我記得在很久之前，曾經在「黃大仙中心南館」樓上的位置裡面，光顧過另一間「日本菜」餐廳，在那間「日本菜」餐廳裡面享用「咖喱雞扒飯」、「柚子蜜」飲品跟「牛奶軟雪糕」甜品。今次我在「黃大仙中心北館」高層地下位置，光顧「黃大仙中心北館」另一間「日本菜」輕食西餐餐廳「Mos Cafe」。「Mos Cafe」店裡面的燈光頗為柔和，加入木製餐檯櫈，令餐廳整體環境感覺頗為平易近人。「Mos Cafe」跟「Mos Burger」感覺有類似「兄弟店」或者「姊妹店」的關係，「Mos Cafe」除了有「Mos Burger」的「漢堡包」、「珍珠堡」、「薯條」跟「摩斯脆雞」之外，還推出了「飯」跟「沙律」食品。雖然「Mos Burger」有製作和售賣「珍珠堡」

和牛漢堡$38，見到個漢堡包🍔「嘩」一聲叫出嚟，事關呢塊和牛扒大過嗰包牛扒唔算乾又唔鞋，夾埋厚蕃茄、菜絲、芝士簡直絕配😋漢堡包非常軟熟，怪不得食客絡繹不絕；$38食個飯真係飽肚，之不過呢個包CP值都高😚炸蝦🍤漢堡包$28⋯⋯大量菜絲吸走晒炸蝦漢堡之油分，食落口無咁肥膩；不過蝦堡有少少over, 乾身啲😅整體來說都唔錯🥰薯條🍟是粗身炸得恰好，另+$12可享薯條+汽水🥤⋯⋯唔好錯過😊超好食😋依家另有意粉、咖哩飯，不過MOS主打漢堡包🍔

mos burger週圍都係，不過黃大仙間mos burger成日行過路過都冇乜人，所以反而好少幫襯，尤其早餐，真係第一次食。早餐選擇都算比較多，大部份都係burger同牛角包，我就點左一份摩斯早餐，F餐，$32，都算幾豐富，而且好抵食，個餐有香腸、炒蛋、厚多士、仲有少少沙律菜，配埋杯嘢飲。不過呢建議大家揀咖啡，因為呢度嘅奶茶係俾杯茶你，再加啲奶，唔係幾好飲，朋友話佢杯咖啡就OK。炒蛋同多士都ok嘅，有2塊多士，香腸都ok大條，沙律菜如果可以再多啲就更好啦。

好耐冇食過啲邪惡嘢，諗住午餐去買個mos漢堡包🍔，見到有mini burger promotion，$40可以揀2款mini burger: 有和牛、煙三文魚、烤牛肉！最後，我揀左mini burger和牛及煙三文魚🍔，盛惠$40。買外賣就會比個超大嘅數字牌比你等，真係好低能，搞到我要拎住個牌企定定等，費事出去便利店買嘢😨mini burger 份量比較啱女士，如果係男士就唔建議買mini size😬煙三文魚mini burger👍🏻，煙三文魚配襯芝士及洋蔥🧅，餡料幾多，咬落去啖啖有煙三文魚😋和牛漢堡👎🏻，唔係好食到係和牛，感覺只係好普通嘅芝士生菜牛肉漢堡包，而且我唔鍾意粒牛肉係圓形魚旦shape，搞到麵包同牛肉分開食咁🤣

星期日諗住一早起身，準時10點半開門食壽司郎🍣，點知一去到已經有六十幾張飛要等，睇嚟大家對壽司郎嘅熱愛仲未減退😦⋯呃咗媽咪同細佬出嚟唯有轉場食其他啦！MOS Cafe我都係第一次試🤔，之前食Burger都好味嘅，咁就伏咗一鑊啦⋯————————————————👅 精選套餐($61)🔸呢個餐教識我咩叫真·圖片只供參考，無諗住61蚊食一盒飯盒🤯，意粉二揀一揀咗迷你忌廉煙雞肉蘆筍意粉，味道炒得幾香都OK，田園沙律外表好冇誠意😪，得幾塊生菜同番茄粒。迷你漢堡三揀一揀咗迷你和牛漢堡🍔，漢堡扒幾有牛味，意粉同漢堡size係好正宗嘅迷你版，食完會唔飽咁解👅 蒲燒鰻魚飯($58)👎🏻估唔到係用一大個紙盒上，盒面貼咗一張小心注意魚骨嘅貼紙，一打開真係「嘩」咗一聲，都預咗鰻魚唔多，但呢個價錢收到好似經歷完地震嘅飯盒🤡，真係覺得貨不對辦幾唔抵👅蜜糖芥末特級板燒雞漢堡餐($61)🔸細佬嘅早餐所以無試到🤣，包括加$30有埋摩斯雞塊同今期特飲「夏日甜夢」，見佢漸變色咁靚就偷飲咗一啖，同啫喱表面層糖水味道一樣，應該係急凍嘅莓果好酸，飲品伏伏的👅脆雞漢堡早餐($31)🔸最左邊嘅漢堡，Size比常餐無咁厚，味道都正常，

久違嘅早餐日，歐陸風日式早餐Mos Burger～今日我叫咗：芝士火腿多士配凍咖啡同埋摩斯魚柳早餐配熱奶茶☕️熱奶茶係用Twinings English Breakfast Tea底所以同平時飲開嘅港式奶茶會有分別,茶味會淡一點～我自己就飲慣咗港式奶茶喜歡比較濃茶啲嘅茶底！記得以前讀大學嘅時候～有8點半早堂就會去Mos Burger買埋早餐加杯咖啡返學校食😋最鍾意食佢個芝士火腿多士，雖然好似好普通，Mos Burger 係即買即整（當然所以個拎餐時間係要耐啲嘅），整好之後喺留待係學校先食嘅過程當中，d芝士慢慢咁樣溶化，好味😋😋到而家再食嘅時候，味道都冇點變～唯一嘅係個價錢😅😅記得當時$21😂😂

去開mos burger 必定食burger, 經過呢間mos cafe 居然有意粉食，比門口呢個精選套餐張相吸左，$61 有迷你意粉，burger 同埋沙律好似幾抵食。黎到原來係個飛機餐xD, 真係好難食得飽，$61 仲要無野飲。 意粉講真係好食既，個忌廉汁唔錯意粉又夠煙un, 煙雞肉有兩片，蘆荀就四條有兩條老到有渣吞唔落。迷你漢堡揀左和牛款，burger 無得輸，肉唔會太乾，生菜芝士加茄乾夠新鮮。不過個沙律見到都唔想食，醬又無，得幾粒蕃茄碎同幾塊葉。 睇錯粟米湯以為加$3, 原來要加$13, 最後埋單呢個餐就七十幾，感覺有d 笨柒， 下次都係食番burger 好過。呢個餐份量真心係兒童餐，搵笨

終於到左萬眾期待嘅星期五 Happy Friday!💜經過見到一個包咁平 就即刻決定要買佢🤤🌟 吉列帆立貝漢堡 🌟漢堡包唔係特別大個 但佢啲料都幾豐富🤤帆立貝炸得唔錯 入面都食到一絲絲嘅感覺個汁少少酸 有啲似醋味 食一啖即刻好開胃😋重點係 好難得Mos Burger嘅包有芝士 作為芝士控嘅我真係好滿足😚$13 呢個價錢 食到咁豐富嘅漢堡包仲可以要求啲咩？💜好肚餓嘅我 最後食左兩個 飽晒🤪今晚嘅大胃王仲唔係我？😆本身想出酒post 但見佢期間限定 決定比呢個post打尖😎🤑 吉列帆立貝漢堡 $13

Mos Cafe Special Set $62田園沙律+ 日本和牛迷你漢堡 + 香草番茄磨菇迷你意粉諗住依個餐會令我自我感覺良好，因為全部都係迷你姐，做tea都唔會好heavy呀☺️點知個意粉都唔算迷你，有圖有真相，份量都算多😂仲意外地幾好味，番茄味好濃郁呀🍅值得一提和牛迷你漢堡認真幾高質，以為咁細塊漢堡都唔慌好食，點知勁juicy，牛肉味都好濃😍依個Mos Cafe Special Set性價比係幾高👍